الأحد، 31 أكتوبر 2010

هى و.......... المطر

بيت المدونين انت فبيتك ........... دووووووووس هنا 


صباح يوم جديد تستيقظ قلقه من نوم عميق أثر اجهاد تنظر فى الموبايل لتجد أن الساعه
تجاوزت فقط السادسه والنصف صباحا لفت أنتباهها صوت المطر خارج غرفتها الدافئه
تستقيم جالسه ومحدثه نفسها مافيش بد شكلها كده مافيش نوم
بعد التأنق فى المرأه تتجه لعمل كوب القهوه التركى ذا الوجه السميك
تاركه اياه على النار ليستمتع بالدفء فى هذا الجو البارد متجها لغسل وجهها فهى مازلت تحاول هزم ثقل الرأس اللعين ولا شىء أفضل من غسل الوجه بالماء البارد لعمل صدمه نفسيه تششششششششششششششش
تسرع عائده لانقاذ وجه القهوه من الفوران فهى لا تحب أكثر من صاحب الوجه السميك
وتمسك الكوب متجها لجهاز الكمبيوتر الخاص بها لبدء اليوم على الانتر نت كالعاده فاتصدم صدمه تعلو فوق صدمه غسيل وجهها  
ايه دا النور أتقطع؟؟؟؟؟؟؟؟؟؟؟؟!!!!!

شد أنتباهها صوت المطر مره أخرى محدثه نفسها بصوت عالى مافضلش غير  انى أنزل وأجرى تحت المطر هى دى بقى الصدمه الكبرى أمسكت بصديقها كوب القهوه وأتجهت للبلكونه
تقف بمحازه السور محدقه فى حبات المطر بقالى كتير ماشوفتش المطر 
تستنشق الهواء البارد فاتاخذها رائحته لزمان ومكان اخرين
تنظر بطرف عينها لتلمح قطره مطر تحمل صوره لها وهى طفله عائده من المدرسه
تجرى بستمتاع تحت المطر حتى أصبحت هى والمطر واحد
تذكرت كم كانت صافيه خاليه من الهموم



بينما تلمح قطره أخرى تحمل صوره أخرى لها وهى فى الصبا والمطر يبدء بالأنهمار
فاتترك صديقتها وتجرى بستمتاع تحت المطرحتى تصبح مره أخرى هى والمطر واحد
وتتذكر رؤيتها للعالم باللون الوردى وكم كان كل شىء رقيق


و هاهى قطره أخرى تحمل صوره أخرى لها فى الشباب
وهى ممسكه بيد من عشقت وتجرى معه تحت المطر وأصبحا هما والمطر واحد


وتعاودها تلك النظره......... كم كان جميل بريق أعينهم تحت المطر  !!!


وتمنت لو أنها أستطاعت  فعل هذا مره أخرى فى منتصف عمرها حتى تملك  صوره جديده لنفسها  والمطر
تتنبه  وتفيق وقد توقف المطر  وصارت لألئه  ماء طهر كل شىء
ولازال صديقها فى يدها يتمتع بدفء بسيط
 وقد أيقنت أن كلما مر الوقت و العمر فقدنا معه أشياء كانت الأهم و  الأجمل والأطهر والأ نقى
ليحل محلها أشياء ملموسه واكثر جمود


نهايه تانيه يلا ماهو خيال بخيال والبادى اظلم وكله ببلاش


وتمنت لو أستطاعت فعل هذا مره أخرى فى منتصف عمرها حتى تملك صوره  جديده 
لنفسها والمطر
فاتترك صديقها الذى بدء التخلى عن دفئه على السور مسرعه  على درج المنزل الى الشارع وهى تجرى مستمتعه بالمطرفهى اكثر الصور سعاده لانها استطاعت التطهر من الهموم وكسرالقيود  حتى أصبحت  هى والمطر واحد
ونجحت فى أن تملك صوره جديده تجمعها مع المطر
وقد أيقنت أن لاشىء يستطيع تغير كل ماهو  مهم وجميل وطاهر ونقى 
اسفه جدا لكتاب القصص القصيره بس مجرد محاوله




بيت المدونين........ انت فبيتك.........اختار معانا اسم 

 

 






هناك 89 تعليقًا:

MR.PRESIDENT يقول...

أنا مش بحب المطر
رغم ذكراته الطيبة
إلا أنه يثير في نفسي الحزن والهم
لا اعلم الرابط
يمكن عشان السماء بتكون مغيمة ومفيش نور
محاولة ناجحه
تتكلل بأذن الله بمحاولات انجح وأنجح .
ويارب يدي كل واحد اللي هوا عايزه قدام في طاعته
تحياتي

الحب الجميل يقول...

الله على المطر وايام الذكريات وايام الطفولة والشباب
فكرتينى بالذى مضى
ههههههههههههه
حلوة يا مارو
استمرى
بس مقولتيش القهوة مضبوط ولا سادة ولا سكر زيادة
هههههههههههه
جميلة يا ثكر
والنهايتين اجمل من بعض
ازيك ؟؟

Ramy يقول...

يا سيدى يا سيدى

بأمانة جامدة جداً

مش عارف ليه حاسس ان انتى بتكلمى عن ريتشاردية

عرفتك من القهوة (:

نبيه نبيه يعنى مش اى حاجة

و بعدين و لا تعتذرى و لا حاجة

دى مدونتك و تكتبى فيها تكويها تفرديها

احنا معاكى (:

بحب المطر اوقات و اوقات


تسلم ايدك

شيرين سامي يقول...

أنا بحب المطر أوي و القصه جميله فعلا
تحياتي لك

لـــولا وزهـــراء يقول...

مـــارو

عندى عتاب منك انتى ليه تعتذرى لكتاب القصه القصيره على فكره اللى بيقدر يعبر عن حاجه جوه ده شئ جميل مش لازم تكون حاجه جامده اخر تلات او اربع او خمس حاجات خسمه عشان الحسد المهم اننا نقدر نعبر وكلامنا يوصل بقصه قصيره او شعر او اى كلام حتى لو بسيط


فى سطور بسيطه قدرتى توصلى الكثير من الاحاسيس الجميله انتى عارفه انى مش رومانسيه واظن انك متأكده من كده مش لازم اقولك .....
انا شميت ريحة القهوه وحسيت انك انتى اللى واقفه تعلميها

كل منا بداخله ذكريات من زمن فات والمطر يثير الكثير والكثير من الذكريات لارتباطه بفترات الدراسه القريبه مش قريبه اوى يعنى بس هى قريبه وخلاص شكلك بتضحكى يا مارو فى سرك وبتقولى البنت دى مجنوووووووونه بس انتى عارفه انى مجنونه ههههههههههههههه مش جديد يعنى

بجد انتى جميله فى القصص القصيره لو سمحتى مش تقولى تخاريف
سلام جامد لمحمد وللولاد


زهراء

Ms Venus يقول...

وقد أيقنت أن كلما مر الوقت و العمر فقدنا معه أشياء كانت الأهم و الأجمل والأطهر والأ نقى



صح



بجد جميلة اوى يا مارو


وانا بقراها كنت شيفاها قدامى


استمررررررررررى


وردة لعيونك

محمود(باحث عن حب) يقول...

الله
عليه
يا مارو
انتى استاذه
والله

حفظكى الله

sony2000 يقول...

والله والله
بجد روعه اوي
عجبتني جدااااااااااا

well يقول...

وانا بقرأ البوست حسيت بالمطر شميت ريحة هوا المطر ... بحب الشتا .. علشان المطر

..
لا يويجد نوم .. حتى الكهربا قطعت ..اشياء تزتفز الواحد علشان يخرج تحت المطر .. .. بس صعب عليا فنجان القهوة التركى
..
المطر هو الشئ اللى بيطهرنا من الهموم
(حتى أصبحت هى والمطر واحد) ..
ليه بتتأسفى ..أبدعتى

تحياتى

re7ab.sale7 يقول...

المطر ده قصة طويلة وروايايات وحكايات
وكل الرومانسين بيحبوا المطر وياماياما تلاقيهم ماشين تحت المطر ومدفيهم الحب
انت مش عارفة يمكن قواعد القصة القصيرة
بس هي بجد بتحكي حالة جميلة
احييك عليها
لاني بجد بعشق المطر
بس لسة مفيش حد يجري معايا ولا ياكل ايس كريم تحت المطر
ادعولي بقي يجي قريب

Haytham Alsayes يقول...

يارب ياساتر

اكيد قصة جميلة وحلوة كمان
فكرتيني بايام الكلية يااااااااه
كانت ايام ولا احلي ولا اروع من كدة
مش عارف عندى ارتباط شرطي بين تلات حاجات اسم احمد والمطر واسكندرية
اقولك ليه في ايام الكلية كان صديقي الصدوق واسمه احمد كنا ساعات نتهبل ونتعبط وفي عز المطر نروح علي الكورنيش ونمشي من الكلية بتاعتنا في الشاطبي لغاية القلعة في بحرى مسافة برضه وكمان في الشتا والبرد وعلي البحر بس كانت بتبقي لذيذة جدا
وبعدها نرجع تاني مشي لغاية سيدى جابر مش بقولك هبل وعته منغولي مستفحل

بس ما اجمل العبط والتمرد الشبابي اللي عمرى ابدا ماهنساه

وامشي بقي عشان اتغرقت من المطرة

ماما أمولة يقول...

مارو حبيبة القلب محاولات رائعة لكتابة القصة
سردك جميل وقوي والفكرة رائعة
تسلم ايدك يا رب
مودتي

SHAPE YOUR LIFE (ABOALI) يقول...

جميلة القصة فيها وداعة فى طريقة السرد وهدوء وكاءنه يوم متكرر للبطلة ولكن اليوم كان المطر فيه حنيين وغزل الى الذكريات
كمان فيها طقطقة للكلمات مع رياح الرجوع الى الخلف حين ما كان

اكيد هاتفق معك اننا تجول فى اذهاننا تلك الاتروهات والافكار
لما نراه اليوم من تحمل المسئوليات والضغط على الانفس ومساورة بعض التفهاء فى الحياه
ولكن
عندما نريد العودة نريد العودة بعقولنا وما وصلت اليه الان
حتى يكون الشعور اقوى واعم
ولكن هيهات هيهات
لكل مرحلة نمى العمر فيها جمالها المشهود وصفائها المحب
اهم ما ميز تلك المراحل عدم التعقل والالمام بها لذا جاءت فطرية انساب فيها الكيان واحبها
وكم كنا صغار نقول متى نصل الى هولاء ونكون مثل الاب او الام
بالتاءكيد مرت عليكى فترات الزواج وكم كانت الاحلام بفارس القبيلة التى سيقتف من عبق الاميرة وعسلها وتسمتد منه امومتها والرونق الذى يكمل حياتها

انها بالفعل مراحل
لكل منها جذوة فى الحب والشعور
ملامسة طفلك الحالى لك وطيرانه الى احضانك سعادة وعبير تجدد عليكى احساس الطفل الذى كان

لكن السرد فى القصة وفنجان القهوة الانيق السميك كان رائع
والاستمتاع بفنجان القهوة كان فى مرحلة الكبر
ولم يكن فى الصغر وهكذا هى الحياه

مرة ثانية هى والمطر حلم واقعى عشتى فيه انت بنفسك داخله
وتمنيتى ان تكونى مثل البطلة محررة من كل قيود الحياه الحديثة
لذا جاءت الاحداث والنهاية مختلطة
اما كذا او كذا
لان القائم على القصة شعر انها قصته

تحية للمحاولات القصصية وننتظر المزيد
وبدل ان ننزل الشارع كبار تحت المطر
ننزل تحت اعتاب الدش وينهمر المطر

ولالالالالالالالالالالالالالالاايه

همسات وبحــ الحياه ــر يقول...

جميييييل ياقطتى
بصى بقى انا هختمها بالنهايه التانيه ههه
لانى عاجبانى
وانا لو مكانها كنت نزلت برضو وجريييييت لانى بعشق الجرى تحت المطر
محاولات جميله ومتخافيش احنا بنحب نقرالك

Tears يقول...

جميلة يا قلب القطة

بالذات لو دى قصة واقعية ;)

ELMOSTAFZ يقول...

عايز اقولك ان طقوس الصباح دي بعملها كل يوم :)
القهوة و الكمبيوتر و غسيل الوش ، بس لو اتطربقت الدنيا مطلعش اقف تحت المطر بالفانلة الداخلية...
الناس يقولوا عليا ايه :))

خواطري مع الحياة يقول...

السلام عليكم
يااااااااااااه ذكرتيني بايام الطفولة حتى باول ايام لي بالجامعة نزل مطر
وطبعا فظلت تحت المطر لما وقف ماهمني انا فين وايه هيقولوا عليا الطلبه
المهم انا ارتحت تحته ومسحت همومي فيه
بجد قصة جميلة جدا
تقبلي مروري
سلامي ليك.

mrmr يقول...

ياااااااه يا قطتى
جميله القصه
عشت معاها بجد
بس النهايه الثانيه عجبتنى قوى

جميل ان نتذكر طفولتنا وشبابنا
ذكريات جميله وبريئه

استمرى فى كتابه القصص

يجى منك بجد

قبلاتى

Amr يقول...

أيه الرومانسية الكبيرة دي ... أهنيكي جدا يا مارو اسلوبك جميل جدا و عبري عن اللي جواكي بأي شكل مش مهم

أنا كمان بحب المطـــر و كنت من هواة الجري تحته

محمد التركى يقول...

السلامو عليكم

اعرفك بنفسى انا المتنيل على عينه المتأخر دائمآ

ههههههههههههه

صح قولى قولى


قصه جامده جدا
وليه بتقولى كده انتى كاتبه قصص جامده ياله يامارو انطلقى
هههههههههه

المطر اخخخ على المطر وجماله
الشتا بقى بالغه السكندريه
لما الدنيا تشتى علينا ايااااااااه
ذكريات العمر كله فيها

فكرتينى بالنفسى انساه
اااااااااه بس وحيات امى لهنساه
ههههههههههه

تقبلى تحياتى وودى واحترامى
المتأخر دائما
محمد التركى

Tarkieb يقول...

انا قريتها مرتين بجد حلوة وكنت فاكر اني علقت بس الظاهر ا لمطر مسح تعليقي ...
حب المطر يعتبر شئ مشترك بين ناس كتير لكن في الآخر الغالب هو الحنين للماضي
محاوله جيدة في كتابة القصة القصيره استمري في السن ياحزقيل

eng_semsem يقول...

احيانا كنت بحس ان المطر بيغسل الارض كلها بشر وحجر وشجر من الاوساخ اللي عليه وبعد ما يوقف المطر على طوول بحس انس شايف الكون بيلمع قدامي ومستني خطواتي وكانه غسل الماضي وحضر المستقبل
بس دلوقتي بقيت بحس انها لو فضلت تمطر 24 ساعه كل يوم في السنه مش هيتحسن الوضع كتير
تقبلي تحياتي

نبض اسكندرية يقول...

وحشتيننننننننننننننننننننننننننى
اوووووووووووووووووووووووووووووووى
اووووووووووووووووووووووووووووووى
اوووووووووووووووووووووووووى
اوووووووووووووووووووووى
اوووووووووووووووووووى
اوووووووووووووى
اوووووووووووى
اووووووووى
اووووووى
اووووى
اووى
اوى
او
ا
ياقمر

hamada يقول...

" وقد أيقنت أن كلما مر الوقت و العمر فقدنا معه أشياء كانت الأهم و الأجمل والأطهر والأ نقى ليحل محلها أشياء ملموسه واكثر جمود "
تعبير اكثر من رائع اختى الغاليه .
قصتك راعئة و جميله وبها دروس مهمة جدا . وفى انتظار الجديد و المفيد منك فاسلوبك فى التعبير جميل للغايه .
دمتى بخير
تحياتى لك

Noha Saleh يقول...

انا بحب اوى جو المطر وريحته بيفكرنى فعلا بحاجات كتير وموضوع الجرى تحت المطر دا حصل كتير ايام المدرسة ونادرا فى الجامعة
البوست ده فى حاجات كتير قريبة منى
استمررررررى جميل والله مش بجامل

VOltaa يقول...

أن كلما مر الوقت و العمر فقدنا معه أشياء كانت الأهم و الأجمل والأطهر والأنقى ليحل محلها أشياء ملموسه واكثر جمود

الجملة دى رهيبة اوى
,
حلوة القصة يا قلب القطة
تسلم الايادى
:)

محمود(باحث عن حب) يقول...

فينك غايبه
ليه
تعالى بوست جديد
فى قلبى حبيبى
مستنى

محمود(باحث عن حب) يقول...

اللينك
يا مارو

http://elbanany.blogspot.com/2010/11/blog-post.html

عباس ابن فرناس يقول...

اولا ده اكيد تواضع منك
على فكرة معا نك بتقولى انك متحبيش القراءةقصدى مبتحبيش الكتب وبرغم ذلك اسلوبك مبيدلش على كدا اسلوبك بيقول انك قارئة وعندك موهبه استمرى
تحياتى

BNT ELISLAM يقول...

ايه الجمال ده
حلو اوى
والحكه والسرعه وايحاء الاحساس والمشاعر عالى جدا
انا من عشاق المطر والشخصيه دى ونت بتكلم عنها حسيت انها شبهى نفسها تجرى وتخرج بره قيود كتير ماجمل المطر مع الحريه التى لاتضر


ودلوقتى هستاذن لانى عاوزه اقراءها تانى
تقبل مرورى

richardCatheart يقول...

MR.PRESIDENT

فعلا فى ناس جو المطر زى الغروب بيعملها حاله حزن وشجن انا ساعات كده وساعات كده حسب المود بس فى الاساس بموت فى المطر
او الشتا زى مابنقول فى اسكندريه

اشكرك لدعمى ياريس مصر كلها محتاجه
يارب يتقبل منك

واشكرك اوى

richardCatheart يقول...

الحب الجميل يقول...

الله عليك انت هههههههههههه

والله القهوه كانت مظبوط بس علشان خاطرك خليها سكر زياده زيك يا حبى هههههه

الحمد لله مانت عارفه بتسألى ليه هههههههههههه
اشكرك يا حبى اووى

richardCatheart يقول...

Ramy يقول...


لالالالالالالالا خارق يا رامى ايه الذكا دا

ههههههههههه على رائى واحد صاحبى هو ماحدش بيشرب قهوه غيرى هههههههههههههه

بس على العموم انت ذكى طبعا وهى فيها كتير منى مش لازم يبقى الحدث ما حصلش علشان الشخصيه ماتكنش حقيقيه

لالالا لازمن تحب المطر على طول احسن ازوقك فى الطينه هههههههههههههه

ربنا يخليك يا رامى

اشكرك اوى

richardCatheart يقول...

شيرين سامي يقول...

يبقى انت من اعضاء جمعيتنا محبى المطر

اشكرك اوى ياشرين على مرورك تحياتى

richardCatheart يقول...

لـــولا وزهـــراء يقول...

هههههههه واللهيا بطوط الاعتذار من واجب لانى نقطه فى بحر الناس اللى بقرلها فى التدوين بس مش معنى كده انى ماحاولش

بس انت من الناس الجميله واللى تشوف الحلو وتظهره

مش عارفه ايه حكايه القهوه كل اللى قرا قهوه قالى انت ههههه واضح ان رحتى فايحه ههههههههه

معاكى ان التواصل باى نوع جميل فى اى صوره
تحياتى ليكى يا بطوط اشكرك اووى
الحج بيسلم عليكى كتير

richardCatheart يقول...

Ms Venus يقول...

عندى معنى انك حستى المضمون يبقى وصلت طبعا ودا ماتتصوريش اسعدنى ازاى

اشكرك يا صاحبه اجمل ورد فى البلوجر

richardCatheart يقول...

محمود(باحث عن حب) يقول...

والله انت اللى جميل يا حوده
الحمد لله انها عجبتك اسعدتنى يا حوده والله

اشكرك اوى اوى

richardCatheart يقول...

sony2000 يقول...

الحمد لله يا سونى انها عجبتك
انت الاجمل

اشكرا جدااااا

richardCatheart يقول...

well يقول...

جميل الشتا واقصد بالشتا الفصل والمطر احن هنا فى اسكندريه بنقول الدنيا بتشتى مش بتمطر هههههه

فيه شجن غريب وجمل بالرغم ان فى كتير بيشوفه كايب

مايصعبش عليك غالى ابقى بس احضر تجمع فى اسكندريه وليك عندى واحد قهوه تركى معطبر جاى من اسطنمبول راسا اليك هههههههههه

اشكرك يا ويل انت اللى مبدع

richardCatheart يقول...

re7ab.sale7 يقول...

اشكرك جدا يارحاب ومتفقه معاكى فى كلامك عن المطر والحمد لله انها عجبتك دى حاجه تسعدنى اوى

ربنا يرزوقك باليستاهل يجرى معاكى وياكل ايس كريم تحت المطر
والله امه دعياله

اشكرك جدا

richardCatheart يقول...

Haytham Alsayes يقول..

احلى حاجه فيك غير عبقريتك التارخيه انك روحك اسكندرنيه خالص ههههههه

يارب تتجوز من عندنا وتاخد الجنسيه

وليه ايام عبط الشباب دى احلى ايام يا هيثم

ياريت تكون لحقت غيرت هدومك احسن تاخد برد

اشكرك جدا ياهيثم

richardCatheart يقول...

ماما أمولة يقول...

كلامك شرف ليا يا ماما اموله والله

الحمد لله انها عجبتك

اشكرك يا رب ديما فى احسن حال

richardCatheart يقول...

SHAPE YOUR LIFE (ABOALI)

متفقه معاك طبعا كل مرحله وليها جمالها الخاص

ولكن يبقى الطهر والنقاء من صفات الماضى

اكيد انا فيا جزء من البطله بس الاكيد ان كلنا فينا نفس الجزء

عملت نهايتين

لان الاولى هى النهايه الواقعيه اللى هاتكمل واقعيه القصه

والتانيه لانها النهايه الخياليه الغير منطقيه ودا اللى هايدى القصه المنطلق الافتراضى

ودى النهايه اللى كنت اتمنها ولو جاتلى الفرصه ومكانها اعملها فورا

ههههههههههه وهو احنا دلوقتى حالتنا غيره يا ابو على ربنا يخلى الدش

اشكرك جدا

richardCatheart يقول...

همسات وبحــ الحياه ــر

يبقى انا وانت هانجرى فى نفس الوقت
بردو النهايه التانيه هى الاقرب لقلبى


ربنا يخليكى يا رفعه معنوياتى

اشكرك جدا

richardCatheart يقول...

Tears يقول...

ولو قولتلك مش واقعيه هاتشيلى التخصيص هههههههه هى الحاجه الواقعيه فيها بس كوبايه القهوه التركى ههههههههههههه

بس فى كل الاحوال كفايه عندى انها عجبت عقليه زيك يا تيرز ربنا يخليكى

اشكرك جدا

richardCatheart يقول...

ELMOSTAFZ يقول...

ايووووووووووو عليك يا مستا موتنى من الضحك

انت قريت وتخيلت ولما تخبلت تخيلت نفسك بتجرى تحت المطر بالفنله الداخليه ههههههههههههه

مين قال كده ياراجل ياعنى البطله مثلا هاتجرى وهى لبسه الجلابيه هههههههههههه

مشكله انت يا مستا وربنا

بس ياترى الناس فعلا هاتقول ايه؟؟؟؟؟؟؟؟


اشكرك جدا

richardCatheart يقول...

خواطري مع الحياة يقول...

دجميل ان يبقى معانا ذكريات مرتبطه بحدث دايم الحدوث وكل مايحصل تسعد قولبنا ونفتكر

يارب يديم علينا نعمه المطر ويخره بسعاده

الحمد لله انها عجبت يارشا

اشكرك جدا

richardCatheart يقول...

mrmr يقول..

ربنا يخليكى يا مرمر والله

ماتحرمش منك ومن كلامك ودعمك ليا

اشكرك جدا

richardCatheart يقول...

Amr يقول...

هههه لارومانسيه ولا حاجه ياعمرو اهى محاوله
الواحد بيحاول يفضل بشرى هههه

اشكرك يا عمرو والله اوى على كلامك
واكيد هافضل احاول اعبر

تحياتى ليك واشكرك جدا

richardCatheart يقول...

محمد التركى يقول...


هههههههههههه وليه بس كده لا منيل ولا حاجه

فى حبايب جم بعدك اهو وربنا نصرك

ثم ان كفايه تيجى وانت مشغول وشغلك الله يعينك يارب

ايوا كده استمتع باحساس الذكرى وجمالها ووقتها بس ماتخليهاش توقفك عن حياتك لاء تبقى مجرد جزء منها

الشتا بقى ياسيدى على رائينا نحن ياسكندرنيا هو ام الحياه
ههههههه

اشكرك يا تركى وهانطلق
اشكرك جدا

richardCatheart يقول...

Tarkieb يقول...

ميه مره اقولك اكتب بالجاف معكش قلم فرنصاوى

والله يا تيكو كلامك وسام اخويا على صدرى
وان شاء الله حزقيل هايستمر فى السن
يابترو هههههه تحياتى ليك وماتبخلش علينا بالنصايح ياريس

اشكرك جدا يا تيكو ماتحرمش

richardCatheart يقول...

eng_semsem يقول...

معاك ياسمسم ان فى تغيرات كتير من ومان لدلوقتى بس بردو لو عينك وقلبك عايزين يحسو دا ويشفو هايحسو ويشفو بس دا طبيعى كلنا بيجى علينا وقت ونحس الاحساس دا

اشكرك جدا يا سمسم

richardCatheart يقول...

نبض اسكندرية يقول...

تعالى هنا يابت يابلطيه ياهربانه من البحر التدوينى

ايه يا سمسمه مالك هاجرتى التدوين ليه

والله انت وحشنى ممممممممممممممممممممموت ووحشانا كلنا

ارجعى ياهاميس ارجعى لمضونتك نبض اسكندريه

خالى بالك منك وهاطمن عليكى قريب ان شاء الله

richardCatheart يقول...

hamada يقول...


اشكرك جدا يا حماده والله على كلامك

يارب ديما منورنى

richardCatheart يقول...

Noha Saleh يقول...

جميل انك معاكى ذكريات للمطر متعه الذكريات معه حقيقى

والله كلامك اسعدنى وكون انه لمسك فادى حاجه تشرفنى يا نهى

انا متاكده انك مش بتجاملى لانكم قد مسئوليه توجيهى للصح فى الكتابه

تحياتى ليكى واشكرك جدا

richardCatheart يقول...

VOltaa يقول...

اشكرك يافولتا ويكفنى فيها كلمه تعجبك

الحمد لله انها عجبتك
تحياتى ليك واشكرك جدا

richardCatheart يقول...

محمود(باحث عن حب) يقول...

انا روحت على طول اهو

richardCatheart يقول...

عباس ابن فرناس

والله كتر الف خيرك
رحم الله امرء عرف قدر نفسه

انا فعلا مش مابحبش الكتب لالا دا انا بكره الكتب الكتاب الوحيده اللى بمسكه واقرائه المصحف كا ورق مطبوع

انما القراءه كا قراءه موجده فى النت والتلفزيون مانا بقرا ليل ونهار وعلى المدونات
انما مش لازم كتب ييييييييييع ههههههههه

والله كلامك كتير عليا يا ابن فرناس والله وشرف حقيقى

اشكرك وان شاء الله فى التواصل الدائم

شكرا جدا

richardCatheart يقول...

BNT ELISLAM يقول...

والله سعيده اوى بكلامك هى فعلا شبهنا الغريب ان كل الستات تقريبا اجتمعو على النهايه دى واضح اننا اتخنقنا خلاص هههههههه

اشكرك على كلامك واحساسك بكلامى وليا الشرف تقريها مره واتنين وعشره

اشكرك جدا

فكرة من الزمن ده يقول...

إزيك ياقطة ريتشارد
ايه يابنتي الجمال والجو ده مطر وقهوة لا لا ولا احلام
بجد جميله استمري
كل سنة وانتي وا لحج ريتشاردبخيروسعاده ومتهنين
هي متأخرة لكن انت كلك ذوق وش احمر ومكثوف
ميرسي اوي علي سؤالك عني
تحياتي

فكرة من الزمن ده يقول...

مبروك اللوك تدوبيه في عرق العافية
ولا أقولك حولتيني إركزي
‏^‏_*

موناليزا يقول...

thank you
ميرسى حبيبتى على اضافة مدونتى فى بيت المدونين واختيارك للقسم ده
بجد مفاجأة جميلة وخصوصا انى ماكنتش عارفة اتعامل مع المدونة" بيت المدونين"

صوت من مصر يقول...

بعيد عن البوست
ممكن حد يفهمنى بيت المدونين طالب ايه منى وانا تحت امركم
بس فى مدونتى مش ناوى اكتب
وياريت حد يتواصل معايا بشان مهم
guevara0000014@yahoo.com

richardCatheart يقول...

فكرة من الزمن ده يقول...

ازيك يا احلى الافكار اخير ظهر القمر

بركه انك بالف خير ويارب ديما

انا عارفه ان اكتر الناس تقدر الشتا هما الاسكندريه وبيمتو فى الجو والاتمسفير هههههههههه

الحمد لله انها عجبت وهاستنى رائك فى اللى جاى ان شاء الله

وانت طيبه وبالف خير وصحه يارب
ويعود عليكى وعلينا بالف خير
ومافيش بنا تأخير انت تيجى اى وقت وتقولى اللى انت عايزه
انت ناسيه انك ليكى اؤده هنا ولا ايه

ويارب ديما يديم المعروف

اشكرك جدا

richardCatheart يقول...

الله يبارك فى عمرك يارب

اركز ايه بس دانا جيت من عندك شاكه فى نظرى ههههههههههههه

حاضر ياست الكل نركز شويه علشان خاطر عيونك

منورانى ديما

richardCatheart يقول...

موناليزا يقول...

لاشكر على واجب يا مونا مدونتك تستاهل

ليه مش عارفه تتعملى دى بلوج زى اى بلوج

بنزلمواضيع خاصه بالبوجات واصحابها

والميزات اللى فيها انك اكبر تجمع لعدد من المدونات مقسمه اقسام والجديد بيظهر اول باول

ياريت متبخلوش برردكم وتواصلكم معانا

تحياتى ليكى يا جميل

richardCatheart يقول...

صوت من مصر يقول...


انا اقولت ارد عندك بالتفصيل الممل علشان اتاكد انك متابع

تحياتى ياجدع صوت من مصر

كلمات من نور يقول...

أول زيارة و بوست لاحلى خاجه بحبها : المطر

تسلم غيديك و أتمنى دوام التواصل إن شاء الله

MAKSOFA يقول...

القصه جميله وممتعه

اقول لك شيئا مهما لقد احسست انك تكتبين عني، فأنا بطلة تلك القصة فأنا أعشق المطر والتأمل فيه ولي في الشتاء ذكريات جميلة مع المطر

تحياتي وحبي

همسات وبحــ الحياه ــر يقول...

واحشاااااانى فينك

richardCatheart يقول...

كلمات من نور يقول...


انا سعيده اوى ان البوست عجبك وسعيده اكتر بزيارتك ماتحرمش من ذوقك ابدا

وان شاء الله فى تواصل مستمر

richardCatheart يقول...

MAKSOFA يقول...



سعيده فوق ماتتصورى بزيارتك والله بس نفسى اشوفك فى كل المدونات زى زمان ترجعى تتواصلى معنا كل حابيبك

الحمد لله انها عجبتك وشوفتى نفسك فيها دى حاجه تسعدنى اوى

بس اوعى تطلعى فى الاخر اسكندرانيه هههه

يارب ديما منورانى كده

richardCatheart يقول...

همسات وبحــ الحياه ــر يقول...


انت اكتر والله ياقمر

ماتحرمش منك ابدا

معلش شويه مشغوليات على اكتئبات على زنقه العيد بس موجوده بتابع

ربنا يخليكى

MAKSOFA يقول...

ان شاء الله ارجع زي زمان طول مافيه قلوب طاهره ونقيه وبتحبني زيك كده،،أما انا فقاهريه لكن عندي شقتي في ابوتلات في اسكندريه علشان كده يمكن حسيتها قوي لإني بحب المطر وهو نازل من السما على البحر

محمود(باحث عن حب) يقول...

غايبه
ليه
لعل المانع
خير

Ramy يقول...

كل سنة و انتِ طيبة و الحج ريتشارد بخير و سلام

و الأولاد


ربنا يعيد علينا الأيام بخير (:

من كل بستان زهرة يقول...

كل سنة وانتي طيبه يا قطقوطه

وعيد سعيد عليكي وعلى مستر ريتشارد
وعلى قطتك الصغيره

وكل خروف وانتي بخير

كــركــبــة دمـــاغ ㋡ يقول...

كل سنه وانتي طيبه يا قطتي

وبالف خير وصحه وسلااااااامة يارب

وربنا يعود عليكي الايام بكل خير وانتي في احسن حال ومبسوطه وفرحانه وكل حاجه حلوة معاكي

عيد سعيد عليكي وعلى كل حبايبك

(f)

جايدا العزيزي يقول...

كل عام وانت بخير

كل عام وانت الى الله اقرب

وعلى طاعته ادوم

عيد اضحى مبارك

اعاده الله عليك وعلى امة نبينا محمد

بالخير واليمن والبركات

عيد سعيد

تحياتى

richardCatheart يقول...

MAKSOFA يقول...

يارب ان شاء الله بادمتى ليكى رجل فى اسكندريه وفاكره شكل المطر على البحر يبقى الروح اسكندرانيه ههههه



يارب ديما بخيروصحه وهنا

richardCatheart يقول...

محمود(باحث عن حب) يقول...


معلش يا محمود قصرت معاكم بس الحمد لله انت عارف انا ماما هههههههههه فاكان عندى شغل البيت قبل العيد كل سنه وانت بالف خير يارب وصحه

ماتحرمش من سؤالك ابدا

richardCatheart يقول...

Ramy يقول...

وات طيب يعود علينا كلنا بالخير يارب يا رامى ويارب افرح بيك وربنا يسعد قلبك

عيد سعيد عليك وعلى كل الاهل يارب

richardCatheart يقول...

من كل بستان زهرة يقول...

وانت طيبه يا انعم فلورا فى الدنيا يارب

عيد سعيد عليكى وعلى كل الاهل والاحباب يعود عليكم بالف خير

كل معزه وانت طيبه

richardCatheart يقول...

كــركــبــة دمـــاغ ㋡ يقول...

وانت طيبه يا كركيبو يارب وفى هنا وسعاده وديما فى تقدم نفسى ومعنوى يارب

ربنا يطمنى عليكى ويفرحنى بيكى واسمع عنك كل خير

كل سنه وانت واسرتك كلللللللللللها فى سعاده يارب

richardCatheart يقول...

جايدا العزيزي يقول...

يارب يتقبل منك يا جايدا

كل سنه وانت احسن واحسن ربنا يفرحك باولادك وتشوفيهم فى احسن حال

كل سنه وانت وكل الاهل والاحباب بالف خير وسعاده

يعود عليكم بالهنا

Ms Venus يقول...

قطتىىىىىىىىىى


قطقوووطة


يا احلى مارووووووووو


كل سنة وانتى طيبة يااارب دايما وبكل خير وسعادة انتى واسرتك الجميلة

Tarkieb يقول...

كل سنة وانت طيبة ياقط...ويجعله عيد مبارك عليكي وعلى العيلة كلها....وبلاش تكلى لحمة كتير ...وسمعني اغنية العيد فرحة ...

Haytham Alsayes يقول...

عيد سعيد عليكي وعلي الحاج والاولاد
كل سنة وانتوا بخير وسعادة وصحة

norahaty يقول...

كل سنة وأنتى
طيبة ياقلب القطة
المطر خير وعلى أد ما
الواحد بيحبه على قد
ما له ذكريات(غير سعيدة)
مع الواحد وخصوصا أيام
الدراسة وركوب
المواصلات:(
لكنه نعمة من الله.