الثلاثاء، 21 أكتوبر، 2014

ورده إليها ردا جميلا .... يــــــــــوســــف



التدوينة دى مش بس ليوسف وفاتيما  أم يوسف  التدوينة دى وغيرها من التدوينات اللى  أتكتبت  توثيق لمثال على جمال الله 
الله مش بس  جبر خاطر فاتيما بعد سنين ضنا وعذاب وعيشة بين الموت والحياة وشعلقة فى مشنقة الأمل اللى كل شوية تمرجحك وروحك بتطلع معاها 
 ربنا عز وجل بينفخ فينا الروح ربنا الوحيد اللى عالم بينا وبكل اللى احنا فيه وبيأسنا ربنا برحمته بيحضنا ويطبطب وبيبعت اشارة أمل حقيقة  وبيفكرنا انه موجود أنه الوحيد القادر على كل شىء  بيفكرنا أن مهما الأختبار كان صعب إلا أن رحمته وسعت كل شىء 
الثورة اللى حصلت على الفيس بمجرد معرفة الخبر كانت أشارة تانية أشارة أن مهما كنا فى سؤ بس الدنيا بخير انا شوفت الخير دا فى فرحة الناس ولهفتهم وحسيت دموعهم فى حروفهم شوفته فى الناس اللى ماتعرفش يوسف وفاتيما وبعته تسأل عنها وتدعلها من قلبها اوووووووووووووى وكتير.. لسة النور فى القلوب مهما  استخبى 
يوسف ياحبيبى أنت طبطبة من ربنا على قلوبنا الكسيرة والكسيحة خليك فاكر مهما عدى الوقت .. يوسف يا حبيى أنت أبن لست عظيمة جاء الوقت اللى تشوف جزء من عظمتها فى حب الناس وأحترامهم وتقدرهم ليها رغم المسافات 
يوسُف بالضمة اللى ضمانى معاكم وحضنانى اوى معاكم رغم البعد والمسافات
فاتيما أنتِ قلب من دهب كل ماكانت النار بتقوى وتزيد عليه كانت بتزيده صلابه وتظهر أصله الحقيقى .. الله جميل يافاتيما  
فيكم انا شوفت أن أد أيه الله جميل شديد الجمال ليس كمثله أحد 

______________________________

هى تلك الحاضنة لـــ أوجاع العالم تسبح الرحمن جهراً وسراً ....  ممسكة بحبل الأيمان المار بوريدها حتى هو ... فكان عوض الرحمن نبع من نور يسقيها ...

هناك 12 تعليقًا:

عاشقه الرومانسيه يقول...

ربنا يسعدهم زى ما اسعدونا
فاتيما اللى دايما مجمعه الاحباب لازم ربنا يراضيها ويجمعها باحبابها

Mahmoud Bahgat يقول...

فعلا جمال القصة فى إنها علمتنا نصبر على أوجاعنا لإن ربنا رحمته وسعت كل شيئ

Gamal Abu El-ezz يقول...

الحمد لله الذى رد ولدها اليها ردا جميلا

واتمنى ن الله ان تعودى لعالم التدوين كما كان فى السابق

تحياتى

ابراهيم رزق يقول...

ى تلك الحاضنة لـــ أوجاع العالم تسبح الرحمن جهراً وسراً .... ممسكة بحبل الأيمان المار بوريدها حتى هو ... فكان عوض الرحمن نبع من نور يسقيها
دى فاتيما فعلا

فاتيما يقول...

ربنا برحمته بيحضنا ويطبطب وبيبعت اشارة أمل حقيقة وبيفكرنا انه موجود أنه الوحيد القادر على كل شىء بيفكرنا أن مهما الأختبار كان صعب إلا أن رحمته وسعت كل شىء

... بالضبط
بالضبط يا قطاقيطو
دا كمان احساسى
الموضوع اكبر من الحدث نفسه وفرحته
وعمرى ما بصيتله على انه موضوع شخصى
كنت كتير اسأل روحى
انا غلطت ف ايه واحاسبنى
ولما كتبت قصتى مرة ف بوست
كتبتها وانا بعرض اخطائى
واعترف بيها
وكنت منتظرة عدل ربنا
وبعدين قولت يمكن استحق لسه اعانى
فبقيت استنى كرمه
واتعشمت
وما زلت
وان شاء الله لحد اخر نفس هتعشم ف كرمه انه يسترنا ويحفظنا انا ويوسف وكل الناس اللى بحبها
وهفضل متعشمة ان البلد تبقى احسن
والعدل يحصل ..
وان شاء الله يحصل

ربنا يرد كل غايب
ويفرج كل كرب
ويكرم كل حزين
ويارب اقدر اشوفك يوم السبت
ولو منفعشى هجيلكم ان شاء الله
اسكندرية غالية عليا هيا واهلها

بوسات وحضونات وتفعيصاااات بالهبل
:-*
:-*
:-*
:-*
:-*
:-*
:-*
:-*
:-*
:-*
:-*
:-*
:-*
:-*
:-*
:-*
:-*
:-*
.
.
.
.
الخ الخ

SHAPE YOUR LIFE (ABOALI) يقول...

مبروك لأم عودة حضن
مبروك لأبن عودة وطن الام

richardCatheart يقول...

دودو

صحيح والله خير الحافظين يا دودو والله

richardCatheart يقول...

بهجت

سعيدة اوى انى قبلت سحر حببتى وانت حقيقى مفجأه كانت ولا اجمل

richardCatheart يقول...

جمال ابو العز

بحاول والله يا جمال ولاون اللى بيروح مابيرجعش
اشكرك جزيلا ويارب ديما بخير

richardCatheart يقول...

ابراهيم رزق

ايوان هى هى بالظبط :)
سعيدة والله جدا بمقابلتك انت وسالى حببتى ويارب ديما متجمعين فى الخير

richardCatheart يقول...

فاتيما

بحبك فحتتتتتتتتتتت يا ست انتى اوووووووووووووووووووووووووووووووووووووووووووووووووووووووووووووووووووووووووووووووووووووووووووى

richardCatheart يقول...

ابو على

سعيدة بطلتك بعد غياب طويل يارب تكون ديما بخيل ... مازلت يا صديقى انسان كما انت