الأربعاء، 3 ديسمبر، 2014

ازاااى !!؟؟

ازاى ؟؟
ازى وسط الزحمة دى كلها مايبقى ليك حد حقيقى !!!
هو ازاى كدا ؟؟؟ وازاى احنا كدا اصلا ؟؟؟
ازاى الدنيا كدا اصلا وازاى احنا عايشنها كدا اصلا ؟؟
زحمة فاضية ووحدة كدابة كلها دوشة 
وصمت صاخب وصخب فاضى وصامت 
ارواح مقتوله بتتكلم 
وارواح بلاستك بتحب وتضحك 
حتى الأستغباء مابقاش ممكن وﻻ ممتع 
اييييييية دا وازاى !!؟؟؟

الثلاثاء، 4 نوفمبر، 2014

ياحدوتة ....




انا المغروم بسحرك

انا الهيمان

انا الدايب فى كف اديكى

انا الولهان

انا العشاق حروف اسمك

انا غافى على رمشك

انا السرحان

انا المفتون بتفاصيلك

اهيم وأعود اغنيلك

يا اميرة وسلطانه 

على قلبى

فى كل زمان

مابين همسك وبين رسمك

انا غرقان

اتوب ازاى ؟؟؟

وصورتك وشم جوا القلب

ماأتوب لو انتى مليون

ذنب

انا السكران

انا العايش بنبضك

يسرى فى قلوعى

يعدينى لشط امان

وانا المقتول على بابك

يتيم ووحد فغيابك

ياست الحسن

ياطرح الورد

فى كفوفك

فى عيونك

فى شفيفك

مائة بستان

انا السارح فى الملكوت

بغنى غنوة مسموعة

لست السحر واﻷزمان

ياحدوتة ومابتخلصش

الثلاثاء، 21 أكتوبر، 2014

ورده إليها ردا جميلا .... يــــــــــوســــف



التدوينة دى مش بس ليوسف وفاتيما  أم يوسف  التدوينة دى وغيرها من التدوينات اللى  أتكتبت  توثيق لمثال على جمال الله 
الله مش بس  جبر خاطر فاتيما بعد سنين ضنا وعذاب وعيشة بين الموت والحياة وشعلقة فى مشنقة الأمل اللى كل شوية تمرجحك وروحك بتطلع معاها 
 ربنا عز وجل بينفخ فينا الروح ربنا الوحيد اللى عالم بينا وبكل اللى احنا فيه وبيأسنا ربنا برحمته بيحضنا ويطبطب وبيبعت اشارة أمل حقيقة  وبيفكرنا انه موجود أنه الوحيد القادر على كل شىء  بيفكرنا أن مهما الأختبار كان صعب إلا أن رحمته وسعت كل شىء 
الثورة اللى حصلت على الفيس بمجرد معرفة الخبر كانت أشارة تانية أشارة أن مهما كنا فى سؤ بس الدنيا بخير انا شوفت الخير دا فى فرحة الناس ولهفتهم وحسيت دموعهم فى حروفهم شوفته فى الناس اللى ماتعرفش يوسف وفاتيما وبعته تسأل عنها وتدعلها من قلبها اوووووووووووووى وكتير.. لسة النور فى القلوب مهما  استخبى 
يوسف ياحبيبى أنت طبطبة من ربنا على قلوبنا الكسيرة والكسيحة خليك فاكر مهما عدى الوقت .. يوسف يا حبيى أنت أبن لست عظيمة جاء الوقت اللى تشوف جزء من عظمتها فى حب الناس وأحترامهم وتقدرهم ليها رغم المسافات 
يوسُف بالضمة اللى ضمانى معاكم وحضنانى اوى معاكم رغم البعد والمسافات
فاتيما أنتِ قلب من دهب كل ماكانت النار بتقوى وتزيد عليه كانت بتزيده صلابه وتظهر أصله الحقيقى .. الله جميل يافاتيما  
فيكم انا شوفت أن أد أيه الله جميل شديد الجمال ليس كمثله أحد 

______________________________

هى تلك الحاضنة لـــ أوجاع العالم تسبح الرحمن جهراً وسراً ....  ممسكة بحبل الأيمان المار بوريدها حتى هو ... فكان عوض الرحمن نبع من نور يسقيها ...

السبت، 13 سبتمبر، 2014

تلك ...


أنا تلك التى مازالت ترتديك كل ليلة
رغم الوقت وقسوتك والمسافات
تلك الحالمة بك صباحا لها
والحالمة لك بصباح أجمل منى .....

السبت، 2 أغسطس، 2014

تصنيف !!!!



كم أكره أولئك الذين يصنفونى ؟؟؟!!!
أنا تلك المحبة للحياة والناقمة عليها حين تغصب .. الذاكرة لله والمتمتمة بأسمه والسليطة حين تثور وتعبر .. انا الحالمة حين أشجن و المسيطرة حينا أخر .. انا من أجمع الناس بالحب وأفضهم عنى حين يقتلنى الملل وتسرقنى الوحشة.... أنا تلك المعلقة بخيط رفيع بين العقل والقلب ... الراقصة على هذا الخط الفاصل بين الخير والشر... الغارقة فى الشهوات والسابحة طهرا وايمان فى السموات ... أنا تلك الفخورة بكونى انسان ... خلقت أنسان ... ﻷحيا انسان ... وهذا من فضل ربى .... فلا تصنفونى وابتعدوا حيث انفسكم

الثلاثاء، 22 يوليو، 2014

ذات مرة .....



ذات مرة أحببتك بجنون أكثر مما ينبغى 
 فأعلنتها أنت أن العين بالعين ....
وأكرمتنى بجنون طعنتك أكثر مماينبغى 
وحتى اﻷن لم أبرأ من كرمك !!!!

الأحد، 20 أبريل، 2014

ضــــمة ........




مابين الضمة والضمة

قلبى بيعلى صوت نبضه

نفسى تزيد نار بركانه

وترجع تضمنى من تانى

تلملم وجعى و أشجانى

تقتل خوفى وحرمانى

وأدوب أنا فيك

ومابين الضمة والضمة

حروفى تتوه معانيها

وأتوه أنا وياها

وماعرفنيش

وترجع تضمنى من تانى
 
وأنسى بيك زمان مجنون

مايشبهنيش

وأنسى الدنيا ومافيها

بضم أيديك أحس وأعيش

مابين الضمة والضمة

كلامى يموت فى بعادك

واهيم فى الدنيا مجروحة

كطير مدبوح

وأرسم صورتك على الجدران

وأبكى وأنوح

وترجع تضمنى من تانى

ترد الروح

 تغرقنىفى بحر عنيك

تدفينى بأنفاسك وماتسبنيش

مابين الضمة والضمة
 
ألف حكاية وحدوتة مابتخلصش

يا كل الصحبة واللمة
 
بتحينى أنا فى ضمة

فى ضمة بعيش

الاثنين، 14 أبريل، 2014

سراب ......


ظلت تنتظر ضوءه لتحيا ... فإذ به سراب يقتل لهثا وﻻ يروى ... فأدركت أنه أجمل الكاذبين وأكثرهم بريق !!!

الخميس، 27 مارس، 2014

مـــــن غيــــر ليـــة !!!




**********************


شكرا من القلب لكل اللى سأل عليا :)



شكر خاص لندى الربيع حبيبة قلبى لسؤالها المتكرر  ...

ربنا يخليكى يا حبيبة قلبى