الأربعاء، 10 أبريل، 2013

السيد أنور ابويا ..... الـــ لورد




حالى دلوقتى غريب جدا على وشى ابتسامة بس عنيا كلها دموع مابقتش دموع حزن بقدر ماهى دموع افتقاد yeees Imiis you dady ايوا وحشتنى يا ابويا ...... >>>> مش عارفه الحقيقة ابتدى منين السيد او اللورد زى ماكنا بنسمية وبنندهله فى البيت ولا ابس ايوان ابس ودا اسم جنزال انجليزى كان شبه ابويا فأصحابه اطلقوا عليه فى سن ال16 اسم أبس .. اللورد كان شديد الوسامة والجمال وعلى قد دا كان شديد الرجوله التحمل للمسؤليه بشكل يخوف لما اتولدت كان ابويا عندة 45 سنه ياعنى كان فى عزه فى كل شىء ومن اول ماوعيت عالدنيا من سن 4 سنين وانا بسمع فى حواديت بس مش حواديت سندريلا ولا الشاطر حسن نووو ابسلوتلى دى حواديت عن الشاطر اليسد عماتى الاتنين وعشقهم ليه حكايات عن انه ازاى رغم عقليته اللى كانو بيعتبروها فزة ( ودا انا شوفته بعد كدا ) صمم انه مايكملش تعليمة واكتفى بالثانويه العامة علشان يشتغل لان جدى أنور كان عامل بسيط فى شركة وحصلت له اصابة عمل وكان لازم يتكهن ودا بيت فيه 4 عيال غير جدتى رحمة ذات الاصول التركيه واللى بستغرب بردو استحملت الحياه الصعبة دى ازاى والحال كان كل مادى بيضيق وهى بنت العائله الكبيرة والكريمة وخصوصا بعد خالها مانهب ورثها !!! المهم السيد علشان سيد ماكانش ينفع يعمل غير كدا ومن هنا أبتدى طريق حياته يختلف وياخد سكة تانيه خالص وبدل ما يكمل جامعة وهو كان نفسة يدرس حقوق انه يتطوع فى الجيش كمجند علشان الفلوس طبعا وكانت البدايه
كالعادة هو لما بيعمل اى شىء بيعمله بأتقان لانه ديما عايز ينجح كان مجند هايل ونتيجة حب رؤسائة ادوله فرصه انه ياخد فرقه صاعقة وطبعا وافق على الفور لان بردو فيها فلوس اكتر والبنات اخواته بيعلمهم فى مدارس فرنساوى فيلالالالالالالا
كانت متعتى هى انا اقعد فى حجرة واخواتى حاولينا ويفضل يحكلنا واحنا بنتفرج على صورة فى الطيارات وهو بالبراشوت وبيحكلنا عن الحواث اللى كانت بتحصل وان صاحبه البرشوت مافتحش به وانه حاول يلحقه بس للاسف ماعرفش ولحد مامات والوقعه مأثرة فيه جدا وهو بيحكى عن قد ايه الصعقة غيرت حياته وشخصيته والتدريبات وقسوتها وانها فعلا عملته راجل والحقيقة ابويا فعلا البنى ادم الوحيد اللشوفته مابيخفش غير من ربنا بس
من ضمن الحكاوى انهم بيسبوا كلب او جمل ميت لمده 10 ايام وفى التدريب يقولوهاجرى يا وحششششششششششششش هههههههههه والوحش يجرى ويدب دماغة فى بطن الجثة المعفنه !!! وانه ازى اكل فران وسلخهم وتابين وازاى طريقة سلخهم !!!!!!!!!!!!!! وتدريبات النار طبعا الجميل لما تبقى بتسمع دا وفأيدك الشهادة بتحس انه ماسك يقين فعلا
وطبعا نتيجة تفوقه فى الصاعقه ادوله فرقه مظلات وطبعا فيها فلوس والبنات بتتعلم احسن تعليم والبيت تمام وتيته وجدو طيرين به
لحد ما اخدو فى حرب اليمن كل حاجة اتغيرت الرجوله بئا على ارض الواقع حكايات مابتخلصش كان راجع معه رجل غزالة اصتداها وخنجر الجيش بتاعة ودى كانت الذكرى الملموسه منها وركبهم هنا فى ورشه واحد صاحبه وعمله خنجر فى منتها الروعة كل اللى بيشوفه بينبهر حكايات مابتخلصش عن اليمن والعيشة فى الجبال واكل الكات او الكاط وصاحبهم اللى ضرب نار حى من عز الخوف اثناء كمين ليلى عملينه خلاهم يهجوا عليهم ههههههههه
رجع من حرب اليمن بفلوس كتير انا كنت بسميه تمن موته وقتها كان ابتدى يكرة عبد الناصر اللى كان له اب من ساعة الثورة مابدات كانت كل ماتيجى السيرة يقولى انا افدى تراب مصر بعمرى بس هما كمان عندهم رجاله انا شوفت اصحابى بيدبحوا اؤدم عينى علشان ارض مش ارضنا انما المهم انه بالفلوس دى البنات بتتعلم البنت الصغيرة دخلت المعلمات ياخبر بنت رحمة دخلت المعلمات وهتبقى مدرسة  والبنت الكبيرة اتجوزت احسن جوازه واتجهزت احسن من احسن عروسه فى العيله والمنطقه ربنا يخليك لينا ياسيد 
وكانت الكارثه 67 وهو راجع جرى فى الصحرا هو اصحابه بعد اوامر الانسحاب العشوائى من المشير وقتها الجزء دا  بالتحديد حسب كلام امى سميحة فضل مأثر على أبويا ونومة سنين يفضل ينده بصوت عالى على اصحابه  لما سألته فى مرة وانا خايفة يزعل كان نفسى اعرف بيشوف ايه هى جمله واحدة بس رد عليا بيها وسكت ( كل المشهد بيتكرر تانى وفى كل مرة بدفنهم بأيدى تانى )
ابويا ربانى على تلات حاجات حطلهم الاساس اولهم كانت دى ويمكن هو ماقصدش التريب كرهى للصهاينه وانى ليا عندهم تار ودم ماقدرش انكر ان رغم التطور الطبيعى للحاجة الساقعة والفكر والشخصيه ان الموضوع دا معايا ذاد ما قلش
ربانى انى اخلى باللى ربنا موجود خلى بالك مهما لقيتى نفسك غلطانه فى الدنيا والدنيا سحباكى ماتسبيش نفسك خدى اول خطوة ترجعك ليه بسررررررررررعة اوعى تتردى او تخافى منه ربنا بيحبنا واحنا كمان لازم نحبه
ربانى على حب الفن اى فن وكل فن كان رسام جميييييييييييييييييييييل وليه تبلوة رائع فى البيت عندنا زرع فيا الفن اللى بعد كدا هو عارض انى اكون فيه
المهم بعد حرب 67 كان فيه 6 سنين استزاف واتاخد احطياط فى الجيش كان النصر اللى خلاه اكثر قوة وصلابه وعشق للسادات وكان ديما يقولى ان النصر يغفر للسادات اى شىء وطبعا كان موافق على كمب ديفد لانه كان شاف بعينه الدبابات اللى نزلوها الامريكان فى سينا ومش عده اى كليو مترات وفهم ان امريكا دخلت الموضوع لما لقيته وسع
يمكن الحروب عملت من ابويا راجل صلب بس كان بيكرها وكرهنى فيها الحقيقة انا واخواتى بس ديما كان يقول الحرب او الكرامة يبئا الحرب على طول مافهاش كلام
المهم ابويا كان اتجوز امى وخلف اخواتى الاتنين الولاد اللى اكبر منى علاء الدين ووسام الدين واترستأ فى وظيفه مراجع حسابات اد الدنيا والبنات التجوزو واخوه اتفتحتله احسن ورشه وابتدى حياته وتيته رحمة راضيه جدا
لحد سنه 78 انا اتولدت  واهلى بيقوليلى كانت هتجراله حاجة من الفرحة لما شافك او مافتحتى عنيكى لقها لبنى لون السما قال دى ناريمان امى قعدت تقوله لاء دى مارو ( أسم صديقتها اليونانيه اللى اتربت معها فى اسكندريه وهاجرت مع اهلها فى اوائل الستينات) هو يقولها لاء دى ناريمان هى الملكه ناريمان وهى تقول عظيم يمن تلاته مارو لحد ماتيته قررت مارو وناريمان وكان فعلا ناريمان ومارو سبب حبى الشديد لاسمى هو ابويا بالغم انى طبعا بحب اسمى مارو جدااااااااااااااا
عشت مع الراجل دا حياه غريبه رغم انه طبعه صعب جدااااااااااا ونمكى وعصبى وقوى عمرة ماضربنى الا فى مرات قليله مرتين او تلاته مرة وحده فيهم لما كنت فى سنه خمسه ابتدائى وفطرت علشان كنت بلعب مع اصحابى كانت علقه موت الحقيقة الا انى فضلت اشكرة بعدها كتير كل رمضان لحد مامات والمرة التانيه لما كنت مصممة ااقدم فى مسابقة لشبيهات ميادة الحناوى علشان الوجوة الجديدة سبحان الله اكلت علقة اشطة بس بردو فضلت اشكرة كتييييييييييييير اوى بعدها وعيتت عالدنيا والراجل دا بيتحلف به وبأخلاقة ورجولته ومواقفة مع الناس وان اى قعدة صلح لازم تكون برئاسة السيد انور وان كلمته لازم تمشى على الكل مهما كانو وطبعا كنت بسمع اسامى ناس تقيله اوى لحد ما فمرة كنت عند صحبتى بنت الجيران وسألت عموا رضوان جرنا هو اشمعنى بابا ياعمو قال ابوكى كلمته سيف وعهد وفا وحقانى لازم يابنتى كلمته تمشى عالرقاب لحد ما فى مرة حصلت خناقة  كبيرة اوووووووووووووووووووووى فى المنطقة عندنا ابويا القمر الجنتل الشيك اللى مسمينه حسين فهمى  والستات بتستنى مواعيد دخوله وخروجه فى البلكونات علشان تتفرج عليه حد تانى اول مرة اعرف قد ايه هو قوى فعلا لدرجه انى خوفت منه كانت ناس بتحاول تتهجم على بيت عندنا بنهم مشاكل وجابولهم صيع وقتها ماكانش بنسمع لفظ بلطجيه وطبعا كان واجب الجيران انهم يحموا جرانهم وكان على راسهم ابويا انا شوفتهم بيجرى اؤدامه رجاله زى البيبان والناس بتهتف باسمه ههههههههههههه حاجات كدا زى بتاعت الافلام والله
اول واحد صليت وراه ابويا اول واحد علمنى القران ابويا اول واحد قعد واتكلم معايا فى نفسى ايه ابويا كان ديما يلبسنى ويخدنى نروح السينما او نتمشى على البحر ونقعد فى مكان شيك كانوا صحابتى كل مايشفوة يتنحوا  هههههههههههه هو اللى حببنى  فى سيما كان نفسى ادرسها علشانه بس طبعا مرديش هو اللى عرفنى المزيكا والفرق اللى بتغنى والفس برسيلى والبيتلز والبيى جيز وكلارك جيبل واليزابث تايلور وجمس دين هنفرى بوجر وريتشارد بيرتون كتييييييييييييييييييير كانت   متعتى القعدة معاه واحنا بنتفرج ويقولى دا فلان ودا علان كانت متعتى كل ما احفظ سورة قرن كريم ويكافئنى وعيت على الراجل دا بيصلى كتير اوووووووووووى غير الخمس صلوات عرفت انها كلها ركعات شكر لله وعيت عليه بيختم القران كتير اوى كان ديما يقولى كل ماكان البنى ادم جميل الصورة والخلقه ويسجد بوشه لربه فى الارض ربنا يرفعه ليه ويقربه
 
(السيد) و(سميحة).. (سونة) :D .. الاتنين كانو بيدلعوا بعض بسونة..، وعيت على الدنيا والست دي بتحب الراجل دا قوي..، استنته لمِّا راح حرب اليمن واستنته لما راح 67.. اتجوزو وراح الاستنزاف وهي قاعدة..؛ هي شبه فاتن حمامة خرطة منها شكل وهيئة.. فكان العرسان بالهبل، وكل ما كان حد يجيلها وهي مخطوباله تقوللهم: "حد يبقى معاه القمر ويبص للطوب.. هههههههههه.. وطبعاً نتيجة إنه قمررر استحملت سخافة ستات الدنيا ومحاولاتهم المستمية لخطفه.. افتكر بابا وهو بيحكي على علقة سُخنة رزعتها لواحدة حاولت تكلمه في مناسبة مرتين ورا بعد وكانت النتيجة إنها اتجابت من شعرها.. ههههههه.. (سونا) أمي ربتنا إحنا الأربعة على إن السيد إله في البيت لازم يُحترَم وخصوصاً وهو نايم.. ترمي الإبرة ما ترنش.. ويتخاف منه طبعا.. بس إحنا كنا بنحبه ونحترمه أكتر من الخوف بالرغم إنه كان مرعب في زعله حد العمى..؛ أمي كانت ربة بيت ناجحة وقوية بتعمل حساب لأبويا حتى في شغلها.. كل الناس عارفة كويس قوي مين (السيد أنور).. بتتعامل مع كل الناس وزملائها على إنه موجود معاها في كل وقت ودا كنا بنشوفه مع مقابلات أبويا بزملائها في أي مناسبة إن كانت.

 أنا فخورة بالست دي حد الفحتتتت :D..، ياريتني كنت رُبعها.. سميحة فضلت شايلة اللورد على راسها وخصوصا آخر سنة ونص كأنها رافضة إنه يروح منها.. فاكرة شكلها كويس وهي حاطه راسه على صدرها وهو في الغيبوبه وبتكلمه: "حبيبي يا سونه فوق بقى.. انت وحشتني".. ولو فاق ونده عليها ما تردش غير بـ "أيوة يا حبيبي"..، حتى قبل وفاته بلحظات فاق علشان يقول اسمها بس ويقابل وجه رب كريم

وفاته كانت صدمة حتى بعد ماتعب فترة موقفين عمرى ماهنساهم لابويا من ضمن مواقف كتير
مرة كان مسافر بورسعيد عند اهلى امى وعادى انا راجعة من المدرسه وعلى باب البيت سمعت صوته بينادى مااااااااااااااااااااارو طلعت جرى عالشار مالقتهوش دخلت البيت وحكيت لماما قالتلى انه هيجى بكرة مافيش ساعة لقينا الباب بيخبط بنفتح لقيناه هو ماما حكتله قالها انا فى التوقيت دا كنت فى سيدى جابر لسه وواقف على المحطة بقول مارو وحشتينى اوى
الموقف التانى لما كان فى غيبوبه وفاق وانا بس جنبه فضلت ابوس فى ايده واقوله يا حبيبى انتى حبيبى ابتسم وبصلى وفالى بتعيطى ليه وشولى على ايده وقالى كل واحد له وقت وانا وقتى خلاص وعنينه دمعت وقالى ماتخليش الدنيا تضحك عليكى وتسرقك خلى بالك يامارو
انا مش عارفة كتبت ايه انا كتب اللى قدرت اكتبة وطبعا مش هقراه لانى مش قادرة
وتعبت بس كتبت لسببين او تلاته مش فاكرة  اولا ان يمكن دا ولو بسيط يكون تأريخ لابويا ثانيا لانكم اكيد هتدعوله بالرحمة وتدعولى انا بالصبر  بالرغم من وفاة من 7 سنين بس انا بتحاشى الكلام عنه لانى كل مرة بحس انه لسه ميت دلوقتى
السبب التالت لانى بعز اخويا ضيا عزت ودا طلبه اكتر من مرة
ابويا ماكانش علامة فى حياتى انا بس ابويا كان ولازال علامة فى حياة كل اللى عرفوة امى العظيمة اللى اختارها انها تكون امى واخواتى اللى عمل منهم رجاله زى الفل بشقا وسبلهم سمعة احلى من الالماظ
نفسى ازورة من يوم مات مزورتهوش  لانى بصراحة اضعف من انى اقف تانى الموقف دا
ابويا انا مهما كتبت مش هوفيك حقك والكلام المكتوب دا مايجيش شىء فى الحقيقة شكرا ان سميحة امى وشكرا انك كنت ليا ضهر وسند وانى لسة عايشة على حسك وسمعتك
ابويا انا ببقى اسعد وحدة  فى الدنيا لما حد بيشوفى ويقولى انتى كلك السيد
ابويا انت راجل  اى راجل فى الدنيا فيه حته واحدة منك بس واللى شبهك كتير بيكون فيه منك حاجاتين بس 
رجاء ادعوا للورد كتير اوى  صدقونى والله هو يستاهل  


( نحن نكتب لنقتل من نحب ... احلام مستغانمى ذاكرة الجسد)


(أما أنا فأكتب  ليظل من أحبهم أحياء أبد الدهر ... ناريمان السيد ..مارو )


مدونة بيبان ( ضياء عزت ) البوست الاصلى دوووووووووووو هناااااااااا 

هناك 9 تعليقات:

Deyaa Ezzat يقول...

والدك الله يرحمه إنسان رائع جدا بجد.. ربنا يرحمه ويجعل مثواه الجنة

فيه كلام كتير من اللي قالهولك حطيته بين علامتين تنصيص كلام من اللي يتقال عليه أقوال مأثورة

بشكرك على استجابتك لكتابة الموضوع

ويارب دايما موفقةوسعيدة

Gamal Abu El-ezz يقول...

ربنا يرحمه ويسكنه فسيح جناته
الغنسان الذى يضحى من أجل كل معانى الوفاء والحب فهو بالتأكيد إنسان يستحق تخليد ذكراه

ستيتة يقول...

الله يرحمه رحمة واسعة ويبشرك بمكانه ومكانته
التدوينات دي مينفعش عليها تعليقات
هي فقط للمتعة والعبرة
ربنا يفرحك ويجعل ابنك ابوكي

افكار مبعثرة يقول...

ربنا يرحمه و يسكنه فسيح جناته
انا عنيا دمعت بجد و انا بقرا اللي كتبتيه
ربنا يصبرك و يقويكي و ويجازيه كل خير على كل اللي زرعه فيكي و في اخواتك
تحياتي

ابراهيم رزق يقول...

تعرفى يا مارو
انا دمعت و ابتسمت فى نفس الوقت
اصل كأنك بتحكى عن ابويا بالظبط
انا ابويا كان ظابط فى الجيش و شاف كل اللى ابوكى شافه و راح اليمن و اتأسر فى 67 بس مع اختلاف بسيط
ان ابويا رغم كل ده مكرهش عبد الناصر و فى صورة ليه و هو بيبكى فى جنازته
البوست ده جميل جداااااااااااااااااا
حاجة كده من القلب للقلب
هو حسين فهمى اه هو حسين فهمى
هو اللى يخلف مارو لازم يبقى شبه حسين فهمى و احلى كمان
ملحوظة على جنب
مش اسمه الكاط و لا الكات
اسمه القات
الله يخرب الانجليزى اللى بوظ دماغكم
هههههههههههههههههه

الله يرحم ابوكى و ابويا و يسكنهم فسيح جناته

تحياتى

حفيدة عرابى يقول...

فضلت رايحة جاية فى الريدر اكتر من مرة على التدوينة دى وطبعا مينفعش يتعلق عليها
يارب يبارك فى عمرك ويفرحك بولادك ويكتب لك الجنة يامارو وادعى لنا معاكى نتقابل هناك مع كل أحبابنا من غير وجع الدنيا ولا المرض ولا الحزن ولا الموت
يارب يرحمه ويغفرله ويبارك فيكم ويبقى حاسس بيكم وبكلامكم عنه

P A S H A يقول...

ربنا يرحمه يا رب ويغفر له ويسكنه فسيح جناته اللهم آمين
ـــــــــــــــــــ

البوست ده بجد بجد والله العظيم من أجمل وأروع ما قرأت لك ، حقيقي تحفة تحفة بجد ، مليان أحاسيس وانفعالات كتيرة أوي أوي ، حسيت إني شايف والدك الله يرحمه في كل مشهد ذكرتيه هنا ، عيني كانت بتجري على السطور بسرعة رهيبة جداً .. ورغم إننا في أول البوست عرفنا إنه توفاه الله إلا إني وأنا باقرأ البوست حسيت إني عايش الأحداث دي كلها كأنها بتحصل دلوقت .
هاتصدقي لو قلتلك أن الغلطات الكتابية اللي في البوست زودت من حلاوته ؟؟ كأننا احنا اللي كنا بنكتبه بإيدينا وعينينا مليانة دموع .
ربنا يرحمك يا لورد ويبارك في أولادك وأحفادك ويفضل اسمك مرفوع على طول .

أثر فيا جداً البوست ده :))

ــــــــــــــــــــ

ملحوظة : أول مرة نعرف أن اسمك ناريمان يا مارو !!

سلامنا الكبير لزوجك والأولاد
:))

richardCatheart يقول...

ربنا يخليكم ليا كلكم ويخللكم كل حابيبكم كلامكم الجميل والدعاء وحبكم اللى حسيتهم فى سطور كل حد فيكم اعظم من كل رد ممكن ارده عليكم

اللهم تقبل منكم اجمعين الدعاء له ويارب يخللكم كل احبابكم يارب

well يقول...

ريشارد ..
..
ليكى حق تفتخرى بشخصية اللورد
فى كل سطر قريته لمست حياة جميلة
الحب هو افضل من الزكرى الملموسة
"قالها انا فى التوقيت دا كنت فى سيدى جابر لسه وواقف على المحطة بقول مارو وحشتينى اوى "حب متواصل
بصراحة يا ريتشارد فى كل سطر قريته كنت بفكر فى تعليق معين اكتبه لما وصلت لاخر سطر عرفت ان ده موضوع صعب التعليق عليه لانه بيحكى عن حقيقة جميلة " يسكت الجميع ليستمعون لها "
..ذاك الريتشارد من ذاك الاسد
تحياتى