الأحد، 20 أبريل 2014

ضــــمة ........




مابين الضمة والضمة

قلبى بيعلى صوت نبضه

نفسى تزيد نار بركانه

وترجع تضمنى من تانى

تلملم وجعى و أشجانى

تقتل خوفى وحرمانى

وأدوب أنا فيك

ومابين الضمة والضمة

حروفى تتوه معانيها

وأتوه أنا وياها

وماعرفنيش

وترجع تضمنى من تانى
 
وأنسى بيك زمان مجنون

مايشبهنيش

وأنسى الدنيا ومافيها

بضم أيديك أحس وأعيش

مابين الضمة والضمة

كلامى يموت فى بعادك

واهيم فى الدنيا مجروحة

كطير مدبوح

وأرسم صورتك على الجدران

وأبكى وأنوح

وترجع تضمنى من تانى

ترد الروح

 تغرقنىفى بحر عنيك

تدفينى بأنفاسك وماتسبنيش

مابين الضمة والضمة
 
ألف حكاية وحدوتة مابتخلصش

يا كل الصحبة واللمة
 
بتحينى أنا فى ضمة

فى ضمة بعيش

هناك 6 تعليقات:

well يقول...

صيااااااااااحك نسيم
...
ما بين الضمة والضمة هناك نغم غير مسموع ...ولكن صوته فى ودانى
..
(من تانى )ممكن تتلخص بكلمة (تانى )
..
قريتها 3 مرات ورا بعض ولو قريتها 30 مرة مش هزهق ..
اكتفيت بثلاث مرات ..اشبعنى نغمك
صباحك نسيم
تحياتى

Gamal Abu El-ezz يقول...

ومابين الضمة والضمة
حروفى تتوه معانيها
وأتوه أنا وياها
وماعرفنيش
وترجع تضمنى من تانى وأنسى بيك زمان مجنون

مش معقول كنتى حرمانه من كلماتك الجميله وابدعاتك الرائعه
تحياتى

richardCatheart يقول...

ويل يا ويل ... ويل يا ويل :-)

نهارك فل يا رب ووحشتنا الطلة

ربنا يخليك ياويل ماتتصورش كلامك واحساسك بالكلام البسيط دا اسعدنى اد اييييييه :-)

صباحك نسايم هدايا البحر يا ويل
منور الدنيا وبارب على طوووول

richardCatheart يقول...

صباح الورد يا جمال :-)

والله ماعرفة اقولم ايه على رفع المعنويات الجااااامد دا
ربنا يعزك ديما واسعدتنى والله

منور الدنيا كلهاااااااا

sony2000 يقول...

روووووووعه

richardCatheart يقول...

صباحك فل يا سونى وحشانى جدا وحقيقى طلتك هى اﻻروع

منورة الدنيا يا جميله