الاثنين، 20 سبتمبر، 2010

عمرو اديب البصمه مابتتمسحش والقطنه مابتكدبش




رغم اختلافى مع هذا الرجل  احيانا فى  بعض الاراء والمواقف  الا  انى لاانكر نطقه بلسانى  وافكارى الدائره فى رأسى كتيرا



دائما ماكنت انطق بالكلمات فأذا به يكررها امامى على الشاشه اثناء البرانامج  لا انكر وجه الشبه فى الشخصيات بين عمر اديب ومارو 






وهذا ما اكتشفته مع مرور الوقت حين ينطق الكثير من صديقاتى وانا اتكلم ايه دا انت بتتكلمى زى عمرو يخربيتك ههههههههههههه


لا انكر سعادتى بهذا والله ابدا




مر عمرا وانا اتابع هذا الانسان الذى يشبهنى وهو يخطىء احيانا ويصيب احيانا كثيره  وهو يسعى فايخفق احيانا  ويسعى فاينجح  أحيانا اكثرواكثر





صار عمرو اديب لسان حال الكثير منا بكيت معه كثيرا وهو يعرض حالات انسانيه متأثرا ومحاولا مساعدتهم بكيت معه وهو يبكى فى


عيد الام وهو يبكى محاولا اخفاء دموعه وسط امهات شهداء الحدود كثيرا ما بكيت حقا معه 



افتخرت به وهو يساعد اطفال على الهواء طالبا من مشاهديه ومحبيه من المحيط للخليج المساعده فاتتم المساعده بأذن الله تعالى


فترى الطائره الطبيه المجهزه حاضره  والتأشيرات حاضره  والمستشفيات حاضره وكأنه المصباح السحرى حقا لكل طالب راغب 



 اجاب له الله عز وجل دعائه


افتخرت به اثناء ذهابه لغزه راأيت معه اهلنا هناك ودمار  ارض الزيتون  واطفالنا ومعانتهم عشت معه فيلم تسجيلى كامل


وكأنى كنت معه فى بلاد القدس الجريحه

افتخرت به وبنا جميعا والمجهود العظيم الذى اجاده بشده  وشرف جمع التبرعات لقافله الاسعاف لغزه التى  نجحت بشكل رهيب اثار 

دهشه الجميع من محبيه وكارهيه
عمرو الشخص الوحيد فى الاعلام المصرى الذى عمل على توحيد الجهود الاهليه  لاهالينا المتضررين من سيول اسوان استطاع بحب وثقه الناس  ان يقوم فى ليله  بل ثلاث ساعات فقط بجمع مايقوم ببناء قريه كامله متكامله  اداميه لبشر مصرين دون اى حراك من الدوله النائمه فى العسل المر  بالبعكس وقف مجاهد فى سبيل تحقيق حلمه وحلمنا امام مشاكل البيروقراطيه المصريه المتعفنه


عمل عمر خلال 6 سنوات على جمع التبرعات فى ليله 27رمضان من كل عام وكان الله دائما شديد السخاء معه فأعطاه الكثير من حب وثقه

الملاين من البشر بمختلف بلدانهم ولاكانتهم العربيه المختلفه فأكرمه الله عز وجل اخر لقاء للتبرعات هذا العام ب 6 مليون جنه تقريبا 

ليعلن عن استمرار حب وثقه الناس فيه من جديد ويعلن عن استمراريته فى النجاح  





لم يكن عمرو دائم الخطى الثابته بل كان له اخطاء فى أرائه تسرعه احيانا  مجازفته احيانا اخرى فقد سقط سقطه مدويه اثناء انهزام المنتخب فى افريقيا وفضيحه الفندق انا شخصيا اختلفت معه بقوه فما قاله لم يكن له عندى مبرر ان يخطىء مثل هذا الخط الفادح الذى اعطى الكثير من كارهيه الصعود على اكتافه والظهور الغير مبررولكنى التمس له العذر   فهو ليس بسوبر مان او بات مان




هو بشر له  ماله وعليه ماعليه كلنا نصيب ونخطىء حتى اسلوبه وطريقه عرضه للمواضيع وصوته العالى الذى لايحبه ويزهده الكثيريون هو سب حب 

الكثير والكثير والكثير له وعلى رأسهم انا بلا منازع


لا انكر ان عمرو يظهر احيانا بشكل يحسبه الكثيرون منافقا  او جبانا بينما هو لا ذلك ولا تلك انماهو سياسى بارع يستطيع ان يضرب ويلاقى فانحن رغم الضجه التى يقوم بيها عمرو فى حلقات برنامجه القاهره اليوم  لا نمارس الا 4 % فقط من الحريه الحقيقيقه المسموح فيها فى بلاد البشر الحقيقين 


هذا ماجعلنى استنتج قرب نجاح محاولات ايقاف عمرو اديب عندما طل علينا ذات يوم منذ شهور معلننا عن وجود مشاكل بين اوربت ومدينه الانتاج الاعلامى صاحبه الاستديوهات لخلاافات ماليه وتدخل الجهات العاليا متجسده فى الرئيس شخصيا لمنع توقف البرنامج

فى وقتها علمت انها مجرد شكل خارجى  حتى اذا حدث هذا التوقف لا يقال اه خلصو علي 





لم اكتب هذه التدوينه لشىء سوى رساله حب واعتزاز وتقدير منى كأنسانه ومشاهده لعمرو اديب استمتعت معه وبه طوال اربعه عشر عام من النجاح والاختلاف  استطاع عمرو اديب فيها ان يطور من نفسه بشكل قوى فصار من مجرد مذيع خفيف الظل لبرنامج توك شو
لاحسن مذيع فى الوطن العربى  بأغلابيه الاراء فهو يملك من الحضور الذهنى والذكاء والثقه والتلاقائيه مايدعمه دئما لتطوير ذاته 




اعلم انك سوف تعود ان شاء الله وانك قادر بأذن الله على ذلك 
واعلم جيدا يا عمرو انك تركت بصمه لن تمحى من ذاكره محبيك وقلوبهم


فى انتظارك




رساله حب وتقدير قد تتفقون معها او تختلفو ولا كنها نابعه من قلبى







هناك 45 تعليقًا:

محمود(باحث عن حب) يقول...

الراجل ده شوفت الحلقه بتاعته مع وفاء كيلانى فى بدون رقابه
مقدرتش عليه خالص
دماغ
حلوة
مصحصحه
بجد
يارب
يسترها عليه يارب
وانا معاكى فى كل كلمه قولتيها عنه

MR.PRESIDENT يقول...

حتي البرنامج العدل عايزين يقتلوه ..
دول مش بيموتوا برنامج دول بيموتوا ارواح .

اكيد انا معجب بأديب إلا في حاله التحدث عن الزمالك فحو ينحاز .. ولكنه صنع ما لم يصنعه اصحاب المليارات في الدوله ، و اصحاب الهبات .

جمع حوله الأسرة ، بخفة ظله ، يتحدث عن حقوق الناس كالأسد الجسور بدون ان يخسر النظام لأنه البوابه .

عمرو شخص جدع محترم ابن بلد .. ودي بالنسبه ليا كفايه

mrmr يقول...

كل شخص له ايجابياته وسلبياته
وما فيش حد مالهوش اخطاء

عادى انه يخطى فى بعض الاشياء لكن لازم نبص كويس للايجابيات والحاجات الحلوه اللى بيعملها

عمرو من الشخصيات الذيذه اى نعم مش بحضر تليفزيون كتير لكن له مواقف واراء يحترم عليها

والحرب اللى قايمه عليه دى حرب متوقعه لاى شخص ناجح ودى ضريبه النجاح

Ramy يقول...

دة حقيقى يا ريتشاردية

هو فيه كتير منك او العكس

هو بيتكلم زى اللى مش خايف من حاجة

و دة زى ما هو إيجابى

له سلبياته زى اللى بيحصل معه دلوقت

أنا يمكن مشفتش ليه حلقات كتير

بس طبعا أثر فيا كتير

بأذن الله يرجع بالسلامة

همسات وبحــ الحياه ــر يقول...

يابنتى دماااااااااااغ
انا بحب اتفرج عليه بصرف النظر على بعض الاخطاء
لكن الواحد اتعلم منه كتير واتأثر بيه
وانا بؤيدك فى كل كلمة قولتيها

من كل بستان زهرة يقول...

ايه يا قطقوطه الحب ده كله
انا مش بحب اتفرج عليه خالص
صوته عالي وبيعمل ازعاج طول البرنامج
تحسي انه قاعد في الشارع
ومبيديش فرصه لحد يتكلم من المذيعين الي بيجبهم معاه
بحس ان وداني بتوجعني منه
تحسي لما تتفرجي عليه وتقلبي عن القناة
انك كنتي في أوضه فيها مزيكا عاليه أوي وفجأة صوتها أختفى
هو بس أحلى حاجه فيه خفت دمه

بس علشان خطرك هحبه وهتفرج عليه

فتاه من الصعيد يقول...

يا ستي عمرو واصل هو واخوه وموش محتاج وقفتنا معاه

يدفع بس هو الفلس اللي عليه وكله يبقى تمام :)

تحياتي

Haytham Alsayes يقول...

احلي حاجة في عمرو اديب رغم اختلافي معه في بعض الاشياء انه ابن بلد بجد وبيحب النكتة وفعلا زى السياسي البارع
له اخطاءه ودة حقيقي ودة ماينقص من قدره
وبالرغم انني افضل مني الشاذلي كأنسانة مثقفة وواعية ولها مدرستها الخاصة
برضه عمرو اديب له مدرسة متفردة وتأثير طاغي علي محبيه وكارهيه
ينقصه فقط ودة رأى الثقافة
تخيلي واحد بالشخصية دى مخربش ومثقف في نفس الوقت
يستطيع فعل الكثير اكثر مما نتوقع
بصراحة مش متابع المشكلة اللي حصلت
سمعت ان الاستوديو اغلق بسبب مشاكل معينة
يارب يتجاوز المشكلة ويرجع لبرنامجه الرائع دائما

تحياتي ياريتش

richardCatheart يقول...

محمود(باحث عن حب

دا حقيقى يا محمود نفس الوضع مع طونى خليفه ودى ميزه عمرو بيبقى عارف هو رايح فين وبيتعامل مع مين فعلا

يارب يستر ها يا محمود

اشكرك

richardCatheart يقول...

MR.PRESIDENT

زى ماتقول كده بيدورو على ايه اللى مش عايزينو ويعملو

معاك طبعا فى كلامك بس حتى موضوع الزمالك دا بعزرو فيه لما بتعصب للاهلى بفتكره والله واقول ما انا كمان اهو

ههههههههههههه

تحيه ليك ولكلامك اشكرك

richardCatheart يقول...

mrmr

ودا فعلا اللى حبيت اوصله يا مرمر

وبالقياس عمرو عيوبه جنب افعاله لا تقارن حقيقى

اشكرك يا مرمر جدا

richardCatheart يقول...

Ramy

يا خبر بجد انت كطمان بتقول كده ربنا يخليك يا اخى

لعلمك اللى حاصل دلوقتى مش اول الحروب عليه عمرو اتحقق معه فى النيابه العسكريه 3 او 4 مرات غير محاولا كتير قلبك كده لتخويفه وبطبعا ناس كتير ماتعرفش دا وبالتالى بيستغربو لما بيلم الدور شويه
يارب يا رامى يرجع بالسلامه
اشكرك جدا

richardCatheart يقول...

همسات وبحــ الحياه ــر

طبعا فى اخطاء وهايفضل فى اخطاء لانه زينا عادى بس المهم قوه التأثير

تحياتى ليكى اشكرا

richardCatheart يقول...

من كل بستان زهرة

اه والله حب جامد جدى ههههههههههههههههه

شوفتى قولتى ايه كأنك كنت مشغله مزيكا عاليه بس فى الاخر مزيكا ههههههههههه

عادى دا طبيعى ان ناس تحبه وتتفاعل معه وناس لاء انا نفسى جوزى مابيحبهوش خالص
ولو اتفرج عليه بيبقى كده ياعنى علشان انا مشغاله البرنامج لكن لما بيشوف مواقف ليه ساعات بيعجبه الموقف اللى اتعمل مش الشخص
يابنتى اذا كان الله ورسوله اختلفو البشر عليهم مش هايختلفو على عمرو اديب

اشكرك جدا يا فلور تحياتى

richardCatheart يقول...

فتاه من الصعيد

المشكله واضح انها عدت حدود وصوله والمشكله الاكبر انهم راحو فعلا بالفلوس لمدينه الانتاج ورفضه السداد لانه قرار نهائى يعنى ايه ياعنى مش عايزنكم تبثو البرنامج

على فكره عمرو وعماد مالهمش دعوه بالقناه كاداره لانها مش بتاعتهم ولا حتى شركاء فيها والكلام دا اكيد هى قناه بتمويل سعودى بحت

يارب يا بنت الصعيد تتساوى ويعرض ان شالله من المريخ

اشكرا ونورتينى

لـــولا وزهـــراء يقول...

مـــــــاور

اولا مع كامل احترامى وتقديرى واعتزازى لكل من كتب كومنت على هذا البوست ولكننى لدى اعتقاد انى اكتر حد ممكن يكون فاهم كلامك وازاى انتى زعلانه متاثره وفاكره لكى موقف عمرى ما هاقدر انساه مهما مريت بيا الايام وهو خاص بدموع عمرو اديب او عمور الامور كما يحلو لى ان القبه طبعا مش هاقول الموقف بس اعتقد انك فاكرها ....

لو حبيت اقول عمرو اديب بالنسبه لى ايه هو انسان قد يخطا وقد يصيب

ولكن اتذكر له على الدوام حلقات ليلةالقدر وكم الخير الذى يتواجد فيه هذه الليله وفاكره مره حد قالى هو دافع حاجه من جيبه كله من اهل الخير قولت له كويس انه بيلم من اهل الخير اعمل انت زيه بقى ..........

فاكره اكيد سقطة المنتخب وغرف اللاعبين وما حدث فيها وايضا اثار تلك الحلقه



كثير من الحلقات ضحكنا فيها من قلوبنا وكثير بكينا
اظن فاكره يوم حادئة الدويقه وانه كان واقف مع الناس ..

حلقات كثيره تحسب له واشياء ايضا تحسب عليه ....

على فكره يا مارو يشاع ان ما يحدث هذه الايام هو تصفية حسابات ليس اكثر او اقل ...

الازمه دى علمتنى درس جديد فى الحياه ان الشماته كفانا الله واياها ملئت القلوب

ان شاء الله عمرو راجع يقدم حلقه النهارده والكلام ده على مسئولية اسامه جانو مدير انتاج البرنامج هذا ما قيل بالامس لكن تقريبا رجع الكلام واتنفى النهارده تانى لما نشوف ...

اصدقك فى كل حرف قولتيه يا مارو
ان شاء الله هنحتفل بعمور من تانى سواء هنا او فى السايت ان شاء الله

زهراء  

richardCatheart يقول...

انا زيك بشوفه كدا بالظبط يا هيثم

بس عكسك فى انى بشوفه هو مثقف ومنى الشاذلى سطحيه بس هى من احسن المذيعات الستات دا حقيقى

عمرو الجميل اللى فيه ان ثقافته بتبان بشكل حياتى بلدى شعبى مش بطريقه الثقفين التقلديه ودا اختلاف

عايزه اشكرك علشان كتبت كلمه كارهيه
لانها دوختنى بس صلحتها لما قرتها فى تعليقك

تحياتى ليك واشكر يا ابو الهيثم

nasamat يقول...

الو يا مصر
مارووووو
ريتشارد
تراتيرووو

والله وحشنى البلوج فاتنى كتير ربنا يزيد ويبارك
ودايما ملعلع بيكى وبالناس الحلوين اللى هنا
ازيك وازى قططك طعمتيهم ولا لسة ههههههههه
والولاد والحاج ريتشارد سلامى ليهم

انا عارفة انت قد ايه بتحبى عمور الامور وان البرنامج مهم عندك
عشان دماغك الله يخربيتها ههههههههههه
بس متقلقيش البرنامج هيطلع من اى بلد تانى ان شالله حتى كولالامبور
واهى دبى مش بعيد وتساع من القنوات ملايين
بس انا مش عارفة اللى حصل ده سببه ايه لان مش موضوع فلوس
اوربت مش فقيرة والمتاخرات اتلمت ودارو على كل بنك يا ولداه لحد ما جمعو المبلغ وراحو يسددوه وبرضو صممو على موقفهم ودى مش اول مرة تحصل
يبقى ايه الموضوع
يعنى هما بتوع مدينة الانتاج يا عينى مش كانو اولى بالفلوس دى ههههههه
انا هدعيلهم وادعيلك يا مارو البرنامج يرجع
اوعى تنسى نوسه يا مصر

richardCatheart يقول...

لـــولا وزهـــراء

كلامك عن معرفتك بحالى الان صح انت ومونا وننوس من اكتر الناس اللى اكيد عارفين دا ولسه كنت بكلم مونا هى بتواسينى وننوس كتبتلى تواسينى واااااااااااه


لو اتكلمنا عن مواقف عمرو هنحتاج 14 سنه كمان علشان نقول فيها المشكله الناس اللى مش بتحبه ياما وخدينى بشكل سطحى بسبب الشكل الخارجى وصوته العالى او حاقدين عليه ودول اغلبهم فى مجال عمله

والله انا اتمنى يا بطوط اى حاجه تظهر بس يتكلم ونشوفه هايعمل ايه
لسه مونا بتقولى من حبه انه هايذيع من دبى
الظاهر مش مكتوب لنا يبقى فى اى حاجه حلوه فى البلدى حتى لو بسيطه

هو اكيد تصفيه حسابات بس شغاله من بدرى علشان تبقى ريقه وعلى الهادى

يارب يا بطوط نحتفل قريب ويرجع عمرو بصوته العالى واعلى التلفزيون على اخره
ربنا معه
واشكرك اوى يا بطوط تحياتى

ستيتة حسب الله الحمش يقول...

مساء الفل يا ريتشاردي

بصرف النظر عن عمرو اديب وهل هو رجل الحكومة ولا ناقد مصري لأوضاع البلد

عندي احساس دفيسسسسسسسسس ان دي حركة
وراجع
وفي الإنتخابات
ومعاه بونط ان البرنامج بتاعه ياعيني كان ها يقف
وانه مش راجل الحكومة خالص
وها يرجع هنا ومش من بره
ومن جوا مدينة الإنتاج الإعلامي
وممكن طبعا احساسي يبقى غلط وابقى جاهلة
وهو مين فينا يعرف هنا حقيقة كاملة او حتى ربعها
ها نشوف يا ريتشاردي
سريعا جدا كله ها يبان

تحياتي والبوست جميل جدا علشان طالع من معاميكك الداخلية المستخبية

richardCatheart يقول...

nasamat

ننوستى حمد لله على سلامتك ضلمتى مصر ونورتى الامارت والبلوج عزائى الوحيد انك لما بتسافرى بتلم عليكى

الكل هنا بعتلك سلامات كتير اوى والحاج بسلم كتير اوى

والعيال والقطط الحمد لله تمام

اه يا نوسه مانت عارفه اللى فيها يا اختى ربنا مايوجعلك قلب يا اختشى هههههههههه

طبعا العمليه فيها ان واخوتها وزى ماالكل بيقول تصفيه حسابات
يارب يطلع من اى حته بادمت دى بلد مابتقدرش النجاح فى صوره ربنا بس يسلمه ويرجعلنا بالسلام واللاوربت مش فقيره اكيد تقدر تعمل استيوديو كويس فى اى حته تانيه فى مصر غير مدينه النكد الاعلامى دى

منوره بيتك يا نوسه حمد لله على سلامتك

نسر الشرق يقول...

على فكرة من خلال رايك واراء الناس فى مدونتك اعتقد ان عمرو اديب نجح فى المهمة اللى كلفته بيها الحكومة
ده رجل متسلق مثله مثل محمود سعد والدمرداش ومعظم الاعلاميين المنافقين فى بلدنا
يشتموا فى الحكومة زى ماهما عاوزين بس مينسوش يشكروا الريس اللى بيعالج اخطاء الحكومة الوحشة دى
والحقيقة ياعزيزى البلد دى من النهاردة ومن زمان مفيش حكومة
حسنى هو الحكومة
مبارك هو الحكومة
وسلام بقى عشان معزوم عند الحكومة
http://nisr-elsharq.blogspot.com/

richardCatheart يقول...

ستيتة حسب الله الحمش

كالعاده بتقدرى وجداره ترسمى ابتسامه عريضع على وشى وانا فى اشد حالاتى بؤس

طبعا معاكى وارد اوى تحليلك يكون صح

ليه لاء وخصوصا اننا فى بلد السياسه فيها ليها قوانين تانيه خالص

هانستنى وهانشوف وبينى وبينك تعالى كده هاتى ودنك ياريت يطلع راجل الحكومه بس يرجع ههههههههههههههه

نورتينى اوى اشكرك يا ست الستات

richardCatheart يقول...

نسر الشرق

تعرف لما بتفرج على شو كوميدى بقولك زيك كده من كتر اللى بيقوله على حوكمهم

ورؤس الدولهوالحط الشنيع البهدله الساخره

لدرجه انك بتدمع من كتر الضحك والذهول

اقعد اقول ايه هو احنا هنا عندنا رائى لالالالالالالالالالالا مافيش احنا فى خرابه

بس لما برجع لارض الوقع بلاقى ان هو دا المتاح لحد دلوقتى وهو دا اللى احنا وهما قادرين نخده منهم حتى يقضى الله امرا كان مفعولا

بما انك معزوم عند الحكومه
فاوالنبى بوسلى الريس وقوله قلب القطه بتنونو عليك

اشكرك تحياتى ليك

الحب الجميل يقول...

ان شاء الله يرجع بالسلامة وينور المحطه من تانى
قلبك جميل يا مارو زى ما عرفتك ومش بيهون عليكى حتى البعيد عنك
رساله جميله
وحشتينى اوى كمان

Tears يقول...

عمرو اديب مميزاته اكتر من سلبياته بس المشكلة ان زعل ناس مهمة

مؤخرا عمل غلطتين فى حق الغنم جابوا اجله

اول غلطة ميله للدكتور البرادعى و دفاعه هو و مصطفى شردى فى واقعه صور ابنته على الفيس بوك

تانى غلطة فى نظرهم طبعا انه بيناطح المغربى و كل شوية يقول ان اللى حصل لمدينتى لازم يحصل لبالام هيلز و الفلوس المنهوبة ترجع للشعب

richardCatheart يقول...

الحب الجميل

وحشانى اوى يا حبو والله بس نروق من دخله المدارس ونظبط بعض

يارب يرجع بالسلامه ياحب

انت بس علشان حلوه بتشوفى الحلو ربنا يخليكى عموره طول عمره ليه وضعه عندى غير

ربنا يجبه بالسلامه

richardCatheart يقول...

Tears

كلام فله شمعه منوره وصح دا فعلا اللى حاصل فى الفتره الاخيره نضفله كلامه عن التوريث وحطه على احمد عز وتقسيمه المستمر فى اى كلمه تشير ليهم

وطبعا الناس دى مابتضربش على طول بترقد شويه

تحياتى ليكى واشكرك يا تيرز

SHAPE YOUR LIFE (ABOALI) يقول...

الحمد لله انك يا قلب القطة لازالت لك تلك النظرة العامة الشمولية التى تنظر الى الاحداث من بعيد
فبدل ان نصدر الاحكام متسرعين ونحكم على الاشخاص متجهالين ولو بعض نجاحاتهم
وانهم بشر يخطئون ويصوبون

تلك النظرة احسست بها من وراء كلماتك
وبالتالى تستحقى كل التقدير
لان الكثير منا لا ينظر الى كل الجوانب

موضوع عمرو اديب سلسلة لغلق بعض الافواه
التى تنطق بالحق احيانا فى اسلوب مباشر
مش سياسى كما يقولون

للوطن رب يحميه قادر ان يغيره
ولكن اذا وجد فينا الله الرغبة والعمل على ذلك

لك كل التقدير

richardCatheart يقول...

SHAPE YOUR LIFE (ABOALI)


تحيه يا ابو على على قدرتك لرؤيه ما اردت توصيله فقد اصبت الحقيقه

كلامك حقيقى اضرب الكبير يخاف الصغير

نورتنى كالعاده اشكرك

علاء المصرى كل يوم يقول...

السلام عليكم
مشكورا مجهودك

ألا طالعت قصيدة الرد على حرق القرأن

على http://elmsryklyom.blogspot.com/

دعوة للأطلاع

richardCatheart يقول...

علاء المصرى كل يوم

اشكرك على مروك الطيب

والقصيده الجميله

نورتينى اشكرك

موناليزا يقول...

مش يمكن تكون مجرد اشاعة عشان يشوف ردود فعل الناس واذا كانت عايزاه يستمر ولا لأ
عموما هيبان

richardCatheart يقول...

موناليزا


تصورى اغرب تحليل سمعته

لاء طبعا لان الموضوع قالب الدنيا ورؤساء مدينه الانتاج بيتكلمو فى كل حته وبيطلعو تصريحا بس الحمد لله هما كانو مش عايزين يقبلو الشيكات ابتدينا نسمع انه ابتدو يوافقو على قبول الشيكات

ربنا يسهل ويبان
ثم ان يا مونيا عمرو مش محتاج يجس نبض جمهوره لسه شايف دا يو م ليله القدر
ومحقق نجاح مهول

اشكرا جدا ونورتينى

مصطفى ريان يقول...

كل سنة وانتي طيبة يا مارو .. يارب تكوني بخير وفي احسن صحة وحال
بصي اناشايف ان عمرو احسن مذيع لانه عنده تلقائية وخفة دم وكاريزما وحضور طاغي وكمان ثقافة ونظرة واعية للمجتمع من حوله ومتابعة جيدة جدا لكل ما يكتب وما يقال ودة مش موجود عند مذيعين كتيراغلبهم سطحي وتافه وحتى مش بيعرف يقرأ كلمة واحدة صح
بالنسبة انا شايف ان دي مجرد قرصة ودن من الحكومة لكن عمرو اكيد راجع لان برنامجه فضفضة عن مشاعر الناس المكبوتة علشان تاني يوم يروحو الشغل مخلصين شحنتهم النفسية الغاضبة ضد الحكومة فما يكونش عندهم طاقة للمقاومة فتقدر الحكومة تسرقهم اكتر وتضغط عليهم اكتر واكتر
الفترة الجاية انتخابات ودوشة كتير وعمرو انسب حد للموضوع دة بالاضافة لخفة دمه وهو بيتكلم عن الزمالك اللي داخل على مشاكل جامدة في الفترة الجاية وعن المشاكل الاجتماعبة المختلفة خصوصا هزاره عن الستات
انا شكلى كدة طولت عليكي
كل سنة وانتي طيبة وبخير

نهر الحب يقول...

ازيك ياقلب قطة

يارب تكونى بخير

بصى بقى انا اتفق معك فى الكلام احيانا اتفق مع عمرو اديب او ختلاف معه يعجبنى اسلوبة او انفر منه الا ان لا احد ينكر ان الراجل دا بيتكلم بلسان الشعب سواء له علاقة بالحكومة او لا له مصالح او لاء
لكلا منا اكثر من وجه دا حقيقى يعنى

لكن ان تختفى القاهرة اليوم
ذلك قطعا يؤثر سلبا على الشارع المصرى لان القاهرة اليوم كان يتحدث بلغة يفهمها الاغلبية

تحياتى واحترامى لك ياقمر
وميرسى على المكالمة

richardCatheart يقول...

مصطفى ريان يقول...

متفقه معاك فى كل كلامك سواء عن عمرو وشخصه او الظروف اللى حاصله

وخصوصا موضوع قرصه الودن قبل الانتخابات طبعااااااااااااا

وهزاره على الستات ههههه


اشكرك يادرش نورتنى بجد

richardCatheart يقول...

نهر الحب يقول...


اولا مبروك على البرنامج قبال ما اشوفك سوبر استار يارب

معاكى طبعا ومعاكى اكتر ان اختفاء القاهره اليوم يؤثر سالبا فى الشارع المصرى لانه فعلا بيتكلم بلوغته وكمان بيقول اللى هو عايزه حتى لو مافيش حلول مجديا ولاونه فى مواقف كتير حا فيها بردو


تحياتى ليكى ونورتى المدونه ويارب ماتكونش اخر مره يا انوس

ابراهيم رزق يقول...

هما بيحاولو يخوفوه قرص ودن يعنى متعملش كده تانى يعنى لو تلاحظى فى الحلقات السابقة فتح موضوع التوريث وشعبية الحزب الوطنى فقالو فى عقل بالهم نحيده فى وقت الانتخابات ومتنسيش حلقة اسلام الكبير اللى تعتبر نموذج منفرد فى الاعلام العربى
تحياتى ابراهيم رزق

richardCatheart يقول...

ابراهيم رزق يقول.

كلامك فعلا وصح ولانى من المتابعين لكل الحلقات وكل الكلام حتى التقسيم بين السطور شايفه دا ومتاكده منه

بس مايمنعش انى قلقانه بردو

تحياتى ليك واشكرك

Timo.. يقول...

عمر زي اي حد بيغلط احيانا...
بس عنده ايجابيات كتير وبيعرف يتواصل مع الناس كويس ويقول الحاجة الجامدة بشكل فكاهي بسيط.
وده سر حب الناس له انه بيعرف يوصل اللي هما عاوزينة بطريقة بسيطة..
وعشان كده...لازم يتحارب.

اعتقد انه الحلقة بتاعت بدون رقابة مع "وفاء كيلاني" ليها تاثير على اللي بيحصل..

richardCatheart يقول...

Timo..


دا حقيقى ياتيمو وش سهل تلاقيه فى حد كتير

والجميل ان كل واحد بيدخل بيحط نقطه على سطر انت بتقول حلقه وفاء تيرز بتقول المغربى وكلامه وغيركم بيقولو حاجات تانيه واضح ان الاغلبيه لمست المصدر والصوره بتتأكد بوضوح

اشرك يا تيمو ونورتنى

well يقول...

ريتشارد ..
مفيش انسان كامل لكن الاجمل ان انتى اكتسبته صفاته الكويسة
انا بينى وبينك بحسده على كلامك الحلو ده
عقلية عمرو اديب هى اللى قدرت تصنع الاعمال الخيرية بنجاح
انا علشانك يا رتشارد هتابع عمرو اديب مع انى كنت بستكفى بمنى الشاذلى والطبعة الاولى حتى مبقتش اتابعهم وعشانك بردو فى كل مرة هسطب فيها نسخة لازم اسطب الفيرفوكس علشان مدونتك مش عارف ليه مبتفتحش على انترنت اكسبلور
اممممممممم
تحياتى يا قلب القطة

richardCatheart يقول...

well


ويل يا ويل نورت البلوجر تانى والله

كلامك صح شخصيته هى اللى نجحت الاعمال الخيريه ومع الوقت زودتها

ياريت والله تتابعه هاتحبه وهاتعرف وتتاكد ان كلامى مش بس كلام وهاتعرف انه اكتر حد بيستغل الجزء الانن اللى عندنا من الحريه وساعتها هاتبعه علشان هتحبه مش بس علشان خاطرى
ولاون دى كفايه عندى

اه طبعا لازم تصتب الفير لان لاحظت ان فعلا البلوج مابيفتحش غير عليها ومش عارفه ايه السبب والله ولو ماجتش هاتتضرب ياويل يا اخويا انت حر

اشكرك جدا ونورتنى تانى

محمود(باحث عن حب) يقول...

السلام عليكم
هو صحيح انا عملت بوست جديد بعد موضوع الطفله براءه
ولم يحدث رابطى عند اى حد من اللى ضايفين مدونتى
حتى انا ضايف رابط مدونتى ومظهرش الموضوع الجديد فى التحديث خالص
شلت الموضوع بكل تعليقاته ونزلته تانى برضوا مظهرش الموضوع الجديد
ارجوا المساعده