الأحد، 12 فبراير، 2012

تحديــــــــــــث+خربشـــــــــــة 3

  
تم غلق التعليقات لغير المعرف والتعليق هايبقى بحساب جوجل

علشان الغير معرف العثثثثثثثول الامور الغندور مايقرفنيش هى مش ناقصة اهلة الحقيقة 
واحب اقولة كااااااااااااك يا مز  وان شاء الله قاعدلك مافيش حاجة بتروح
__________________________________________________________



بالرغم من قربى الشديد منك ...... ووجودك بداخلى ....وأنبعاثك من نفسى كأشعة فضية شديدة النقاء ....إلا أنك لازلت بعيد المنال .... حيث ألا منتهى

__________________________________________






كم أنت مقيت كرية الأفكار مضمحل الرؤى ، أولست من أستكبر على الرحمه فطرد ، فكيف لى الوثوق بأفكارك !!! ... أو لست من بدعت شرور النفوس ؟؟؟ فكيف لى الوثوق بأرائك ! .. أو لست من عاديت الأعلى ؟؟!! فكيف لى الوثوق برؤياك ....
هكذا حدثت شيطانها حينما أراد يوماً أن يهمس لها بأذنيها .. ففر منها هارب يتمتم بكلمات السخط وهو يحترق ..بينما هى مبتسمة راضية مرضية



__________________________________________________




هذا الحال أجتياح ثم أحتلال .......هو الأجتياح الوحيد الذى تستمتع معه .... وهو الأحتلال الأوحد من نوعة المسموح به .......حيث ينتهى بك الأمر بأن تبدأ أنت وبنفسك فى بناء المستوطنات لمن أجتاحك ........رافضاً أعلان المقاومة ضده ....... فهو إجتياح الشوق وإحتلال العشق .....

_____________________________________






من الطبيعى عندما تقوم عبر رحلة حياتك بجمع الجواهر النفيسة من معادن شديده الندرة والجودة وأحجار كريمة أصيلة ....... من الوارد أن يقوم بعضها بخداعك فتظن إنك قد حصلت أروع ماسة فى العالم وأكثرهم قيمة بينما هى مجرد قطعة من زجاج عاكسة للأضواء فقط ........ ولكن الجيد هو....... إنك مع الخبره وأكتسابها والإجادة تستطيع أن تكتشف حقيقتها مع الوقت سريعا...... قد تحزن أو تجزع ولكنك ستتذكر أرتفاع مستوى خبرتك مما يهون عليك الأمر كثير

_______________________________________________




عندما تتجمع آلام العالم في بؤرة واحدة تحرق يسار صدرك .... 

فاعلم أنك ستموت عشقاً !!!!!


__________________________________________



بجوارك أجلس كقطة تراقبك بشغف ... بينما تضع طرف سيجارتك بين شفتيك أرمقها أنا بنظرات الغيرة و أصبوا لأكون مكانها ...... بينما يلامس طرف إصبعك فنجان قهوتك .. أرمقه بنظرة غيرة أخرى فهذا الإحتواء من حقى أنا ....... بينما تقرأ جريدتك بإهتمام أرمقها أنا بنظرة غيرة جديدة فهذا الإهتمام ملكى انا ............... وأظل هكذا حتى تكاد تقتلنى الغيره عليك........ فأهم لإحتضانك بقوة و حنو لأقتل شغفى بك و أحتوى أنا كل ما فيك

________________________________________






كن كالأزهار رغم انها تولد فى ربيع واحد طول عام..... وتعلم ان بعد مولدها سيأتى من سيقطفها  بغتة......وأن من سيتبقى منها سيقتلة الخريف متعمدا ..... إلا انها تستمر كل عام فى التفتح لتسر الناظرين



_______________________________________







 أتعلم عندما يمر اسمك أمام عينىى....... أشعربأنى ملكت العالم وكأنى سيدة الكون الأولى
فمع ظهورة تهرب شياطينى للجحيم تجر أذيال الخيبة
وأنسى ذاك العالم وأقبع هنا مع حروفك
فيالها من حروف مسحورة  تملأ حجرتى المظلمة سعادة ونور

_______________________________________




رؤيتــــــــــك : هى ذاك القارب الصغير الذى يحتويك كرحم أمك ...... حين تقرر العبور للضفة الأخرى من النهر ..... فأحرص أن تكون ثاااااقبة ... وليست مثقوبة

_________________________________________






أيها العشق الأبدى قررت أن أهديك اليوم باقة زهور مغلفة بنفحات من روحى
وضعت لك تلك البيضاء فهى نور قلبك حبيبى ونقاء نفسك
واخترت معها تلك الصفراء فهى ضيائك الساطع وشروق شمسك
ومعهما هذة الحمراء عشقك لجنونى ........و بهجة حياتى التى وهبتنى إيها بوجودك
اما البنفسجية فهى دمعاتى وحزنى وأشتياقى لك
عشقت الزهور عشقاِ فيك أنت

____________________________________________


منحنى الله إياك ...... أصبحت منحتى .....فعشقتك حتى ذوبت فيك عشقا.......فصرت محنتى...... التى أكفر بها ذنوب عشقى و ذوبانى

هناك 34 تعليقًا:

P A S H A يقول...

:))

مساء الإبداع

بصي أولاً .. " مبتسمة راضية مرضية" اختيار الكلمات وترتيبها خللاني ابتسمت بجد :)

ثانياً .. الفقرة دي "بجوارك أجلس كقطة تراقبك بشغف ... " جباااااااارة بجد .. يخرب بيت كده يا جدعان ، الله أكبر على التجسيد والوصف والتعبير ، حلوة جداً :)

ثالثاً .. "احرص أن تكون ثاااااقبة وليست مثقوبة" دي مجرمة

دول أكتر فقرات شدوني ، والبوست كله جميل والله ، تسلم الأيادي :)

Ms Venus يقول...

عندما تتجمع آلام العالم في بؤرة واحدة تحرق يسار صدرك ....

فاعلم أنك ستموت عشقاً !!!!!

ايه الجمال ده يا مارو

بجد رائعة

ستيتة يقول...

عندما تتجمع آلام العالم في بؤرة واحدة تحرق يسار صدرك ....

فاعلم أنك ستموت عشقاً
ليه كده يا واد يا اسكندراني؟:)
البوست جميل جميل يثبت ان اللي عنده دم احلى من اللي عنده ألماس
مش عارفة هل الموت عشقا أجمل من الموت في المطلق؟
اظن كده
انه الموت سعيدا راضيا مرضيا:)
وارجع واقول بعد الشر عنك من كل وجع يا ريتشاردي
ان شا الله نائب الترامادول والكوكايين موحد القطرين عديم الذكر زفت الطين
بوسة طايرة حايرة وسط النوات المتوالية

لـــولا وزهـــراء يقول...

مــــارو ...
*********

اولا ازيك وعامله ايه ويارب تكونى بخير وسعاده انتى وكل احبابك
ثانيا بمناسبة خربشه من فتره كنت فى مكان مع بعض الناس واتكملت على حمله عاوزه اعملها اسمها خربشه رد احد الموجودين وقال هو انتى قطه ضحكت وافتكرتك وقولت فين بس القطه وخربشتها 0_0

ثالثا انتى غيرتى شكل المدونه صح او الواحد بقى نظره على اد حاله هههههه

رابعا عندك شوية صور وشك يا قطه حلوه اخر حاجه بجد ذوقها اكتر من رائع واعتقد انك مش عاوزه كلام حلو كتير عشان انتى عارفه انى باخاف من الحسد اوى اوى واظن اننا جربنا الحسد قبل كده ولا ايه 0_0

خامسا ده بس عشان الحسد كتبت خامسا هههههههههههههه
من عبض جملك البسيطه العميقه تذكرت اغنية حميد الشاعرى الفالصو والدهب لهم نفس البريق الفالصو ساعات بيخدع ويقول انا المضئ لكن فى الشده بان مين اللى له امان ومين للعشره صان وكان هو الصديق
بصراحه الاغنيه دى باحبها اوى اوى لاننا فى رحله الحياه بنقابل ناس نفتكر انهم ماس واغلى من الماس لكن بعد العشره بشويه تحسى انهم ولا عندهم اى احساس


ايه الحسد ده كله للسيجاه والقهوه وحتى الجريده انتى مركزه اوى اوى هههههههههههههههههههههههه

عجبنى اوى حكاية احتوى كل ما فيك وحلو انها تكون من امراه لان عادة المراه تراقب ولكنها لا تتحرك ده المراه العاديه لكن طبعا اهل اسكندريه غير اى حد تانى 0_0

حلو اوى اننا نكون زى الازهار من فتره فكرت كده هو احنا فعلا زى الازهار يعنى يوم تبقى جيرب مع العروسه ويوم تبقى صحبه لزيارة مريض ويوم تبقى على قبر احدهم لكن تظل الزهور لها رونق وعبير وطله غير عاديه


عجبنى اوى اوى اختيارك لالفاظك فى باقة الزهور وتلك التشكيله الاكتر من رائعه التى خرجت من روح اعرف انها تملك مشاعر صادقه جدا

حلوه الكلمات وحلو اوى الاسلوب

ممكن بقى اسال كنتى فييييييييين ؟؟؟

دعواتى ان يهب الله لكى سعاده وخير من حيث لاتحتسبى او تتوقعى

زهـــراء

فاتيما يقول...

مش عارفة
حاسة
ان كل حرف
ف البوست دا
....
.........
بيــوجــــع

يا رب تكونى بخير
يا رب

no0o0r in my♥ يقول...

سيدي يا سيدي
ايه الجمااااااااااااااااااااال ده
بجد بجد تسلم اديكي
ورموش عنيكي :)
. من الوارد أن يقوم بعضها بخداعك فتظن إنك قد حصلت أروع ماسة فى العالم وأكثرهم قيمة بينما هى مجرد قطعة من زجاج عاكسة للأضواء فقط ^_^
جااااااامد :)
تحياتي

سواح في ملك اللــــــــــــــــــه- يقول...

كثيرا ماينخدعون في الجواهر مرات

مقتطفات رائعة

تحيتي

ابراهيم رزق يقول...

يا خربشاتك الذهبية

1 نعم تسكن داخلى و لكنى احتاج لمشاعرك و دفئك

2 اعوذ بالله من شيطان الانس و الجن

3 و هل يستطيع احد ان يقف امام احتلال الحب و العشق و لكن اه من لحظات رحيله او فقده منتهى الصعوبة و المعاناة

4 الاحجار و الجواهر النفيسة تكتشفها بجرد ان تمسكها بيدك و تضغط عليها

5 او ستثور عشقا

6 ما العشق الا الحنين لملامسة و احتواء من تحب

7 او تستمتع و تمتع بلحظات حياتها القصيرة

8 انها ترويض و استئناس الحب فالحب اكبر مروض للمشاعر

9 و ليس من العيب ان تستعين بعدسات مكبرة اذا كانت غير واضحة

10 انها باقة من الحب و السعادة و الشجن

11 انهاالحب هكذا دائما

بجد خرجتينى بخرباشتك من مود مش و لا بد

تحياتى لكى و اسعدتينى جدا جدا بمرورك

ريـــمـــاس يقول...

مساء الغاردينيا مارو
إن كانت تلك تسمى خربشات
فماذا تركتي لمسمى إبداع
كل سطر كان حكاية تتوشج الجمال والروعة حتى تلك الي أعتلاها ألم "
؛؛
؛
سعيدة كوني هنا اليوم
وسـ أكون بالقرب دائماً
لروحك عبق الغاردينيا
كانت هنا
reemaas

عاشقه الرومانسيه يقول...

ضرب نااااااااااااااااااار
اسكندرانيه جبااااره شبه البحر :)

;كارولين فاروق يقول...

جميله كلماتك
انت اسكندرنيه بقي
بصره
انا اجدادي اسكندرنيين
كل من في الاسكندريه فنان
مش قادره اقول غير انك معبره كلماتك
جدا ومؤثره
تحياتي العطره

مصطفى سيف الدين يقول...

ايه الاجرام ده كله :)
دي مش خربشة عادية يا مارو
ده اجرام و بلطجة
روعة اخر حاجة

هبة فاروق يقول...

فى البدايه انا سعيده انى عرفت طريق مدونتك
تصميمها جميل وموضوعاتها اجمل
بالنسبه للبوست رائع رائع من هنا لاخر الدنيا
واكثر شىء اتحفر جوايا واستمتعت بقراءته فقره بحوارك اجلس كقطه تراقبك بشعف رائعه بجد فى الوصف والاحساس ونظره الترقب
انت موهوبه فى التعبير والسرد وخيالك رائع
تحياتى لك

richardCatheart يقول...

باشا يا باشا


رد فعلك اسعدنى اوى يا شريف حقيقى انا يكفينى ان جملة وحده توصلك انما انك تحس كلامى بالشكل دا انا فعلا بمنتهى السعاده

ربنا يخليك وتعيش وتنور الدنيا يا باشا

صباحك عثل ابيض

richardCatheart يقول...

فيوووووووووو

صباحك جورى ياقمر دا جمالك ربنا يخليكى ومبسوطه انها وصلتلك :)


يارب ديما منورانى ياحلى صاحبه ورد

richardCatheart يقول...

ست الستات ستيتة


دائما اسئلتك فى الصميم واجاباتك نموذجيه ههههههههههههههههه فول وفلافل مارك يا ستوا انا


يارب يبعد عنك وعننا وعن مصر كلها كل شر يارب

وان شالله هو اهله ومجلسه واللى يتشددله اللهم امين يارب

اقولك من الاخر داهيه تشيله ههههههههههه


احلى سلام من البحر وناسه وقبلات حتى الموت ههههههههههههه

صباحك ياسمين مزهر ومفحفح

richardCatheart يقول...

لولا وزهراء


صباحك هنا وسعاده يا بطه وحشانى طبعا جدا كل اللى عندى بيسلموا عليكى اوووووووووووى بجد والكل بيسأل عليكى



ببقى مبسوطه اوى لما حبيبى يفتكرونى فى مكان بأى موقف بحس ان قد كدا احنا فعلا معلمين فى بعض ودا معناه جميل اوى يا بطه ربنا يحميكى ومايحرمنيش منك



البلوج هو هو بس هى الصورة الرئيسيه صممهالى صديق واخ عزيز جدا هدية وليا الشرف بجد لانه فعلا فنان وعلم ربنا يعزه


ربنا يحميكى من العين يابطوط يارب انا عارفه وانتى عارفه موضوع الحسد دا اللهم احفظنا هههههههه بصى عندى مشكله مع الصور لان العادى انى بكتب الحاله الاول وبعدين اشوف صوره ودا متعب علشان الاقى صوره تعبر عن احاس الكلام وتوصل لاكبر عدد من اللى هايشوفها سعيده اوى يابطوط معنى كدا انى نجحت فى اختيارهم كتر الف خيرك يا جميل


يمكن دا من اكتر الاجزاء اللى انا بحبها لانه حقيقى ومن الدنيا اوى كلنا بنمر بالتجربه دى وننخدع فى بشر عادى جدا انا فاكره انك كتبتى حاجه بردو عن كدا وغيرنا اكيد كتب ولسه غيرنا هايكتب لاننا كلنا بنتوجع من الحركه دى اوووووووى بس لازم علشان نتعلم ماهو مافيش حاجه ببلاش
ربنا يحميكى ويحفظك يا بطه


انا مبسوطه فوق ماتتخيلى ان كل دا عجبك فى كلامى بجد كتير عليا يابطه


انا كنت فين ؟؟ سؤال بتسأله كتير ههههههه

انا كنت مستخبيه او عامله نفسى مستخبية هههههههه

ياعنى نوع من عدم القدره على التواصل من اليأس ممكن احباط جايز وجع يمكن ياعنى حاجات بسيطه كلها

بحاول ارجع وحده وحده بس يارب اعرف

يارب ديما بخير يابطه ويارب اسمع عنك كل خير ان شاء الله

صباحك جميل ويومك ابيض

richardCatheart يقول...

تيما فاتيما

روح قلبى انا :)


صباحك ابيض زى قلبك الكبير

هو فى ايه ايه حوالينا مابيوجعش ؟؟؟

ماتخافيش عاليا انا بخير وناشفه مابتكسرش ان شاء الله الاسكندرانيه مقاوحين زى بحرهم يا تيما
وبعدين تتتتتتتتتتتت ام الدنيا ههههههههههههههه


خلى بالك منك اوووووووووووى
بحبك يام قلب ماس

richardCatheart يقول...

نور

اهو انتى اللى تسلمى بقى :)

مبسوطه انها عجبتك ومبسوطه اكتر بوجودك يا نور يارب ياقمر دايما منورنى

richardCatheart يقول...

سواح فى ملك الله

مرورك دائما هو الاجمل والاروع :)

صباحك جميل تحياتى

richardCatheart يقول...

ابراهيم رزق

صباحك فل يومك جميل يارب

يا احساسك الراقى


1- اجابة صحيه فول وفلال مارك

2- والانس اكتر من الجن والله

3- هو الاحتلال الوحيد الذى اذا اتى موعد جلائة نقتل حزنا اصبت بقوه

4- اختلف معك ليس جميعها كذالك فى بعضها يسطيع تحمل بعض الضغط لذالك الوقت وحده كفيل بأظهارها

5- فى الحالتين موت بردو على رائى كتكوت اجده ميت واجده ميت الثوار بس هما اللى بيمتوا :)


9- والاستعانه بالعدسه نوع من الحرص انها تكون ثاقبه وليست بمثقوبة :)


النقاط اللى ماردتش عليها اتفق معاك فيها بالكامل:)

اخيرا واسفه على الاطاله انا سعيده بتغير مودك ولو لوقت بسيط لان دا اللى كنت عايزه وانا بعمل البوست فى زحمه الاحداث نلاقى اى حته نهرب فيها ولو دقايق :)

سعيدة دايما بوجدك وأثرائك أضافتك لكلامى وسعيدة اكتر بوصوله ليك

تحياتى ويارب ديما بخير

منجي باكير يقول...

عندما تتجمع آلام العالم في بؤرة واحدة تحرق يسار صدرك ....

فاعلم أنك ستموت عشقاً !!!!!

///

من اجمل تنظيرات العشق و العشّاق ههههه

راقت لي جدا

منجي / الزمن الجميل

richardCatheart يقول...

المتألقة دائما ريماس

فاح من مدونتى عبق الجاردنيا فستشعرت اطلالتك الفراشية الاحساس اختى الغاليه


اعتقد ابداع كتتتتتتتتتتتتتتير اوى انا صعلوك وسطكم ايها الملوك بتعلم منكم وهافضل اتعلم ازاى احس وازاى اعبر عن احساسى

اتمنى دائما هذا القرب من هنا فاوجودك ليس فقط بزهرة جاردنيا انما هو اجمل باقه زهور... ادم الله عليكى حب الناس وأكثر منهم يارب نورتينى جداااااااااااااا

richardCatheart يقول...

دودو حياتى انا ههههههههه

صباحك قشطه يا قلبى ويارب يومك جميل


وسماعنى سلام اقروا الفتحه لابوا العباس دودو عاشقه الومانسيه اجدع ناس :)))))

يارب ديما معايا اعذرينى على التقصير

richardCatheart يقول...

كارولين فاروق


اهلا اهلا بالقمر نورتى الدنيا كارولين بجد ووجودك شرف انا سعيدة به جدا

الاكيد انك او بمعنى اصح انكم العائله لازم تطلعوا اصلكم اسكندرانى هههههههه عائلة فنية جدا اكيد اسكندرانيه جدا


اشكرك جدا يا كارولين حروفى بسيطه لا ترقى لاى شىء اكثر من الخواطر والاحساس
حقيقى سعيده انك حاستيها
يارب ديما منورانى يا قمر

richardCatheart يقول...

مصطفى سيف درش




يا رااااااااااااجل بلطجه يا مفترى ههههههههههه معنى كدا انك انت زعيم العصابة يا سيدى هههههههههه ربنا يعزك يا درش يارفع من معنوياتى ويحميك ويسعد قلبك ديما
هفضل اتعلم منك يا استاذى

يارب منورنى ديما يا درش

richardCatheart يقول...

هبة فاروق


اهلا بالجميل صباحك ورد يا هبة

انا اسعد انك هنا وعرفتى طريق مدونتى وانا بردو خلاص عرفت طريق مدونتك وسعيدة بتواصلى مع انسانه جميله زيك حقيقى

انا مش عارفه اقولك ايه كلامك جميل وكتير عليا والله سعيدة اوووووووى ان حروفى البسيطه تنال اعجباك وتوصلك


بما انى قطة فاكيد الفقرة دى يا هبة من اكتر الحاجات اللى بحبها وحستها اوى سعيده انها عجبتك جدااا:)

اشكرك يا جميل على كلامك دا شهادة اعتز بها والله
ويارب ديما منورانى

richardCatheart يقول...

منجى باكير


صباح الورد


سعيدة بوجودك وسعيدة بأبتسمتك من كلامى
وسعيدة انها راقتك استاذى

اذا صباحك سعادة :)

richardCatheart يقول...

الاخت الغير معرفة


اشكرك جداااااااااااا على كل دعوة دعيتها ليا او لزوجى او لاولادى ربنا يجعله فى ميزان حسناتك مش عارفة اقولك ايه يمكن ماعرفكيش بس احساسى بيقولى انى اعرفك كويس اوى من جمل دعائك ليا لكى مثلما دعوتى ربنا يجعلهولك خير فى اهلك وحبايبك كلهم ويطمن قلبك الجميل دا مستحيل الدعاء دا يطلع غير من قلب جميل اووووووووى

مرورك غسلنى وخلانى اعرف ان لسه فى غير معروفين بخير مش كلهم بيأبحوا هههههههههه ربنا يسعد ايامك بالخير

richardCatheart يقول...

الغير معرف


وانت زعلان ليه؟؟؟ انت غيران ولا اية ؟؟؟ وبعدين الى بتقوله دا حاجه من اتنين مالهاش تالت انك عرفت دا من المصدر نفسه ودا صعب او عملت هاك على جهاز المصد دا ودا ممكن فى كل الاحوال دى حاجه ماتخصكش ومالكش فيها وشكلك هاتموت من الغيظ وعلى فكره ماحدش فينا لا شريف ولا عفيف كلنا خلطه يا عيونى وانت اكيد اولنا

أبو حميد يقول...

خربش خربش يا عم الحاج

بيت المدونين يقول...

السلام عليكم ورحمة وبركاته

الزميل / الزميله المدون
يدعوك بيت المدونين

للمشاركه فى مبادرة " المعونه المصريه "
من خلال مدونتك الكريمه
المبادره ابتدأها بعض المشايخ المحترمين للرد على تهديد امريكا بقطع المعونه عن مصر
مع العلم ان هذه المعونه لا تغنى ولا تسمن من جوع فهى دائماً مشروطه ويتم انفاقها على الخبراء الامريكان الذين يتم اشتراط تواجدهم فى المشاريع التى توجه لها المعونه ، بالاضافه الى المحاصيل التى يتم الاشتراط على مصر فيها شراءها من امريكا وأشياء اخرى كثيره لا مجال لحصرها
فبالتالى كانت هذه المعونه وبالاً على مصر . اقتصادياً وسياسياً وعزة وكرامه

وقد آن الاوان لوقفها واثبات اننا رجالا لا نمد الايادى لغيرنا

نريد ان :
نحيا كراماً

رابط المبادره :

http://richardcatheart.blogspot.com/2012/02/3.html

richardCatheart يقول...

ابو حميد

مننننننننننننننننننور منننننننننننننننور ياعم الحج

يارب ديما يا احممممممد

richardCatheart يقول...

عجبانى المبادرة جدا

وان شاء الله هشارك فيها بصرف انظر عن حاجات كتير

بس لينك مدونتى جه بالغلط بدل بيت المدونين