الاثنين، 23 أغسطس، 2010

خشخاشة

خشخاشة وعامله دماغ
فضحتنا فضيحة عظيمة
بيقولو لالاء خلاص
فعلا بلا قلة قيمة
والله ولا شغل السيما

دا الاسم بلد النيل
والميه مقطوعة يوماتى
والناس لسانها بقى مترين
من كتر ماهى بتهاتى
هاهائه يا قله قيمه
مابلاش بقى شغل السيما
وزمان بنينا السد
وجدودنا حيلها انهد
والدين بقى ماله حد
والنور مقطوع ليلاتى
والناس بتموت وتهاتى
ويوماتى من الحر نسيح
ونقول ف كلام أبيح
والحالة زفت بجد
دا الزفت لحد الخد

والنور فى مارينا ملعلط
وف فيلل الوزرا مشعوط
وبيسيناتهم مليانه ميه
حبايبهم فيها تبلبط
 واحنا صوتنا منبوح
ودى بقى مش قلة قيمه؟
ويقولو فين الخشخاشه
ماتروح ماطرح ماتروح
هاهائه ياقله قيمة
سلملى بقى عالسيما

ماهوسارق الخشخاشه حرامى
وسارق النور حرامى
وسارق الميه حرامى
وكفايه عليكو كلام
أحسن هاخسر صيامى

الأحد، 22 أغسطس، 2010

بحور الخير ............ خير بالهبل قبل مايخلص يا جدعاااااااااااااان

 
خييييييييييييييير بالهببببببل
يلالالالالالالالالالالالالا
 ياجدعان  قبل مايخلص يا جدعان


فرصه خصم اوكازيون  الشهر دا غريب  كل حاجه فيه كتير 

الاكل طببببببعا كتير اللمه كتير الصلاه كتير

الحسنات كتير الخير كتير المسلسلات كتير اوى

هانخد حته وحده من سفرة الكتير دى ونركز عليها

الحسنات شهر بتاع شوال حسنات عايز شوال وتعبى
تذكر الله تاخد تصلى تشيل تتصدق تلم

مابلنا بقى لما حد فعلا عايز ومحتاج وبيدعى 
كلنا بتمر علينا كروب وضيقات وحوجه
وربنا بيسخرلنا اللى يفوكها وبيسبب لنا الاسباب
شوف بقى لما تسعى انت بنفسك انك تكون من اللى ربنا بيسخرهم
لفك الكروب ولما تسعى انك تكون وسيله من وسايل الله عز وجل
ولما تسعى انك تكون سبب من اسباب العزيز الحكيم الرحيم
لاسعاد البشر والناس اللى بجد مالهاش غير الوهاب يوهب لها

لو عايزين فعلا يلا  سبكم من حلل رمضان
واغرفو من حلل خير رمضان خير بالهبل
هاتلاقوه فى التجمع اللى هايتعمل

يوم السبت 28 \ 8 
الساعه 3 العصر
امام مستشفى ابو الريش اليابانى للأ طفال

خلى بالكم الجنيه اللى مالوش قيمه معانا احنا
هايفرق كتييييييييييير معاهم وفى الشهر دا هايفرق كتير
معانا احنا كمان







كان نفسى طبعا اكون معاكم بس ادى الله وادى حكمته
بدعيلكم من قلبى ربنا يحفظكم ويثبت خطاكم
ويكترالخير على ايدكم يومها يارب 
ويشفى الجميع ويحفظ اولادنا يارب

تحياتى للجميع وبقول للناس اللى مقصره معاها
معلش اعذرونى وللناس اللى ماماقولتلهاش كل سنه وهما طيبين بقوللهم  كل سنه وانتم بالف خير وصحه يارب