الأربعاء، 1 مايو، 2013

أنــــــــت أيه ؟؟؟



أنت ايه؟؟؟

أنت ليا كل حاجة وأى حاجة
أنت ليا حضن وااااسع
وجوا حضنك أقدر أرمح
 

جوا حضنك أقدر أفرح
أنت ليا ضحكة صافية
زى فرحة بعد طول غياب وحزن
أنت ليا ضى بملا به عنيا
أصبح ألقا دنيا غير الدنيا ديا
أنت ايه ؟؟؟؟؟؟
أنت ليا واحة أمان
ضلة حلوة من حر الزمان
بين كفوفك ليا نهر من الحنان
زى بحر يوم مايلمس طرف ضلى
يرتجف مالخوف عليا
يذكر أسم الله يسمى
أنت أيه ؟؟؟؟؟؟
انت كل حاجة ليا ...






مرسول الحب








صدق مخطوبة .... أنت كااااااافى

هناك 9 تعليقات:

الازهرى يقول...

إنت إيه ؟؟؟؟

إنت حلم وراح زمان
إنتى ضحكة على الوشوش
من غير رتوش

إنت أملى فى اللى كان

فاكر زمان ؟؟؟
أمن وامان
والحضن دافى بالحنان

والليل طويل من السهر
فكر وقدر
عد النجوم مرات كتير
همس القمر

إنت إيه ؟؟؟؟

صباحك ثكر

Gamal Abu El-ezz يقول...

جميلة جدا جدا جدا

ابراهيم رزق يقول...

هو حلم حواء بما تتمناه فى ادم

بجد بوست حقيقى و صادق

دايما مبدعة يا مارو

تحياتى

well يقول...

ريتشارد ...
... صباح الجمال
احاسيسك جميلة
كلماتك جميلة
اغانيكى جميلة
كل حاجة هنا وضعت بجمال .. نابع من قلبك الابيض
...
تحياتى

richardCatheart يقول...

اسامة :)
اول حاجة حمد الله على السلامة والف سلامة عليك يا سمسم ويارب ديما بالف خير

ثانيا جميل دوارد الخواطر دا وشرف ليا يا اسامة والله مع الفرق انك فنان بجد وقوى اوى ماشاء الله عليك :)

منور الدنيا ويارب مايحرمنا من طلتك فى بلوجر ابدا :)

richardCatheart يقول...

جمال ابو العز

مساء الجمال لحضرتك :) وجودك ديما هو الاجمل ويارب منورنى بالخير ديما

richardCatheart يقول...

ابراهيم رزق

اللهى يولع حلم حواء دا اللى مابتحققش ابدا يا اخى ههههههههههههههههه

ربنا يخليك يا ابو زياد يارافع معنوياتى يا اصيل ياااااااااااااارب


منور الدنيا يا ابراهيم ويارب ديما وكل سنه وانت والاسرة بالف خير ويارب شم نسيم عيد عليكم وعلى الجميع

richardCatheart يقول...

ويل يا ويل مساك ابيض اشطة وفل ههههههههه

طب ماذا اقول بعد كل ماقيل يا صديقى الصدوق هاه هاه يامتعلم يابتاع المدارس هاه ههههههههههههه ربنا يخليك اى شىء هنا بيكون جميل بس بوجودك انت وصحبة الورد الحلة اللى هنا

منور الدنيا يا ابو الولاويل :)

ندى الربيع يقول...

كلما أقُُلب فى مدونتك أجد الأروع
تحياتى ...