الثلاثاء، 4 نوفمبر، 2014

ياحدوتة ....




انا المغروم بسحرك

انا الهيمان

انا الدايب فى كف اديكى

انا الولهان

انا العشاق حروف اسمك

انا غافى على رمشك

انا السرحان

انا المفتون بتفاصيلك

اهيم وأعود اغنيلك

يا اميرة وسلطانه 

على قلبى

فى كل زمان

مابين همسك وبين رسمك

انا غرقان

اتوب ازاى ؟؟؟

وصورتك وشم جوا القلب

ماأتوب لو انتى مليون

ذنب

انا السكران

انا العايش بنبضك

يسرى فى قلوعى

يعدينى لشط امان

وانا المقتول على بابك

يتيم ووحد فغيابك

ياست الحسن

ياطرح الورد

فى كفوفك

فى عيونك

فى شفيفك

مائة بستان

انا السارح فى الملكوت

بغنى غنوة مسموعة

لست السحر واﻷزمان

ياحدوتة ومابتخلصش

هناك 4 تعليقات:

SHAPE YOUR LIFE (ABOALI) يقول...

لابد لمن يقرأ تلك الكلمات ان يبتسم و تتفتح ثغوره لانه اصابته موجة حب أمتعته و ارتقى مع روحه

تقديرى المتجدد

richardCatheart يقول...

ابوعلى .. الذى كما هو انسان :)
صباحك ورد ورياحين
سعيدة جدا انى اكون قدرت ارسم بسمه على ثغرك واسعد لو قدرت فعلا اوصلك حاله جميله اصبحت نادرة فى عالمنا

كل ودى و تقدير يا انسان ودمت كما انت

well يقول...

ما بين الـ "انا" والـ"انا" توهت انــا
..
كالعادة كلام مكتوب بلحن سحرى مش باين لكن مسموع
..
"ياحدوتة ومابتخلصش" القفلة حلوة
..
تحياتى

richardCatheart يقول...

عزيزى ويل
مجرد طلتك بتسعدنى يا صديق زمن كان جميل :)
صباحك ورد