السبت، 22 يناير، 2011

ليلة حكى فيها القمر ............ تحديث يا جودعاااااااااااااااان

تابعو المضيفه فى بيتنا بيت المدونين وشوفو مين الضيف الجديد




فليلة بناجى القمر
وحكيلة عنى حكاية
بقوله نورك دفا
وسحرك ماله نهاية
ضحكلى وقالى ياحلوة
نورك عليا كفاية
تعالى أنت أسمعى
منى اليلة دى حكاية
عن اللى داب فى الهوى
بنار هواه أنكوى
قولت قول ياقمر
ياللى كلامك دوا

مايل عليا وقال

كان فى حبيب ولهان
فليلى يبات سهران
يحكيلى عن وليفه
فبعده يتوه حيران
يشوفه البسمه تترسم
وبنهم الفرحه تنقسم
والدنيا تبقى برااااااح
ويبات ليله مرتاااااح
يحلم ببكره وضى
ونهار بحبيبه جاى

لعب القدر لعبتة
والقدر قال كلمتة
صبح الحبيب ملقاش
وليفه نوره مجاش

صار الحبيب مجروح
وصوتة ناى مبحوح
مليان شجن وحنين
وكلامه كله أنين

سرح بيا الخيال
ولقت دمعى سال
فدماغى نط سؤال
ياقمر ولا كان عالبال
هاتحكى لمين حكايتى
وتغنى الموااااااااااال؟




هناك 61 تعليقًا:

خواطري مع الحياة يقول...

الله الله على اجمل حكايه
دائما القمر وهو والونيس بالليل
وبحكي ليه كل الي فينا
لكن المرة دي
هو الي بيحكي وانت تسمعيه
جميلة هي الكلمات من اجمل بنوتة.
تقبلي مروري
سلامي لاجمل وارق بنوتة.

MR.PRESIDENT يقول...

الله جمع المحبين بالزواج والعمل الصالح قادر يا كريم .

من حيث المشاعر المشاعر فياضة .
ومن حيث الحبكة ومش هقول عليها زيادة
يمكن في بعض الكسور الشعرية .
بس في النهاية الحكاية كانت مية مية
ومش هقدر أفلك أقدر من كده

يا قلب القطة

الحــب الجميـــل يقول...

صار الحبيب مجروح
وصوتة ناى مبحوح
مليان شجن وحنين
وكلامه كله أنين
عجبنى دوووول اوووووووى
متسألنيش ليه
بس هما دول
ميه ميه

الله عليك يا مارو لما تقول

بتقول كلام وكلام
ولا فى الأحلام

حلوة الحكايه
:))

وحشتينى
وش بيغمز
هههههههههههههههه

Ramy يقول...

الله
الله
الله
(:

يعنى أحلى كلام يخلى الواحد يبتسم

(:

تسلم ايدك يا ريتشاردية

لـــولا وزهـــراء يقول...

مـــــــــــاور

وليه وجع القلب ده بس ؟؟؟

اه يا خوفى من القمر يكون بينقل الكلام او فتان وبيحكى هنا وهناك وقتها هتبقى حكايه وروايه وكانها قصة ابو زيد


ايه يا بنتى الشغل الرومانسى ده كله

فى جزء لفت نظرى اوى


صار الحبيب مجروح
وصوتة ناى مبحوح
مليان شجن وحنين
وكلامه كله أنين

عارفه انا سمعت صوته وهو مجروح وتخيلت ملامحه كمان وسمعت منه كتير من الانين وقعد يشتكى كتير وكتير......

الكلام صعب اوى يا مارو ...

زهراء

mrmr يقول...

مش لقيه كلام يتقال
غير انه احلى كلام
قرايته ولا فى الاحلام

ومعنديش غير ان اقول الله الله الله

عاشقه الرومانسيه يقول...

الله الـــلـــه عليكى يامارو

روووووووعه

ويكا يقول...

انا قولت
انا قولت والله
البت دى اذاعيه

وبالاخص الراديو والله
مش عارف ليه

جميله اوى على فكره وحاسس انها طالعه منك ببساطه ما اخدشى وقت فى الكتابه ولا ارهاق فى تجميع الكلمات

الله ينور ياباشا والله وعجبتنى فعلا اوى

Ms Venus يقول...

الله يا مارو


جميلة اوى اوى


تسلم ايديك واحساسك يا احلى قطة

Mona Abo - Elso3od يقول...

الله عليك يا جميل

بقولك ايه يا مارو ما تسجلي الحاجات دي بصوتك و تنزليها مع الكلمات و الله هاتبقي احلي
ما تنسيش انا سمعتك و انت بتقوليها :))
مسااااااء الفل

sony2000 يقول...

بجد جمدااااااااا جدااا
وخصوصا الحتا دي
عجباني:)
سرح بيا الخيال
ولقت دمعى سال
فدماغى نط سؤال
ياقمر ولا كان عالبال
هاتحكى لمين حكايتى
وتغنى الموااااااااااال

ملحوظه متنوته:
شوفوا اليوم اللي يناسبكوا علشان عوذين نتجمع كلنا ونروح معرض الكتاب
ماشي؟

سواح في ملك الله- يقول...

الله بجد كلام رائع
واغنية تتغني من غير لحن
تحياتي لكي ولكلماتك الراقية

السُـلطانة يقول...

السلام عليكم ورحمة الله وبركاته ..

ما أجمل حكاوي الليل .. تحياتي لك وسلمت الأنامل

جايدا العزيزي يقول...

صار الحبيب مجروح
وصوتة ناى مبحوح
مليان شجن وحنين
وكلامه كله أنين

سرح بيا الخيال
ولقت دمعى سال
فدماغى نط سؤال
ياقمر ولا كان عالبال
هاتحكى لمين حكايتى
وتغنى الموااااااااااال؟

الله على الجمال

وحكايات القمر

لست الحسن والدلال

يسلم احساسك غاليتى

دمت مبدعه

تحياتى

richardCatheart يقول...

خواطري مع الحياة


اشكرك اوى يا رشا على كلامك الجميل الرقيق

سعيده اوى بان الكلام عجبك

نورتينى

richardCatheart يقول...

MR.PRESIDENT

اللهم امين وافرح بيك ياريسنا الهمام

كلامك جميل وعجبنى اوى لانك رفعت من معنوياتى وقولت فى بعض الكسور الشعريه
دانا بشوف انها مليان كسور شعريه والله
بس فى النهايه انا بكتب كاهاويه ومجرد خواطر مش اكتر فا دا يسكن احساسى بالقصور دا واهو بحاول احسن مع الخبره فى الكتابه

اشكرك جدا ياريس ماتحلمش من كلامك الطيب
نورتنى

richardCatheart يقول...

الحــب الجميـــل يقول...

حبى الجميل ههههههههههه مبسوطه اوى ان الكلمتين حستيهم ووجعوكى

ثم ان كلام ايه هو فى بعد كلامك الناعم كلام

والله انت رافعه معدنياتى بالقوى

انت كمان وحشانى اوووووووووى ههههههههههه

وش بيغمز بالعين التانيه

منوره على طول لمبه ياعنى

richardCatheart يقول...

Ramy يقول...


يكفينى شرف نجاحى فى رسم ابتسامه على وشك يارامى

كتر خيرك والحمد لله ان الكلام عجبك

تسلم يا ابو الرام

منورنى

richardCatheart يقول...

لـــولا وزهـــراء


هههههههههههه هو الحب كده على راء الست شفيقه
الحب عذاب وحيره سهر طول اليلى ههههههههه

والله هو القمر فتان بجمله يا بطوط هههههههه
واكيد بيفتن لحبايبه بس ماتقلقيش ههههههههههه

اكيد سمعتيه وش بيغمز هههههههههههه
ربنا يسعد قلبك يارب

ومبسوطه اوى ان الكلام عجبك

منورانى

richardCatheart يقول...

mrmr يقول...

الله عليكى انت والله

اشكرك يا مرمورتى اووى والحمد لله انها عجبتك سعيده اوى بجد

ربنا خليكى يارب

منورانى

richardCatheart يقول...

عاشقه الرومانسيه يقول..


دودو يا حبيى بجد مبسوطه اوى اوى اوى

انت الاحلى والله ماتحرمش منك يارب

منوره يا قلبى

richardCatheart يقول...

ويكا يقول...

ههههههه طيب وانى يا اخويا ماتكتشفنى مع كارت توصيه

ربنا يستر ولو عملتها صوت وسمعت صوتى ماتجريش وتقول يالهوتى هههههههههه

بس انا مش غاويه راديو شوفلنا منتج سيما ههههههههههههه

الحمد لله انها عجبتك والله دى حاجه بسطتنى جدا متشكرين ياحج

منورنى

richardCatheart يقول...

Ms Venus يقول..


ماتحرمش منك يا فيو ابدا مع انك حرمتينى من وردك الجميل

منوره الدنيا

richardCatheart يقول...

Mona Abo - Elso3od يقول...


هههههههههههههههه والنبى يا منى متطلعاش فى دماغى واعملها الناس تطفش من هنا

يابنتى انا مش شايفه صوتى خالص ينفع
ههههههههههه

ربنا يستر علينا ياختى

منورانى يا منمونه

richardCatheart يقول...

sony2000 يقول...

سنسونه الجميله
مبسوطه انها عجبتك اوى

وماشى الكلام نشوف ياقمر

منوره

richardCatheart يقول...

سواح في ملك الله- يقول...

اشكرك يا سواح جدا وسعيده بأعجابك بيها

والله بس تتغنى مره وحده هههههههه كتر الف خيرك

نورتنى

richardCatheart يقول...

السُـلطانة يقول...

وعليكم السلام وحمه الله وبركاته

اشكرك جزيلا على كلامك
ووحشنا مجيك عندنا

نورتينى

richardCatheart يقول...

جايدا العزيزي يقول...

ههههههههههههه دانت اللى ست الحسن والجمال والدلال

اشكرك يا جايدا على كلامك الجميل

وسعيده بأعجابك بالكلام اوى

نورتينى

eng_semsem يقول...

جميله حكايات الليل ده وياريت لو تحكيها لينا ونسمعها منك
تقبلي تحياتي

SHAPE YOUR LIFE (ABOALI) يقول...

وهنا سألت سؤال ؟
هاتحكى موالى ؟
بص القمر ودقق
فى الملامح يتحقق
انت مش غريب عليا
والصوت واضح صارى
يا ترى انت هو
ولا هو انت
انت اه انت
شوفتك هنا سنين
بتناجى فيها الليل
بتقول كلام كلام
رسالة حبيب ولهان
محب عاشق انسان
نفسه يعيش امان
ايوه
هو انت
اوعى تقول انى ناسى
حروفك كان بيدوب فيها احساسى
باحس انك منى
قمر فيك ساكن عايش
نوره ضى حنين
شوقك علامة شامة
رسمك وصفك دليل قدامك
انااااااااااا لايمكن انساك
ازاى اقدر
يا ترى انا فيك عايش
ولا انت فعلا انسان قلبه عايش

###############3


كلماتك صافة جداااااااااا ونقية وتلقائية
كانت بلسم قمرى المعنى شمسى الدفء نجمى الضوء تلألئت فيه حروفك لتصف حالة قمرية يحياها المحب والعاشق والانسان

مبسوط بالقراءة ومبسوط اكتر بالاحاسيس

كل التقدير يا فطرى المعنى انسان الكيان

Haytham Alsayes يقول...

بعتلك كدة اسئلة علي الماشي
شفتي انا حونين اهو بلاش الاسئلة الصعبة
عشان اراعي انك تراعيني في يوم من الايام
ههههههههههههههههههه

تحياتي ياريتش

Ms Venus يقول...

مارو يا مارو

انا بعت سؤال سهل خالص مالص اهوو


اصل انا عارفة الزنقات دى


ربنا يعينك بقى ههههههههههههه

Montana Master Of Love يقول...

جميله اوي يا قلب القطه

ستيتة حسب الله الحمش يقول...

ده مش كلام يترد عليه
ده كلام يتقال عليه الله
ويتسمع على لحن ناي
وليلة قمرية منورة
ويتقال الله بس
الله
الله يا ريتشاردي

richardCatheart يقول...

eng_semsem يقول...

شكرا يا سمسم ربنا يخليك والله انا هاحاول اسمعلهكم وربنا يسهل ويستر

نورتنى

richardCatheart يقول...

SHAPE YOUR LIFE (ABOALI)

الللللللللللللللللللللللله عليك

بالذمه مش خساره الكلام دا يتدارى فى تعليق دا يتعلق على باب المدونه

ربنا يخليك انت من الناس اللى بستنى تعلقها للاستمتاع به والله

اشكرك على كل كلامك الجميل
واعتقد ان القمر سعيد بكلامك اكتر من كلامى


منورنى ديما

richardCatheart يقول...

Haytham Alsayes يقول...

والله لما اشوف حجم المراعيه دى يا ابو الهيثم يا اخويا احنا عشره وعيش وملح وتجمعات ماتنساش ههههههههههههه

ربنا يستر دا انت بتقول كاااااااااام

ياعنى مش سؤال واحد يا خراشينى هههههههههههه

منور يا ابو الهياثم

richardCatheart يقول...

Ms Venus يقول...


ههههههههههههه ربنا يخليكى ليا والله انت رقه وكل اللى هايجى منك رقه زيك
يارب استر يارب ههههههههههههه

منورانى يا اجمل صاحبه ورد

richardCatheart يقول...

Montana Master Of Love

اشكرك جدا يا مونتانا مبسوطه انها عجبتك

منورانى

richardCatheart يقول...

ستيتة حسب الله الحمش يقول..


ان ان تش

يا مرحب بالزعيمه يا مرحب

بجد سعيده ان حتى كلمه وحده تعجبك كفايه عند مارو بجد

اوعدك ااجر ناى وفى اقرب تجمع اعزفهالك ههههههههههه
منوره بيتك ديما يا ست الستات

بت خيخة وأي كلام يقول...

قشطة عليكي

انا قلت برضه مايجبها إلا قططها

تعبتك معايا يا قططتي


سؤال مهم جدا:
الرقم اللي بعتهولي ده مضمون ولا فى الاخر هايطلع رقم حساب احمد نظيف؟


الف شكر ليك يا كميلة



اه صحيح انا ماقريتش الخاطرة
اصل بعد بيتين الشعر اللى سمعتهم منك لايف على البحر
مابقتش فيه حاجة تمزجني وتدخل نخاشيشي

وش واحدة بتغمز

نيهاهاهاهاهاهاهاهاهاهاع

سلام يا قطة

اختك خيخة

carmen يقول...

قطة قطة واجمل قطة
خاطرة لذيذة ورقيقة برقتك
اول مرة اجي عندك بس مش الاخيرة باذن الله
هاتيلي حاجة اشربها بقي احسن اغير رأيي ^_^

خواطري مع الحياة يقول...

مارو حبيبة قلبي
اخبارك ياقمر؟
والله من المبارح وانا بدخل بيت المدونين عايزة احط سؤال لك
مش لاقيه
والله مش لاقية ولا سؤال
فاعذريني لو ماحطيت سؤال

محمود(باحث عن حب) يقول...

مارو
لا تعليق
على
جمال
حروفك

richardCatheart يقول...

carmen يقول...


ههههههههههه كارمن الجميله والله سعيده بزسارتك ليا اوووووى

ورائك فى الخاطره والمدونه شرفونى واسعدونى جدا
وبعدين اجبلك ايه انت صاحبه بيت افتحى التلاجه واسحبى اللى نفسك فيه
هههههههههههههه
اشكرك جدا وان شاء الله تواصل مستمر
نورتينى

richardCatheart يقول...

خواطري مع الحياة يقول...

يارشا يا روح قلبى انت وجودك لوحده كفايه والله
تسلمى ياغاليه وربنا يكرمك يارب
منورانى

richardCatheart يقول...

محمود(باحث عن حب) يقول...

اشكرك يا محود على ذوقك جدا والحمد لله ان الكلام عجبك
منورنى يا حوده

أحمد الصعيدي يقول...

سيدي يا سيدي


ايه يا حاجة ريتشارد ده

أنا أغيب وأرجع ألاقيكي بتكتبي الكلام الجامد ده





ههههههه

جااااااااااااااااااااااااامدة موت


أنا دلوقتي بس فهمت ليه كنتي بتقري عليا

ههههههههههه

نجحت الخووووووووووودعة

ههههههههههه

نبتدي نقر من هنا ورايح
هههه


السلام عليكم

richardCatheart يقول...

أحمد الصعيدي يقول...

ههههههههههههه ربنا يخليك يا احمد والله كلامك شرف ليا من استاذ فى الشعر زيك

انا مجرد صعلوك بين الملوك ياسيدى واحنا بنتعلم منك والله

وربنا ماكان قرولا حاجه دا انبهار بأسلوبك الشعرى الرائع السهل الممتنع
واجمل صور شعريه حقيقى

ربنا يحميك ويحافظ على موهبتك الرائعه

وقر ياسيدى قر ولا يهمك ههههههههههههه

اشكرك على كلامك الطيب اللى فعلا كتير عليا
نورتنى

well يقول...

جميلة يا ريتشارد ...وجميلة هى حكاوى القمر .. حتى ولو اصبحتى من هذه الحكاوى
حتى ولو اصبحتى ناى مبحوح .. برده جميلة يا ريتشارد
تحياتى

أم هريرة (lolocat) يقول...

السلام عليكم ورحمة الله

الامر مادام فيه قلب وقطة تفتكرى النتيجة تكون ايه غير كلام جميل ورقيق ورومانس :)


اشكرك حبيبتى على عبير الروح الذى نثرتيه هنا بارك الله فيك
لك ارق تحيو وتقدير

richardCatheart يقول...

well يقول...


انت اللى جميل يا ويل كلامك جميل واحساسك جميل ربنا يبارك فيك

سعبده برايك جدا وسعيده ان كلامى حاسيته وعجبك

منورنى على طول

richardCatheart يقول...

أم هريرة (lolocat) يقول...

الجميله كاتى بسعد بوجدك معايا جدا والله

بحس اننا من نفس الفصيله هههههههه

ربنا يخليكى وسعيده بكلامك جدااااااا

ربنا يباركلك ويسعد قلبك

منورانى

ستيتة حسب الله الحمش يقول...

صبا الخير يا ريتشاردي هانم
يشرفني اياما شرف انك تختاريني
بس مش ها اقدر اتفرغ الا بداية من يوم الأربعاء
على ما الإمتحانات تخلص
شكرا لكم كلكم

تحياتي

من كل بستان زهرة يقول...

سرح بيا الخيال ولقت دمعى سال
فدماغى نط سؤال ياقمر ولا كان عالبال هاتحكى لمين حكايتى وتغنى الموااااااااااال؟

يا قطقوطه ياجااااااااااااااامده
حلوه
حلوه
حلوه

تسلمي ياااااااااقطه

صيدلانيه طالعه نازله يقول...

الله عليكى يا مارو
الكلام جميل اوووى
بس بيوجع اوووى
ياترى فعلا القمر زى ما بيحكيلنا حكايات غيرنا
هيحكى حكايتنا لمين
ده فعلا السؤال
ربنا ميحرمش حد من حبيبه
غالبا ده الحل الوحيد السهل و المتاح
:((

ملك روحي يقول...

السلام عليكم
بجد تحفة هايل جدا
سلمت يداكى
تحياتى

richardCatheart يقول...

ستيتة حسب الله الحمش يقول...

صباح الخيرات ياست الستات

الشرف لينا احنا وعلم وينفذ يا فندددددددددددددددى

وللللللللللللللللللللللولى
هههههههههههههههه

اشكرك جدا على دماغك الحلوه

richardCatheart يقول...

من كل بستان زهرة يقول...

تسلمى يا فلورا مبسوطه اوى ان الكلام عجبك والله دانت اللى جامده وقويه وكلك حنيه هههههههه

منورانى

richardCatheart يقول...

صيدلانيه طالعه نازله يقول...


ههههههههه ماتخافيش ماهو مابيفتنش غير للعشاق مش اى حد معدى كده فى الشارع ههههه

ربنا يخليكى يا لالا يا جميل
مبسوطه اوى انها عجبتك والله وحاسيتيها

يارب مايحرم حد من حبيبه يارب

نورتيى يالالا

richardCatheart يقول...

ملك روحي يقول...

اشكرك يا ملك جداااااااااا
سعيده بمرورك وان شاء الله فى تواصل مستمر

نورتيى