الأربعاء، 27 يونيو، 2012

صبـــــ الشوق ـــــــــــاح ( التدوينة الـــــــ 8 )





صباح الشوق
 
ودقت قلب طيرة لفوق
 
ترن تسمع الدنيا

تصحى العاشق والمعشوق
 
صباح الشوق لعيونك
 
ولمسة صوتك وجنونك
 
وضحكة ترن فى ودانى 
 
تزيد فى غرامى وحنانى 
 
وترعش قلبى ملكانى 
 
وأطير أنا فوق 

صباح الشوق
 
ياأسرنى وهاجرنى 
 
وزارع عشقك فى كيانى 
 
وراوى حيرتى وأشجانى 
 
بنبرت حسك أنا هايمة
 
فى بحر الضوء
 
صباحك شوق

*************



هناك 20 تعليقًا:

Deyaa Ezzat يقول...

كم رائع هو هذا الصباح الذي نستقبله بتلك الكلمات الرقيقة

أحسنتِ

مصطفى سيف الدين يقول...

جميلة جدا جدا
كتبتيها حلو اوي اوي اوي
الله عليكي يا مارو
ما زلتي متألقة

حنان الشافعي يقول...

قولي ان دي انتي
احيه!
:*

mohamed يقول...

صباح الورد
والخربشه
تحياتى

لـــولا وزهـــراء يقول...

بنبرت حسك أنا هايمة

فى بحر الضوء

صباحك شوق
................................

ههههههههههه جميلة جداً صباحك سعادة

لولا

ريـــمـــاس يقول...

صباح الشوق ودقة قلبي وحنانه
صباحك شوق ياخدني لفوق
ياخدني لحضنك من تاني
يهديني ويديني
بسمة قلبي وأيامي ..
صباح الشوق لعيونك
لحضنك صوتك وجنونك
________
ومساء الغاردينيا
اعمل فيكي ايه ساحرة بالفصحى وبالعامية
اممممم معليش بخربش بالمصري كمان:)"
؛؛
؛
لروحك عبق الغاردينيا
كانت هنا
Reemaas

ليلى الصباحى.. lolocat يقول...

صباحك فل وياسمين حبيبتى
كلمات بسيطة ورقيقة

دايما متألقة وصادقة المشاعر ..تسلمى على حروفك العذبة

تحياتى لك وتقديرى

رؤى عليوة يقول...

جميل اوى التفاؤل بجد

من بين مدونات كتيييير يدوب نلاقى حد ربنا فاتحها عليه وبيكتب بتفاؤل :)



دمت بخير

الازهرى يقول...

صباحى لقلبك النادى
وطير بيطير وبيغنى
بصوته الرائع الشادى

صباح البحر والفرحة
وأمورة على راسها
الوردة الحمرا والطرحة

صباح النمر والقطة
صباح بشتميل على السفرة
وأكلة الكشرى بالشطة

صباح شيكولاتة بزبيبها
وبنت تنادى فى الأعماق
على الغايب على حبيبها

صباح الصبح يا مداين
يا كل الغادى والرايح
صباح لكل اللى مش خاين

صباح النور والأمل

βent Pasha يقول...

هايلة :-))
إيه الرومانسية اللي نازلة ترف علينا دي ؟؟
:-))
لا حقيقي جميلة

تحيتي لكِ

richardCatheart يقول...

ضياء

وجودك الاروع ديما منورنى :)

richardCatheart يقول...

مصطفــــــــى درش


تسلمسى يا فنان مبسوطه انها عجبتك :)

richardCatheart يقول...

اه وربنا انا كتبتها من سنه الا شويه يابت اؤماااااااال هههههههه :)

richardCatheart يقول...

محمد


صباح الهنا ويسعد صباحك يارب :)

richardCatheart يقول...

لولا


سعيدة بوجودك وسعيدة انى رسمت لضحكه الحلوة دى :) تسلميلى انتى الاحلى

richardCatheart يقول...

الرائعه الساحرة الريماسية:)


دانتى رديتى ردت اجمل واحلى واشيك من البوست نفسه انتى تكتبى مصرى تكتبى صينى مبدعه يا بنتى وررررررررررربنا :) ماشاء الله عليكى

انتى بتنورينى وبتضيفى ليا والله يا ريمو :)

صباحك نسايم حريرية

richardCatheart يقول...

ليلى الصباحى


تسلميلى يا حببتى يارب ويسعد صباحك وعمرك كله كله كله انتى بتنورى الدنيا بأحساسك الحلو وقلبك الجميل :)

richardCatheart يقول...

رؤى عليوة

هههههههههههه تسلميلى بس الناس هتعمل ايه الهم تقيل وتقل القلوب يا رؤى ك9

تسلميلى ويسلمى ذوقك :)

richardCatheart يقول...

الللللللللللللللللللللللللله يا ازهرى


جميييييييييييييييييل يسعدك ويسعد صباحك وايامك يا مضروب انت فنان هههههههههههه

richardCatheart يقول...

بنت باااااااااااااشا


ههههههه انا مبسوطه اووووووووووووووى انها عجبتك يا مرموره الحمد لله

انتى منوره الدنيا