الخميس، 5 يوليو، 2012

خربشـــــــــ صباحك عشق :) ــــــــــة ( التدوينة الــــ 16)





صباح النور والخير والحب ليكم وعليكم :)

من امبارح وانا بقرأ تعليقاتكم أو بمعنى اصح  الماسات اللى سبتوها عندى هنا .....

 يعز عليا اوى انكم تصروا على وجودى وانا اصر استوب يمكن زى ماقالت كارولين  فاروق فى ردها انى حد ملول :) دا حقيقى يا سرطان وفى نفس الوقت انا مش قادرة اتابعكم بالقدر الكافى كلكم 
العملية مش انا عندى اية يتنشر اولا لاء انما انا عايزة اكون ظاهرة ليكم بشكل عامل ازاى ؟؟؟

فككم..... جمع فكك :)   وبصرف النظر انا مقدرش اكسر ليكم كلمة 
كلللللللللللللللللللللللللللللللللللللللكم غالين يمكن فوق ماتتصورو عندى حتى اصدقائى الجدد 
شكرا ليكم كلكم يا نعمة من نعم ربنا عليا 

ليلى الصباحى سكرتنا :)
 عمرو يسرى :)
الازهرى :)
شيرى سكرتى  :)
آية محمد :)
شريف الصافتى :)
تامر نبيل موسى :)
مصطفى درش :)
ساحرتى الصغيرة الريماسة :)
ابراهيم رزق ابو زياد :)
ضياء عزت :)
عاشقة الرومانسية :)
فاتيما روح روح روح القلب  :)
رحاب صالح الفراشة الجميلة :)
اسامة ناصر سمسم :)
اسامة على :)
كارولينا الجميلة :)
رونا على البنوبوناية :)

احب اقولكم قاعدة على قلوبكم ليوم الدين ههههههههههه مش انتم اللى غاوين الله يعنكم بئا :)
واهو وااااااااااااااااااادى تربيعه
واللى جاية دى ليكم ياعنى بحاول اقولكم صباح هنا وربنا مايحرمنيش منكم ويسمعنى خير عنكم كلللللللللللللكم 

 _______________________________________________________



صباحك عشق ياعيونى
ياعقلى وقلبى وجنونى
صباحك ورده بتدمع مع فراقك
وتضحك لما من تانى تكون ويالك
وتنسى الهم وأحزنها وهى معاك
 

صباحك غنوة حلوة شرقية
وعصفورة تزقزقلك بحنية
وضؤ دهبى بيتسرسب
من وشك لعيونى
ياشمس العمر يا أمانى
ياصوت كمانجا فى ودانى
ياحضن دافى فى عز البرد
يلملم تلج أيامى
صباحك عشق يا اجمل
كلمة على لسانى
صباحك عشق ياعيونى



هناك 20 تعليقًا:

Deyaa Ezzat يقول...

أيواااا بقااااا
هو دا الكلام

مبسوط اوي إنك رجعتي في قرارك ومبسوط أكتر إنك حطتيني من ضمن أصدقائك الجد.. ده شرف ليا والله

والكلمات طبعا تحفة.. واجمل ما فيها حسيت فيها بفرحة بتتنطط على السطور

صباح الفل

ويارب دايما تصبحي علينا بصباحات جميلة كدة

;كارولين فاروق يقول...

كويس جدا انك رجعتي من تاني
فنحن اسره واحده
شوفتي بقي اني كلامي صح عن الملل ههههه
معلش بس اكيد انتي راضيه دلوقتي بعد
مظاهره التعليقات :)
جميله صباحك عشق اسلوب رائع
وباقول ليكي ولكل المدونين
صباحكم فل
تحياتي

الازهرى يقول...

اللل الله الله
إنتى صدقتى وقعدتى ولا إيه
لالالالالا
دى كانت عزومة مراكبية

إييييييييييه ؟؟؟؟
هى تلاكيك والسلام ولا إيه


صباح الفل
يا قمرنا
يا نجم ساطع
دايما منورنا

صباح الحب
يا حنونة
وقلب لقطة
مجنونة

صباح دايم
بلا نهاية
وكل يوم
وله حكاية

صباح أحلى
من النغمات
وبكرى أحلى
من اللى فات

صباح النور والأمل

hasona يقول...

عودا حميدا أحمداً

ما اجمل الكلمات التي تنساب بلا جهد أو مجهود
تنهدر كأمواج البحر يحسها الجميع ويسمعها كل ذي قلب

ابراهيم رزق يقول...

مارو المبدعة

ايوة كده

صباح الفل على الاسكندرانية و بنات بحرى حلو الكلام

بس انا ليا عليه ملحوظتان هتخلى الكلام اقرب للطبيعية و هتحوله لعنصر مادى جميل
صباحك غنوة حلوة شرقية
تتحول لصباحك حلويات شرقية (بسبوسة و كنافة يعنى)
يا صوت كمنجة فى ودانى
تتحول ياعصير مانجة فى لسانى
اعتقد كده تتحول لشىء ملموس
هههههههههههههه

تحياتى و ازوغ انا بقى

مصطفى سيف الدين يقول...

يا ساتر يا رب
هو انت صدقتي؟
احنا بس كنا بنجاملك مش اكتر و الباب يفوت قطة :)
صباح الخير بالليل
و يا مساء الجود مورنينج
و احلى طاقم ساقع هنا على حساب المعلم رشدي :)

شيرين سامي يقول...

:)

صباحك و مساءك و كل أيامك عشق و سعاده يارب :)

أيوه كده خلي التدوين يرجع يخربش من تاني :)

يا رب دائماً منورانا

ظلالي البيضاء يقول...

كلمات عفوية طيبة .. الله يهنيكو بقه ..
على فكرة أنا دي الوقت بس انتبهت إن حضرتك شرفتيني بزيارة .. ياريت بقه تكرريها ..
أنا اتاخدت بالعامية المصرية .. بعد ما قرأت الكلمات بتوعك ..
دمت بألف خير ..

عمرو يسرى يقول...

الله الله والله
الاولى على العوده
والثانيه على البوست
والثالثه زياده تاكيد
تحياتى

ريـــمـــاس يقول...

صباح الغاردينيا مارو
صباح الورد لعيونك
وحشني حضنك وجنونك
ياأجمل قطه في نهاري
ياماليه قلبي وإحساسي
بحب فيكي شقاوتك
جنانك
وطيبة قلبك وإحساسك
عشان بحبك وبحبك
صباح الحب لعيونك "
؛؛
؛
اممممم انا بخربش بردو ههههههههههه
والله بحبك من قلبي :)
ايوه كدا خليكي منورانا دايماً"
؛؛
؛
لروحك عبق الغاردينيا
كانت هنا
reemaas

richardCatheart يقول...

ههههههههههه صباحك فل ياضياء


طبعااااااا لازم ارجع فى قرارى اؤدام كل الحب والود داااااااااا وبعدين القرارات اتعملت اساسا علشان نرجع فيها ههههههههههه

ربنا يخليك ويعزك ياضياء وديما ضيائك منور المدونة ياااااااااااارب

richardCatheart يقول...

كارولينا :)


هو ملل بس دا ملل ةخلق ديق واحساس بالذنب لعدم قدرتى على المتابعة بجد الله يعين كل السرطانين امثلنا برج متعب وكلة احاسيس ومشاعر كلها هوسة ههههههههههههههه

صباحك حب وسعادة ورضا من الرحمن ياااااااااااااااااااااارب :)

richardCatheart يقول...

الازهرى

هههههههههههههههههههه بئا كدا يا اسامة هههههههههه خلاص سبق السيف العزل وقعدت والجدع يتحتحنى يا معلم :)


صباح الفل
يا قمرنا
يا نجم ساطع
دايما منورنا

صباح الحب
يا حنونة
وقلب لقطة
مجنونة

صباح دايم
بلا نهاية
وكل يوم
وله حكاية

صباح أحلى
من النغمات
وبكرى أحلى
من اللى فات


انت جممممممممممممممممميل وكلامك وقلبك زيك يا ازهرى ربنا يحميك

صباحك اشششششششششششطه :)

richardCatheart يقول...

hasona يقول...


اشكرك على كلامك الجميل الطيب حضرتك منور الدنيا ويارب تهار سعيد ومبارك بالخير :) منورنى جدا

richardCatheart يقول...

ابرررررراهييييييييييييم


انت بوظت بئر الحرمان وماليتة اكل لعينة وجاى هنا تحلى بئا هههههههههههههههههههههههههههههههه

بس بصرف النظر انك جاى تضرب تحت الحزام ههههههههههههههههه التغير الواقعى عجبنى وينفع مع الصباح علشان الفطار ههههههههههههههههههههه


نهارك عثثثثثثثثثثثثثثثثثل يا ثثثثثثثثثثثثثكر :)

richardCatheart يقول...

مصطفــــــــــــى


هع هع هع وربنا وربنا لا انيمك من المغرب يا درش

بئا كدا يا ضاكتور ههههههههههههه طب انا على قلبك ومافيش سااااااكع فى شاااااااااا سادة من غير لبن كمان

والفطار على ابراهيم رزق ههههههههههه


نهارك فل يا درش يا ابو قلب فل

واجدع تجحية وسلام من رشدى لدرش حبيب رشدى وانزل بالضؤ الشااااااااااااارد :)

richardCatheart يقول...

شيييييييرى


ربنا يخليكى ليا يا حبيبة قلبى والله ويارب ديما كلنا مع بعض ياااااااارب


نهارك ورد ابيض شبهك :)

richardCatheart يقول...

ظلالي البيضاء يقول...

صباحك هنا يارب :) اشكر حضرتك جداااااااااااااااا على تشرفيك ليا وعلى كلامك الجميل الطيب والله بجد نورتنى وبالعامية المصرية انت فى بيتك :)

اشكرك تانى وان شاء الله فى تواصل مستمر :)

richardCatheart يقول...

عمرو يسرى

هههههههههههههههه والنبى طمرت فيك قعدة القهوة يا عمور هههههههههههههه ربنا مايحرمنيش من طلتك الحلوة ابدا


نهارك فل يا عمرو :)

richardCatheart يقول...

ريماسسستى الساحرة الصغيرة


الفراشات مابتخربش الفرشات تضيف سحر جمال سعادة للقلوب دا تأثيرك يا فراشة :)


صباح الغاردينيا مارو
صباح الورد لعيونك
وحشني حضنك وجنونك
ياأجمل قطه في نهاري
ياماليه قلبي وإحساسي
بحب فيكي شقاوتك
جنانك
وطيبة قلبك وإحساسك
عشان بحبك وبحبك
صباح الحب لعيونك "

وبعدين لما دا يبقى خربشة اؤمال الورد اية يا ريموووووووووووو


انا بمووووووووووووووووووت فيكى وانتى عارفة ومتاكدة من دا ربنا يخليكى ليا ويفرحنى بيكى وانتى احسن الناس واسعدها يارب ياروح قلبى ياساحرتى :)

نهارك صافى زى قلبك يا حببتى :)