الثلاثاء، 7 ديسمبر، 2010

سنه هجريه سعيده + شكر





صباح الفل على الكل

ربنا يخليكم ليا كللللللللللللللللللكم
اشكركم اسم اسم  على سؤالكم عليا واهتمامكم وقلقكم
 


مهما قولتلكم مش هاتعرفو دا فرق معايا اد ايه
حاسيت بأخوتكم والله سواء ناس اعرفها من مده او ناس لسه عرفها من قريب ربنا يطمنى عليكم كلكم
يمكن االلى حصلى كانت حاجه بسيطه عند كتير منكم

بس عندى كانت حاجه مهمه جدااااااااااااااااااااااا
ووجعتنى جدااااااااااااااااااااااااا
وفرقت معايا جدااااااااااااااااااااااااا
قطتى هارتى ماتت وكلنا عندنا احساس اننا فقدنا فرد من اسرتنا
حتى جيرانا واصحبنا جالهم نفس الاحساس
فى النهايه الم الفراق بيوجع ربنا مايوجعكم ولا يوجعنا فى عزيز او غالى يارب


حبيت اطمنكم عليا واشكركم على اهتمامكم
ربنا يخليكم ليا

وطبعا مش هانسى اعيد عليكم بمناسبه راس السنه الهجريه
الجميله اتمنى من الله للجميع بدايه سنه هجريه سعيده على الامه الاسلام والامه العربيه اجمع ويارب يصلح لنا الاحوال
ويتقبل منا اجمع صالح الاعمال

ان شاء الله هاسفر القاهره لوليا عمر
يوم الجمعه 10 لبؤجه الخير
ماتنسوش يا جماعه التبرع والهدوم من فضلكم
وبعدها هارجع اتابع مدونتكم اللى وحشتنى وكتابتكم اللى افتقدتها اووووووووووى 
وابتدى صفحه جديده بأذن الله 
كل سنه وانتم لله اقرب وبالحياه اسعد

هناك 50 تعليقًا:

ويكا يقول...

القطه المشمشيه حلوه بس شقيه

بنصبح ونمسى عليها ونقولها كل سنه وانتى طيبه وحمدلله على السلامه وواضح كده ان الشوطه لما بتاخد بتاخدنا كلنا مره واحده ولما بترجعنا بترجعنا كلنا برده مره واحده.

بس انا ياستى ما عنديش قطط ماتت كانت سبب فى غيابى ، هو انا لاقى اكل علشان ااكل قطه كمان . (سبنا القطط للناس اللى عنينا عليهم بااااااااااارده ، لا بنحسدوا ولا بننقوا ، اااااه ).
عموما
حمدلله على السلامه وربنا يستر بقى .

Haytham Alsayes يقول...

حمد الله علي السلامة يارتش
كل سنة وانتي والحاج والاولاد بخير وسعادة يارب
وكويس اللي اطمنا عليكي
وكله خير من عند ربنا

صدى الصمت - عاشقة الورد - يقول...

كل عام وانتى إلى الله أقرب وإلى الطاعة أرغب وربنا يجمعنا مع بعض فى المسجد الحرام والروضة الشريفة ونسافر سوا بإذن الله
تحياتى لكِ

طالبة مقهورة ..درجة أولى يقول...

:(

زعلت اوي..يمكن عشان بحب القطط اوي
وعشان كده برضه خايفة اجيب قطة

كل سنة وانتي طيبة يا قطتي

ايه موضوع اللقاء ده بالظبط عشان انا مش متابعة بس ممكن احاول الغي درسي الصبح واروح..ياريت تبلغيني بسرعة :)

SHAPE YOUR LIFE (ABOALI) يقول...

قلب القطة
حانى وكان بجميل الاحساس عطرا
امتزج فيه الحب مع كل الكائنات فكان كيانا متألق جميلا
افتقد الرونق وروعة البسمة
ولكنها هى الحياه بكل معانيها
تدور بنا ونسبق بعضنا بعضا
فهل عدنا الى حيث نواصينا
نبدء من جديد صفحات بيضاء
لنكون اعلام هدى والانهار العذبة تسقينا


عودة موفقة لانسان قدير

MR.PRESIDENT يقول...

بعد السلام
الفراق صعب
وإن كان لابد منه

والحمد لله علي عودتك .. صدقيني أكثر حاجة بتوجع .. إنك تتألم بدون ما تفضفض .

أنا مبسوط لرجعوك .. يا غالية .

كل سنة وانت طيبة وتكون سنة سعد عليكي وعلي كل اللي حوليكي قادر يا كريم

لـــولا وزهـــراء يقول...

مارو

الشكر ده يكون بين الاغراب وبس
لكن انا هاتكلم عن نفسى اعتقد انتى عارفه اننا عشرة عمر ربنا يديم المعروف
احنا كمان عشرة عمووووووور الامووووووووور
عاوزين نرجع للسايت تانى عشان لما عمرو يرجع نكون موجودين ان شاء الله

ربنا يسعد قلبك يا احلى مارو ومهما قولت انتى عارفه انتى ايه بالنسبه لى

دعواتى للرحمن ان يسعدك مدى الزمان ويهب لكى الفرح والخير

زهراء

ماما أمولة يقول...

كل سنة وانت طيبة حبيبة قلبي
واوعي تزعلي من حد ابدا ولا مني
انت عارفة انا بحبك قد ايه
اكيد ظروف وبتحكم
ربنا يصلح حالك يارب

Noha Saleh يقول...

حمدالله على سلامتك
والحمدلله اننا اطمئنينا عليكى
وماتزعليش علشان القطة
كل سنة وانتى طيبة

عمرو يسرى يقول...

حمد الله على السلامه
كل سنه وانتى طيبه
الحمد لله ان اطمنا عليكي

محمد التركى يقول...

السلامو عليكم

كل سنه وانتى طيبه يااجمل قلب
كل ده حصل وانا غايب
انا اسف انى بقالى مده بعيد معلش اصلى كنت بمور بظروف صعبه شويه
وكنت هبعد للأبد عن البلوجر
بس فكرت فى كلام كل الناس الجميله اللى كتبت وقالتلى فكر شويه
وقعت مع نفسى لقيت انى هتعب اكتر لو بعت خالص
قولت ابعد حبه لحد ماافوق
الحمد لله
على كل شئ

المهم انتى تكونى بألف خير وصحه
وكل سنه وانتى طيبه وربنا يجعلها سنه هجريه كريمه عليكى وعلى محمد وعلى اولادك وكل احبابك
يارب
وعلينا وعلى امه محمد وعلى مصر كلها

ابقى طمنينى عليكى

تحياتى لاطيب قلب فى الدنيا

محمـــد التركــى

hamada يقول...

السلام عليكم ورحمة الله وبركاته
الف الف الف سلامة اختى الغاليه .
و وكل عام وانت والأمه الأسلامية بخير وسعادة

Ms Venus يقول...

مارو


حمدلله على السلامة يا احلى مارو

وكل سنة وانتى طيبة دايما وبخير

ومتزعليش علشان القطة


ربنا يفرح قلبك دايما ويبعد عنك الحزن

ستيتة حسب الله الحمش يقول...

ريتشاردي يا قلب القطة
أول مرة اعرف ليه مسمية نفسك قلب القطة
المهم انك دلوقتي بخير ولله الحمد
كل سنة وانتي طيبة والأسرة الكريمة كلها طيبة

تحياتي

محمود(باحث عن حب) يقول...

كل عام وانتى بخير
وسعاده
يارب
ويارب يعوض عليكى فى القطه
يارب
وكل عام وانتى والاسره بخير
وسعاده
يارب

Tarkieb يقول...

البقية في حياتك والبركة في القطة التانية...وكل سنة وانت طيبة وعايزين الفطير

الحب الجميل يقول...

نورتى البلوجر يا مارو

richardCatheart يقول...

ويكا


صباحك ومساك ورد وانت طيب وبالف خير يا ويكا

انا عارفه انت لا بتنق ولا تحسد انت بتخزى عنك العين ههههههههه

دانت راجل حاجج ومهيص يا سيدى ياعنى مقتدر وربنا فتحها عليك ماهو اللى يحج فى الزمن دا لازم يبقى عملهم

يلا ربنا يزيدك يا ويكا يا خويا

منورنى

richardCatheart يقول...

Haytham Alsayes

وانت طيب يا هيثم ماتحرمش منك ابدا

الحمد لله ياهيثم كله خير
نورتنى

richardCatheart يقول...

صدى الصمت - عاشقة الورد -

اللهم امين يارب العالمين ربنا يتقبل منك دعائك ويجمعنا فيها صحبه يارب

نورتينى

richardCatheart يقول...

طالبة مقهورة ..درجة أولى يقول...

رديت عندك علشان اكتبلك بالتفصيل وربنا يسهل

يعود عليكى بالف خير يا رودى
نورتينى

richardCatheart يقول...

SHAPE YOUR LIFE (ABOALI)

ابو على الجميل صاحب الكلام الطيب الجميل

كلامك طالع من قلب طيب يحس ويشعر

ربنا يكرمك ديما يا انسان بدرجه فنان

نورتنى

richardCatheart يقول...

MR.PRESIDENT

صعب اوى ياريس والله ربنا مايكتبه على حد يارب

والله انت اخ عزيز وغالى يا ريسناربنا مايحرمنيش من كلامك الطيب وسؤالك

انا اسعك برجوعى وسطكم واسعد بسؤالكم عليا

نورتنى

richardCatheart يقول...

لـــولا وزهـــراء

طبعا مش اغراب احنا اهل واصحاب مافهاش كلام ربنا يخليكم ليا

انا رجعت فعلا النهارده وكل ماهاقدر هاتلاقينى موجوده ويارب يرجع بالسلامه وحسه يجلجل تانى يارب

ربنا مايحرمنيش منك طبعا عارفه يابطوط
ويسعدك يارب

نورتينى

richardCatheart يقول...

ماما أمولة

وانت طيبه وبالف خير يارب يا ماما اموله ويسعد قلبك

انا عمرى ما ازعل منك ابدا يا روح قلبى ربنا اعلم ماعزتك وقدرك عندى والله

واكيد الظروف بتحكم علينا كلنا كتير غصب عننا بتحصل

وربنا يديم المعروف يارب ياغاليه
نورتينى

richardCatheart يقول...

Noha Saleh

كل سنه وانت بالف خير يا نهى

اشكرا جدا وخلاص زعلت واللى كان كان

الحمد لله على كل شىء

نورتينى

richardCatheart يقول...

عمرو يسرى

وانت طيب يا عمرو وبالف خير

اشكرك جدا على كلامك يا عمرو
وربنا يطمنك ديما يارب
نورتنى

richardCatheart يقول...

محمد التركى

وانت طيب يا تركى وبالف خير
بتتأسف ليه بس ما انا كمان مقصره معاك جدا

تمشى من البلوجر نهائى ؟؟؟؟؟؟؟؟؟!!!!!!!!!

اوعى والله تبقى وعقت مايعلم بيها الا ربنا
ايوا اسمع كلام حبايبك اوعى تبعد يا تركى

يارب تكون ديما بالف خير يا تركى خاللى بالك منك

نورتنى

richardCatheart يقول...

hamada

اشكرك يا حماده اوى الله يسلمك بكل الخير

ويعود عليك بالخير يارب

نورتنى

richardCatheart يقول...

Ms Venus

فيو الغاليه وحشتينى خالص

يارب تكونى بخير يارب

وانت طيبه وبخير ديما يارب

والله زعلت واتفلقت من الزعل واللى كان كان يافيو ربنا يسهل ويصلح الحال

ماتحرمش منك

نورتينى

richardCatheart يقول...

ستيتة حسب الله الحمش

وانت طيبه ياست الستات وبالف خير وصحه
وكل اهلك وحابيك يارب وفرحانه بمهره وعفرتو ان شاء الله

بس ياست الستات حكايه اسمى سببها حاجه تانيه خالص ههههههههه

هارتى هى اللى اتسنت على اسمى هههههههه

لو فى نصيب واتقابلنا ان شاء الله
هاحكيلك الحدوته بتعتى هههههه

يارب ديما بالف خير

نورتينى

richardCatheart يقول...

محمود(باحث عن حب

حوده ازيك يارب تكون بخير يارب

وانت طيب وبسعاده وربنا يفرحنى بيك

يارب يا حوده يعوض على الجميع بالخير ان شاء الله

نورتنى

richardCatheart يقول...

Tarkieb

تيكو ابو التيك ازيك يا تراكيبو

كل سنه وانت طيب وبخير وفى احسن حال يارب

اطال الله بقائك وربنا يصبر ريتشى

الفطير زمانه وصلك بالدى اتش ال يا رياسه يارب يعجبك ههههه

نورتينى

richardCatheart يقول...

الحب الجميل


البلوجر منور بيكم يا حبى ويارب ديما منور

منورانى يابت

همس الاحباب يقول...

كل سنة وانتى طيبة
وحمدلله على السلامة
والحمد لله على كل حال

richardCatheart يقول...

همس الاحباب

وانت طيب يا ابو همس يا جدع وكل الاسره الكريمه بالف خير يا رب

الحمد لله وماتحرمش منك ابدا

فتاه من الصعيد يقول...

ازيك يا جميل

والله انا كنت منقطعه عن المدونات وماشفتش موضوع القطه ده

ربنا معاكي وحمد الله ع السلامه

وكل سنه وانتي طيبه

تحياتي

ويكا يقول...

اااه اااااه

قلبى ... قلبى

حاسس بوخذ فى قلبى ..... ومش شايف ...

هى البت دى بتقول ايه ؟!!

دى بتنق ولا ايه ؟!!!

اااه ....... روحى يا شيخه وانتى .....

اااااااااه

richardCatheart يقول...

فتاه من الصعيد


ازيك يا مرموره وحشانى اووووووووى

والله انا قصرلات معاكى غصب عنى

ربنا يخليكى يا مرموره يارب وطيبه ديما يارب

نورتينى

richardCatheart يقول...

ويكا يقول...


بالشفا ههههههههههههههههههههههههه

هههههههههههههههههههههههههههههههههههه

والله كنت طيب ههههههههههههههههههههه

Tears يقول...

كل سنة و انتى بخير

مقدرة اوى مشاعرك الرقيقة لفراق القطة....معلش هو صعب بس مع الوقت ح تنسى شوية


تحياتي

richardCatheart يقول...

Tears

ربنا يكرمك ويخليكى يا تييرز اشكرك على شعورك الجميل دا والله

والحمد لله كله مع الوقت باليتظبط فعلا

اشكرا ونورتينى

جميله المصرى يقول...

السلام عليكم

كل سنه وأنتى طيبه يا قطتى ياقمر انتى

وربنا يارب يعيده علينا وعليكى وعلى كل الدنيا بالخير واليمن والبركات

وحشتينى كتيرررررررررررررر

ومعلشى عارفه انى مقصره معاكى وبتأخر عليكى كتيرررررررر

اتمنى مش تزعلى منى ياقمرايه
ويارب دائما تكونى بخير وبصحه وسعاده

معلشى كلنا فى البرد سقعانين البسى شراب فى البيت هتفرق معاكى كتيرررررررررر عن تجربه والله

دمتى بكل خير

اختك جميله

sweet angel يقول...

ربنا يعوضك عنها خير

الف حمدالله على سلامتك

كل سنه وانتي طيبه

مدونة الأمل يقول...

السلام عليكم و رحمة الله و بركاته

ان شاء الله تمام أردة ان أدعو كل أصدقاء مدونتكم المتواضعة لزيرة مدونتي و المشاركة في الموضوع الجديد الدي عرضته

في انتضار زيارتكم تقبلو مني فائق الاحترام و التقدير

سلام

well يقول...

قطة يعنى روح يعنى مخلوق ..والعشرة ماتهونش
احساسكم بفقدانها ان دل يدل على بيت اصيل يعرف معنى العشرة
قلبى عندك يا ريتشارد .. واسف علـ التأخير بس والله فى البال
..
عودى يا ريتشارد التدوين يناديكى
وكل عام وانتى طيبة

richardCatheart يقول...

جميله المصرى

وانت طيبه وبالف خير يا جميله

وانت وحشانى اكتر والله

وعمرى ما ازعل منك ابدا ربنا يعلم يا جميله وعارفه ان التقصير ديما بيبقى غصب

ربنا يخليكى ووالله انا فى الشتا بتكلفت مش شراب

ربنا مايحرمنيش من سؤالك

نورتينى

richardCatheart يقول...

sweet angel

اشكرك يا سويت يارب يبارك فيكى ويعود عليكى بالف خير

نورتينى

richardCatheart يقول...

مدونة الأمل

نورتنى وان شاء فى تواصل

richardCatheart يقول...

well يقول.

اشكر يا غالى على كلامك الطيب الجميل

ربنا يخليك ويقويك ومافيش تاخير انت تنور بيتك اى وقت

ادينى عودت يا ويل قال ياعنى وجودى من عدمه بيأثر انت على طول رافع معنوياتى والله يا اخى

اشكرك ونورتنى