الاثنين، 23 أغسطس، 2010

خشخاشة

خشخاشة وعامله دماغ
فضحتنا فضيحة عظيمة
بيقولو لالاء خلاص
فعلا بلا قلة قيمة
والله ولا شغل السيما

دا الاسم بلد النيل
والميه مقطوعة يوماتى
والناس لسانها بقى مترين
من كتر ماهى بتهاتى
هاهائه يا قله قيمه
مابلاش بقى شغل السيما
وزمان بنينا السد
وجدودنا حيلها انهد
والدين بقى ماله حد
والنور مقطوع ليلاتى
والناس بتموت وتهاتى
ويوماتى من الحر نسيح
ونقول ف كلام أبيح
والحالة زفت بجد
دا الزفت لحد الخد

والنور فى مارينا ملعلط
وف فيلل الوزرا مشعوط
وبيسيناتهم مليانه ميه
حبايبهم فيها تبلبط
 واحنا صوتنا منبوح
ودى بقى مش قلة قيمه؟
ويقولو فين الخشخاشه
ماتروح ماطرح ماتروح
هاهائه ياقله قيمة
سلملى بقى عالسيما

ماهوسارق الخشخاشه حرامى
وسارق النور حرامى
وسارق الميه حرامى
وكفايه عليكو كلام
أحسن هاخسر صيامى

هناك 48 تعليقًا:

Ramy يقول...

ريتشادية

عودا أحمد

(:

أية الجمال ده

و لا هتخسرى صيامك و لا حاجة

دا الساكت عن الحق شيطان أخرس

تسلم ايدك

بذمتك مش قلة قيمه

Ramy يقول...

رمضاااان كرييييم

Ramy يقول...

صحيح ملقتلناش

لون الأوضة أيه ها ها

؟؟

طالبة مقهورة ..درجة أولى يقول...

قطتيييييييييي
وحشاني جدا جدا يارب يكون كله تمام وكل رمضان وانتي طيبة

ااااااااااااه اقول ايه بس ع الكلام ده والله مهازل يا اوختي الواحد مضطر يستحمل مهي مصر مامتنا برضه مش مرات ابونا..

ربنا يصلح احوال الجميع يارب
ايوه كده ارجعي اكتبي واطربينا :)

طالبة مقهورة ..درجة أولى يقول...

ع فكرة انا كومينت رقم 2

ومش هرخم بقى عشان متدعيش عليا وانتي صايمة الواحد مش ناقص ^_^

ماااااااشي يا رامي بس انا جاية من قبلك :)

الحب الجميل يقول...

هههههههههههه
بعد كل دا لسا مش هتخسرى صيامك
بس والله كلامك كله صح الواحد خلاص مش ملحقها من نور ولا حر ولا ميه ولا غلا ولا سرقه عينى عينك ولالالالالالالالالا

مين دول يا أختى بتوع مارينا دول
ها
مش فاهمه
ههههههههه
مارو عندك حق والله
البلد دى بقيت خيار وفقوووووووس
بوست جميل
تسلم ايدك
غيبتى ورجعتى بكلام يودى ورا الشمس
هههههههههههههه
سلملى بقى على السيما
ههههههه
دمتى بخير

حنان الشافعي يقول...

حلو يا ميرو
كل سنمه وانتي طيبه

mrmr يقول...

قطتى
حلووووووه بجد
ميه ونور وغلا وسرقه
يالهووووووووى
فاضل ايه تانى
بس كلمك كله ضووووووووووووووووورررر

حمد الله بس بس
بالسلامه يعنى
ههههه

زهــــراء يقول...

ماااااااااااارو

رمضان مبارك ونظيف وسرور وجمال مع تحيات الحزب الوطنى ......

يا بنتى صوتنا راااااااااااااااااح ومافيش حد بيسمعه خلاوووويص ليس لنا الا الله ندعو ونشتكى ....

وبعدين انتى بتعملى مقارنه بينا احنا ومارينا وفيلل الوزرا عيب اوى كده ينفع يعنى نتكلم مثلا على ملاعب الجولف اللى بتشرب مياه عمال على بطاااااااال واحنا هنا مش لاقيت بق المياه
حسبى الله ونعم الوكيل

يوووووووووووووووه

اللهم انى صائمه

سلامى للاسره كلها

داليـ ـ ـ ـ ـ ـ ــــا يقول...

ههههههههههههه

مادام بتتكلمى فى الحق
يبقا مش هتخسرى صيامك ولا حاجه

هنعمل ايه بقه ماحنا الشعب
احنا الشعب يعنى مينفعش نلبس جزمه بكعب
احنا نضرب بالجزمه اللى بكعب
لييييييييييه
عشان احنا الشعب

تحياتى

حنيــــــن يقول...

ههههه ماااشاااء الله عليك كل هذا بمصر الحلوة مهما كان يا عزيزتي تبقى فيها خير صدقيني لو ما حد بيسمع صوتك انتو باتحادكم ووقوفكم مع بعض بتسمعوا الصوت
صدقيني لو كنا متبعين سنة النبي صلى الله عليه وسلم كان ما صار فيكم ولا فينا هيك الله المستعان على كل حاااااال
بس بجد بوست روعة < ^_*

P A S H A يقول...

هاهائه ؟؟

هههههههههههههههههههههههههه

يا نهار أبيض على كمية الضحك اللي باضحكها دلوقت بسبب الكلمة دي .. ولا كلمة " أنا عاوزه أبيض يسعدك اشك اشك "
هههههههههههههههههههههههههههه

أحب أنا الكلمات الحية دي .. ربنا يا رب يجازيكي خير ويفرح قلبك زي ما فرحتيني

وكل سنة وأنتِ والحاج ريتشارد والأولاد طيبين وبألف خير وصحة وسعادة ورضا وراحة بال إن شاء الله .اللهم آمين

:)

رمضان كريم
۩

Tarkieb يقول...

بس الصورة عن شخاخة ههههههه.....يالا والله حالنا بقى خراوي بجد ....كل سنة وانت طيبة

دموع القمر يقول...

هههههههههههههه
ضحكتينى والله
قولى اللى فى نفسك اوعى تسيبى حاجة جواكى دا غلط على الصحه
اشمعنى اخترتى مرينا :) شكلك قضيتى فيها يومين ههههه
دى قله قيمة والله بس نعمل ايه
كل يوم نعبى الجردل عشان لو المية اتقطعت
كل يوم نعمل مراوح ورق من بتاعه الطفولة دى عشان نهفهف بيها على روحنا لما الكهربا تقطع
تخيلى كدا وانت صاحية ورايحه مشوار وعايزة تغسلى وشك وحاطة الصابون على وشك تلاقى المية مقطوعه مش مشكلة هتنادى على ماما ولا بابا يصبواعليكى
طب لو فى يوم باليل كدا بتستحمى وتلاقى مية قطعت ولا النور يجيلك صرع عادى هههههه
ولا مرة تكونى عايزةوتكوى وتلاقى نور مقطوعة

Ms Venus يقول...

مارووووووووووووووو

وحشتينى اوى اوى يا قمراية


ايه الكلام الجميل ده

ههههههههه والله معاكى حق فى كل كلمة


كل سنة وانتى بخير دايما ياارب

اقصوصه يقول...

رمضان كريم

وكل عام وانتم بخير

جايدا العزيزي يقول...

خشخاشه

حلو كتير العنوان


بس ارض مصر مليانه مشاكل اشكال والوان


غير الميه المقطوعه فيه قلوب موجوعه


فقر وامراض فى كل مكان


وغيرو وغيرو وريسنا كتر خيرو



عالطول ساكت عالطول ما يبان



تحياتى

أحمد الصعيدي يقول...

ايه الخشخشة اللي انتي عاملالها دي كللها يا حاجة ريتشارد وبعد ده كله تقولي هأخسر صيامي

أقوقك علي حاجة

شوفيلك بلحة

إفطارا هنيئا


السلام عليكم يا ستنا

العيسوى الصغير يقول...

يعنى عاوزة ايه بالظبط اطلبى حاجة واحدة
ايه دا كله مياه وكهرباء
اختارى حاجة

وهما هيعملوا ايه قى الحر
دا يتغير ازى بقا ؟؟

محمود(باحث عن حب) يقول...

هههههههههههههههههههههههههههه
ده كله
فى برنامج اسمه حاجه تفطر بتعرض على ontv
بتاعه نجيب باشا سويرس بيقدمه ابراهيم عيسى
هههههههههههههههههههه
والله عندك حق
وحسبنا الله ونعم الوكيل
وكفايه كده لان لو اتكلمت فعلا هفطر
كل سنه وانتى طيبه

mrmr يقول...

قطتى
لو محتاره ومنداره تقدمى ايه فى سفرتك انا بقدملك اقتراحات اتمنى تعجبك فى ركنى المفضل ركن المراه
http://www.soso73.blogspot.com/
اتمنى اقترحاتى تعجبك

عمرو يسرى يقول...

الله الله جميله جدا

اول زياره ليا واكيد ان شاء الله مش الاخيره
رمضان كريم

Wanda يقول...

قطة
ده من وحى اللوحة و لا الكهرباء و لا المياة
معلش بكرة كل يتصلح و تكتبى شعر تفاريحى
قادر يا كريم

موجة يقول...

يخرب عقلك
ايه الكلام ده
هرتوحى فى سكة اللى يروح ما بيرجعش يامارو
اسكتى وعيشى وسط عيالك يابنتى
ايه يعنى
هم بيقطعو الميه يا حبيبتى عشان يحسسونا بالفقرا مش كل شوية تبذير ميه تبذير ميه
وبعدين ماتنسيش انهم على ما بيملو البيسينات اللى موجوده فى مارينا
اما بالنوسبة للكهربا
عادى
بيقطعوها عشان تحسو بحر ربنا اللى بعته لينا عقاب
ايوة عشان نتعظ ونخاف من حر جهنم
وبعدين ماتنسيش برضو انهم بيعلمونا ترشيد الاستهلاك
بس بالحداقة
والحدق يفهم بقى يابلد مافيهاش حد بيفهم
:P

الشـــــوكه النــاعمه يقول...

يا مامتى عشان خاطرى بلاش كده
احسن تروحى بعد الشر فى الوبا
انشالله الاعداء
مارو الدنيا بجد بايظه
واهه حاميها حراميها
وحشتينى اوى

دموع القمر يقول...

الو الو الو
هل تسمعنى حول
نزلت الحلقه الجديدة من قلوب بلامرسى

قرفة يقول...

ازيك يا قطة
عاملة ايه
هههههههههه
انا روحت اسلم على جيرانكو وانا عند تركيب شميت الريحة وجيت قلت اجي اشوف ايه الريحة اللي جايبة لاخر الدنيا دي
انتي زعلانة من ايه احمدي ربنا انها بتتقطع وبعدين بتيجي
مش يمكن تتقطع وماتجيش؟
شفتي بقى احنا في نعمة ازاي؟

جوجو يقول...

السلام عليكم
كل سنة وانتى طيبة
جمييييل قوى كلامك
تحياتى

мαησηα يقول...

قطتى يا جميلة سلامتك يا حبى من الدموع والشحتفة

انتى والله كنتى معانا وسيرتك جت بكل خير والله العظيم

مش تزعلى بقه انتى كنتى معانا وملحوقة يا ستى ان شاء الله ربنا يسهل ونشوف بعض انا كمان هاتجنن واشوفك بصراحة

انتى سكررة خالص خالص يا حبيبتى وانا بموت فيكى بجد والله العظيم

واعملى بقه اشرافع التعليقات علشان احطلك رقم اللفلفون علشان نرغى سوياااا

انا احبك يا قطتى اوى

دموع القمر يقول...

ازيك ياقطتى انا جيت اطمن عليكى يارب تكونى بخير

عاشقه الرومانسيه يقول...

اتصلى بيا عايزاكى
بحبك

Hager ZaǮbal يقول...

تحفففففففففففففه :))

كوميديه اوي .. بس حقيقيه وتوجع اوي !

تسلك ايدييكي :)

وكل سنه وانتي طيبه :)

همسات وبحــ الحياه ــر يقول...

كل سنة وانت طيبة ياقمر
الحلقه الجديدة نزلت

فتاه من الصعيد يقول...

كل سنه وانتي طيبه يا جميله :)

معلش لو كنت موش قدرت أتابعك في رمضان :)

عيد سعيد عليكي وعلى كل الاسره :)

Ramy يقول...

ريتشاردية

أخبارك اية و أخبار الحج

كل سنة و انتم طيبين و كل العائلة الكريمة بخير

(:

بس أيه اللون الأسكندرانى دة

دة انا حسيت انى فى البحر (:

بجد جمييييل جدا

(:

Haytham Alsayes يقول...

كل سنة وانتي طيبة ياريتشارد
يارب تكوني بخير انتي الحاج والاولاد

norahaty يقول...

كل سنة وأنتِ
طيبة ياريتشارد
عارفة انى تأخرت
شوية لكن كل لحظة
وأنتِ بألف خير
ومبروك لولولوىىىى
خلصتى البياض والنقاشة

norahaty يقول...

كل سنة وأنتِ
طيبة ياريتشارد
عارفة انى تأخرت
شوية لكن كل لحظة
وأنتِ بألف خير
ومبروك لولولوىىىى
خلصتى البياض والنقاشة

MR.PRESIDENT يقول...

واجب اختياري لو مكنتوش حلتوه وأنا غيرت فيه سؤال
لمعرفة إطلاعتكم فلو عايزين تحلو خير وبركه ، ولو مش عايزين متقلقوش الواجب مش هيتحط في أعمال السنة .
ما هي كتب الطفولة التي بقيت عالقة في ذاكرتك؟
مَنْ أهم الكتاب الذين قرأتَ لهم ؟
من هم الكتاب الذين قررت ألا تقرأ لهم مجددا؟
في صحراء قاحلة ، أي الكتب تحمل معك؟
ما هو الكاتب الذي لم تقرأ له أبدا ، وتتمنى قراءة كتبه ؟
ما هي قائمة كتبك المفضلة ؟
ما هي الكتب التي تقرؤها الآن ؟
اللي بعت الدعوه ؟
أرسل الدعوة لمدون واحد علي الأقل من أجل مشاركتنا باطلاعهم في القراءة ؟

د. ياسر عمر عبد الفتاح يقول...

ههههههههههه
جامدة والله
والصورة كمان جامدة أوي أوي أوي ومعبرة


كل سنة وانتي طيبة
تقبل الله منا ومنكم

أحمد علي يقول...

كل سنة وانت طيبة، أنا قلت مابدهاش، لازم أرد المعايدة على مدونتك :)

داليـ ـ ـ ـ ـ ـ ــــا يقول...

ازيك ياعم فينك
خلصت انتا طبعا كده دهان العماره كلها
وعيدنا
وفضينا
عايزين نشوف جديدك بقه يازميل

Mahdy Moubarak يقول...
أزال المؤلف هذا التعليق.
Mahdy Moubarak يقول...

جميلة جدًا ، أعجبتني بشدة

تحياتى ، وكل سنة وأنت طيبة ، وآسف على إهمالي ، وأتمنى لو تملكي حساب فيس بوك ، التواصل معي عليه ، تجدين حسابي بالمدونة ، تحياتي ..

مهدي

Mahdy Moubarak يقول...
أزال المؤلف هذا التعليق.
خواطر شابة يقول...

كل سنة وانت طيبة عزيزتي
انتظر زيارتك لمدونة الليالي الرابط موجود على مدونتي لنتمم معا قصة قلب كامل
مشاركتك تهمنا
دمت بكل الود

صدى الصمت - عاشقة الورد - يقول...

كل عام وانت بألف خير
حقيقى كلام جميل جداً ومنمق
أحيك عليه

enjy يقول...

الاول كدة سلام عليكواااااااااا

ثانياً..أنا مكنتش بآجى عندك عشان القالب القديم كان بيفصل المدونة وبيخلينى معرفش أدخل ولا أقرأ أصلاً

ثالثاً..الحمد لله انك غيرتى القالب عشان كان هيشلنى

رابعاً..وحشتينى موت موت مووووووت