الاثنين، 22 نوفمبر، 2010

سقعانه يا ناااااااااااااس دفونى

http://www.1st-art-gallery.com/thumbnail/106006/1/Charity-Or-The-Indigent-Family$27,-1865.jpg
سقعانه يا ناس دفونى
بالحضن الدافى غيتونى

وهوكله على الرحمن
عملك عنده يا انسان

استرنى بالفستان
ارفع عنى الحرمان

ف قلوبكم الواسعه خدونى
استرو جسمى ودفو عيونى



http://lh4.ggpht.com/akamal3/SLHw11JzNFI/AAAAAAAAAQ4/YaJswMzIrdw/bo2ga%5B5%5D.jpg

يا صباح الورد عليكم 

جايه افكركم بميعاد بؤجه الخير الشتويه
السنه اللى فاتت عملتو شغل هايل وان شاء الله السنه دى ربنا يقدر الجميع 
البوست دا نصى من عند خالد همس الاحياب
بيقول فيه
بمشيئة الله تعالى تقرر تحديد ميعاد بؤجة الخير الشتوية
الميعاد : الجمعة الموافق 10 ديسمبر 2010 
المكان : جمعية صحبة خير بمسجد زهراء مصر القديمة 
الزمان : من العاشرة والنصف صباحا امام  مقر الجمعية الكائن 20 شارع احمد خيرى فوق كافتيريا السرايا بعد محطة مترو الزهراء بحوالى 100 متر تقريبا 
دى خريطة لمحطة مترو الزهراء و لونها بالازرق اما اللون الاحمر فهو لمكان المسجد وده اسهل للناس اللى هتستخدم المترو 


فى حالة اى استفسار او حد تاه عن المكان  ممكن يتصل على الرقم ده 

0101345140
وبعد الانتهاء من تسليم البؤج وصلاة الجمعة فى أقرب مسجد سنتوجه الى مكان قريب لتناول الغذاء وغالبا هيكون فى منطقة السيدة زينب او نادى المحامين .
وفكرة البؤجة تتلخص فى الاتى 
- بما انكم طالعين من العيد واكل الفتة واللحمة عمل عمايله معاكم فبساطة كده انت وبتبدل الملابس الصيفى بالملابس الشتوى تشوف ايه اللى انت مش محتاجه منها يكون ضاق عليك او خلاص زهقت منه او موضته خلاص فات اوانها او ربنا كرمك وعامل دايت وتجمع الحاجات دى مع اى حاجة تكون مش عايزها فى بيتك ملايات - فوط - احذية - ادوات منزلية - اى حاجة انت مستغنى عنها و نروح كلنا لعشوائيات اسطبل عنتروعزبة خيرالله ونديها للناس هناك فى جمعية صحبة خير وهم بيخدوها و بيعملوا بها معرض للاسر الفقيرة و تتباع لهم الحاجات باسعار رمزية و المبلغ اللى يتجمع من المعرض بتستغله الجمعية فى عمل خيرى تانى و ده علشان الناس اللى هتتباع لهم الحاجة تحس انها اشترتها بفلوسها وانها مش متسولة.
يا ريت واحنا بنقرا البوست نفتكر انه فى الوقت اللى عندنا فيه حاجات كتير قوى مش بنحتاجها  وبنقول لنفسنا خليها مركونة يمكن نحتاج لها تاكد ان ربنا سبحانه وتعالى هيعوضك خير منها فى الدنيا والاخرة .
وكمان تخيل برد الشتاء القارص وتخيل ولو لثوان انك مكان الشخص الفقير او إن ابنك اواخوك فى مثل هذا الموقف فماذا تفعل من اجلهم ؟؟؟!!!
والتبرع ممكن يكون بأى شىء عينى او مادى او حتى معنوى بوجودكم ومشاركتكم وتشجيعكم للاخرين .
ياريت كل مدون يقدر ينزل بوست عن الموضوع يبقى جزاه الله خيراعلشان نبلغ اكبر عدد ممكن .
والدال على الخير كفاعله 
جزاكم الله خيرا


هناك 28 تعليقًا:

خواطري مع الحياة يقول...

صباح الفل على ست الكل
اخبار القمر
يارب تكوني بالف خير
ربنا يجزيكم الف خير وعافية
على العمل الطيب الي بتعملوة وربنا يوفقكم
تقبلي مروري
سلامي لطيب وارق بنوتة.

محمود(باحث عن حب) يقول...

يارب
يجازيكى
كل خير
يارب

محمد التركى يقول...

السلامو عليكم
ياصباح الياسمين والفل والورد البلدى

يارب يقدرك على فعل الخير

انا جاى اطمن عليكى واسلم واصبح عليكى ربنا يارب يبارك فيكى
كل سنه وانتى طيبه
سلامى للحج ريتشارد كتيير

ابقى طمنينى عليكى

تحياتى لشخصك الطيب
محمـــد التركـــى

الحب الجميل يقول...

جزاكى الله كل الخير
يأم قلب طيب
ربنا يجعله فى ميزان حسناتك

لـــولا وزهـــراء يقول...

مارو

الدال على الخير كفاعله
ربنا يجعل هذا الثواب فى ميزان حسناتكم اجمعين


انتى رايحه اليوم ده معاهم او مجرد اعلان عن الفكر ومشاركه لهم

سلامى الى محمد والولاد

زهراء

همسات وبحــ الحياه ــر يقول...

ربنا يجازيييكى كل خييييير
ياقطتى
واحشااااانى كتيييير

Tears يقول...

ربنا يقويكى و يقدرك على فعل الخير دايما يا قلب القطة

همس الاحباب يقول...

جزاكى الله خيرا
وجعله فى ميزان حسناتك
والصورة والمقدمة روعة
بعد اذنك هنعملهم شعار للحملة باسمك ان شاء الله
تحياتى

Ms Venus يقول...

ربنا يقدركم ويقويكم دايما على فعل الخير يا احلى قطة

ستيتة حسب الله الحمش يقول...

المقدمة تحفة تسلم ايدك
وربنا يكرم الجميع
اللي فكر
واللي دبر
واللي راح
واللي وصل
واللي اجتهد بالنشر ان شاء الله

مساءك عثل يا ريتشاردي

mrmr يقول...

ربنا يجازيكم كل الخير
ويجازى كل من له تعب فى المحبه

re7ab.sale7 يقول...

صباح الورد وكل سنة وانت طيبة ومعلش متأخرة ...كنت تعبانة شوية
بجد بتمني اني اقدر اجي اليوم ده خصوصا ان المنطقة اللي بعيش فيها بيرفض الناس فيها انهم ياخدوا اي شيء من حد وانا لما بحب اعطي ملابس او اي شيء مش بعطيه الا لبنت اختي لان الناس بترفض تاخده لسبب انه بيتكسفوا او بيتعالوا برغم ان الرسول حثنا علي التكافل الاجتماعي بس كتير من الناس متفهمش الكلام ده ...هحاول ان شاء الله اجي واجيب معايا اي شيء
ربنا يقدركم دايما علي فعل الخير

Amr يقول...

هكون موجود إنشاء الله ... المكان قريب مني

eng_semsem يقول...

انا قريت الموضوع في بيت المدونين وفكره جميله عشان نقرب من بعضينا ونحس بالناس اللي عايش وسطينا واحنا مش شايفنهم ومش عاملين حسابهم والدوله نسياهم ما ينفعش احنا كمان نسيبهم
تقبلي تحياتي

well يقول...

ربنا يكرمكوا يارب
...
عجبتنى فكرت ان الحاجة تتباع لهم بفلوس قليلة علشان فى ناس بتبقى عزيزة النفس اووى

قوس قزح يقول...

جزاكى الله كل خير يا قطة

الصورة اللى مختارها معبرة جدا
و كلماتك كمان

ان شاء الله يكون يوم مليان خير و محبة

أسير الجراح يقول...

السلام عليكم

اخير البلوج فتح معايا

والله خير جزاكم الله كل خير

وجعل الله اعمالكم فى ميزان حسناتكم

انا احتمال كبير

ان شاء اله اكون موجود فى اللقاء

كل سنة وحضرتك بخير

مودتى اسير الجراح

صدى الصمت - عاشقة الورد - يقول...

بالفعل عندك حق
الدال على الخير كفاعلة
ربنا يجازيكى خير ويحققلك أمانيكى
تحياتى

P A S H A يقول...

ياصباح الخيــــر


جزاكي الله كل خير ويجعله في ميزان حسناتك اللهم آمين

كلماتك جميلة قوي بجد بسيطة ومعبرة قوي

:)

تحياتي

Tarkieb يقول...

جزاكى الله خيرا

فشكووول يقول...

السلام عليكم
حاضر يا ستى حاضر
بس انا حاسلم البؤجه لجمعيه رساله عندنا
عشان من الصعب ان اشيلها فى المواصلات
وكله لله وكله بثوابه
تحياتى

sony2000 يقول...

وانا معااكو بأذن الله:)

Noha Saleh يقول...

ربنا يجازيكى كل خير
وكل سنة وانتى طيبة ودايما سعيدة

حد من الناس يقول...

ارجوا زيارة مقالى الجديد وتشريفى برأيك على مدونتى الجديده

http://3alamakshoof.blogspot.com/

richardCatheart يقول...

ربنا يجازيكم كل خير يارب

ويكرمك باذنه

شكرا ليكم جميعا

واهلا وسهلا باللى يحب يشارك او هايجى من غير مشاركه

كل دفا وانتم طيبين

محمود(باحث عن حب) يقول...

كسلانه انتى يا مارو
فينك

richardCatheart يقول...

غصب عنى والله يا محمود ربنا يبارك فيك

همسات وبحــ الحياه ــر يقول...

كل عام وانتم الي الله اقرب هذا عام جديد وعلى عملك شهيد فبادر بالسعى والتجديد .......اللهم اجعله عاااام يعز فيه الاسلام والمسلمييييييين ......ولا تنسوا احب الصيام الي الله بعد رمضان صيام شهر محرم ولا تنسونا من صالح دعائكم اللهم احسن خاتمنتنا

بعتذر عن تقصيرى معاكم