الأربعاء، 26 يناير، 2011

اخبار أيام الغضب فى بيت المدونين



نواليكم بالاخبار اول بأول

لحظه بلحظه

تابعونا فى بيت المدونين


لعدم ظهور التحديث للاسف 


فى الريدر


بحبها وفقلبى ساكن حبها .......... الاخبار أول بأول فى بيت المدونين وعند ستيته+ خيخه بخير الحمد لله

الحمد لله تم الاطمئنان على خيخه
ربنا معها ومع اللى زيها
ربنا يستر
===========================

على اسم مصر يقدر التاريخ يقول ماشااااااااااااء

انا مصر عندى اجمل واعظم واغلى واحب الاشياء
بحبها بجنون العشق ولهفة العشاااااااااااااااق
 
يارب ينصرك
لو مش النهارده هايكون بكره ان شاء الله
بحبك ياغاليه ياللى انت حته منى وجوا العين والننى
يارب انصرها وألف بين قلوب أهلها
يارب انت حاميها انت متأكده وكتير شوفت دا بيعنى 
ادعولها ربنا ينصرها ويكرم الشباب اللى بيكافح علشانها
حاسه ان مكانى مش هنا فى البت
كان نفسى ابنى يكون كبير واقوله خدنى وانزل انا وانت
او حتى اقوله انزل هات حقها
يارب انصرها وارفع رايتها لغاااااااااااااااااااااايه السما
بحبك ياغالية
بحببببببببببببببببببك
 يامصر

الاثنين، 24 يناير، 2011

دعاء بظهر الغيب لأخونا وئام


 
عَنِ ابْنِ عَبَّاسٍ رضي اللَّه عنْهُما أَنَّ رسُولَ اللَّه صَلّى اللهُ عَلَيْهِ وسَلَّم كَان يقُولُ عِنْد الكرْبِ : « لا إِلَه إِلاَّ اللَّه العظِيمُ الحلِيمُ ، لا إِله إِلاَّ اللَّه رَبُّ العَرْشِ العظِيمِ ، لا إِلَهَ إِلاَّ اللَّه رَبُّ السمَواتِ ، وربُّ الأَرْض ، ورَبُّ العرشِ الكريمِ » متفقٌ عليه .
اللهم رحمتك أرجو فلا تكلني إلى نفسي طرفة عين ِ وأصلح لي شأني كله لاإله إلا أنت الله ، الله ربي لاأشرك به شيئاً .رواه ابن ماجه .
قال رسول الله صلى الله عليه وسلم :" دعوة النون إذ دعا بها وهو في بطن الحوت :" لاإله إلا أنت سبحانك إني كنت من الظالمين لم يدع بها رجل مسلم في شئ قط إلا استجاب الله له ..صحيح الترمذي



الدعاء عند الهم والحزن
اللهم إني عبدك ابن عبدك ابن أمتك ناصيتي بيدك ماضِ في حكمك ، عدل في قضاؤك أسالك بكل اسم هو لك سميت به نفسك أو أنزلته في كتابك ، أو علمته أحداً من خلقك أو استأثرت به في علم الغيب عندك أن تجعل القرآن ربيع قلبي ، ونور صدري وجلاء حزني وذهاب همي .رواه أحمد .
اللهم إني أعوذ بك من الهم والخزن ، والعجز والكسل والبخل والجبن ، وضلع الدين وغلبة الرجال ".



اللهم يارب العرش العظيم
اسألك صلاح الحال لاخونا وئام
وفك كربه وأزاحه همه

اللهم انت الرحمن الرحيم ذو العرش العظيم
امرك بين الكاف والنون كن فايكون
اللهم انى اسألك له خير الحال ورفع الغمه
بأذنك يا ارحم الراحمين
اللهم انت رافع البلاء
ومخفف الابتلاء
اللهم تقبل منا
اللهم امين يارب العالمين

ارجو الدخول والدعاء فنحن اخوه 

تجمعنا الشده كما يجمعنا الفرح





















السبت، 22 يناير، 2011

ليلة حكى فيها القمر ............ تحديث يا جودعاااااااااااااااان

تابعو المضيفه فى بيتنا بيت المدونين وشوفو مين الضيف الجديد




فليلة بناجى القمر
وحكيلة عنى حكاية
بقوله نورك دفا
وسحرك ماله نهاية
ضحكلى وقالى ياحلوة
نورك عليا كفاية
تعالى أنت أسمعى
منى اليلة دى حكاية
عن اللى داب فى الهوى
بنار هواه أنكوى
قولت قول ياقمر
ياللى كلامك دوا

مايل عليا وقال

كان فى حبيب ولهان
فليلى يبات سهران
يحكيلى عن وليفه
فبعده يتوه حيران
يشوفه البسمه تترسم
وبنهم الفرحه تنقسم
والدنيا تبقى برااااااح
ويبات ليله مرتاااااح
يحلم ببكره وضى
ونهار بحبيبه جاى

لعب القدر لعبتة
والقدر قال كلمتة
صبح الحبيب ملقاش
وليفه نوره مجاش

صار الحبيب مجروح
وصوتة ناى مبحوح
مليان شجن وحنين
وكلامه كله أنين

سرح بيا الخيال
ولقت دمعى سال
فدماغى نط سؤال
ياقمر ولا كان عالبال
هاتحكى لمين حكايتى
وتغنى الموااااااااااال؟




الأربعاء، 12 يناير، 2011

قطاقييييييييييييييطو


بعد ليله عصيبه 
ومشهد لان انساه 
يالهوتىىىىىىىىىىىىىىىىى
 
قطتى سمسمه ولدت 
قطاقيط  انن انن ياعنى صغيرين
خالص مالص اخر طعامه ماشاء الله
كنت على وشك انهيار عصبى من الخضه
انتو فاهمين بقى اعز الولد ولد الولد
ههههههههههههه
 
انا حاولت اصورهم بس بصعوبه علشان سمسمه خايفه عليهم
ومابتسمحش لحد غيرى يلمسهم
 
 امومه القطط غريبه سمعت عنها بس كنت اول مره اتعامل معها واشوفها
 
انا مبسوطه اوى بيهم وحاسه انى بقيت جده
ههههههههههههههههه
 
 

الاثنين، 10 يناير، 2011

ومازال الانبساط مستمر



بالرغم من زنقه المذاكره والامتحانات اللى انى الحمد لله مارجعتش فى قرارى وكل يوم بسرق شويه فرح حلوين وبعيش حاله


اسمعو الاغنيه دى سرقتها من عند تيريز  وجبتها علشان تسمعوها وانا كمان اسمعها
روعه فى المعانى وفيها شويه مزيكا حكايه 

وهاقفل التعليقات وهاخلع العمليه مش مستهله انا بس عايزاكو تسمعوها وتتبسطو
يارب تسمعوها ويارب تعجبكم زى ماعجبتنى وخطفت قلبى




السبت، 8 يناير، 2011

هو كدا .................... اى دمعه حزن لالالالالا وان كان عجبك



هو كده 
بعد كم الاحبطات الشخصيه والعامه اللى بعشها كل يوم
نفسيتى بقت فى الحضيض من فتره 
ويمكن دا ملحوظ جدا ليكم الفتره اللى فاتت
حتى الفرحه والابتسامه
بسرقها سرقه من الزمن
اه برغم قوتها بس طول عمرى بحب اتحدها واطلع لها لسانى
واقولها بعينك انا بردو هاتبسط يا دنيا
حقا وصدقا الفتره اللى فاتت كانت غلبانى اووووووووووى
يجى 18 صفر
النهارده صحيت وانا بقول لاء كفااااااااااااايه
يا دنيا يابنت التتتتتتتتتتتتتتتتتتتتت
وياللى ابوكى تتتتتتتتتتتتتتتتتتتتتتت
ولا مؤخزه امك تتتتتتتتتتتتتتتتتتتتتتتتتتتت

اناجدع ومافيش حاجه هاتعكر مزاجى 
قلبى وجعنى بما فيه الكفايه
كل يوم هرسا اللى جبونا
يوم مشاكل وكبوات
ويوم قنابل وقتلى 
ويوم شهيد مالوش ذنب غير انه مصرى مربى دقنه
وكل يوم فساد
يخربت اللى جابو ابوك

قرار هااااااااااااااااااام

ان شاء الله النهارده مبسوطه
هاسمع كل الاغانى اللى بحبها وهاعمل احلى دماغ واستمتع
بيها 
النهارده اى دمعه حزن لالالالا
اه
هو كده 
ليه؟؟؟؟؟؟؟؟؟؟؟؟؟؟؟
ماعرفش بس هو كده
زهقت يمكن
قرفت يمكن
طهقت يمكن
ويا انا يا هى


وبرغم عدم حبى لعبدو الحليم حافظ
الا انى بعشق اغنيه اى دمعه حزن لا
وقررت اسمعها اول حاجه
وياريت  تسمعهوها معايا

وملعون ابو الدنياااااااااااااااااا 




ملا حوظه مئلوظه


هارد على رددكم اللى فاتت مش هاسبها
وربنا مانا سيبها





الأربعاء، 5 يناير، 2011

هوى النفس



تركت نفسى فى درب الهوى
تائه
فغرقت فى ذنوب الارض
هائمه

وعادت تحمل من الآلم
ماحملت

يانفس تاركه الدنيا وذاهبه
أنسيتى فطره ربك
الذى فطرك

فسألى مالك الكون أن يثبتك
كالجبال على ارض
الايمان ترسو


واتركى ارض الهوى
لمن هوى

السبت، 1 يناير، 2011

حداااااااااااااااااد


اللهم تقبل شهدائنا

استيقظووووووووووووووو 

دا جزء مهم من رد تييرز
جبته هنا علشان كلكم تقرو الجزء دا


تصريحات رئيس المخابرات الاسرائيلى السابق

''''لقد تطور العمل فى مصر حسب الخطط المرسومة منذ عام 1979. فقد أحدثنا اختراقات سياسية وأمنية واقتصادية فى أكثر من موقع، (((( ونجحنا فى تصعيد التوتر والاحتقان الطائفى والاجتماعى لتوليد بيئة متصارعة متوترة دائماً ومنقسمة إلى أكثر من شطر ))))" ~ عاموس يادلين (( رئيس المخابرات العسكرية الإسرائيلية السابق ))...