الأحد، 12 فبراير، 2012

بصرف النظر  عن موقفى فى محمد حسان الا انى شيفها مبادرة خير

السلام عليكم ورحمة وبركاته

الزميل / الزميله المدون
يدعوك بيت المدونين

للمشاركه فى مبادرة " المعونه المصريه "
من خلال مدونتك الكريمه
المبادره ابتدأها بعض المشايخ المحترمين للرد على تهديد امريكا بقطع المعونه عن مصر
مع العلم ان هذه المعونه لا تغنى ولا تسمن من جوع فهى دائماً مشروطه ويتم انفاقها على الخبراء الامريكان الذين يتم اشتراط تواجدهم فى المشاريع التى توجه لها المعونه ، بالاضافه الى المحاصيل التى يتم الاشتراط على مصر فيها شراءها من امريكا وأشياء اخرى كثيره لا مجال لحصرها
فبالتالى كانت هذه المعونه وبالاً على مصر . اقتصادياً وسياسياً وعزة وكرامه

وقد آن الاوان لوقفها واثبات اننا رجالا لا نمد الايادى لغيرنا

نريد ان :
نحيا كراماً 


هناك 14 تعليقًا:

The illusionist يقول...

وانا مع المبادره
والف الف شكر على التنبيه لانى مكنتش هعرف لولا مدونتك
واسف كمان مره على حكايه اللخبطه دى
بس خير
صباح الخير

richardCatheart يقول...

The illusionist

اهلا بيك انت نورتنى

وطبعا تقدر تتابع دا عبر لينك بيت المدونين جديد بجديد على طول

اما عن اللخبطه ما يش داعى للاسف انت اخ عزيز وفعلا خير ان شاء الله

مسائك هنا يارب وديما منورنى

سواح في ملك اللــــــــــــــــــه- يقول...

ايوة كدة

هو ده شعب مصر الحقيقي

انا شايف ان هو مش تبرع

ده واجب علي كل مصري يقدر يساعد امه مصر

انا مع المبادرة

وفي منتهي السعادة ليها

Haytham Kilany يقول...

السلام عليكم
اولا عجبنى موضوع صرف النظر ده
طبعا لانك عارفه انى بقالى زمن بأبوس ايد الناس تصرف النظر عن الناس اللى مش عاجبينها عشان تسلك

ثانيا : ربنا يكرمك على نشر الموضوع وهو ده الهدف - مش لازم مين اللى بيبنى مصر المهم اننا نبنى مصر

ثالثا : أكرر تقدير وتحياتى لنشر البوست ده

رابعا : احنا عملنا ايفينت عالفيس بوك للموضوع ده من خلال بايدينا مصر بكرة أحلى
http://www.facebook.com/events/307332485983060/

بصرف النظرعن اصحاب الجروب (:

بيت المدونين يقول...

شكرا يا مارو على المبادره

richardCatheart يقول...

بيت المدونين



العفو وربنا يجعلها خير

richardCatheart يقول...

هيثم كيلانى

اهلا اهلا يا هيثم انت منور الدنيا والله

اولا انت فعلا من الناس اللى كتير كانت بتنادى بغض النظر المهم نتوحد حقيقى ما انكرش وربنا يجازيك كل خير

انا مختلفه مع محمد حسان ورائى معروف وموقفى معلوم بس انا شايفه ان دا وقت احنا محتاجين نعمل حاجه نلم الناس لازم الناس تحس بان فى اى شىء بيتغير الوقت حرج واحنا بقينا فى شتات نفسى والله نتوحد تانى واتمنى ان المبادره دى نلاقى غيرها فى حاجه تانيه حد يطل بيها وندعمه بردو فاربنا يسهل ونقدر نعمل حاجه الا اذا اتخذت اى شكل تانى انا هنسحب من دعمه نهائى وربنا يقدم اللى فيه الخير يارب


اما بغض النظر عن اصحاب الجروب :) انت عارف ان اننا اصحاب الجروب وليا فيه حته كبيره نايب الاسد هههههههه انا مامشتش منه علشان اصحابه بالعكس عدم وجودكم كلكم اللى اتعاملت معهاهم اثر فيا وربنا اعلم وعمرى ماهلاقى زيكم كلكم افاضل بمعنى الكلمه بس انا اللى عندى ظروف والله تمنعنى من التواجد بشكل ظاهر ومستديم على الفيس فأعذرنى علشان الايفينت يا هيثم غصب عنى حقيقى بس فى سؤال انا طرحته فى بيت المدونين وعايزه عليه توضيح من فضبلك قبل ما اشير الايفينت والموضوع كله

وشكرا يا هيثم ربنا يوفقك ادام الله عليك روحك الطيبه اخى الكريم

no0o0r in my♥ يقول...

معااااااااااااك يا جميل :)

Haytham Kilany يقول...

ربنا يكرمك ويكرم كل من يحب هذا البلد لله ليس لمصلحته وفقط

أولا : مش هنطلع مليم غير لما نعرف هيروح فين وهيجيى منين وتتعمل لجنه محترمة لمتابعته

ثانيا : اللى عايز يبنى مصر بجد عمره ما هيسأل مين صاحب المبادرة

تحياتى
مصر بكرة أحلى

لـــولا وزهـــراء يقول...

مارو


ربنا يجعلها فى ميزان حسناتك وحسنات من دعا ونقل وكتب

مش مهم احنا مختلفين فكريا او سياسيا او دينيا مع اى حد لان دلوقتى وقت التوحد مش الاختلاف

زهراء

ريـــمـــاس يقول...

صباح الغاردينيا مارو
وربنا يكتب الي فيه الخير لمصر
ويارب ترجع ابتسامة مصر لاني فقدتها "
؛؛
؛
لروحك عبق الغاردينيا
كانت هنا
reemaas

eng_semsem يقول...

تمام تسلم ايديكي وافكارك
المهم بدام فكره كويسه وتفيد المجتمع نحاول ننفذها مش مهم مين صاحبها المهم الفايده تعم على كل اهل مصر
تحياتي

well يقول...

نحيا كراما او نموت
..
تحياتى يا ريتشارد

richardCatheart يقول...

مساء الورد ليكم اجمعين

ربنا يكرم الجميع يارب ويجعل الجاى احسن ويستر لان الطريق للجحيم مفروش بالنوايا الطيبه

اشكركم كلكم على المشاركه الجميله