الاثنين، 18 فبراير، 2013

تهيـــــــــــــــس



الشخصية الفضولية اللى باعتة تسأل أنا ليه بنزل بوستات وبقفل التعليقات ؟؟ وليه مابكتبش غير أشعار رومانسية ؟؟

أولا حضرتك داخل بأكونت مالوش بيانات مجرد أسم من غير مدونة فبتاتى حضرتك غير معروف فمالكش حق تسأل بس اللى يهمنى أنك تفهمه انك فى بيتى ياعنى مش من حقك تقولى حاطة الفاز دا هنا ليه أو المفرش دا مش عجبنى ولا حضرتك بتدفع فلوس فى جرنال أو مجلة علشان تلاقى فيها اللى يعجبك المكان هنا ملاكى وأكتب فيه خواطرى  بصرف النظر جالى تعليقات أو مجاش واقفل تعليقات افتحها انزل اغنية فيلم دا مكانى انا واى حد من اخواتى المدونين بيشرفنى فدا كتر خيرهم من ذوقهم انا مش كاتبة ولا هكون  وحضرتك شرفتنى وياريت ماتتكررش  

           ____________________________





أتمنى لف العالم اللعين فى سوجارة وأولعها ......................



       __________________________







أنتى بتتكلمى عن الموت كتير أوى !!!!!

وهو أنتى ماتعرفيش أنه الوحيد الحقيقى فى الكون كله ؟؟؟

عارفة طبعا .... وأنتى ماتعرفيش أن مش كل واحد عيان يبئا هيموت ؟؟؟ وبعدين أنتى عملتى ايه أساسا علشان تبقى مستعدة وبتتكلمى عنه بقلب كدا  ؟؟؟

ههههههههههههه بحاول الحقيقة وأنتى عملتى ايه ؟؟؟؟
العيا مابيموتش هم الدنيا وقرفها يقتل بلاد مش بنى أدم  وبعدين يابنتى أتخن مافيكى يادنيا عمل الحلو كله عشمان فى رحمة ربنا وأنتى أولنا فهمتى !!!



        ________________________







فرق كبير بين الحلم والخيال .. الحلم قابل للتحقيق مهما كان صعب   ..... الخيال محاكاة المستحيل !!!

     

____________________________





هما أمتى هيوصلوا لزراعة أجنحة بئا ؟؟؟؟؟
 أكيد أول ما يستخلصوا الجين من بيضة التنين المجنح يابيضة ......

 ______________________


 

 

أتجاهك السياسى ايه ؟؟
لبرالية الفكر حضرتك ...
 تصدقى أنا كنت متأكد أنك فاسقة !
تصدق أنت ؟؟ وأنا كنت متأكدة أنك أبن كلب !!!  

هناك 17 تعليقًا:

faroukfahmy58 يقول...

اعيد فاقول لا تهتمى كثيرا بما لا يهمك
افتحى نافذة مدونتك لمن يريد ان يطل عليها ولا تغلقى باب تعليقاتك لمن يريد ان يدخل على ما تسطرين
الفاروق

richardCatheart يقول...

faroukfahmy58 يقول...


صباح حضرتك هنا يا فندم ويارب يومك جميل

انا بقفل التعليقات لما بلاقى ان البوست مش مستاهل وبعتبرة من باب التسجيل لشىء ما قى المدونه مش اكتر

بس كلام حضرتك اوامر ومن هنا ورايح مافيش قفل تعليقات ان شاء الله

واشكر حضرتك لوجودك والاهتمام ويما بتشرفنى بطلتك والله :)

;كارولين فاروق يقول...

أتجاهك السياسى ايه ؟؟
لبرالية الفكر حضرتك ...
تصدقى أنا كنت متأكد أنك فاسقة !
تصدق أنت ؟؟ وأنا كنت متأكدة أنك أبن كلب !!!
ههههههه تصدقي صح
اصل اللي بيرد ده اكيد كده لانه من الاتباع اياها هههه
بس بالنسبه للتعليقات فعلا كل واحد حر في مدونته اعملي اللي يريحك وبس :)
تحياتي

richardCatheart يقول...

;كارولين فاروق يقول...

هههههههههههه هو فعلا من اتباعهم وانا صبرت عليه لغاااااااية مانطقنى هههههههههههههه

انا طبعا مقتنعة انا حرية فى المدونه افتح التعليقات اولا حسب البوست بس خلاص انا وعدت بابا فاروق ومش هرجع فى كلمتى جتى متأخرة يا كارولينا الفارق امر :)

تسلميلى يا فنانة ويارب متألقة ديما ومنورانى

ابراهيم رزق يقول...

هههههههههههههههههه

كونى كما تريدين

لكن لا تكونى ابدا غير مار و

تحياتى

الازهرى يقول...

أحلى كلمتين نخششوا فى دماغى وعجبتنى

ملاكى

والشتيمة اللى فى آخر البوست
علشان أنا ما بأعرفش أشتم للأسف


سيبك من الأشكال الضالة دى كلها
وريحى نافوخك واكتبى على مزاجك

صباحك ثكر

سفيرة المحبه يقول...

ما عليك حبيبتي
في ناس كذا متطفله ^_^
الواحد اوقات بيحب يقفلها و اوقات يحب يفتحها يعني مالها دخل

استمري الله يسعدك
تحياتي ^^

ريـــمـــاس يقول...

صباح الغاردينيا مارو
مين دا الي يقدر يزعل قلب القطة دي تخربشه وتاكله بسنانها ههههههههه
والله دول غيرانين عشان انتي عسل وبعدين ماتقفليش التعليقات عشان حضرتي حطل هنا دايماً وكمان ماتقوليش عن نفسك مش كاتبه والله كتاباتك بتجنن زيك ..
على فكرة أنا بحبك آووي ووحشتيني :)"
؛؛
؛
لروحك عبق الغاردينيا
كانت هنا
reemaas

richardCatheart يقول...

ابراهيم رزق يقول...


يا صبااااااااح الضحكة الحلوة والناس الحلوة نهارك ابيض يا ابراهيم يارب

عارفة انك بتضحك على الخاتمة بس الحقيقة انا قولتله كلمة تانيه خالص بس خوفا على احساس رواد البلوج بدلتها ههههههههههههههههههههههه لو كنت سمعتها كنت ضحكت للركب وربنا

والله يا ابراهيم انا ماعرف ابئا شىء غير مارو او ناريمان او قطة مابعرفش اخرج عنى مهما حاولت وزهق وادينى اهو مارو يا سيدى ههههههههههه

منور الدنيا ويارب ديما وسلامى امانة لحابيبى اللى عندك كلهم

richardCatheart يقول...

الازهرى يقول...

هههههههههههه صباحك هنا يا ازهرى ويارب نهارك نادى بس لا اهلى ولا زمالك يغورو كلهم ههههههههههههه

انت اخلاقك عاليه مش بتاع شتومة لما تتزنق ابئا نادينى هقوملك بالواجب انت تزعق وانا هشتم ههههههههههههههههه والله انا استفزنى لان البيه داخل يتنحنح وانا لا فيا خلق ولا اعصاب ولا صحة يا ابنى خلاص بئيت عضمة كبيرة يا ازهرى ومش حمل مرقعة فقررت احرج دون اظهار فحوى الرساله حلوة فحوى دى هههههههههههههه

يارب يومك جميل ربنا يسعد قلبك يا زهرى منور الدنيا

richardCatheart يقول...

سفيرة المحبه يقول...

صباحك جورى يا جناب السفيرة اولا اسمك جميل اوى جعلك ربى سفيرة محبة دائما بين الخلق اجمع

ثانيا اهلا بيكى وباهلنا فى المغرب العربى كله المغرب من احب البلاد لقلبى واجملها والله وربنا كريم نعمل زيارة ليكم عن قريب يا عالم :)

انا بشكرك جدا على ردك ووالله انا مابقفلها الا لو الامر مش مستدعى ياعنى هنزل اغنيه حباها ليها عليا تأثير معين هسيبها مفتوحة ليه اللى هيدخل هيسمع وهمشى فى امان الله

ورتينى ويارب يما منورانى يا جميل وصباحك ابيض :)

richardCatheart يقول...

ريـــمـــاس يقول...

هههههههههههههههههههههه يا صباااااااااااااح الجماااااااااااال والرقة والدلع اللى فى الدنيا ريمو ساحرتى الصغيرة هههههههههههه اكلوا بسنانى ايه دا ايه دا انتى بقيتى مصريه الف المية هههههههههههههههه بوظنا اخلاقك يا ريمو هههههههههههههه والله مزعلتش على قد ما ازعجنى انا قافله التعليقات لغير المعرف علشان اريح نفسى من المرضى النفسين ودا بقاله مده مستلمنى نحنحة اخر حاجة باكونت بأسمة ومالوش اى بيانات واخر تعليق ا زهقنى فعلا بس اهو الحمد لله خلى عندة دم ومجاش لحد دلوقتى ولو جه هطنشه ومش هرد لان اللى عندى قولته

وبعدين انا فعلا مش كاتبة ريموا انا مخربشتيا اخربش بالقلم يادوب على قدى ههههههههههههههههههه

صباحك معطر برضا الرحمن واجمل الدعوات من قلبى بالسعادة وراحة البال والصحة وضحكة الوجة والقلب اللهم امين يارب العالمين :)

Haytham Kilany يقول...

هو انا ينفع أعلق عندكو
بما أن البوست مافيهوش رومانسيه زى أخواته
وبما أن البوست فيه حاجات بتتلف

وانا بحب الحاجات دى أوى

يبقى أسجل حضورى
:)
بو علي

سفيرة المحبه يقول...


تسلمين يا حلوه
وفداك الاسم و صاحبة الاسم
لو عايزاه خديه =$
وانتي تنوي المغرب و اصحابه يا قمر
واحنا برضو بنحبكم أوي أوي هههههههه


شوفي يا قلبي انا واحد سنتين وهو مستلمني
كل ما كتبت شي يجي يشتمني و يسبني
كنت اوقات انشر تعليقاته عشان يستحي على وجهه
واوقات امسحها احتراما للناس اللي تقرأ عندي

وعملت زيك قفلت التعليقات لغير المعرفين
راح عمل مدونه عشان يقدر يدخل يعلق برضو ههههههه شفتي الغباء العاطفي هع هع
خلاص وقتها قفلت التعليقات نهائيا قلت اريح نفسي واريحه هو برضو لانه المسكين كان معصب مررره ههههههههههه

فعشان كذا لا تهتمي واعلمي انك في المقدمه لان الشجر المثمر دائما يقذف بالطوب


اتمنى ما اكون طولت عليك يا حلوه
وتنوريني دايما و ابداا ^^

richardCatheart يقول...

Haytham Kilany يقول...


هههههههههههههههههههههه والله يهيثم انا سعيدة جدااااااا انك متابع حتى لو مش بتعلق واسعدنى وجودك او والله وبعدين انت راجل بتفهم ووجهتى نظرى دائما فيك مابتخبش داخل ومنشن هههههههههههههههههه سايب الدنياااااااا وجاى على اللف ههههههههههههه والله هو العالم يستاهل الولعة يا اخى ههههههههههه ربنا يخليك يا هيثم وديما منورنى ودا مكانك تشرفنى بالتعليق اى وقت والله وانت اكبر دلي ان السلفين لسة بخير رغم كل حاجة هههههههههههههههههههههههههههههههههههههههه ربن يعزك يارب وديما بخير ومنورنى وسلملى على الشبل الصغنن

richardCatheart يقول...

سفيرة المحبه يقول...




ههههههههههههههههه ربنا يعزك يا جناب السفيرة انتى الاحسن يا جميل وياستى ربنا يديهم على قد نيتهم هو الراجل ماشتمش الحقيقة بس مش عاجبنى عايز يشرب بريل كدا وانا ان شاء الله هاخد بنصيحتك وهعتبر نفسى شجرة هههههههههههه انتى نورتينى ويارب ديما

ندى الربيع يقول...

مش عارفه أقولك ايه النهارده اول مرة أنتقل من بوست لبوست فى مدونتك ومش حاسه بأى ملل بجد انا سعيدة انى عرفت مدونتك وعرفتك ياريتك كنتى أختى أو صديقتى أكيد كنتى هتحسى بيا أوووووووووى منى ليكى أرق الأمنيات أتمنى أن أرى المزيد مش عارفه ليه حسيت بيكى وحبيتك مش عارفه ليه حاسه انك انتى قريبه من قلبى أوى مش عارفه ليه من غير ما أعرفك بس بجد حبيتك ....