الأحد، 3 أكتوبر، 2010

اسكندريه تااااااااااااااانى وتالت ورابع ......... انتم اجمل صحبه ورد


أنا مبسسسسسسسسسسسسسسسسسوطه
سعاده فوق ماحد يتخيلها  انا روحت البيت وبفكر لسه فى كل الناس
حبيبنا اللى انا عرفاهم وحبيبنا اللى اتعرفت عليهم
 ناس اخر 198 حاجه خفه دم وبساطه سواء من الناس اللى زيى عدو السن القانونى أو من الشباب اللى زى الورد ربنا يفرحنا بيهم كلهم بنات وولاد ياااااااااارب
اليوم ابتدا بتليفون من دودو عاشقه الرومانسيه  وظبطنا حالنا 
وكانت هى سبقانى على هناك فى انظار التجمع الحقيقه دودو هى الجندى المجهول فى التجمع علشان تلاقى مكان حلو ويليق بضيوفنا سواء من اسكندريه او القاهره كان فاضل حبه وتمشى على الحبل وهى ماسكه شمسيه بس الحمد لله
روحت الصبح الساعه 10 ونص بصحبه الحج ريتشارد اعزه الله 
وحقيقى اتفاجأت بحضور كبير من الشباب والبنات سبقونى
فى وجوه جديده  بعد السلام والتحيه والبوس والاحضان للبنات طبعا ماحدش مخه يسرح فى فيلم هندى انا بقول اهو
اول صوت جميل سمعته وانا بسلم على الناس حبيبه قلبى
علا صيدلانيه طلعه نازله أو زى مابحب أقولها لالا
مبسوطه فوق ماتتخيلى انى كلمتك وسمعت صوتك
ونفسى مره نتقابل ونتكلم كتتتتتتتتتتتتتتير يالالا
ياعالم اللقا نصيب يمكن ان شاء الله عن قريب
 حبه وكلمنى مستا او المستفز صاحب مذاكرات مريض نفسى
مستا غالى عليا جدى وبعتبره ابنى لالالالا هاكبر نفسى هو صحيح انن بس بردو اخويا الصغير هههههه كده كويس 
انت جميل يا مستا وانت بتكتب وانت بتتكلم فى التليفون



وأبتديت أتعرف لقيت ناس اعرفها باسم مدونتها وحصلى الشرف
انى قابلتها زى صاحب مدونه سو 
ومدونه رقصنى ياجدع مهيج الجماهير شكرا على المساعده ياحبيب الجماهير
وبطوط حبوب
وشاب جميل صغير ولدته السيده الفاضله صاحبه مدونه 
خيبه جروب  وان شاء الله هو كمان يكون عنده مدونته قريب
محمد التركى اللى طلع جرنا فى اخر الفيلم
ومحمد جبريل الشاب الجميل

وهشام علاء مدونه كلام هشام
حمدى واحد وخلاص بس هو مش واحد وخلاص
والمميز دائما اللى كان نفسى جدىىىىىىىىىىىىى 
اشوفه هيثم السايس ابو الهيثم زى مابحب اقوله صاحب الفردوس الضائع
وطبعا اخونا الغالى رامى صاحب بابى واللى ماكانش جه  كان هايتضرب
واحمد الصباغ اللى كتباته اروع ماتكون
والبنات  حببتى حنين القلب والغالى عمورتى حبيبى
وحنان وبنوتتها رودى القمر ربنا يحميهم
وبطتى الغاليه زهراء بالحب اتجمعنا
والجميله الحب الجميل ولولو السكره بنوتتها
وحببتى اللى وحشتنى داليا ماى كورنر بس للاسف مشيت بدرى 
 وجه علينا بناويت اسكندريه ياعنى الطعامه وخفه الدم  انجى ابراهيم وحنان الشافعى ليكم عندى قاعده ووقفه يابت
ولاول مره بقابل
مرمر اللى نورتنا وبجد سعيده بمقبلتها اوى وحبتها اوى
استاذ اسامه شريكها فى المدونه حقيقى انسان بجد احب اشكره على مجهوده
واحمد سعيد صاحب عنبر العقلاء نورت ياحمد واتمنى تتكرر
سعيده او بمعرفتك
جوجو اس اف وجوزهااخونا الفاضل
اللى نورونا بذوقهم وخفه دمهم والجو الجميل اللى عملو
ورانيا العثثثثثثثثثثثثوله اللى اسعدتنى اوى ربنا يفرحنى بيها
شيمو القمر السكره
حبه كده وطل علينا القمر ووصلو اهل القاهره الكرام
فاتيما تيما روح قلبى ورح قلب ماما
بصحبه احلى ناس بينورونا ويييييييييييا رب ينورنا على طول
خالد الجدع همس الاحباب نورتنا يا ابو همس
مصطفى ريان الجميل دائما بروحه الجميله وشخصيته 
ومعاهم موجه االبنوته الجميله اللى زودت موج اسكندريه موجه
وضياء بيوتيفول مايند المميز ديما
 والجميله اللى سعيده انى عرفتها حفيده عرابى نورتينا واتشرفنا بيكى اوووووووووووووى
وطبعااااااااااااااااااااا كلنا كنا فى انتظار  كيمو صوت من مصر علشان نضربو
بس الحقيقه صعب علينا لانه طلع جدع ولانه بردو صوت من مصر ياعنى قربنا ومايخلصناش نضربو بردو
وبصحبته اخواته البنات اللى نورونا اوى وزدونا شرف هاله وايمان
وشاب فقرى  كريم اللى نورنا مع انه على طول فى اسكندريه
حاولت فعلا مانساش حد لانهم كلهم بقو غالين عندى وبحترمهم 
من اكبرهم سن لاصغرهم سن بس حتى لو نسيت اسم فاكل الوشوش محفوره فى دماغى





فى نص القعده كلمتنا لولا النص التانى من مدونه بالحب اتجمعنا
وسعيده اوى انى سمعت صوتها وبدعلها وهافضل ادعلها على طول ربنا الكريم يا لولو ان شاء الله خير كان نفسى تبقى معانا
 بس ان شاء الله المره الجايه
وكلمتنا الصوت الجميل الغاليه نورأهاتى اللى نورت التليفون والقعده ونورتنى انا شخصيه سعادتى انها كلمتنى يا خبر
ربنا يخليكى يانور
طبعا شربنا مشروبتنا وبينى وبنكم البت دودو نقت قعده جميله على البسين أو البصاد انتو وراحتكم وبقينا بنتكلم كلنا وبنتعرف ونهزر وضحك وتليفونات هيييييييييييييييصه فى القعده
وجالنا رساله على الموبايل من استاذ حازم شلبى  اجمل ماتكون حقيقى وسمعت صوت منونه واحد شاى  الجميله الغاليه
واختى الانن السكره سويت انجيل مرموره


طبعا كان فى سرقه هاتتم لعقد فريده فى قصر المجوهرات
بس الحقيقه ربنا ماكرمناش وماكنش لينا نصيب فى السرقه دى
يلا كلها ارزاق ربنا مارداش يزعل تيمو
اتمشينا على البحر الجو اروع مايكون
ضحك مابينتهيش واتصورنا كتير ولما لقينا الوقت سرقنا قررنا نطلع على بحرى ناكل ونعمل حفله ميلاد حنين القلب ام عمر
وفعلا كان
وهناك جتلنا القمر الجميل اللى يارب معانا ومنورنا على طول 
مدام نانو  القدر وانا وبنوتتها حببتى القمر الانن واشرف الجميل
والقططين الحلوين بتوعه بس للاسف ماطولتش مشيت على طول
لو ماكنتش شوفتها كنت زعلت جدا

وكلمتنا شكشوكتى الشوكه الناعمه اللى وعدتنى لما نعمل تجمع السويس هاتمللنا السويس رز وسمك وجمبيرى لما نشوف




وعملنا عيد ميلاد جميل وهياصنا وغنينا واكلنا
كان فى جزء مننا طلع على القلعه واحنا المجموعه الاكبر فضلنا فى الزعيم


مى رحيق الورد اللى من ساعه خطوبتها مش عارفين نتلم عليها 
بس الحمد لله انى شوفتها بالف خير ربنا يفرحنى بيها

وهنا كان وصل تيمو صاحب اسف على الازعاج اللى جه فى الاخر صحيح بس كفايه انه تعب نفسه وجه وشفناه واتعرفنا عليه انسان مهذب شبه بوستاته
وبشوش الوجه
وطبعا الاسكندرانى الجميل بدراوى صاحب طعم البيوت
بعدها روحنا المرسى ابو العباس وركبنا المراجحين وما ادراك ما المراجيح والحج ركب السلسه اغلبهم الحقيقه بس انا بدوخ
فاركبت مرجيحه اطفال كده على قدى بس دوخت بردو هههههههههههه


وللاسف الاسيف هنا الوقت خلص اليوم من حلاوته كان قصير اوى كان نفسنا يبقى طول اكتر من كده
بس الاثر اللى سابه مايتمحيش طعم جميييييييييييل كأنى  أكلت نعناع ههههههههههه


تحيه لكل حبايبى اللى نورونا من اى مكان
سواء سوهاج او الشرقيه او البحيره او اوسنا 
او من الام القاهره
وتحيه لاهلى من اسكندريه 
ياشباب بنات وولاد ربنا يفرحنى بيكم يارب واسمع عنكم كل خير


ستيته ست الستات افتقدتك بس هافضل مستنيا بردو
خيخه اللى مش خيخه اللقا نصيب وان شاء الله اقابلك
علا لالا لما تنزلى اسكندريه اوعدينى تقوليلى يمكن ظروفى توفق واشوفك ان شاء الله
نور اهاتى ابقى حاولى مره والله هاتتبسطى اوعدك
فاتيما انت القمر اللى بنتجمع كلللللللللللللللللللللنا حاولين نوره
ونستمتع  شكرا ليكى




انا حسيت وانا وسطكم انى وسط اجمل صحبه ورد
البحر سعيد ومبسوط زيى  وبيغنلكم
اسكندريه  تااااااااااااااااااااااااااانى واه مالعشق يااااااااااااااااااناى
ماتنسوناش باااااااااااااااااااااااااى


رساله استاذ حازم شلبى


بيقول فيه
مساء الخير عليكم جميعا قد لا يكون اغلبكم لا يعرفنى ولكنى أعرفكم جيدا ومتابع لما تكتبون والبركة فى فاتيما والحب الجميل وكنت اتمنى ان اكون معكم لكنى معكم بروحى وقلبى ادام الله عليكم الاخوة والمودة وجمعكم دائما على الخير .. تقبلوا الود والحب والاحترام
حازم شلبى



هناك 79 تعليقًا:

محمد التركى يقول...

السلامو عليكم

قلب القطه

والله أنا كنت فى قمه السعاده وأنا موجود مع أجدع ناس
أجدع ناس بجد والله

أنا لو مكنتش جيت كان هيجرالى حاجه
بس الحمد لله جيت
وكنت سعيد جدآ بأنى أتعرفت عليكى أنتى انسانه فى قمت الاخلاق والأدب وطلعنا جران
وبجد سعيد قوى قوى قوى أنى أتعرفت بجوزك أحمد ريتشارد
زى مابتقوليله
بس بجد راجل محترم جدا جدا
وكمان زوج جوجو الشخصيه الجميله جدا نادر
ياعنى بالصلاه على النبى بدون حسد
الاتنين زى الفل واحسن من بعض بجد

وكمان كنت سعيد جدا انى شفت ناس كتير كان نفسى اشوفهم
وفعلا اليوم كان يستحق أنى اغامر بيوم سفر شاق فى الشغل علشان اخد اجازة السبت واشوف اجدع ناس

بجد أنا بقالى سنين ماعشتش يوم جميل زى اليوم ده
ومش هنسى الصراحه المراجيح اللى الحاج ريتشارد شجعنى وكان بيساندنى واحنا بين السما والارض
وكنا بنقول
يــــــــــــــــــــارب
استرها والجنزير ميتقطعش
ههههههههه
الحمد لله عدت على خير
ومش هكررها تانى المراجيح ديه
اصلى انا تخصص دريم بارك
ههههههههههه

بجد سعيد جدا بمعرفتك ياقطه
وانشاء الله يكون لينا لقاء تانى يجمع احلى ناس
واحمد يكون معاكى برضو
سلام خاص جدا جدا جدا لأحمد ريتشارد

تحياتى لأجمل قلب قطه من اسكندريه

محمــــد التركـــى

محمد التركى يقول...

ياسلام كنت أول تعليق
يابختى
مكنتش محظوظ قبل كده
بس شكلى بعد اللقاء الجميل ده هبقى محظوظ على
طـــــــــــــــول

Tears يقول...

جميلة اوى يا قلب القطة التغطية بتاعتك مش ناقصها غير انك بس كنت كتبتى اسماء اللى فى الصور او همه اصحاب اى مدونات لانى الحقيقة لم استطيع التعرف على اى حد منهم فى الصور غير رامى

الحمدلله انكم كنتم مبيوطين و ربنا يديم السعادة دايما



تحياتي

Tears يقول...

و بعدين يا ريتشاردية ايه التمييز العنصرى ده..ليه كل الصور رجالة بس هو التصوير للستات دلوقتى بقى محتاج محرم :)))

احنا بنطالب المساواه و بعدين يعنى الرجالة اكيد مش احلى من الستات..و لا ايه؟


ربنا يوفقك

محمود(باحث عن حب) يقول...

يابختكوا يا بختكو كان نفسي افرح زيكوا
حمدا لله علي السلامه وان شاء الله يكون في نصيب للقاء تاني اتشرف بيكم

الحب الجميل يقول...

بحـــــــــــــــــــــــــــــبك
يا روح قلبى انا

SHAPE YOUR LIFE (ABOALI) يقول...

كان معكم قلب القطة من على شط اسكندرية
حوووووووووووول

هههههههههههههههههههه

استمتعت جدا بنقلك الحدث الجميل ده
وكنت مبتسم وانا اقرء لانى اقدر تلك المشاعر التى تتكون حين نلقى من نحب او من نتعرف عليهم فى اول مرة وتكون صفحاتنا بيضاء تمتلاء بالنقاء
بالتالى يكون احساس الامان
لانها مقابلات دون اغراض الا الحب فى الله والمعرفة والتواصل

لذا اشعر بما تشعرين به من بهجة وسرور وسلامة نفس

جمع الله الجميع فى مودة وحب ان شاء الله دائما

ولكم منى كل التقدير

فاتيما يقول...

عينى ع التفاصيل
و احنا كدا مش هنعرف نشتغل
و بيتقطع عليناااااااااا
من قناة بلوجر اسكندرية الفضائية


بس ف بيتها برضو
وهذه هى التغطية
و إلا فلا

انا قولت كل حاجة عندى ف البوست بقى
مش هقعد احب فيكى هنا تااااااانى
عشان العين و الحسد و الحقد و الغل و الغيظ و كل المشاعير اللى احنا معرضين ليها دلوقيت بعد الكلام الحلو اللى احنا كاتبينه دا
بس و الله
ربنا يشهد انه م القلب
عشان كدا
طالع حلو
و محسوس قوى
و بحس ربنا مبارك فيه
عشان متجمعين على خير
و بس


حلوة قوى الصور
ميرسى عليها
عقبال اسكندرية
عاشر و خمأشر و الميت مرة
ياااااااارب

بوسيلى ميرهان
و بلاش تبوسيلى خطيبى مروان
الا بعد كتب الكتاب عشان أيصحش


سلامى لأسكندرية الماريا جدا
و للحاج ريتشارد جدا جدا
ووحشتينى يا قطاقيطو من امبارح للنهاردة جدا جدا جداااااا

MR.PRESIDENT يقول...

بعد السلام والتحية
اما بعد
مش هقول رئيس الجمهورية
لأني محضرتش ويبدو إن المدونين كلهم كانوا موجودين .
طبعا مش هجيب حجة الشغل الجديد ، بس بجد انا لسه قاعد في اجراءات التثبيت وانتي عارفه ورق الحكومة يا لولو .

بس بجد ماشاء الله نااااااااااس جماد جدا اللي حضروا اللقاء

ممكن اسال سؤال هوا كان فيه أكل ولو كان كان الأكل اااااايه ؟ محدش يفهم اني مفجوع انا بس بطمن انتوا كلتوا ولا لاء :)

متعوضه ان شاء الله قصدي في الأكل :))

تحياتي ليكم كلك نفر نفر وراس راس وعايز اجولكم كل سنة وانتوا ميه ميه .

لـــولا وزهـــراء يقول...

مــــــارووو

حلو اوى الوصف التفصيلى للمباراه كنت مرعوبه احسن تكتبى على اللى بالى بالك والشوك والسكاكين هههههههههههه

بجد كنت ولازلت فرحانه باثر اليوم ده جميل انك تلتقى بناس كنتى راسمه صوره لهم فى خيالك وتكتشفى ان الواقع اجمل واحلى طبعا انتى مش المقصوده بالكلام ده خالص مالص ......

تشرفت بجد بالكلام مع محمد ربنا يحفظكم لبعض وقعدنا نرغى على عمور الامور حبيب قلبى "هاقول قلبى بس ومش هاقول حبيب الكل " لان واضح مدى حب محمد له

فرحانه بكل الناس حتى فى ناس مش اتكلمنا مع بعض لكن سبب فرحى ان البسمه كانت على كل الوجوه
يارب على الدوام مجتمعين فى الخير وعلى السعاده

كل لقاء وانتى طيبه يارب

زهراء

حازم شلبى يقول...

حقيقى انا سعيد بكل اللى انكتب و اللى اتقال على هذا اللقاء الجميل وربنا يديم هذه المحبة و الود ما بين الجميع الى الابد ان شاء الله

حقيقى كان نفسى اكون ما بينكم لكى اتعرف على هذه الصحبة الجميلة وهذه القلوب الطيبة لكن وكما قلت فى رسالتى كنت هنا فى الكويت و لكن كنت معكم هناك فى الاسكندرية بقلبى واحسست انه لزاما على المشاركة و لو بتلك الرسالة البسيطة

شكرا على تلك الكلمات الرقيقة عن شخصى المتواضع ولكم جميعا كل التحية و الاحترام .

gogo!sf يقول...

والله يا توته ياحبيبتى انا كنت طايرة من السعاده وبجد عمرى ما قضيت يوم جميل زى ده

انا بقى اكملك باقى اليوم بعد ما انتم مشيتو وسبتونا يا ماما

منتظراكى تقرى البوست ومش زعلتك اهو ومرديتش انزل الفيديو لانه البنات ظاهرة فيه اوى وانا وانتى صوتنا عالى جدا جدا
وترجيع وهنفضحكم على الفيس بوك وفضيحه ما بعدها فضيحه وربنا يا اختى
هبقى ابعتهولك ان شاء الله عشان تستمخى كده من صوتنا انا وانتى

gogo!sf

سلام يا قمر

ستيتة حسب الله الحمش يقول...

احيلك على تعليقي عند فاتيما
هو ده شعوري ناحيتكم
مع وضع صورة مصاص دماء مع التعليق
لأقتلنكم جميعا
لأثأرن منكم
عاااااااااااااااااااا

ربنا يهنيكم ويفرح قلوبكم كلكم

мαησηα يقول...

مارووووووووووو
قطتى يا حبى انتى
مبسووطة اوى بفرحتكم وبجد بجد انا بتحصر ايوووووون من جواة قلبى عااااااااااا

انا كان نفسى اشوفكم كلكم بجد

الله اكبر عليكم الله اكبر ربنا يارب يسعدكم ويفرح قلوبكم كمان وكمان يارب

كل لقاء سكندرى وانتوا طيبين

ويارب المرة الجاية يبقى معايا بقه اللابتوب ههههههههههههه
لو كنتى ركزتى ف الدعوات بس شوية ههههههههههههههههه كنت جيت انا معاكو

بحبك اوى ع فكرة

mostafa rayan يقول...

اختى العزيزة مارو
انا فرحان قوي اني شوفتك وشوت كل الناس الحلوة بتوع اسكندرية
ان شاء الله تتكرر الزيارات تاني ونيجي ننبسط في وسكطم ونفرح معاكم
خالص سلامي ومحبتي للجميل قوي الحاج ريتشارد اللي بجد راجل اسكندراني جدع ومايتشبعش من قعدته

mostafa rayan يقول...
أزال المؤلف هذا التعليق.
ندى الياسمين يقول...

متغااااااااااااااظه
متغااااظه موت موت موت

يلااا اللقى نصيب فعلا

كل الناس الى كانوا موجودين اغلبهم عارفاهم وكان نفسي اشوفهم اوي بجد وواحشنى اوي اوي

اييييييييييه دنيا

زقططى يا اختي زقططى

مع خالص حقدي

لا خلاص زي بعضه متجمعين على الخير دايما يا جماعه

عاشقه الرومانسيه يقول...

كل ايامى جميله بوجودك فيها ياقطتى

انا بقى التعب قلب معايا بتخاريف
ولقيت نفسى سرررررحت وكتبت البوست الاهبل اللى عندى ده
سكموز سكموز يعنى مش اى كلام
ههههههههههههههههههههههههههههههه
فهمانى طبعاااااااا

wa7ed w5las يقول...

قلب القطة

والله انا كنت مبسوط جدا في اول لقاء تدويني ليا وان شاء الله مش الاخير

سلامي الخااااااص جدا للاستاذ ريتشارد قلب الاسد بقي والاهلاوي زيي :D

تحياتي ليكم جميعا

حمدي -> واحد وخلاص

مهيج الجماهير يقول...

اسمه هشام علاء
مدونة : كلام هشام


أروح أقرا التغطية بقى
:D

كيكى عوووووو يقول...

مبسوووووووووووووووطه
انى شوفتك كتير اووووووووووووى
احم احم
بستهبل طبعاااااااا
احلام يقظه مدونينن مروحوووووش
عوووووووووووو

Timo.. يقول...
أزال المؤلف هذا التعليق.
Timo.. يقول...

ريتشااااااااااااارد..
بجد ميرسي على كل حاجة حلوة..
وانا مبسوط قوي اني شوفتكوا وكمان انا قولت من وراكي اني مبسوط اني شوفتك وشوفت (الحاج) بجد ربنا يهديكوا لبعض كمان وكمان ..
عجبني قوي مشاركتوا ليك في كل حاجة..
قد ايه التفاصيل الصغنونة دي بتعجبني قووووووي :)
خاصة وأنا حد بيسكت عشان يركز في ما وراء التفاصيل :)

محمود(باحث عن حب) يقول...

http://bahesanhob.blogspot.com/

انتى فين
من البوست الجديد
مش متعود على غيابك

صيدلانيه طالعه نازله يقول...

لو على السعاده و الانبساط فمش قدى انا بقى
ده انا الفتره اللى بطلت فيها تدوين اكتر حاجه كنت مفتقداها اسم لالا اللى انت بتنادينى بيه
من زمان و زهرا بتحكيلى عنك و عن انك حد سكر اوى
بس اما كلمتك اتأكدت اكتر و اقتنعت
ان شاء الله اما انزل اليكس نتفق و نتقابل انا و انتى و البت زهرا
و نقضى يوم جميل مع بعض

مبسوطه انكم قضيتوا يوم حلو مع احلى واجمل ناس قابلتها فى حياتى
و يارب دايما متجمعين فى المناسبات الحلوه

بحبك

صوت من مصر يقول...

على فكرة بقى ده ظلم
وعلى فكرة بلغى جوز حضرتك انى مش هتحبس الا وانا قتيل

وبجد قوليه انت زوق وبرنس وجدع وبنشرب سجاير نوع واحد ولكن بجد
رجووووله

من كل بستان زهرة يقول...

ياقطتي
الحمد لله انكم مبسوطين
وانا كمان اتبسطلكم
بس ده ميمنعش انه يكون جوايه شويه حقد
عليكم لأني مش معاكم
أوعي يا قطه تعملوها مره تانيه من غيري

تسلمي يا حبيبتي

فاتيما يقول...

احم احم

انا مش فاهمة يا دودو

ماذا تكصدين سيادتك بالضبت ؟!!

وش عامل برىء

ألوان يقول...

ربنا يسعدكم وتفضلوا أصحاب مع بعض طول العمر

Diyaa' يقول...

يا رب المرة الجاية اليوم ما يخلصش :)

عاشقه الرومانسيه يقول...

فاتيما
هابقى افهمك بعدين فى السكموكتم
هششششش

حلو وش البرائه ده يابطه
استمرى
ههههههههههههههههههه

مي يقول...

اد ايه انتى يامارو جميييييييلة جدا بجد بجد ذوق انتى والحاج ريتشارد
ومعلش بقى المرة دى ميرو ومروان مش شفتهم بس المرة الجاية لايونكن ابدا
حنننننننننننفى :)))


كان اليوم فظييييع برغم من انى جيت على الاواخر بس انا كملته فى القلعة :)))

يارب دايما نتجمع على الصحبة الحلوة دى مع اجمل ناس
تسلميلى يامارو يا اجدع اخت
مووووووووواه ياقمر

أحمد الصعيدي يقول...

طبعا ياعم

ولافيش في ناس كنا نتمني تكون معانا ولا فيش ذكر لأي حد غايب

بقا هيا الدنيا كدة
بقا هما الناس كدة
يا خسارة فرحتي
يا مين يا خدني تاني
يرجعني لدنيتي


بس خلاص
ولا كلمة
ومن غير اعتذارات

احنا معدناش اخوات

فتاه من الصعيد يقول...

كل لقاء وانتم طيبين :)

وعقبال كل لقاء :)

تحياتي

Haytham Alsayes يقول...

ريتشاردووووووووو

ازيك يافندم
بجد انا اتشرفت بلقائكم جدا
وخاصة الحاج ريتشارد بجد انسان جميل جدا
سلميلي عليه دايما
ولو عاوزين اي حاجة تاريخية انا في الخدمة
ههههههههههههههه
وبرضه انتي طلعت انسانة صافية ورائعة من جواكي زى ما توقعت

والله بجد انتوا اجمل صحبة شوفتها في حياتي
ربنا يجمعنا في الخير دايما

بس محضرتيش حركة الاوتوبيس
احنا عملنا سطو مسلح عليه
وكان الكمسري عاوز يدفعنا علي اساس ان احنا مجموعة
هههههههههههه
بس طبعا ضحكنا عليه وقولنا مفيش غير النص جيني بس ياعم الحج

كان يوم جميل بجد
كان نفسي اشوف العمة ستيتة بس ان شاء الله تتعوض


تحياتي ياست الكل

richardCatheart يقول...

محمد التركى يقول...

ههههههههههههههه والله ضحكتنى وفكرتنى بالجنزير يا تركى ههههههههههههه
ربنا يفرحك كمان وكمان يارب ويسعد ايامك
والله الحاج ريتشارد بردو سعيد اوى بيك
وبشخصيتك وبمعرفتك يا تركى

والحمد لله انك اتبسط والله كان يوم روعه
والناس اروع واروع
نورتنا والله

richardCatheart يقول...

محمد التركى يقول.

ربنا يجعل الحظ فى رجلك على طوووووووووووووووول

وعلى عررررررررررررررض ههههههههههه

richardCatheart يقول...

Tears يقول...

ربنا يخليكى ياتييرز انت الاجمل
والله الواحد كانت المفروض يكتب الاسامى بس للاسف من التعب ماكنتش مركزه بس هاقولك

من اليمين وانت قاعد ياستى
محمد جبريل مدونه تخاريف زمن
خالد مهيج الجماهير مدونه رقصنى يا جدع
هشام علاء مدونه كلام هشام
كيمو صوت من مصر
الحاج ريتشارد ربنا يخليهولى مدونه سيدى وصالك هههههههههه من عندى دى ههههههههه
الناطق بأسم التاريخ ابو الهيثم السايس مدونه الفردوس الضائع
كريم مدونه شاب فقرى
مصطفى ريان مدونه يوميات شاب ثائر
وفى وراهم احمد الصباغ

انزلى بقى تلاقى صوره فيها
من اليمين بردو
الحاج ريتشارد
ضياء بيتوفيل مايند
رامى بابى
ومحمد جبريل
وشاب فقرى

انزلى كمان تلاقى صوره فردانى
لخالد مدونه همس الاحباب ومتخصص تبرعات واعمال الخير والتجموعات ربنا يباركله صراحه

وانزلى تلاقى صوره فردانى
استاذ احمد سوووووووو

تمام كده

richardCatheart يقول...

Tears يقول...

هههههههههههههههههه

ياتيرز انت فى بلد خط المراءه عورا يا امى
ههههههههههههههه
للاسف مش انا صحبه التميز العنصرى دى البنات والستات نفسهم اللى رفضين نشر الصور بالرغم اننا كلنا شوفنا بعض

بصراحه اه احلى من الولاد والرجاله كلهم قمرات
ياريت مره تنضملنا والله هاتتبسطى جدىىىىىىى

على فكره دى مش صور كل الناس اللى كانو معانا طبعا
فى ناس كتير بس الواحد اتلخم ماصورش كتير للاسف

richardCatheart يقول...

محمود(باحث عن حب) يقول

القا نصيب يا محمود وان شاء الله تكون معنا المره الجايه ربنا يسهل
ربنا يسعدك يارب
نورتنى

richardCatheart يقول...

الحب الجميل يقول..

ههههههههههههههههههههههههههه

مش هاتكلم اهو بس بحبك والله ربنا يسعد قلبك ويهنيكى ياحب يارب

نورتى الدنيا

richardCatheart يقول...

SHAPE YOUR LIFE (ABOALI)
تحياتى ليك يا ابوعلى ياريت تكون معانا مره ان شاء الله

ربنا يديم عليك الابتسامه ديما يارب

تحياتى ليك نورتنى ويارب ديما

richardCatheart يقول...

فاتيما يقول..


ااااااااااااااااااااااه

اممممممممممممممممممممممممممممممواااااااااااااااااااااااااااااااااااااا

richardCatheart يقول...

MR.PRESIDENT

ريسنا الهمام هههههههههه كانت نقصاك فعلا والله ان شاء الله تحاول المره الجايه
ان شاء الله يكون فى نصيب
شوف ياسيدى الاكل فى بحرى فى مطعم اسمه الزعيم عنده كشرى وبيتزات اشكال والوان

وفى ناس المره دى راحت عند دنجل دا فى الشاطبى عند مجمع الكليات بيعمل اسماك بقى جمبرى فله وانت تختار يا محتار
ياعنى هاتملا التنك هاتملا التك ماتقلقش على الشعب
ههههههههههه

نورتنى يا ريس

richardCatheart يقول...

لـــولا وزهـــراء يقول.

هههههههههههههههه ياعنى انا دلوقتى ماردتش اسيح جايه انت تسيحى لو حد سال هاقول ماليش دعوه ههههههههههههه

اليوم كان روعه طبعا الحمد لله وانا مبسوطه اوى انى قعدت معاكى اطول مده ممكن محمد كمان مبسوط اوووووووى وبيسلم عليكى والله كتتتتتتتتتتتتتتتير

وطبعا عموره هايفضل حديث محبيه مهما طال الغياب هههههههههههه

يارب ديما بخير يارب ومتجمعين علبى حير يا بطه يارب

نورتينىوالله

richardCatheart يقول...

حازم شلبى يقول...

استاذ حازم انت نورتنى فى المدونه ونورتنا برسالتك يوم التجمع

اد ايه كلامك كان طيب ورقيق يدل على ذوق واخلاقك

احب اشكرك على تواصلك معانا وعلى كرم اخلاقك وان شاء الله تكون معانا المره الجايه انا عارفه انك متابعنا ويارب ديما متابعنا كلنا وفى تواصل مستمر بنا ان شاء الله

نورتنى واشكرك

richardCatheart يقول...

gogo!sf

والله انا اللى مبسوطه بمعرفتك يا يا قمر ونورتى اسكندريه انت واستاذ نادر

الفديو مش فضايح بس دا اخر فضايح فى الدنيااااااااااا ههههههههههههه

الستر حلو يا جوجو ههههههههههههههه

تحياتى لبابكم والاود

نورتى الدنيا

richardCatheart يقول...

ستيتة حسب الله الحمش يقول.


والله ليكى حق ياست الستات تشربى من دمنا اليوم كان روعه وايييييييييييه وااااااااااااه حكايه دانا هاغيظ فيكى للصبح علشان المره الجايه تيجى التجمع جرى ياست الستات ههههههههههههههههه

والله كان نقصك فعلا كلللللللللللنا كان نفسنا نقابلك ونسمعك وخصوصا انا والله والحج ريتشارد كمان ههههههههههه

يارب نتجمع على خير وربنا يقويكى الشغل مابيرحمش

نورتينى ويارب على طول

richardCatheart يقول...

мαησηα يقول...
حبيبه قلبى يا منونه والله افتقدناكى كان نفسنا تكونى معانا صوتك صبرنا حبه انن

والنبى يا ختى ركزت بس الظاهر نسيت اتوضى تقريبا هههههههههههههههه

ان شاء الله نتقابل ويارب صبرنا

وانا بموت فيكى على فكره

richardCatheart يقول...

mostafa rayan

سعيده اوى انى شوفتك يا درش عقبال كل مره وكلنا مع بعض يارب

يوم جميل اوى الحمد لله والحاج ريتشارد بعتلك مليون سلام وتحيه وهايجيبلى الكتاب ان شاء الله وهاقولك رائى

نورتنى يا درش يارب ديما

richardCatheart يقول...

ندى الياسمين يقول

والله يادردر كنت عشمانه تيجى لاخر وقت

بس اااااااااااااااااااااااايه ادى الله وادى حكمته هههههههههههههه

وربنا دانا اللى امفروض اضربك بعد العشم اللى عشمتهولى وخليتى بيا الناس تقول ايه يا دردر دلوقتى هههههههههههه

ان شاء الله هاتكونى معانا المره الجايه علشان تبطلى حقد وقر علينا فى التجمع
يا درتورتى الجايات اكتر ان شاء الله
نورتى الدنيا

richardCatheart يقول...

عاشقه الرومانسيه يقول...

اليوم حلو علشان انت عملتيه يا دودو يا سكره يا جدعه شرفتينا والله

كلمتين هبل دانت اللى هبله دول فى الجوووووووووووون وجون وجون وجون

يا سيكموز انت هههههههههههههههه

لاء مش فهمانى طبعااااااااااااااااا
هههههههههههه

نورتى الدنيا يال دودو

richardCatheart يقول...

wa7ed w5las

والله انا اسعد والله انت شخصيه جميل يا حمدى ربنا يحميك يارب
الحج الاهلاوى بيسلم عليك وبيقولك الاهلى فوق الجميع ههههههههههههههه

تحياتى ليك ويارب ديما معانا فى كل تجمع

نورتنى يا مش واحد وخلاص

richardCatheart يقول...

مهيج الجماهير يقول..

والله يا خالد نورتنا وسعدنا بيك جدى

واشكرك على المساعده بخصوص هشام هاروح مدونته اشوفها وازوره

ويارب ديما معانا ومنور

نورتينى ويارب التغطيه تكون عجبتك

richardCatheart يقول...

كيكى عوووووو يقول.

ياهلا يا هلا يا كيكى عو يارب سباقه بالخير ديما

وماله هى الاحلام حورمت نورتينا فى التجمع وعملتى جو ماحصلش عقبال كل مره يا عوووووووووووو

رد احلام اليقظه لمدونين روحو خلاص

نورتينى ويارب على طول

richardCatheart يقول...

Timo.. يقول...

مرسيى ليك انت على تعبك ومجيك واهتمامك انك تقابلنا
واحنا والله اسعد بالرغم من ان الوقت كان قليل بس الحج سعيد بيك جدا وسال عليك والله

وكان واضح من هدوئك وابتسمتك الطيبه اد ايه انت انسان جميل مهذب

وكان واضح بردو انك بتابع ماو راء التفاصيل
شكرا على كلامك بجد ودا المفروض بين الازواج وخصوصا المخضرمين زينا 14 سنه خدمه فى ثانوى يا تيمو لازم نتشارك هههههههههههه

تحياتى ليك ونورتنا ويارب ديما معانا

richardCatheart يقول...

محمود(باحث عن حب) يقول...

معلش على التاخير يا محمود

انا روحت والبوست جمييييييل

richardCatheart يقول...

صيدلانيه طالعه نازله يقول..

ربنا مايحرمنى من انى اقولك يا لالا ابداااااااااااااااااااااااا

ويفضل اسمك يرن فى البلوجر مدى الحياه يارب

والله دا من ذوقك مش غريب على بطه كلامها الطيب الصراحه كتر خرها وخيرك يا لالا

والله اليوم كان نقصك بس انت وعديتنى وان شاء الله هاستن يا مسهل يارب
فعلا والله كانو احلى ناس وصحبه طيبه فعلا
ان شاء المره الجايه ماعنا بقى من غير شر علشان تكمل ونولعهاااااااااااا

نورتينى يا لالا ويارب على طول

richardCatheart يقول...

صوت من مصر يقول.

يادى الظلم والجهاد اللى انت فيه

ياعنى احنا عملنا ايه قولى بالله عليك يا كميو ههههههههههههه انت طلعت حد جميل وجدع حقيقى ربنا يحميك يارب

الحج ريتشارد بيسلم عليك كتييييييييييييييير وبيسأل عليك والله

سلمى على البنات اوى يا كيمو

نورتنا وسعيده بمعرفتك اوى والله

richardCatheart يقول...

من كل بستان زهرة يقول..

ربنا يبسطك يا فلورا والله كان تجمع رائع نخبه بجد كان عيزك بس انت انوى كده واجدعنى ولما نقول يالا يالا واحنا مانعملهاش من غير يا جميل

نورتينى وزان شاء الله المره الجايه معانا

richardCatheart يقول...

فاتيما يقول

ههههههههههههههههههههههههههههه

هههههههههههههههههههههههههههههههههههه

اه محتاجين شرح الحقيقه يا تيما

علل او بماتفسر
كتابه دودو للاشعار الحساسه المحتاسه
اللى للقلب لماسه ههههههههههههههههههه

richardCatheart يقول...

ألوان يقول.

ربنا يكرمك ونورتينى بالزياره
ربنا يسعد قلبك

اشكرك جدا

richardCatheart يقول...

Diyaa'

يارب يا ضيا يوم رائع فعلا

نورتنا يومها والله ويارب ديما

اشكرا جدا

richardCatheart يقول...

عاشقه الرومانسيه يقول...

الله وانا يا ابله ابلتى مش هاحضر الحصه والنبى يا ابله مش عايزه الدرس يروح عليا اعاااااااااااااااااااااااا

ههههههههههههههههههههههههههههههههههههههههه

richardCatheart يقول...

مي يقول...

ربنا يخليكى يا ميوي يارب انت كنت وحشانى اوى اوى اوى واتبسط انى شوفتك والله

مريهان وميرو كانو هايتجنو علشان مش هايشفكوى بس فلفل اخاك لاجز ر الدروس يا مى

المره الجايه بقى نتقابل جماعه ان شاء الله
وكويس انك اتبسطى عند القلعه وعقبال كل مره

نورتينى ياقمر يارب ماتغبيش علينا

richardCatheart يقول...

أحمد الصعيدي يقول...

ههههههههههههه لالا لالالا ماتزعلش يا احمد والله انت فنان جميل وانسان اجمل بس لو كنت عبرتنا بتليفون ولا رساله كنا زمنا مسيحلك دلوقتى بس انا بعتلك السلام مع اخت الجميله سويت انجل لبابا احمد ياعنلاى بردو سيرتك جات فى التجمع ياسيدى وروحك معانا والمره الجايه انت نفسك معنا ان شاء الله

نورتينى يا فنان يارب على طول

richardCatheart يقول...

فتاه من الصعيد يقول...

وانت طيبه يابنت الصعيد ياغاليه وعقبال ماتبقى معانا يارب

منورانى على طول يا مروه

richardCatheart يقول...

Haytham Alsayes

هيثوم ابو اهيثم ايه يافندم دى

انا لسه ريتشارديه زى مانا ههههههههههههههههههه

ربنا يعلم معازتك عندى يا بو الهيثم انت قدها وادود فعلا وانت اصبحت مرجعنا التاريخى بما انى مابقراش كتب ههههههههههه

والله الحج سعيد بيك جدا حقيقى وانت من الناس اللى كان بيسمع عنها ونفسه يشوفها واتاكد انك فعلا جميل انسان بمعنى الكلمه الحمد لله انك اتبسط وكان نفسى انا فى الاتوبيس بس معلش ملحوقه ههههههههههد

نورتينى يا ابوالهيثم وعقبال كل مره وانت معانا وعانا الرفيقه ست الستات العمه ستيته

نورتينى وبار ديما

فاتيما يقول...

يا ماروووو

مفيش اخبار عن رامى الله يخليكم
الواد غطسان ليه كدا ؟؟؟

طمنونا عليه لو كان حد معاه موبايله اللى مقفول دا و كلمه لو كان فتحه خلاص ...
لو عرفتى حاجة طمنينى


بحبك وبوسيلى العيال و سلامى للحاج قوى

richardCatheart يقول...

حاضر من عينى ربنا يطمنا

منى القلب ليلى يقول...

أجمل حب فى الدنيا هو الحب فى الله ربنا يديم عليكم هذه النعمة

Ms Venus يقول...

تجمع جميل و زى العسل

حظى الوحش اللى حرمنى انى اكون معاكم

بس معلش تتعوض ان شاء الله

احلى ورداية لعيون احلى واجدع قطة

فاتيما يقول...

كله تمام
التعليق وصل
يا جدعنة اسكندرية
و خلاصة ستاتها فى نفراية واحدة

منحرمشى منك
و دايما اخبارك حلوة
و مطمئنة
و دافية زيك


الف مبروك
و عقبال ميرهان و مروان يا رب
و آجى أرقع ميت الف زغروطة

بوسات و حضونات
و الفعصاااااات قبلهم

غير معرف يقول...

ازيك ياتراتيرو
يارب دايما مبسوطة ومفرفشة وزعيمة ولا رانيا وسكينة
انا جيت اعلق هنا عشان انتي عارفة اسبابي
قرفة

richardCatheart يقول...

منى القلب ليلى يقول...


اسمك جميل فكرنى برائعه كاظم انا وليلى هههههه

فعلا والله صدقت دا اجمل حب

نورتنى واشكرك

richardCatheart يقول...

Ms Venus

سلامه حظك وربنا يجعل ايامك كلها حظ جميل
يا فيو يارب

انا والله اللى كان فعلا نفسى تنضمى لينا كنا هانتشرف وهاتتبطى بس ان شاء الله المره الجايه معانا

نورتينى ويار ديما يا اجمل صاحبه ورد

richardCatheart يقول...

فاتيما يقول.

تيما الغالى ربنا يخليكى ليا ويسعد ايامك يارب
وعيب دانا رقبتى يا ست الكل انت بس تأمرى واحنا ننفذ
تأشرى واحنا ناكل هههههههه

وعقبال عندكم عنقريب ان شالله وانا اللى افقه عشروميت زغروطه ههههههههه

نورتينى يا غاليه
وبستى وكامل فوعوصاتى

richardCatheart يقول...

قرفه

ربنا يخليكى ليا ياسكينه وماتحرمش منك

عارفه ازبابك ومقدرها بس مش عجبانى ههههههههههههههه


نورتى بيتك

ليس فقيرا من يحب يقول...

ماروووووووووو حبيبه قلبى

والله انتى بجد شخصيه حنينه وطيبه بشكل غير عادى
لاءة وحضنك دافى اوى والله من الناس اللى حسيت ان الحنيه صفه متأصله فيهم
ربنا يسعد ايامك
باحبك اووووووووى اوووووووووووووى والله

سلميلى على الحاج ريتشارد هو كمان ما شاء الله

شخصيه زى العسل ربنا يخليكو لبعض

باحبك اووووووووووووووووى