الاثنين، 13 مايو، 2013

نفسى أطيـــــــــــــر !!!!!!!!!!





عايزة أطيـــــــــــــــر بعيد هناك
عايزة أنسى كل الحاجات
نفسى أرسى جوا حضنك
وأحكيلك كل اللى فات
عايزة أنده وأقول فى أسمك
 

وأكسر بــ صوتى السكات
هو ليه مالناش جناح ؟؟؟
لما شمس بكرة تغرب
هبعتلك مليون سلام
يوصل مع نور الصباح
تفتكر يا حضن دافى
بكرة لينا نوره شافى ؟
ولا بكره بـــ طعم مر
زى غيره راح يمر
وننسرق فرحة وعمر
آآآآآآآآه يابكرة ليه آساك؟

خايفة لما تيجى هالل 
مايجيش الصباح معاك
وأنــــــا 
نفسى أطيـــــــــر بعيد هناك

هناك 18 تعليقًا:

sony2000 يقول...

وانا كمان نفسي اطير

faroukfahmy يقول...

قد يكون فى الطيران فرحة على ان تتجمل اجنحتنا طريقه الطويل
احسنت الطيران ومن يستطيع الحاقك

Gamal Abu El-ezz يقول...

يتشارد

لو كان الحب يساعد على الطيران لاصبحتى من اسرع الطيور لجمال كلماتك ومعانيها العميقه

ندى الربيع يقول...

ليتنى كنت طيراً كى أطير فى السماء
جميلة أوى كلماتك كلها إحساس أتمنالك التوفيق ؛؛؛

ابراهيم رزق يقول...

ههههههههههههههههههه
فكرتينى لما كنت عصفورة و باطير براحتى فى الشقة

بالذات لو قاعد لوحدى بعيد عن مراتى و العيال

حبة جد شوية

جميلة قوى يا مارو بنت فرناس

تحياتى

الازهرى يقول...

عايز أطير
وسط قلب وشوق وأدور
نفسى أكون زى الطيور

عايز أحلم بكرةييجى
والحبيب ويا الحبيب
نفسى قلبى فى يوم يطيب

عايز ألف الكون فى لحظة
ألاقى بكرة بألف فرحة
نفسى فى بنت ولابسة طرحة

عايز أشق البحر تانى
والسفر مليان أمانى
نفسى أحلم بالأغانى

عايز أشوف خاتم جديد
من الياقوت ويا الحديد
نفسى أجمع كل فرحة
حتى لو جت لى بريد

عايز أشوف القمرة طاله
والحياة حلوة وفله
نفسى أرسم بسمه حلوة
ع الوشوش الزعلانين

:)

well يقول...

ريتشارد ..
..مساء الفل يا ريتشارد .. لحن جميل
انا قريت كلماتك كالاتى ...
"عايزة أطيـــــــــــــــر بعيد هناك
عايزة أنسى كل الحاجات
" بداية جميلة .. جمعت ما بين الطيران والنسيان .. كان زمان نفسى اطير بجد زى الافلام الاجنبى .. حلم وراح لحاله
.."هو ليه مالناش جناح".. من هنا بئا اللحن اتغير وبقى دافى وطعمه حلو لدرجة انك ممكن تعيديها فى النطق ومتزهقيش
"بكرة لينا نوره شافى ؟
ولا بكره بـــ طعم مر
زى غيره راح يمر" سؤال متخفى من وقت للتانى بنسأله لنفسينا ..
"وننسرق فرحة وعمر " ...
"خايفة " .. عشان الانسان بيحلم بيخاف الحلم يضيع
...
كلمات خرجت منك لكنها تعبر عن شئ جوانا
..تحياتى .. ببعتلك مليون سلام

richardCatheart يقول...

sony


:) واضح انه مطلب شعبى


منورانى

richardCatheart يقول...

الفاروق رائعا وعزيزا

اسعد ربى مساك اعتقد فى مقابل الحرية والتحليق الجنحات تتحمل وتتحمل وتتحمل بس نطيير بس الاول :)

ربنا يخليك يارب يارافع معنوياتى للسما

نورت مكانك ونورتنى ويارب ديما

richardCatheart يقول...

جمال ابو العز

ههههههههه ربنا يعزك يا استاذ جمال والله انت الاحسن ودا من ذوقك بس ان جيت للحق هو مش لو الحب يساعد على الطيران هو لو الكلام يساعد على الطيران كله كلام مجرد كلام :)

نورت الدنيا ويارب مساؤك هناء

richardCatheart يقول...

ندى الربيع

انا قولت من الاول انه مطلب شعبى بينى وبينك الدنيا بقت زحمة اوى على الارض يا ندى :)

انتى ووجودك الاجمل اعزك الله بكل خير يا جميلة

نورتى الدنيا ويارب ديما

richardCatheart يقول...

ابراهيم رزق

ههههههههههههههههه وهو فى بعد كدا طيرااااااااااان يا عصفور الشرق ههههههههههه ربنا يخلىهوملك يارب بس يكتر زيارتهم عند جدتهم او خالتهم الفاضى يسد هههههههههههه

وجودك وطلتك هنا يا ابراهيم هى الاجمل والله العظيم وربنا مايحرمناش منها ابداااااااااااااا

منور مكانك ويارب بخير دائم

richardCatheart يقول...

اسامة

ههههههههههههههه ايه الجمال دا !!!!!!!! والله تسلم ويسلم قلمك يا ازهرى فى منتهى الجمال والله هى جديدة ولا انت نشرتها قبل كدا ؟؟ لو نشرتها يبئا دا 3 توارد خواطر على فكرة هههههههههههه

منور الدنيا يا اسامة ويارب ديما :)

richardCatheart يقول...

ويـــــل يا ويــــل

ابتسامة عريضة :))))))))))))))

تحليلك للكلام جميل وعجبنى انك سمعته بلحن :) مش لاقية رد فعلا عليك
غير ربنا يحفظلك احساسك يا ويل ويحفظك :)

مسائك ورد وياسمين منور الدنيا

الازهرى يقول...

لا نشرتها ولا توارد ولا حاجة

انا باكتب اول حاجة بتيجى على ذهنى أول ما أخلص قراية البوست

وبتيجى بالصدفة
وسط التعليق العبيط كلمتين كويسين :)

صباحك ثكر

richardCatheart يقول...

اسامة

طب خليك فاكر ان ليا عند خماشار جنى حق الالهام يا فندى :) وتسلم الايادى والدماغ

Deyaa Ezzat يقول...

حلم جميل .. متهيألي كل البشر حلموه وهيفضلو يحلمو بيه..

زمتهيألي كمان إن ربنا عوضنا عن الجناحين بالخيال.. اللي مش عند أي كائن تاني

ومتهيألي برضه.. إن لو ربنا خيرنا بين الجناحين والخيال.. هنختار الخيال.. فالحمد لله..

طيري بخيالك زي مانتي عايزة

بالتوفيق دايما

richardCatheart يقول...

ضياء

لالالالالالالالالالالالا انا عديت مراحل الكرم دا خلاص انا عايزة اطير بجنحات فعل الطيران نفسة هههههههههههههههههه

منور يا ضيا