السبت، 11 ديسمبر، 2010

يوم زى الحلم ........ مصر منوره بأهلها + عاااااجل مطلوب تبرع+ معلش شوي ههههههه


 اعزونى يا جودعاااااااااااااااااان
جهاز الكمبيوتر بتاعى بفتحه الصبح فرقع
فى وشى وربنا ههههههههههه
يومين كده احاول اظبطه وربنا يسهل
==================================
محتاجين لوالدة مصابة بالسرطان
صفائح دم من رجل من 20- 40 سنة
لم يتبرع قبل هذا التبرع بعشرين يوم

فصيلة دم B

رقم الموبيل 0105462614



===========================================


صباح الفل والورد على الكل

الحمد لله امبارح عملنا تجمع بؤجه الخير الشتويه 
اليوم ولا كان اروع حقيقى تجربه مختلفه ليا من جهات كتير

كنت اول مره فى تاريخ البشريه اسافر لوحدى فى اى حته 
واول مره اروح القاهره او مصر زى مابنقول عليها فى اسكندريه

من 20 سنه تقريبا او اقل شويه ههههههههههه ايوان فى حاجه ولا ايه ؟؟؟؟؟؟؟؟؟؟؟!!!!!!!!!!!!
ما انا هاروح ليه مافيش سبب 
بس المره دى السبب كان موجود بقوه وهو عمل الخير ومقابله حبايبى واخواتى المدونين ومعرفه ناس جديده وحصل

الحمد لله

اليوم ابتدى بركوب قطار الساعه السابعه المتجه للقاهره
ومعايا  دودو عاشقه الرومانسيه والحب الجميل
ولولو بنوتتها
السكه والطريق ولا اروع كنا خلاص قربنا نموت  فى السكه من كتر الضحك ههههههههههه يخربيت كده

المفاجأه الكبرى هو الذوق والعثل اللى قابلتهم
من منى ابو السعود صاحبه مدونه تخاريف عقل وقلب
والله مش ممكن حته بنوته سكره وعثوله بنت بلد بس على الهادى 
جدعنه الدنيا والله وطعمتها صممه وجات اخدتنا من المحطه بالعربيه وصلتنا لغااااااااااايه الجمعيه
وجالنا هناك اخونا خالد همس الاحباب وابتدينا نتجمع
كنا اول ناس توصل وواضح انه مكتوب على جبنا اول ناس توصل فى تجمعات اسكندريه والقاهره ههههههههههه

بس الحقيقه بعد ماشوفت المواصلات والشوارع عزرتهم

وهناك فى الجمعيه ابتدت الناس تظهر خالد سابنا وراح يجيب كيار
وسونى 2000 البنوتات السكرات ماشاء الله عليهم
اتبسط اوى انى شوفتهم وعرفتهم

وطبعا قلب القطه خرمانه يارجاله ماذا تفعل لو كنت مكانى؟؟؟؟؟؟؟؟؟؟

نزلنا فى الشارع تحت الجمعيه على طول لقيت قهوى مكتوب عليها كوفى شوب قررت اقعد واشرب قهوتى 
والحب الجميل ومنى ابوالسعود ودودو فى حاله زهول 

لالالا يا قطه ماينفعش 
ماينفعش ليه يابنات تعالو تعالو
وبخطوه جريئه منى دخلت وسحب الكرسى وقعدت وطلبت واحد قهوه دوبل مظبوط

وبصيت فى وشى لقيت اتنين شباب قاعدين سألتهم لو سمحتو
مش عادى الستات بتقعد هنا ضحكو وقالولى مش عارفين وكانت الحيره فى عنيهم 
وبعد ماقعدت خلاص لقيت واحد منهم بيسالنى انتو تبع تجمع المدونين قولتله اه قالى واحنا كمان  قولتله لا والله مين بقى 

قالى انا فضفضه قولتله عمرو يسرى اترسمت على وشه ابتسمه  جميله طيبه 
وكانت الطامه الكبرى وهو بيعرفنى على العزيز على قلبى 
اخويا الصغير مستا  او المستفز صاحب مذاكرات مريض نفسى
ناديت على البنات وابتدينا نتلم ونقعد كنت مبسوطه اوى بمستفز
وعمرو مستفز عثول ووشه طيب وجميل وهادى جدا ولما بيتكلم على وشه ابتسامه وانا خلاص هاخطبه لبنتى وهاخده يعيش عندنا فى اسكندريه ومش هايقدر يفلفص مننا وعاى رائى المثل اخطب لبنتك وماتعبرش ابنك
  اما عمرو يبان فى كتباته مشهيص بس هو هادى جدا بردو فى الحقيقه

واتلمينا وجات كياره وسونى  وجت علينا تلات بناويت زى السكر
مروه منقبه ماتكلمتش خالص والعثوله ريهام مدونه على الفيس بوك
وياسمين مدونه بردو على الفيس
ومن الاسماعليه البنوته الجميله كاتى
اللى اتكلمنا انا وهى كتير عن القطط
عثوله ربنا يفرحنى بيها

وحبه جات داليا قوس قزح  وصديقتها الاسكندرنيه الاصل  القاهريه المعيشه ساجى   الاتنين الاول افتكرتهم اخوات
فى بينهم شبه كبير وحتى الطبع الاتنين زى السكر داليا من الشخصيات المريحه البسيطه اللى تتعامل معها وانت مرتاح جدا

كانت فرحانه اوى بينا وانا بسلم عليها وبحضونها حاست انها كانت مستنيانا ساجى  بقى فيها جدعه الاسكندرنيه وعمليه  اهل كاير ماشاء الله عليها  طعامه وحضور
ونورتنا ايناس نهر الحب من بورسعيد  طبعاااااااا كان بنا قبل كده تليفونات وكان نفسى اقابلها انسانه جميله وطيبه ونشيطه
ودمها خفيف ومعها اختها البنوته العثوله

 ونورتنا كمان رشا حفيده عرابى حبيبه قلبى  اللى كانت مختليفه 770 ودرجه عن لقاء اسكندريه اتكلمنا كتير وعرفتها اكتر بس بردو انطباعى الاول عنها هو هو انها قد كده شخصيه هاديه وطيبه

وجات ريم  ياخربى على الطعامه والرقه يا ناس بسكوته ياناااااااااس  نص كلامها ماتسمعهوش من كتر رقتها وهى طعمه وقمر  وقال ايه شريف الباشا كان بيقولى شبهها انا لو شبهها ماكنتش قعد فى البلد هههههههههههههه

مبسوطه انى عرفتك اووووى ياريم والله

وكان معانا ابو حميد اتعرفت عليه عند وصوله وكنا لسه فى القهوه
انسان جميل اوى وجدع جدا واتكلمنا كتييير 
مبسوطه اوى بمعرفتك يا ابو حميد والله واضاف ليا اخ جديد
اشكرك على تعبك معانا جدا


وجه شريف  الباشا وخطبته العثوله اميره ملهمته فى ابداعاته
ماشاء الله عليهم شريف من الناس اللى ليهم ماعزه خاصه عندى
واميره شاركته الماعازه دى خلاص  ربنا يحميهم ويفرحنا بيهم ونقابلهم عن قريب بعد الجواز ان شاء الله


وجالنا ضياء العزيز بيوتيفول مايند ومصطفى ريان الغالى اللقاء
من غيركم ماينفعش يا رجاله والله ينقص 
مبسوطه اوى انى شوفتكم بخير ويارب عقبال كل مره
وطلعنا تانى الجمعيه ساعه صلاه الجمعه راحو الشباب يصلو
وطبعا حتى اللى مابيصلش راح يصلى احسن الشكل كان هايبقى بايخ اوى ههههههههههه

وهنا حضرت قنبله اللقاء اكتر ما اسعدنى ابتسامه عريضه من الودن للودن فضلت على بؤى بظهور 

ست الستات  ستيته حسب الله الحمش
الحقيقه الشكل مش زى ماتوقعته نوهااااااااااااااائى
طعامه بلا حدود ماشاء الله  مش هاطول فى الوصف علشان اخاف عليكى من الحسد هههههههههه

انما عنيها زى ماتوقعتها ماشاء الله كلها كلام كلها حياويه ربنا يدمها عليها ذهن حاضر ان كنت بحبها قراط ومعجبه بيها قراط بعد ماقعدت معاها زادو 100 فدان 
طبعا اول ماشوفتها نطيط فى حضنها وفضلت ابوس واحضن وهى تقولى طيب اعرف مين هههههههههه
قولتلها احساسك انى مين قالتلى القطه هههههههههههههه

اتكلمنا فى حاجات تخاطيف الوقت ماكنش مساعد وهى كان وراها مليون حاجه ويكفى انها جات مخصوص  ربنا يكرمك ياست السات وربنا اعلم انا سعيده قد ايه

وجه استاذ هانى  مدونه نط فى الكوز شخصيه ودوده وسمحه الوجه جدا وخفيف الظل سعيده بمعرفته


وانضملنا شفقه واحسان كابلز جميل جدا زى كتابتهم
ماشاء الله عليهم ياريت والله ينورونا فى اسكندريه
شخصيتين  اجمل من بعض

وظهر كريم شاب فقرى  اللى اتكلمت المره دى معه كتر من يوم تجمع اسكندريه وعرفته اد ايه شاب جميل ربنا يصلحله الحال



وابتدينا نتحرك ووزعنا نفسنا على العربيات استعداد للذهاب 
للحسين


ان ان اااااااااااااااه تش


ركبنا عربيه ابو حميد واجاركم الله من زحمه القاهره
ياناااااااااااااس العربيات بتمشى سلحفه
ووصلنا الحسين بعد حوالى ساعه ونص وان ماكانش اكتر انا احساسى كانهم تلات ايام فى السكه


المهم وصلنا  وفى السكه ورونى قلعه محمد على  اول مره اشوفها لايف
وجبل المقطم اللى هايتقطم
وابو حميد ورانا الازهر بارك


ونزلنا الحسين وهناك انضملنا كيمو صوت من مصر اللى لو ماكانش جه كنت زعلت جدا وغاده محسن وصاحب مدونه كلام اخر جنان سعيده اوى بعرمفتهم والله شباب يفرح ربنا يحميهم 




روحنا بيت الحاجه الست المرحومه
زينب خاتون بيت اثرى على الطراز العربى
مساحه شاسعه وكمان الحارس هناك قال كان اكبر بس  قصو منه ومعملو ماعرفش ايه
بس اتأكدت والبدليل القاطع  مدى الاهمال وعدم الاهتمام بالاثار عندنا البيت عباره عن كومه تراب بقى هاين عليا اجيب مكنسه
وجردل وانفض البيت ههههههههه ونديله تسيقه فله


وفى بيت خاتون انضمتلنا روح قلبى ندى الياسمين واستاذ رضا والاولاد ياريت تشكريه اوى يا دردر والله
وماتصوريش ساعدتى اد ايه انى شوفتك ربنا يخليكم لبعض ويفرحك بحيب قلبى الطعمين
 اتصورنا وظبطنا حالنا وقولنا ناكل بقى يا جدعان
قررنا ناكل عند جاد  اهو حته تلمنا كنا تعبنا  وعايزين نريح


اتمشينا لغااااااااااااااااايه جاد وظبطلونا القعده 
انضمنا الغالى وليد الدوغرى اخويا العزيز اللى جه مخصوص علشان يسلم ويرحب  كنت هازعل اووووووووووووى يا دوغرى لو ماكنتششوفتك وان شاء الله عروستك هاتكون من عندنا من اسكندريه هههههههههههه وهافرح بيك
ربنا يسعدك يارب ويهديلك الحال


وانضملنا استاذ احمد سكر صاحب مدونه احمد سكر
بشكره على ذوقه وسعيده بمعرفته


واكلنا واتبسطنا وقولنا يلا بقى علشان نلحق القطار
صمم خالد همس الاحباب يوصلنا ربنا يكرمه لغايه القطار واطمن علينا وخلع فى امانه الله
ربنا يخليك يا خالد ويفرحك بشابى وهمس ويهديلك حالك يارب


طول اليوم كلنا مابطلناش ضحك وهزار وكلام ونقاش
يوم من اسعد مايكون


اتصل بينا  اخواتى وحابيبى

لالا علا  صيدلانيه طالعه نازله
كان نفسى يا حببتى تكونى معانا 
اهو صوتك صبرنا شويه


وحببتى منونه اللى ماعرفتش اسمع صوتها وكان نفسى اطمن عليها اكتر من كده بس الشبكه كانت اخر عكننه

وكانت معانا على طول الخط  حبيبه قلبى 

حنين القلب الغاليه ام عمر 
ونستينا طول السكه وكان  نفسنا تشاركنا بس كل نصيب
مانتحرمش منك ابدا يا حنين
واخويا الغالى رامى مدونه بابى
افتقدناك يا ابو الرام بس تتعوض ان شاء الله



الحاجه الوحيده اللى كنت بدور عليها وكل مالقاهش
قلبى يوجعنى فاتيما
افتقدها جداااااااااااااااااااااااااااا
خدت نص فرحه القاء ومتعته معها
فاتيما ياروح قلب القطه
وحشتينى صحيح كنت زعلانه اوىىىىىىىىىىىىى
وكنت عشمانه اوووووووووووووووى انك تيجى لاخر لحظه
وكل ما ابوص فى الوشوش حوليا احس ان فى حاجه نقصانى
افتكرك قلبى يوجعنى
مامتلكش ليكى غير الدعاء
ربنا يرح قلبك ويطمنه ويطمنا عليكى
ويعوضك خير عن كل حااااااااااااااااجه
وانا متاكده ان دا هايحصل ان شاء الله
بحبك يا تيما

كان نفسى خيخه حببتى تكون معانا بس معلش ان شاء الله تتعوض ونتقابل ياخيخه ان شاء الله


اليوم الحمد لله عدى بخير ويمكن اجمل ماتوقعت كمان
ابتدى بخير وعمل الخير وانتهى بسلامى على اجمل صحبه 
وحضوناتى  وبوساتى لاخواتى البنات


بشكركم يا اهل مصر المحروسه على احلى يوم
اكتب  من ضمن ايام حياتى
بشكركم اسم اسم وفرد فرد
ربنا يديم بنا المعروف يارب ونزيد ونزيد ويزيد معانا الخير وعمل الخير
ربنا يجازيكى خير يا داليا قوس قزح انت وخالد
ويارب يجعله فى ميزانكم
وشكر اخير لمنى ابو السعود على تعبها ومجيها لغااااااااااااايه المحطه
شكرا لاخواتى وحبايبى
الحب الجميل
وعاشقه الرومانسيه
على السكه الجميله رايح جاى اربع ساعات
حكااااااااااااااااااااايه هانقعد عليهم سنه نضحك
ماتحرمش منكم ابدا






سعيده اووووووووووووى بمعرفه الناس الجديده
وسعيده اوى انى شوفت  الناس اللى اعرفها


بحبكم كلكم
كانت معكم ريتشارد قلب القطه 
مسكو 
لالالالا 
القاهره

هناك 73 تعليقًا:

خواطري مع الحياة يقول...

السلام عليكم
يارب يكتب في ميزان حسناتكم
ويقدركم على فعل الخير
تقبلي مروري ياعسولة
سلامي لاجمل وارق قلب قطه

فتاه من الصعيد يقول...

جازاكم الله خيرا وربنا يجعله في ميزان حسناتكم يا رب

تحياتي

Mona Abo - Elso3od يقول...

احلي قلب قطة
انا اللي بشكرك علي ذوقك انا ما عملتش غير الواجب و لو بايدي كنت عملت اكتر من كده انتوا تستاهلوا كل خير و الله وانا مبسوطة اني عرفت ناس حلوة زيكم و يا رب اشوفكم تاني علي خير

ستيتة حسب الله الحمش يقول...

يا ختيييييييييييييي
اسكتي بقى شوية مش عارفة اقول حاجة
يووووه
شوفي من حيث المبتدأ يا تشوفي لي شُقة جنبك يا تتنقلي في شُقة جنبي
اتصرفي
مليش دعوة
انا عاوزة من ده يا حزومبل انا عاوزة من ده
ما شاء الله لا قوة الا بالله
يابنتي اهل البحر غير بس محدش مصدقني
أنا في غربة ياختي وعاوزة أرجع بلطية تاني قطيعة

اولا ومن غير مبالغة بقيت اقول فاتيما فوتت عليها فرصة كانت ها تضحك وتنبسط فيها غصم واتدار ومن غير اي مجهود حتى في تحريك عضلات بؤها
والله يا فافي اليوم فعلا كان فيه سكرة ناقصة علشان مشفتكيش

ثانيا متغاظة اني مشفتش وليد وندى
يالا كولووونا لها ده انا روحت امبارح 7 بليل بس

ثالثا زحمة
نعم نعم نعم
انتي بتقولي على القاهرة يوم الجمعة زحمة
هاتوها
حد يجيبها نوريها الشوارع يوم الأحد والإتنين 8 الصبح علشان تقول جاااااااااي زي العمدة سليمان غانم

انتي ودودو والحب الجميل كانت مجيتكم احلى هدية في اليوم ده
مش بجامل زيك يا شريرة
لأ انا بقولها صدقا وحقا

اي نعم انا انبسطت بالناس كلها اللي مشفتهاش من سنة
بس فعلا رؤيتك يا ست انتي غيرت يومي ومساري التدويني
يمكن كل نة اقابل واحدة زي مارو
دي تبقى نعمة كبيرة جدا

شكرا لساعة جميلة قضيتها معاكم وكانت مهمة جدا لتمثيلي النفسي :)

ستيتة حسب الله الحمش يقول...

شفتي نسيتيني
لازم ابارك تاني لشريف اون لاين واقول له ربنا يتم عليك وعلى أميرتك نعمته
شرف والله يا شريف اني اشوفك بكل الصفاء النفسي اللي ربنا حاطه فيك
قلبك بيبان على وشك من غير اي مجهود وربنا يكرمك ومتنساش
اديني بنبه وفيه شهود
السواااارية
اتصرف :)

ستيتة حسب الله الحمش يقول...

وبما اني مش ها اكتب بوست لأني اساسا شفتكم خطف فاسمحي لي بكل تباتة وغتاتة اكتب هنا كمان لدودو وكيارا
الحركة الحلوة اللي عملتوها made my day thanks من هنا لحد حلايب وشلاتين
كيارا ودودو وسوني الضحكة اللي في عينكم والله عندي كنز ربنا يديمها عليكم
يارب تفرحوا وتتهنوا انتوا وكل بنوتات التدوين الحلوين

همس الاحباب يقول...

الحمد لله انكم انبسطتم واليوم كان رائع بوجودكم بصراحة لانكم نورتونا وخليتوا اليوم ليه طعم
اما غياب فاتيما فكان ماثر فى الجميع بلا شك ربنا يزيح همها ويفرج ما هى فيه
اما انتى فمشكلة تمشى على الارض
ربنا يسامحك هههههههه ويفرحك باولادك
سلامى لاستاذ محمد والاولاد
نشوفكم دائما على خير
تحياتى

hamada يقول...

السلام عليكم ورحمة الله وبركاته . بد اسلبوك فى الكتباه روعة روعة تصدقى ببقى فرحان انا و بقراء الموضوع بتاعك . بحس كده الاسلوب المصرى الرائع ده . تسلم ايدك .
على فكرة انا برضه بنقول عليها مصر فى الصعيد . و يا رب ان شاء الله يكون فى ميزان حسناتك و يقويك ربنا على فعل الخير يا رب .
تحياتى لك

شاب فقرى يقول...

يا سلام
وصف ولا أروع لليوم :)
كل سنة وانتى طيبة
وكل لفاء وانتى طيبة يارب
وكنتوا منورين القاهرة حقا وصدقا
:D
وإن شاء الله وبعون الله تشوفيلى عروسة انا كمان
كمان عشر سنين كدا ولا حاجة :P
الواحد مش مستغنى عن عمره :P


نورتوا مصر
شاب فقرى

حفيدة عرابى يقول...

الى أجدع ستات اسكندرية
تحية طيبة وبعد
أسعدتم يومى والله بصحبتكم الحلوة ودمكم الشربات
واليوم مكانش ناقصه فعلا غير فاتيما هانم اللى كانت الحاضر الغائب
بس يبقى انت محتاجة مقابلة كمان علشان تغيرى رأيك تانى ياماما :)

لـــولا وزهـــراء يقول...

مارو

بصى فى الاول كده فرحانه لانى حاسه بالفرح من كلامك يارب تكونى بقيتى تماموز وفله شمعه منوره

ما شاء الله صحبه ولا اجمل من كده ربنا يديم المعروف بينكم والفرح والخير ...
ربى يجعل هذا اليوم فى ميزان حسناتكم ويتكرر لمرات مرات وفى كل مره زياده فى الصحه والخير يااااااااارب

انتى عارف بقى انى نفسى اشوف حديقة الازهر لانى سمعت عنها كتييييييييير من مصادرى الخاصه ورغم زياراتى المتكرره للقاهره لكنى مش زرتها بس كده وعد انى احطها فى الخطه المره القادمه ان شاء الله

الحمد لله ان اليوم كان جميل وربنا يجعل ايامك كلها جميله يارب

كان نفسى اكون معاكم بس طبعا انتى عارفه السبب وكمان لانى مصابه بنزلة برد فظيعه مريعه والحمد لله ...

محدثتك من غير صوت لانه رايح هههه

زهراء

مصري جدا يقول...

قولي للريسه يا ستي


أهو بتقول وشي سمح سامعه يا ست الريسه النبطشي

مش متعفرت أهه

نورني القاهره

ودايما تنوريها

βent Pasha يقول...

انا بشكرك بجد على ذوقك ، وربنا يديم عليكي فرحتك يارب .. اليوم فعلا كان حلو ، وانتي كمان عسولة

وبشكر الدكتورة ستيتة بالنيابة عني وعن شريف على ذوقها بجد في تعليقها عننا، وربنا يقبل دعاكي يارب يادكتورة،،

بشكركم جميعا

eng_semsem يقول...

بصراحه انا كان نفسي اكون معاكم بس للاسف انا بعيد قوي مش هعرف اجي ولا اشوف مصر غير في التلفزيون واللي مزعلني اني مش معكم اما بالنسبه لمصر بصراحه مش فارقه
تقبلي تحياتي

Ms Venus يقول...

ربنا يجمعكم دايما يارب فى الخير والفرحة يا احلى واجمل قطة

صوت من مصر يقول...

عاوز اضحك على اليوم ككل

أبو حميد يقول...

يا فندم والله أنا مكسوف جدا جدا
لأنى حاسس إننا ماقمناش معاكم بالواجب بجد

مبسوط إنى إتعرفت عليكى
وشكرا قوى خالص على الكلام الحلو عنى ده
:)

reem يقول...

يا توتة هو فعلا كان زى الحلم بوجودكو يا احلى ناس

حقيقي انتو خليتوا لليوم طعم مختلف

وبجد نورتونا ونورتو كايرو كلهااااااااا

وانا مبسووووطة اوى اوى اوى انى اتعرفت عليكم وعليكى يا قمر

وبجد انتى عسووولة اوى ودمك زى السكر

وبعدين انتى اللى قمر بجد
وانا يشرفنى اكون شبهك يا قلبي
ربنا يحميكى يارب



وانا بجد في منتهى السعادة انى شفتكوا امبارح

جميله المصرى يقول...

ربنا يوفقك ياقطتى يارب

ويديم عليكى نعمه ويحبب فيكى خلقه كمان وكمان

ويارب يجعل كل خير تعمليه ظاهره وباطنه فى ميزان حسناتك

أمين

دمتى بكل خير يا سكر

اختك جميله

كيــــــــــــارا يقول...

والله يامارو انا نبسط جدا لما جيت وشفت العثل دا

انتى ليكي كاريزما بجد خاااااااصة

مبسوطة انى شفتك اوووووووووي

غير معرف يقول...

ازيك يا قطتى وحشانى اوى
الجو الوحش حرمنى من اليوم الحلو اوى ده
تتعوض انشالله ربنا يسهل فى مره تانيه وحشتينى اخر حاجه
الشوكه الناعمه

فاتيما يقول...

حمدلله ع السلامة يا قطقوطة

الحمدلله انكم انبستطوا
عقبال كل مرة
انتى كان نفسك ف حكاية الحسين دى
والجماعة قاموا بالواجب الحمدلله


كل ما اقرى انطباعات الناس عنك
قلبى يبتسم قوى
عشان كنت متأكدة من كده
انتى تدخلى اى قلب
من غير استئذان وتربعى
بس كان نفسى الحاج والعيال ييجوا
المرة الجاية ان شاء الله
عشان اشوفكم بقى


عدم المجى على عينى والله
بس انا بقيت كويسة والحمدلله
البركة ف ربنا وفيكم

بوسات وحضونات
واهم حاجة الفعصات

sony2000 يقول...

انا اسمي مكتوووووب
أييييييييون
تييييييييييب
بجد والله العظيم كنت مبسوطه انك موجودا
بالرغي اللي رغيناه فالمكتب والنمممممممم دا كلوووووو
حسيت ان الجيران اشتكوت يراداااااله
ههههه
يارب بقي نتجمع تاني قريب لحسن وحشني من دلوقتي

كلمات من نور يقول...

ربنا يجمعكم دايما بكل حب وعلى خير ..وكل تجمع وانتم طيبيين

نهر الحب يقول...

انا كمان سعيدة جدا بالتعرف عليكم
وبعتذر انى مش كنت اكتيف معاكم والله لظروف مش لطيفة بالنسبة لى
لكن بجد حصل لى الشرف
وانتم ممجموعه لطيفة جدا
ويارب نتقابل تانى على خير ان شاء الله
على فكرة القطة اللى انتى حطاها شبهك

الحب الجميل يقول...

ماااارو
مبسوطه انى شفتك واتعرفنك عليكى
ههههههههههههههههه
وحشتينى
اخبار جهاز الكمبيوتر ايه ؟؟

صيدلانيه طالعه نازله يقول...

عاااااااااااااااا
كان نفسى اشوفك انتى وايمان اووووووووى
و دودو و احمد سكر و حفيده عرابى
و الناس اللى شفتها قبل كده كلهم وحشونى جدا اوى خالص
بحبكم كلكم و يارب نتجمع على خير قريب جدا
دعواتك اروح لماما اليكس قريب و نتقابل
اموووووووووووووه

عمرو يسرى يقول...

انا مليش دعوه انا لسه مستفز
هتجوزى مستفز لابنتك وسايبانى انا انا عايز عروسه بس يعنى بعد 40 او 50 سنه كده يعنى بلاش استعجال

ghada mOhsen يقول...

أنا مبسوووطه كتيييير إني إتعرفت عليكي بجد

ماشاء الله عليكي تدخلي القلب بسرعه
^^

وإن شاء الله راح يكون لينا لقاء تاني

وحلو أو سردك لليوم
^^

تحياتي الملونه لروحك الطيبه
^_^

من كل بستان زهرة يقول...

قطتي
نورتي قاهرة المعز
وربنا يجازيكم خير
انا كنت محضره نفسي اني اجي بس
والله ظروف صعبه اوي منعتني
بس اكيد هتتعوض في مره تانيه
كان نفسي اجي بس علشان اشوفك يا قطه
انتي وايمي الحب الجميل
يلا الجايات اكتر ان شاء الله

Tears يقول...

اولا الف سلامة على الكمبيوتر :))))

ثانيا فرحانة اوى انكم اجمعتوا و مبسوطين


ربنا يديم المودة

عاشــــــ النقاب ـقــــة"نونو" يقول...

في ميزان حسناتكم يارب
ودوما في الخير متجمعين

Timo.. يقول...

ما شاء الله عليك يا ريتشارد...
ده انت مش بس حكيتي التفاصيل..لأ..
ده انا حسيت اني كنت قاعد معاكوا في القهوة :)

هي مش الكوباية اللي هناك دي بتاعتي ولا ايه..؟
(';' )

Ramy يقول...

ريتشاردية (:

أزيك بجد مش عارف اقول ايه لا جيت و لا عرفت أكلمكم فى التليفون

كُنت عاوز ابعت سلااااام للحج

و يا بختك بحسدك اهوا اخبى يعنى (:

شفتى الدكتورة ستيتة

يعنى انا ضيعت يوم خير

و يوم اشوف فيه الناس العزيزة بتوع اسكندرية

و كمان مشفتش الدكتورة

بس اهم حاجة ان انتم انبسطم و رجعتوا بألف سلامة

معلش بقى أعذورونى بقالى فترة مش متابع

سلاااامى للحج

Haytham Alsayes يقول...

ازيك ياريتش
انا جي امسي واسلم بس

momken يقول...

كل سنه وانتى طيبه وادايما منوره القاهره ياستى
ودايماً بتسعى فى الخير

انا شوفت البوست متاخر اوى

بس لازم برضو ارحب بيكى فى كايرو

تحياتى

من كل بستان زهرة يقول...

قطقوطه
اخبارك ايه وحشتيني جداااااااااا
ايه الغياب ده كله
هو الكمبيوتر لسه عطلان
قولي للحاج ريتشارد يصلحه بقى

طمنيني عليكي يا قطتي

richardCatheart يقول...

خواطري مع الحياة

اشكرك يا رشا ماتحرمش منك يارب

نورتينى

richardCatheart يقول...

فتاه من الصعيد

اشكرك يا مرموره ربنا يبارك فيكى

نورتينى

richardCatheart يقول...

Mona Abo - Elso3od

منمون حبيبى وحشتينى والله وايه الكلام دا

دا انا اشكرك من هنا لغاااااااااااايه 2011 مش هاتعب انا اللى اسعد انى اتعرفت عليكى انسانه جميله بره وجوه تقفيل خارج ههههههههه

ان شاء الله اللقا قريب على خير

منوره يا حبى

richardCatheart يقول...

ستيتة حسب الله الحمش


ههههههههههههههههههههههههههههه

كالعاده ردك طعمه غير ربنا يخليكى يا ست الستات يارب

بصى بما انك بلطيه الاصل والمولد يبقى انت اللى تيجى عندنا ودا لسببين

اولا الشقق عنديكم فى مصر نار يا حبيبى نار هنا ارحم شويه
والاهم انا لو عشت برا اسكندريه اموت
اتنفس ازاى يا خراشى لالالالا

احنا نشوفلك شقه هنا وهاشهيصك هههههههههه

منورانى والله ويارب ديما

مش محتاجه اقولك انك فى بيتك تكتبى اللى انت عايزه وقت ما انت عايزه

richardCatheart يقول...

همس الاحباب

ماتحرمش منك يا ابو همس يا اصيل ربنا يبارك فيك وفى اسرتك يارب

ياعمى لامشكله ولا دياولو هههههههههههه

والله محمد كمان بعتلك مليون سلام وشكر على ذوقك وتعبك معانا

ربنا مايحرم الشعب منك ويفرحك ببناتك يارب

نورتنى

richardCatheart يقول...

hamada

والله يا حماده ماعرفه اقولك ايه انت اللى كل ذوقك والله وبما انك من صعيد مصر
الغالى فانك انسان اصيل
وكلامك رفع كبير اوى لمعنوياتى

اشكرك ويارب يفرحنى بيك يا حماده
كتر الف خيرك
نورتنى

richardCatheart يقول...

شاب فقرى

هههههههههههههه عشر سنين خلاص انوى انت بس ومتقلقش انت اخويا زى وليد بالظبط وهاجوزكم والموكم ياعنى هاجوزكم والموكم ههههههههههه ربنا يسعد قلبك

واليوم كان حلو اوووووووى بيكم والله

ويارب ديما معانا يا فقرى

نورتنى

richardCatheart يقول...

حفيدة عرابى

الانسانه الجميله رشا حفيده جدو عرابى

بجد سعيده بيكى فوق ماتتصورى وبما انى من محبى التاريخ فاتقدرى ليكى زاد اضعاف مضاعفه وربنا ولا مليون قعده هاتخلينى اغير رائى فيكى ههههههههه

انت من احسن الناس اللى اتعرفت عليهم والله ربنا يسعدك يارب

نورتينى

richardCatheart يقول...

لـــولا وزهـــراء يقول.

الف الف الف سلامه عليكى يا بطوط

الحمد لله انك احسن ايمو طمنتينى عليكى

وامانه لما تروحى الازهر بارك تيجى تفقعينا بوست وتحكى لنا هنا

انا كمان كان نفسى تكونى معانا بس الجايات اكتر ان شاء الله

ويارب زيارتك انت تكون احلى واجمل وتهيصى

بت يا بطه ابقى روحى بابارادزى
وادعيلى هناك هههههههههههههه

منوره يا بطوط

richardCatheart يقول...

مصري جدا

ههههههههههه ما انا قولت اهو والنبى سمح

يا استاذ هانى ههههههههه

ربنا يخليك مصر منوره بيكم

نورتينى

richardCatheart يقول...

βent Pasha

انت اللى ذوقك وعثوله يا اميره مبسوطه اوى بمعرفتك

ربنا يخليكم لبعض ويفرحنا بيكم

نورتينى

richardCatheart يقول...

eng_semsem


الجايات اكتر ان شاء الله يا سمسم وياعالم ماتستبعدش حاجه مهما كنت بعيد ممكن اوى تكون معانا فى مره ان شاء الله

اشكرك ونورتنى

richardCatheart يقول...

Ms Venus

يارب يا فيو يارب

ربنا يخليكى ويبارك فيكى

نورتى يا احلى صاحبه ورد

richardCatheart يقول...

صوت من مصر

ههههههههههههه يارب تكون لسه بتضحك يا كيمو اضحك كركر اوعى تفكر

نورتنى

richardCatheart يقول...

أبو حميد

مكسوف يا خرابى دانت دوخت بينا ياراجل

والله ربنا يبارك لك

وزى ما قولتلك انا كسبت اخ جديد

بشكرك جدا ونورتنى

richardCatheart يقول...

reem

السكره ريم اشكرك والله ربنا يخليكى احنا اللى اتبسطنا جدااااااااااااا
والله

ربنا يخليكى يا رفعه معنوياتى ههههههههه

نورتينى

richardCatheart يقول...

جميله المصرى

اهلا اهلا بجميله الجميله

ربنا يتقبل منك يارب دعائك ماتحرمش ابدا منك يا جميل

نورتينى

richardCatheart يقول...

كيــــــــــــارا

ياخرابى كاريزما ايه شاتومه دى ولا ايه يا كيار هههههههههههههه

ماتحرمش منك ومن كلامك الجميل

انت اللى جميله والله ربنا يفرحنى بيكى يا سكره

نورتينى

richardCatheart يقول...

الشوكه الناعمه


ازيك يا شوكه يارب تكونى بخير

ان شاء الله الجايات اكتر بس فاتك يوم ولا فى الاحلام والجو كان حكايه

ربنا يسهل وتكونى معانا المره الجايه

نورتينى

richardCatheart يقول...

فاتيما


اهم حاجه انك بخير وبقيتى احسن

يارب ديما يا تيما

شكرا على كلامك اوى دا كتير يا تيما والله

منوره

richardCatheart يقول...

sony2000


طبعا اسمك موجود فى المحضر وانت اللى هاتشيلى القضيه هههههههههه

ربنا يكرمك ويفرحنى بيكى

richardCatheart يقول...

كلمات من نور

يارب يتقبل منك يا كلمات النور يارب

اشكرك ونورتينى

richardCatheart يقول...

نهر الحب

يا انوس يا جميل انت كنت عثوله ومنوره الدنيا صحيح كنتى بتسرحى كده ساعات بس بردو كنت لذيذه اوى

انا اسعد والله بالتعرف عليكى جدا
وعلى فكره انت كمان من نفس الفصيله القطيه اللى فى الصوره

اشكرك يا رفعه معنوياتى

نورتينى

richardCatheart يقول...

الحب الجميل يقول..


هههههههههههههههه صلتى ركعتين شكر انك اتعرفتى عليا ولا لاء يابت هههههههه

الكمبيوتر كان زفت بس الحمد لله

جبنا واحد تانى خالللللللللللللللص هههههههههههه الاولانى ضرب تقريبا انتحر هههه

منوره بيتك

richardCatheart يقول...

صيدلانيه طالعه نازله


خلاص سد يا لولو سد هههههههههه

والله انت من الناس اللى زعلنى عدم مجيها بس يلا كله نصيب

يارب تيجى اليكس لماما يارب ونخطفك علشان ماترجعيش تانى ههههههههههه

ان شاء الله نتقابل عن قريب يا لالا
منوره الدنيا

richardCatheart يقول...

عمرو يسرى


ههههههههههههه بص يا عمرو انا هاجوزه البنت علشان استغله ويعالجنا نفسينا ببلاش ههههههههههههه

بما انك عايز العروسه كمان 40 او 50 سنه

يبقى خد حفيدتهم بقى يادوب بردو يفضل زيتنا فى دقيقنا واحنا مش هنلاقى لحفيدتنا احسن منك يا عمرو هههههههه

نورت

richardCatheart يقول...

ghada mOhsen

ربنا يخليكى يا غاده يارب اشكرك جدا

انت من الناس اللى شرفت بمعرفتها

ربنا يسعد قلبك ويفرحنا بيكى يا قمر

richardCatheart يقول...

من كل بستان زهرة

فلورا الغاليه ربنا يخليكى قاهره المعز منوره بيكم ويارب عمرانه بخيركم يارب

والله واحنا كمان كان نفسنا تيجى بس اللقا نصيب وربنا يجعلنا كلنا نصيب فى الخير يارب

وان شاء الله اللقا قريب

منورانى

richardCatheart يقول...

Tears

الله يسلمك يا تييرز يارب

والله يرحم الكمبيوتر كان طيب مات انن عنده سنه هههههههه

والله كان يوم عايزك ماتبقى تشاورى عقلك كده يمكن تتبسطى

منورانى

richardCatheart يقول...

عاشــــــ النقاب ـقــــة"نونو"

يارب يتقبل منك يارب

واشكرك جدا

نورتينى

richardCatheart يقول...

Timo.. يقول..

شوفت بقى ياعم تيمو اى خدعه يا ريس هههههههه

دى حاجه تبسطنى انى نقلتلك القاء باحساسه واليوم كان ناقصك حقيقى

لالالا الكوبايه اللى هناك دى بتاعتى انا اصل انا بس اللى طلبت قهخوه هههههههه

بس العموم واحد اشرب واتكيف براحه راحتك

نورتنى

richardCatheart يقول...

Ramy

والله يا رامى افتقدناك جدااااااااااا

فوق ماتتصور يااخى بس انا عازراك انت بتيجى من اخر الدنيا ربنا يقويك

اه شوفتهههههههههههههههها وش بيطلع لسانه هههههههههههههه
سعيده بسماع صوتك جدا يومه ومن غير ماتقول انا بعت سلامك للحاج وهو بيسلم عليك اوووووووووووووى

يارب ديما بخير يا ابو الرام
ربنا يسعد قلبك ويفرحنا بيك يارب

منور الدنيا

richardCatheart يقول...

Haytham Alsayes

ربنا يخليك يا ابو الهيثم يا غالى وماتحرمش من سؤالك ابدا

الحمد لله كله بقى تمام بفضل الله

نورتنى

richardCatheart يقول...

momken يقول...

اشكرا اوى يا ممكن بس شوفته متاخر ياعنى مش متابع يا سيدنا ههههههههههه

ربنا يخليك يارب وكايرو منوره بيك وباهلها

نورتنى

richardCatheart يقول...

من كل بستان زهرة يقول...

فلورا النعمه القويه اللى كلها حنيه

والله انت وكلكم وحشتونى اوىىىىىىىىىىىىىى

بس كان غصب واتدار والله

وحقا وصدقا الحج ماقصر والله بس الكمبيوتر للاسف مات بالسكته الكهرابائيه ضرب كله الله يرحمه كان طيب
هههههههههههههه

ربنا يخليكى وماتحرمش من سؤالك ابدااااااااااااا

ويارب اسال عنك فى الخير
منوره

re7ab.sale7 يقول...

تعرفي انا من يومها وانا عايزة اكتب لك وناسية خالص...؟
اعذريني زهايمر وكدة يعني
غادة محسن قالتلي علي اليوم ده لاني محضرتش لظروف قاهرة ...
بس بجد كان نفسي اكون موجودةعشان اشوفكم كلكم كلكم
ربنا يجمعكم علي خير يارب دايما