الأربعاء، 4 يوليو، 2012

خربشـــ فضايح :) ـــــة ( التدوينة الـــــ 15





1/ عرف نفسك ؟
   الاسم\ ناريمان ( مارو)
زوجة وأم وبتعال :) 
34سنة واسبوع
دبلوم تجارة دفعة 94\95
    

2/ ما أكثر ما يميز شخصيتك ؟
* الحقيقة كان المرح :) مش عارفة  حاسة ان الظروف  خلت دمى سم :)
 
3/ ما هى اهم نقطة تحول فى حياتك ؟
* دخولى التدوين 
 

4/ كيف دخلت الى عالم التدوين ؟
* أول معرفتى بالتدوين كانت عن طريق صديقى واخويا واستاذى الجميل تركيب صاحب مدونة عالم تركيب ابتديت من عندة اتابع العالم دا كنت مستغرابة ومكتفيه بالتنطيط عند تيكو لحد ماقررت يوم اقرأ ابتديت بمدونة استاذتى ورفيقه السلاح الرفيقة ستيتة حسب الله الحمش ست الستات :) ومنها روحت لفاتيما روح قلبى وروح قلب ماما  وفضلت اتابع واعلق ما يقارب السنة ومع كلام من المقربين ومحاولات معايا فتحت المدونة بتاعتى وكان ...
 

5/ ما اسم مدونتك ولماذا اخترته ؟
* قلب القطة ... والله هى جات كدا نسبة للميل بتاعى cat heart
 

6/ صف مدونتك ؟
 * نملية  ههههههههههه وللجيل الجديد اللى ياعنى ماعصرش النميلة  هى عبارة عن دولاب مطبخ بس شبه دولاب الهدوم واقف مش زى دواليب المطبخ دلوقتى وحدات ودا كان بيلم كل كراكيب المطبخ وليه رف يتحط عليه اطباقالاكل وتتغطى  اهو مدونتى بئا نملية :)
 

7/ من هم أكثر ثلاث شخصيات أثروا بك من داخل عالم التدوين ؟ ومن خارجه ؟
 *من عالم التدوين اكتر من ثلاث بس ناخد كدا \ تركيب (مدونة عالم تركيب ) - ستيتة ( مدونة مش عارفة بس نفسى اعرف) - فاتيما ( مدونة روح قلب ماما )

*من خارج التدوين كتير بردو \ أبويا العظيم  _ امى الرائعه - ايما مونا اليكس مون صحبتى - دكتور مصطفى محمود ........

8/ ما هى طقوسك الخاصة عند الكتابة ؟
 * ههههههههههههه ولا حاجة حالة وتيجى وزحمة فى الدماغ وقلمى الرصاص المعفن والاجندة واكتب واشخبط مع انى ممكن امسح بس بشخبط بردو عادى جداااااااا
 
9/ ما هو الاسلوب المفضل لديك فى التدوين ؟
 *انا لما بكتب بكتب وخلاص اى حاجه بكتبها هى مجرد احساس يطلع زى مايطلع اش اكون انا علشان يبقالى اسلوب !!!!!!!!!!

*لما باجى بقرأ بحب السهل البسيط المفردات العميق المعنى اللى يشغلى القلب والعقل مع بعض يجى نثر يجى شعر يجى قصه اى كان المهم العقل والقلب يوصلهم الاسلوب 
بكرة الكتابات الطويلة قرأه وكتابة !!!
 

10/ فى رأيك ما أهم ما يميز تدويناتك ؟
*ولا شىء ضايعه فى اللغة ههههههههههههه الله يعنكم عليا هو مجرد احساس فى كلمات مبعثرة 

11/ ما هو تقيمك لعالم التدوين فى الفترة الاخيرة ؟
 * والله انا متغيبة ومقصرة جدا من فترة طويلة لكن التدوين اليومى ادانى فرصه جميلة جدااااااااااااا اشوف بنوتات وولاد اكثر من رائعين ومختلفين فى الاتجاهات والاسلوب شايفه بكرة تدوين اكثر خصوبه بيهم بس حقيقى احنا بقينا كتيييييييييير اوى الله هو اكبر ربنا يزيد ويبارك
 

12/ اختر اقرب تدويناتك الى نفسك وضع رابطها وحدثنا عنها ؟
 سيمفونية الغجرية
 كتبتها فى الاجندة فى مايقارب نص ساعة كانت حلوة ومسترسلة معايا كنت شايفها بتتحرك اؤدامى فاكرة ان اول حد سماعها منى فى الفون اول ما خلصت ايمان الحب الجميل  هههههههههههه وكان رد فعلها جميييييييل والحمد لله استحسنها الجميع وال الان 
الجميل ان بعد سنه ونص من كتابتها عرض عليا احد الاصدقاء انى اختار عملين ليا يعرضهم على شلعر كبير طبعا رفضت لانى عارفة مستويا ولانه حد محترف وانا على قدى جدااااااااااااااااااااااااا كان الكلام طيب انتى خسرانة ايه قولت ولا حاجه وكان الراجل قراء الغجريه اتهبل وقال عليها شعر دى حكايه ودى محصلتش و... و .... و... تمااااااااااااام بس كمل وقال مستحيل اللى كتبها يكون هو اللى كتب القصيدة التانيه لانها ضعيفة لغويا وركيكة مستوها اعدادى ههههههههههههههه سبكم الجزء الاخير دا عاااااااااااااادى مانا عارفة ايه الجديد انما الاولانى لالالالالالالالالالالالالا بقيت اتشال واتهبد  كلة الا الغجرية دى انااااااااااااا يالهوى شقاااااااااااا عمرررررررررررررررررى 
بس والنبى لو نزار نفسه شيرها باسمة يبقى لطشها منى اه حد لية شوق فى حاجه ههههههههههه المهم بعت شكرته على كلامة عن القصيدة لانه مجهودى والاهم احساسى وحته منى ان ماكانش كلى فيها  دى حكايتى معاها 
 
13/ استعرض اهم المواقف الغريبة او الطريفة التى صادفتك مع التدوين ؟
* هع هع هع التدوين زية زى اى دنيا او شغل فية ناس ونفوس بشرية بس حقيقى الحمد لله حظى كان طيب كل اللى وقعت معاهم سواء اتفقنا او اختلافنا ولاد حلال مافيش مواقف تذكر
 

14/ هل أحدث التدوين تأثيرا عليك ؟ وكيف ؟
 * طبعا خلانى اكثر جرائة  واكثر قدرة على التعبير بقرأ والجزمة فوق رقبتى ثقاااااااااااافة تووووووووووواصل خلانى اكثر تقدير للاخر مهما اختلافنا وخلانى اكثر حذر فى معاملاتى 

15/ اختر اى مدون ووجه له سؤال ؟
 مش عايزة حد يدعى عليا كدا تماااااااااااام ونروح بيوتنا من غير  ضرب :)
 
تنوية 
دى اخر تدوينة ليا معاكم انا استمتعت فوق ماتتخيلو بالرغم انى بردو ماقدرتش اتابع الكل زى ماكنت بتمنى بس استمتعت بقرائتى ليكم وبوجودكم ودعمكم ليا انا عملت انجاز بيكم انى اواظب على شىء يومى غير شرب القهوة الصبح دا فخررررررررررررر لمصر :) ربنا مايحرمنيش من وجودى معاكم ابدا كلكم :) 

هناك 19 تعليقًا:

ليلى الصباحى.. lolocat يقول...

بساطة وتلقائية ورقة وتواضع
جميل ما نثرته هنا يامارو :)
خفة ظل وحيوية ماشاء الله

سعيدة بمتابعتك دائما غاليتى
دمت بود وسعادة

عمرو يسرى يقول...

ايه الكروته ديه اخر تدوينه ايه لسه الشهر ماخلصش
لا هتكملى بلاش تهريج
تحياتى

الازهرى يقول...

عجبتنى الحته دى جدا


* الحقيقة كان المرح :) مش عارفة حاسة ان الظروف خلت دمى سم :)

بس مختلف فى موضوع سم دى
لإنها غير واقعية بالمرة


وكرهت الحته دى جدا جدا جدا

دى اخر تدوينة ليا معاكم

راجعى فى دماغك من تانى
أنا مش ممن عادتى أراجع حد فى قراره مهما كان
ومش مهم المواظبة انا احيانا بأحط أربع تدوينات فى يوم واحد واقعد شهر من غير كتابه
بس المهم إننا متواجدين

شيرين سامي يقول...

يعني إنتِ تفرحينا و تضحكينا من البوست و بعدين تنكدي علينا في الآخر :(

مارو إنتِ سكر بجد و مختلفه و كاتبه جميله خيالك رائع و تعبيراتك في الجون..إستمري أرجوكِ أنا و كلنا أكيد بنستمتع بيكِ..

مبسوطه إني عرفتك أكتر و لو إن القمر مبيختفيش :)

Aya Mohamed يقول...

من اول ما ابتديت اقرا وانا مبسوطة جدا
وصلت للاخر زعلت جدا
ليه مش هتكملى معانا
انا زعلانة بجد ازاى مش تابعتك من الاول :(((
جميلة مدونتك وشخصيتك وبساطتك وكل حاجة :)

shreif elsaftty يقول...

كلامك رائع وجميل وكان نفسنا انك تكملي تدوين معانا ربنايوفقك يارب وهنستنى دائما تدويناتك

Tamer Nabil Moussa يقول...

سطور جميلة

وتعريف بسيط

تسلم ايدك

وربنا يوفقك ويكرمك

على فكرة ان عمر واحد

مع خالص تحياتى

مصطفى سيف الدين يقول...

آخر تدوينة ايه؟
هو الشهر خلص؟
لسه بدري يا مارو
لسه النملية متعبتش و انتي عندك خزين كتير لازم تحطيه فيها يلا بقى مش مقبول اعتذارات كملي
اذا كنت انا لسه هاكمل :)
تحياتي ليكي و راجعي قرارك احسن نعمل اعتصام هنا

ريـــمـــاس يقول...

صباح الغاردينيا يامرمر
اممم بجد بجد والله مبسوطة لأني عرفت أسمك هههههههه كنت بقول اسم مارو حلو بس بجد أسم ناريمان يجنن وربنا يخليلك ولادك وجوزك يارب وبعدين أنتي عسل ودمك خفيف وروحك حلوة ومميزة عندي بـ الممممممممممممم بتاعتك الي ببقى مبتسمة كل ماشفتها الصبح على الفيس اممممم حقولك سر قربي شويا مش عاوزة حد يسمعنا انا كنت بستنى مارو كل صباح وبحسها بتقراني بقلبها ودا بجد حبيته فيكي ومعليش انا كسلانة في الفيس في الزيارات عشان كدا حملة التدوين خلتني أقرا مارو أكتر وبجد حروفك تجننن وانتي أدبيه وكتاباتك حلوة اتغري يابنتي ماحدش واخد منها حاجة ههههه مش بس الغجرية بجد كتاباتك جميلة واوعي تبطلي كتابة او تقللي من قيمة مارو العسل :)
اهم حاجة خليكي كدا شقية ومرحة وانوثة ورقة ولسان عسل :)"
؛؛
؛
لروحك عبق الغاردينيا
كانت هنا
reemaas

ابراهيم رزق يقول...

لالالالالالالالالالالالالالالالالالالالالالالالالالالالالا
ياماما
لالالالالالالالالالالالالالالالالالالالالالالالالالا

هو دخول الحمام زى خروجه

اخر تدوينة ايه و الكلام ده
احنا ما صدقنا الماكنة اشتغلت و طلعت قماش
قصدى الاجندة اشتغلت
احنا فى انتظار البوست القادم و خرابيشك الذهبية

تحياتى

Deyaa Ezzat يقول...

روحك جميلة أوي ما شاء الله
وبيبان أوي ده في تدويناتك

مش هينفع دي تكون آخر تدوينة :)

عاشقه الرومانسيه يقول...

ليييييييييييه كده (على طريقه هانى رمزى فى مسرحيه كده اوكيه )
ليه اخر تدوينه يامارو؟؟!! انتى عندك حاجات كتير جميله
بلاش بخل الله يكرمك وامتعينا بكلامك :)
البوست تحففففففه ولسه دمك شربااااااات فراوله مسكرررر
مين قال موضوع الدم السم ده؟ انتى هتطلعى اوشاعات ولا ايه؟ كده سمعه الاسكندرانيه هتنضرب فى مقتل ياأمى :))

ملحوظه :
انا مستمتعه بالبوست ده قوى جدا خالص :)

فاتيما يقول...

هههههه

يا امراءة السرطان يا لاسعة يا مجنونة
يا لذيذة وحنونة وعاملة جامدة
وانتى كل الضعف يا جدعة وياروشة ومروشنا معاكى
وبنحبك موت
أه يانى


انا اسمى مكتوووب
طوااايب


اجاباتك شبههك
و التاج جميل
وكل اللى لبسه لحد دلوقتى
نورّ عليه
وقولت انا حملة التدوين لشهر دى
عاوزة ناس صحتشها كويسة
واحنا خلاص حسن الختام بقى


يا رب تكونى بخير
انتى والعيال ومحمد



بوسات
وحضونـات
وفعصــــات

يا حبيبتى

re7ab.sale7 يقول...

لا يا انجلينا جولي
لازم تدوني
وحياتك عندنا
بجد التدوين مالوش طعم من غيرك
بجد حبيت كتاباتك
بس لاني مشغولة مش بدخل كتير
بس اخلص من شغلي شوية وتلاقيني علقت ع القديم والجديد
وادعي لي اشتري لاب توب اهو هيرحمني من الخناق بيني وبين اخواتي ع الكمبيوتر
ههههه
اجاباتك عسل زيك تمام
وحشاااني اوووي
ويارب تكوني بخير انت واسرتك الجميلة

eng_semsem يقول...

طيب ليه بس تضيعي جو التدوينه الجميله بالجملتين اللي في الاخر اللي مش ليهم لازمه
في الاخر هترجعي وتكملي وتكتبي تاني الحياه مش بتقف والنمليه عايزين نملاها
تحياتي ومستني التدوينه الجديده

Osman Ali يقول...

انا سعيد بالتعرف على حضرتك
اجمل ما يميز حضرتك هو البساطة والمباشرة
واتمنى ان دي متكونش اخر تدوينة ليكي معانا :)

;كارولين فاروق يقول...

زي ما قالت ليلي الصباحي بسيطه
وتلقائيه في اجاباتك
حبيبتك اكثر لما عرفت انك برج السرطان
زيي وعارفه ان الملل بيصيبه كتير
انا وكلنا مش موافقين علي توقفك
وكملي احسن لك احسن حنعمل حرب جماعيه
قوقعيه تنافسيه عليكي هههههههه
دومتي بخير
تحياتي

rona ali يقول...

واضح انك مش بقيتى مرحه دة فطست ضحك هههههههههههههه

طيب قبل ما تسبينا متنسيش تكتبلنا حته الارض اللى انتى بتكتبي عليها الاراضي هنا كمان بقت غاليه

ردود تلقائيه وبسيطخ ومرحه ولذيذه هى انتى بكل ما تحمله الكلمه من معنى

وانتى عسل فعلا :)

ظلالي البيضاء يقول...

السلام عليكم ..
اليوم تعمدت البحث عن مارو قلب القطة وبدأت بالتعرف عليها من خلال تعريفها بنفسها .. لِما رأيت من ذكرها الحسن الطيب في مدونات صديقة ..
وقد دخلت حملة التدوين دون قصد مني ولكنني فجأة وجدت نفسي أكتب كل يوم فقررت الدخول ..
ولما كانت هذه التدوينة المشتركة عقدت العزم على التعرف على مزيد من المدونات فما سرني منها شاركت فيها وما لم يسعدني مررت بها مرور الكرام ..
لذلك فأنا منذ اليوم هنا بين سطور مدونتك ..
وسيسعدني أن أنال هذا الكرم منكم ..
كما يسعدني أن هذه المجموعة الطيبة التي دخلت بين سطورها كانت رائعة بشهادتي وشهادة كل من عرفهم سواي ..
مع التحية الطيبة ..
أو أسامة ..