الأربعاء، 5 يناير، 2011

هوى النفس



تركت نفسى فى درب الهوى
تائه
فغرقت فى ذنوب الارض
هائمه

وعادت تحمل من الآلم
ماحملت

يانفس تاركه الدنيا وذاهبه
أنسيتى فطره ربك
الذى فطرك

فسألى مالك الكون أن يثبتك
كالجبال على ارض
الايمان ترسو


واتركى ارض الهوى
لمن هوى

هناك 39 تعليقًا:

richardCatheart يقول...

فتحت التعليقات بناء على رغبه من اخواتى
الحب الجميل
ورامى
وزهراء
وهيثم

مع انى مقصره اوى وساعات مابقدرش ارد عليكم
بس البيت بيتكم وانتم حرين فيه

richardCatheart يقول...

رامى

كل سنه وانت بخير يارب اسأل الله السنه باقتها يكون احسن من بدايتها يارب
معلش اصل الواحد مالوش نفس لحاجه والله

سلامك واصل من غير حته مت تقوله
هو كمان بيسلم عليك اوى وقلبه معاك
ربنا يسلمك من كل شر

مصري جدا يقول...

واترك الارض ليه

نزرعها برسيم

):____________

شيرين سامي يقول...

جميله أوي تسلم ايدك
تحياتي ليكي

richardCatheart يقول...

زهراء

مايخلصنيش نخلص على شويه الشعر الباقين
هههههههههه

ادينى فتحتها براحتك بقى

richardCatheart يقول...

هيثم

اكتب وقول براحتك يا ابو الهيثم

ادينى فتحت التعليقات

وربنا يستر ههههههههههه

richardCatheart يقول...

مصري جدا يقول...


برسييييييييييييييم

لالالا دى تزرع بنجو مجدى اكتر يا استاذ هانى
منورنى

richardCatheart يقول...

شيرين سامي يقول...


اشكرك ياشرين اوى على متبعتك وتعليقيك
تسلمى يارب

نورتينى

ماما أمولة يقول...

مالك يا بنتي حاساكي مهمومو اوي
ربنا يفرج همك ويزيح عنك اللهم امين يارب العالمين
كلماتك جميلة ربنا يتقبل منك

فتاه من الصعيد يقول...

اللهم آمين

حلو اوي الكلام يا قطه

شهر زاد يقول...

شكرا لانك تكرمت وفتحت باب التعليقات لانها قنطرة التواصل بين المدونات والمدونين
كلمات نابعة من القلب نابضة بالصدق
تحياتي

لـــولا وزهـــراء يقول...

مـــــارو

***********
طبعا فتحتى التعليقات خوفتى على شعرى او اجى تشدى انتى هههههههههههه

بصى يا قمر مش مهم مين بيعلق فين المهم اننا مقدرين ظروف بعض لاننا كلنا اخوات وانتى مشغوله النهارده انا مشغوله بكره وبعده وهكذا

اللى بيترك نفسه الى هواه اكيد لازم يغرق فى الذنوب وقديما تعلمنا ان اصعب جهاد هو جهاد النفس

كلنا نسال الله الثبات ...

ايه يا مارو الكلام شكله كان امتحان لغه عربيه وانتى عارفه انى فى العربى شطوووووووووره خالص مالص ههههههههه

ربنا يروق بالك وحالك
سلامى لمحمد وللولاد

زهراء

SHAPE YOUR LIFE (ABOALI) يقول...

تركت النفس
وذهبت مرتحلا
فنادتنى الى اين؟
فقلت الى حيث اكون ؟
فقالت لى لا تذهب ؟
فقلت ولما ؟
فقالت ابعد ان كنت فيك
تسمو بى وترتقى
تعلو بى وتتبسم
تتركنى هكذا راحلا !!
فقلت اصبحت بكِ ضائقا
فقالت اضممنى اليك اكون لك
حاورنى وكن لى المهذبا
انام بين اوصالك تائبه
وارجع الى ربك راضية
فيا انسان انت لى صاحبا
لا تتعجل الهروب ماضيا

فبكيت وعدت اليها حاضنا
فسقت هوى نفسى هاربا
****************

كتبتى كلمات وحروف نطقت فكان عناوين نور
احسنتى فيها انتقاء الكلمات والتعبير

احييكى
وتحية خاصة على تلك الصورة المعبرة

خالص التقدير لانسان حاسس

Haytham Alsayes يقول...

هييييييييييييييه
الدكانة فتحت اخيرا
طيب ليه قافلة
والله كلمات جميلة جدا




تركت نفسى فى درب الهوى
تائه
فغرقت فى ذنوب الارض
هائمه


دى جامدة جدا
المشكلة ان النفس والهوى والشيطان والدنيا كل دة اعداء الانسان في زمان وكل مكان

كلماتك جميلة وساعات بتطلعي بحاجات جميلة
تنم عن احساس قلب القطة المرهف فعلا
هههههههه

تحياتي وتقديرى

sony2000 يقول...

يااااااااااااااااالله
بجد روعه
احلي حتا عجبتني
فسألى مالك الكون أن يثبتك
كالجبال على ارض
الايمان ترسو




واتركى ارض الهوى
لمن هوى



بجد رووووعه

Banota يقول...

جميله اوووى
ربنا يهدينا جميعا

تقبلى مرورى

جايدا العزيزي يقول...

تركت نفسى فى درب الهوى
تائه
فغرقت فى ذنوب الارض
هائمه

ارى الشفافيه والصدق بين سطورك غاليتى

اجل كلنا ننساق فى دروب الهوى

فيطيح بنا

سعيده جدا بعثورى على مدونتك

وكنت اتمنى ان اتعرف عليك لاننى احببتك من كلام ايمى عنك

انت قريبه منى الى حد كبير

اشكرك للاهتمام لامرى

تحياتى

عاشقه الرومانسيه يقول...

فتحتى التعليقات؟
طب عندآ فيكى بقى



لا تعليق....!!!

لـــولا وزهـــراء يقول...

فسألى مالك الكون أن يثبتك
كالجبال على ارض
الايمان ترسو

" اللهم امين يارب العالمين اللهم ارزقنا ايماناً صادقاً بك ويقيناً بكرمك وبرحمتك وبعطاءك"
لولا

الحــب الجميـــل يقول...

واتركى ارض الهوى
لمن هوى
فعلا ... الهوى لمن هوى

جميله يا مارو

الحــب الجميـــل يقول...

واتركى ارض الهوى
لمن هوى
فعلا ... الهوى لمن هوى

جميله يا مارو

Tears يقول...

مالك يا قلب القطة بقالك فترة طويلة مش زى عادتك...

كنت فاكرة ان ده بسبب القطة بتاعتك بس مع الوقت بدأت احس ان فيه حاجة اكبر خليتك مش متواجدة زى زمان

يارب تكونى بخير و صحة دايما

Noha Saleh يقول...

جميلة اوى
بس ليه كنتى عاوزة تحرمينا من التعليق على الحاجات الحلوة دى

well يقول...

واتركى ارض الهوى لمن هوى...

اتمنى على ارض الايمان ان ارى نفسك جبل اخضر يحول السحاب الاسود الى نهر ايمان

تحياتى

richardCatheart يقول...

ماما أمولة يقول...

والله يا ماما اموله الهم ركب القلوب بس اللى يسيبه يبقى يستاهل ضرب المركوب ههههههه

هو حضرتك شايفه فى حاجه تفرح الفتره اللى فاتت كل هموم واحنا سنفجه بنمتص

يارب يارب اللهم امين يتقبل منك ويهديلك الحال يا قلبى
نورتينى

richardCatheart يقول...

فتاه من الصعيد يقول...

تسلميلى يا بنت الصعيد يا اصيله

نورتى

richardCatheart يقول...

شهر زاد يقول...

اشكرك على اهتمامك وكلامك الطيب
نورتينى

richardCatheart يقول...

لـــولا وزهـــراء يقول...

ههههههههههههههههههههههههه ضحكتينى يا بطوط والله يا ستى تلميه وريحنا احسن تحصلى عمرو ههههههههههههههه
يا وقعه لالالالا بعد الشر ههههههههههه

اشكرك على تقديرك للظروف يا بطوط ربنا يخليكى

طبعا اصعب جهاد ولذلك مجاهد النفس ثوابه عظيم قدر فعله
كل نفس ولها هواها وكل نفس تغنى على ليلاها والناس فيما يهون مذاهب


لاء يابت ركزى هاتلاقيه احياء تشريح لامؤخزه هههههههههههههه

يارب يتقبل منك وسلامك واصل ربنا يخليكى

منوره

richardCatheart يقول...

SHAPE YOUR LIFE (ABOALI)


دائما فى انتظار تعليقك يا ابو على حقيقى بستمتع بردك اللى عادتا بيكمل كل حجه بكتبها

اشكرك على كرم اخلاقك وكلامك الجميل

اكرمك الله مثل ما اكرمتنى
نورت

richardCatheart يقول...

Haytham Alsayes يقول...


فتحناها علشان خاطركم يا هيثم باشا

والله يا هيثم كان الواحد فى ظروف نفسيه مهببه فاحاولت اخلع منكم ب ماقدرتش صراحه ههههههههههههههه

متفقه معاك طبعا كلهم فى النهايه بيصبو فى نفس النهر العداء للانسان
فمن اتبع هواه فهو قد ظلم

اشكرك على احساسك انت اللى مرهف
تحياتى ليك يا هيثم
نورت

richardCatheart يقول...

sony2000 يقول...


دا انت اللى روعه يا صغنن يا جميل انت ياسكر ماتحرمش منك يا سنسونا ابدا

نورتى

richardCatheart يقول...

Banota يقول...


اهلا بيكى يابنوته تقبل الله يارب

اشكرك ونورتى

richardCatheart يقول...

جايدا العزيزي يقول...


اشكرك جايدا على اهتمامك يعلم الله دعاواتى المستمره ليكى

كل نفس ضعيفه ترتمى فى احضان الهوا
اما غرقت او اكرمها الله بالابتعاد

سعيده بتعليقك وعودتك برغم عدمتعليقى عندك لظروف مش اكتر الا انى بطمن عليكى ومتباعكى
وان شاء الله التواصل مستمر

نورتينى

richardCatheart يقول...

عاشقه الرومانسيه يقول...

علشان بحبك يا جزمه هى كلمه وحده كفايه عليكى


كااااااااااااااااااااااك هههههههههههههه

نورتينى يا دودو قلبى

richardCatheart يقول...

لـــولا وزهـــراء يقول...


اللهم امين تقبل الله منك لنا اجمعين

نورتينى يا لولا

richardCatheart يقول...

الحــب الجميـــل يقول...


حببببببببببببببببببببببببببببى الجميل

الهوا لمن هوا ايه كميه السقعه دى هاتى البطنيه وتعالى ندفو هههههههههههه


وحشانى على فكره وانت عارفه

منوره البيت

richardCatheart يقول...

Tears يقول...


تيرز العزيره الغاليه اشكرك دائما ببعض كلمات قصرت او طولت بشعر بالمعزه منك واهتمامك حقيقى بيسعدنى

والله يا ييرزقلب القطه كان حزين او بمعنى اصح شال من الحزن اللى يكفيه ويزيد
تعب برك زى الجمل طبعا مع الحياه اليوميه ومذاكره الاولاد والامتحنات دخله
فادربكه من كله
بس ان شاء الله هاحاول اظبط نفسى الفتره الجايه
اشكرك جدا يا تيرز
نورتينى

richardCatheart يقول...

Noha Saleh يقول...د


والله ماكنت عايزه اتعبكم يا نهى كفايه عندى تقروها دا فى حد ذاته مكسب كبير ليا

انت الاجمل اشكرك

نورتى

richardCatheart يقول...

well يقول...

العزيز ويل يا ويل ليك وحشه كبيره

اسال الله العزيز ان يتقبل منك يا ويل

سعيده بظهورك جدا

نورتنى