الأربعاء، 26 يناير، 2011

بحبها وفقلبى ساكن حبها .......... الاخبار أول بأول فى بيت المدونين وعند ستيته+ خيخه بخير الحمد لله

الحمد لله تم الاطمئنان على خيخه
ربنا معها ومع اللى زيها
ربنا يستر
===========================

على اسم مصر يقدر التاريخ يقول ماشااااااااااااء

انا مصر عندى اجمل واعظم واغلى واحب الاشياء
بحبها بجنون العشق ولهفة العشاااااااااااااااق
 
يارب ينصرك
لو مش النهارده هايكون بكره ان شاء الله
بحبك ياغاليه ياللى انت حته منى وجوا العين والننى
يارب انصرها وألف بين قلوب أهلها
يارب انت حاميها انت متأكده وكتير شوفت دا بيعنى 
ادعولها ربنا ينصرها ويكرم الشباب اللى بيكافح علشانها
حاسه ان مكانى مش هنا فى البت
كان نفسى ابنى يكون كبير واقوله خدنى وانزل انا وانت
او حتى اقوله انزل هات حقها
يارب انصرها وارفع رايتها لغاااااااااااااااااااااايه السما
بحبك ياغالية
بحببببببببببببببببببك
 يامصر

هناك 9 تعليقات:

فاتيما يقول...

كلنا يا قطاقيطو
كلنا يا حبيبتى

ربنا ينصر البلد دى
اللى اتحملت كتير
يا رب نفضل ثابتين
واللى ابتدى ميخلصش


كرمك ونصرك يا رب

mrmr يقول...

يار ب يا قطتى ينصرنا
بجد اتحملنا كتير قوى
اتمنى ان اليوم يكون ساب بصمه
وبكره يصيب الهدف

على فكره الفيديو استغل
ابقى شوفيه وقوليلى رايك

خواطري مع الحياة يقول...

قريب ان شاءالله ربنا ينصركم على من يريد ان يفرق مابين شعب واحد
وينصركم على كل ظالم وعلى حكومة ظالمة
عقبالنا يارب
تقبلي مروري
سلامي لاجمل مارو.

أم هريرة (lolocat) يقول...

ربنا يبارك لك فيه حبيبتى وينبته نبات حسن
ويجعل الاجيال القادمة ان شاء الله تعيش فى كرامة وامان وايمان بالله

ربنا ينصرنا ويعديها على خير ان شاء الله

عاشقه الرومانسيه يقول...

اتصلت باكتر من شخص ممكن يوصلوا لخيخه
ان شاء الله خير
انا اعصابى بايظه وضغطى عالى من القلق
يارب خير ياااااااااااااااااااارب

richardCatheart يقول...

كويس يا دودو ربنا يستر

عاشقه الرومانسيه يقول...

خالد همس الاحباب بعت حد قريب من مامتها يسئل عنها
وقالى انه هيتصل بيا تانى يطمنى

من كل بستان زهرة يقول...

يارب ينصرنا
امبارح المظاهرات في القاهره كانت رائعه
المصريين يستحقوا عيشه اكرم من كده
احنا نستحق الحريه
ولو مش هيدوهلنا هنعرف ناخدها بأدينا

Ms Venus يقول...

بنحبها اوى يا مارو


اوى بجد


ربنا يحميكى يا بلدى وينصرك على كل ظالم


ويحمى اهلك الطيبين