الأربعاء، 16 نوفمبر، 2011

خربشـــــــــــــــــــة 2



وما الدنيا الا مسرح كبير ...... هكذا قالها شكسبير ...... لتجد نفسك مع الوقت تلعب دور الكومبارس الصامت فيها ....... فهكذا يكون لك نصيب الاسد وانت تتابع عن كسب عمالقة التمثيل على مسرح الحياة وهم يلعبون اهم ادوارهم على الاطلاق ...... فتثقل موهبتك حتى يحين دورك للبطولة ...علك تتفوق عليهم وتصبح انت نجم مسرح الدنيا.

______________________________________







 

قالت له : ابتعد سيكون سقوطى مدوى 
 


قال فى حنو شديد : اسقطى فلن تسقطى الا فى قلبى الوثير


فـتأمنى وتنامى بلا خوف
 


قالت :سأكون قيد لحريتك وسكنى فى قلبك سيجعله ملك لى للابد
 


قال فى عجب :أوليست عبوديتى فى مملكتك هى حريه العالم 

سيدتى 
 

قالت : غيره النساء قاتله بينما انا غيرتى نارا حارقه 
 


قال فى تبسم :ستكون نارك جنتى ونعمه ربى ورحمه بى 
 


فأثرت الصمت وظلت تنظر فى عينا ولاترى فيهما سواها
 


حتى أفاقت ولم تجد ايضا سواها.


___________________________________________________

هكذا تظل طويلا محدقة فى الآفق البعيد...... ترى كل مافعلتة من أخطاء وخطايا....تحاول التغلب على كل الأوجاع  والالام بداخلها وتلملم بعضها بعضا....وفى عينيها نظره أمل فى وجه الله التعالى .... فهى تعلم جيدا ان ماعنده عز وجل من رحمه وعطايا وهبات مالا عين رأت ولا اذن سمعت .....بينما ترتسم على شفاتها تلك البسمة الراضية لذالك الأمل وتلك الرحمة القادمه لها من السماء

_________________________________________________________

الهوس هو ذلك الشعور المتضارب الذى يصيب القلب ..... مطر صافى ......نارحارقة......بروده قاتلة......دفىء ناعم......سواد اعظم .....قوس قزح براق....بينما تحتض تلك المتضاربات القلب متصارعة ..... يعطى العقل أوامره 
لعيناى فتتجسد أنت أمامى .....ألان أبصرك ......أنت هوس قلبى


_____________________________________________________





كلما تبسمت كلما شعرت على الفور بوجودى فى الحياة .......فرجاء أطل أبتسامتك حتى يطول معها شعورى بالحياة



_________________________________________________






وللحروف سحر خاص يأسرنى يجعل أناملى ترسم بتلك الساحره لوحات من ألوان الحياة.....أسود قاتم لحزن العالم .....وذاك الأزرق لصفاء سمائه .....هذا ألصفر لشروق شمسه.....وهاهو ألاحمر لبهجته...... أما الأبيض فهو فطره الخلق....وتتعدد ألالوان مجتمعه مع الحروفالساحرة مكونه العالم بأحاسيسه المتفجرة المختلفة






__________________________






____________









  كبئر ماء أنت .....أموت في بعدي عنك عطشا..... أو أقترب منك...... 

فأرتوى حتى  أموت فيك غرقاً




_________________________________________






نقطع المسافات مسافرين بين الوجوه .......علنا نجد تلك اليد ....... مع الإرهاق والإعياء من فرط طول رحله الحياة....... نتساقط كأوراق الخريف ....... ولكن قبل السقوط قد نُرحم ونجد تلك اليد ....... المربتة فوق ظهورنا الحاضنه لمخاوفنا المداويه لجروح رحلتنا الطويله ............... قد تكون يد بشريه مسخره لنا ............. او يد القدر نفسها
 ______________________________




أطلالتك على حياتى تجعلها كصورة فوتوغرافية ملونة ..... مليئة ب
 البهجة والسعادة وتطفى عليها رونق وبريق الأشراق ... وما أن 
تغيب 
عنى طلتك حتى تبداء الألوان فى الهروب والأنسحاب تدريجيا... 
 لتصبح حياتى مجرد صورة فوتوغرافيا أبيض وأسود تشكل ذكرى ... 
مجرد ذكرى .... حتى تعود طلتك فتعود معها الألوان لصورتى من جديد
____________________________






فى خجل شديد قبلت القمر هامسة......هذه لشفتا حبيبى ....وأخبره ...... كل عام وأنت بحـــــــــــــــــــــــــب

هناك 30 تعليقًا:

مصري جدا يقول...

وبعدييييييييييييين

بوظتوا الأنتريه من كتر الخربشه

أما يجولولنا ضيوف نقعدهم فين؟

عالسلم يعني

تصدقي أوفر برضو

خربشي خربشي

بس ملحوظه

سكون سقوطها مدوي ليه

تطلع كام كيلو متر شاكب راكب يعني بالصلا عالنبي؟

سواح في ملك اللــــــــــــــــــه- يقول...

انا شايف الدنيا دلوقتي

اتقلبت لسيرك كبير

خططتي قصاصات رائعةبقلمك

تحياتي

فاتيما يقول...

الكلام دا
كله صدق
و كله شجن
و كله حب
و فيه فرحة مستخبية


وصحيح خايفة أصدقه
ليطلع مش بجد
بس حبيت كل حرف فيه
واتمنيت يكون بجد


بغض النظر
ومش لازم اعرف
بس كفاية اقولك
تسلمى
ويسلم قلبك
وتسلم مشاعرك
و يسلم كل كلامك
ويسلموا كل حبايبك
وكل حاجة ...
موجودة جنبك وحواليكى
وساكنة ف قلبك
يا قطاقيطو

zay maTigy يقول...

هكذا تظل طويلا محدقة فى الآفق البعيد...... ترى كل مافعلتة من أخطاء وخطايا....تحاول التغلب على كل الأوجاع والالام بداخلها وتلملم بعضها بعضا....وفى عينيها نظره أمل فى وجه الله التعالى .... فهى تعلم جيدا ان ماعنده عز وجل من رحمه وعطايا وهبات مالا عين رأت ولا اذن سمعت .....بينما ترتسم على شفاتها تلك البسمة الراضية لذالك الأمل وتلك الرحمة القادمه لها من السماء

خربشة وصفت حااالى بجد
دايما مبدعه وبين كلامك بلاقى كلام بيوصفنى ومعرفش اقووله
ابدعتى قلب القطة
:)

Ms Venus يقول...

.ألان أبصرك ......أنت هوس قلبى


طب اقول ايه انا بقى دلوقتى ؟

شاب فقرى يقول...

كدا يعنى
لو مسألتش متسأليش :D
ماشى ماشى ...
عالعموم لسه فى اللسته وبنتابع ...
:D

الهوس هو ذلك الشعور المتضارب الذى يصيب القلب ..... مطر صافى ......نارحارقة......بروده قاتلة......دفىء ناعم......سواد اعظم .....قوس قزح براق....بينما تحتض تلك المتضاربات القلب متصارعة ..... يعطى العقل أوامره

الهوس
أروع تعريف قريته للهوس ...
يمكن للعشق اللى من غير حدود
اللى بيكسر بجد وبيوصل لأحاسيس بتتعدى احساس الضياع والموت ذات نفسه أحيانا بيكون نهاية الهوس دا ...
لو قدام عقل قوى ... الهوس دا بينكسر شوية بشوية وبيرجع الإنسان لقوته تانى
ولكن ...
أكتر سؤال بيشغل البال
هوا لو كنا مشينا ورا الهوس وحضنا كل حاجة قبل ما تضيع مننا او حتى مسكنا كل غالية علينا
هل ياترى كانت النهاية هتتغير لاى حدث او حكاية فى حياتنا ؟؟؟
هل ياترى كان الهوس هيتقابل بتقدير ؟؟؟
========
وما الدنيا الا مسرح كبير ...... هكذا قالها شكسبير

إختيارتنا هى اللى بتحدد أدوارنا
والمشكلة إننا مش المشاهد
محدش بيحاول يبص على حياته من برا وييحكم عليها بالرغم من انه هوا الوحيد الله له الحق ف دا

============
قال فى حنو شديد : اسقطى فلن تسقطى الا فى قلبى الوثير
فـتأمنى وتنامى بلا خوف

عجبنى الإيمان اللى موجود فى الجملة ... وردها عليه ...
نعمة إن حد يلاقى الإيمان والثقة فى حد للدرجة دى
============
هكذا تظل طويلا محدقة فى الآفق البعيد......

أنا دايما بقول تلات جمل ...
أهم واحدة فيهم
((
يارب إن لم يرانى الناس أو يعرفونى حق المعرفة ... فيكفينى أنك تدركنى وترى من أنا .

))
ربنا هوا اللى هيحاسينا ... يبقى مش هيظلمنا وهيرحمنا
حتى أخطاءنا فهوا عارف عملناها ليه ونوايانا ايه
البكاء عاللى فات نقصان من العقل وممكن يكون زوال الماضى فى حد ذاته أعظم النعم عشان تقدرى تشوفى شمس بكره وتتمتعى بالحياة وتعرفى قيمة الحاضر
===
كبئر ماء أنت .....أموت في بعدي عنك عطشا..... أو أقترب منك......
فأرتوى حتى أموت فيك غرقاً

هوا دا الحب القاتل
وافتكرى دايما
العطش والشوق بيزيد مع الوقت وعمره ما بيقل
والغرق مجرد لحظة وبعدها ... ينتهى كل شىء
ينتهى العطش والشوق والتعب
ومين عارف ... يمكن تتعلمى العوم ...
فى ناس كتير عملت كدا قبل ما تغرق
انا منهم :)
============
فى خجل شديد قبلت القمر هامسة......هذه لشفتا حبيبى ....وأخبره ...... كل عام وأنت بحـــــــــــــــــــــــــب

سيبى القمر فى حاله عشان دا بتاعى :D


كل سنة وانتى طيبة يا مارو
وتعبت من الكومنت الطويل دا ...
نراكم على خير يا أهل إسكندرية
المزعج دوما : فقرى

mrmr يقول...

الحب هوووس !!!!!!!!!
بس هوس لذيذ
يا خربشاتك يا مارووووووووو
كل سنه وانتى طيبه

P A S H A يقول...

روعة بجد ، مليانين عمق وفلسفة وشجن
:))
خالص تحياتي وعميق احترامي وتقديري
وسلامي الخاص للحاج ريتشارد والأسرة الكريمة

اندروميدا يقول...

جميييييييلة جدا :)

تحياتي في مرور اول

مصطفى سيف الدين يقول...

روعة الخربشات وكلها ابداع

مدونة رحلة حياه يقول...

السلام عليكم
ومازالت الخربشات تحمل من همسات ومعان ما لم تحمله الكثير من الاصوات ذات الاصداء العالية
دومتى رائعة

sony2000 يقول...

الله عليكي

الله بجد:)

ستيتة يقول...

انا جاية امسي عليكي
وحشتيني جدا
ووحشني زمن طراطير الطراوة والشاي في المدونات
وحشني الضحك
فقدته ابن اللزينا ولم يستدل عليه وربنا يستر وألاقيه قريب
وحشتيني يا ريتشاردي
يارب تكوني مقدرة سبب ابتعادي
مش بإيدي يا شيخ مسعود
قفدت القدرة على الكلام
وفقدت القدرة على التواصل
لكن ده لا يمنع انك الأعز للقلب بشكل حصري واستثنائي
بوسة بقى وحضن كبير وسمعيني سلام
بربوني الحلو يا بربوني

Timo.. يقول...

" كبئر ماء أنت ..أموت في بعدي عنك عطشا..
أو أقترب منك...
فأرتوى حتى أموت فيك غرقاً"


"مجرد ذكرى ...حتى تعود طلتك فتعود معها الألوان لصورتى من جديد"

ايه البوست الحلو قوووووووي ده..؟؟
انا غيبت شوية ورجعت لقيتك انت كمان غايبة بقالك كتير..!!

يارب تكوني بخير وتكون السنة الجديدة سعيدة عليك وعلى كل اللي بتحبيهم..
كل سنة وانت طيبة :)

richardCatheart يقول...

وحششششششششششششششششششششتونى جدااااااااااااا بهبل اعذرونى على عدم الرد الفتره اللى فاتت نتيجة ظروف عندى ربنا يخليكم ليا يارب ويطمنى عليكم كلكم هارد عليكم كلكم واحد واحد وليا الشرف بوجودكم معايا يارب سنه سعيده عليكم كلكم

richardCatheart يقول...

الاخ او الاخت الغير معرف

اشكرك جدااااااااااااااا
كتر خيرك

وكل واحد عارف نفسه :)

richardCatheart يقول...

هانى مصرى جدا


هههههههههه انت مشكله مش هاتبطل ابدا ياهان ههههههههه احساس ان الكلام عجبك اه بلطجه :))))

يارب منورنى بالخير

richardCatheart يقول...

سواح
لابنا يعزك انت الاروع والاحسن وكلامك صح سيرك كبير اوى والقرود كترت فيه

يارب ديما بخير ومشرفنى بمرورك الجميل

richardCatheart يقول...

تيما روح قلب القطه

كلامك كله صح كان فيه سعاده مستخبيه ههههههههههههه كاااااااااااااان

انما اللى دايم هو فعلا وجودك حوليا وعايا على طول عمر القرب والتوحد ماكان محتاج تواصل مادى ملموس يا تيما انت معايا ديما وحواليا على طول يا روح قلبى ربنا مايحرمنيش منك يااااااااااااااااااااااااااارب ويطمنى عليكى ديما بحبببببببببببببببببك

richardCatheart يقول...

زى ماتيجى




انت اللى احساسك حلو اوووووووووى وسعيده انى كتبت شىء لمسك بالشكل دا مرورك اصبح سعاده شخصيه ليا ربنا يخليكى وتنورينى دينا

richardCatheart يقول...

فيو احلى صاحبة ورد فى الكون


اقولك انا وردة لعيونك الحلوه يا قمر

ويارب ديما معايا يا قمر ومنورانى

richardCatheart يقول...

شاب فقرى

انا مش عارفة اقولك ايه سواء على سؤالك الشخصى عليا او على تعليقك الرائع والله قريت تعليقك اكتر من 10 مرات واستمتعت به فوق الوصف انا اسفه على تقصيرى معاك ومع كل اخوانى الغالين اوى عليا بس انت عارف الشديد القوى يا كيمو ربنا يطمنى عليك بالخير ديما انا فخوره انى اعرف شخصيه زيك رائعه الفكر والمضمون والتعبير رغم صغر سنك ربنا يحميك ويجعلك الجاى خير يارب \

ويارب ديما منورنى بحروفك الدهب

richardCatheart يقول...

مرمر ام ضحكه جنان


ان كان الذيذ فانتى يا جميل الذ من الذيذ ربنا مايحرمنيش منك ابدا
ويارب كل سنه وانت طيبه وبهنا وسعاده
وديما معايا يا حبيبه قلبى

richardCatheart يقول...

باشا يا باشا

مش عارفة اقولك ايه يا شريف وجودك اسعدنى فوق ماتتخيل

كلامك كتير اوى عليا انا بكتب مجرد احساس فى خاطرة لا بقصد عمق ولا فلسفة واحمد ربنا انى بعرف اقك الخط :)

كل الناس هنا بتسلم عليك جداااااااااااااااااااااااااااا

ويارب تكون اميرة وانت بخير وخير حال ربنا يسمعنى عنكم كل خير يارب ويطمنى عليكم

richardCatheart يقول...

اندروميدا


مرورك هو الاجمل واضافه ليا اشكرك جدا ويارب ديما معايا جزيل شكرى وتحياتى :)

richardCatheart يقول...

مصطفى سيف


ربنا يخليك يا درش هانفضل نتعلم منك يا ريس يارب ديما منورنى ومعايا

richardCatheart يقول...

رحلة حياة


اشكرك يا محمد على احساسك بكلماتى البسيطه ربنا يخليك ودمت قلم شديد التميز راقى الاحساس يارب ديما منورنى يا ميتو ويارب بخير ديما يارب

richardCatheart يقول...

سونى

الله عليكى يا قمر منورانى ديما ربنا يخليكى يا سكرة

richardCatheart يقول...

ســـــت الستـــــــــــات


سيبك انى وحشاااااااااااااانى بهبل وعبط وجنون كله على كله ولما تشوفه قولة


طبعا مقدرة جدااااااااااااااا مش محتاجه ابدا انك تتكلمى لانى فاهمة كويس لان انا كمان زيك فقدت التواصل والنطق بس ربنا يهون وكلة خير ياست الستات انا اللى اسفة على تقصيرى الشديد معاكى بس بطمن عليكى ديما انت عارفه انت عندى ايه ومكانك فين وعمرة مابيقل بالعكس بيزيد :)

ربنا يطمنى عليكى ديما ويجعلنا فى اللقا نصيب عن قريب بالخير
اجدع بوسة وحضن بالاوى
وسمعنى سلام يا نجف بنور ياست الستات

richardCatheart يقول...

تيمو


انا مبسوطه اوووووووووووووووووى ان الكلام عجبك وحاسيته كدا يا تيمو

انا فعلا بقيت بيب كتير بتابعك من بعيد وعارفه انك كمان بتغيب كتير وواضح ان بقى فى حاجه فى الهوا والماء بقت مخلينا كلنا بنغيب كتير ههههههه

المهم انى اطمن عليك يا تيمو ويارب ديما بخير
ويارب مايجعلنا غيبة طويلة تانى

كل سنة وانت بخير وهنا وسعاده وكل حابيبك بالف خير
ويارب ديما منورنى يا تيمو