الأربعاء، 21 يوليو، 2010

الدعوه عامه ........... يلا بيناااااااااااا + الدعاء لوالدته اخونا شارم



ازيكم يا جدعااااااااااان

يارب يكون الكل بخير وحب وسعاده

ويارب كل اللى عنده عمهم يكون انزاااااااااااح

ولو مانزحش ينزااااااااااااااح بأذن الله

بناء على رغبه من اختنا حبيبتنا الحب الجميل
هانعمل تجمع لاهل الاسكندريه المدونين

وطبعا الدعوه عامه لكل اخونا وحبيبنا

المدونين اللى يحب يجى ويشرف
 من اى مكان واى محافظه
ينورنا والله
ان شاء الله التجمع هايكون عند القلعه
التجمع اللى فات كان هناك بردو 
ولبسنها  ربنا يسهل المرادى
ومانقلعهاش
وهايبقى عقب صلاه الجمعه على طول 
تبتدى الناس تهل
يعنى الجمعه 23\7
الساعه الواحده والنصف
هناك عند باب القلعه
وحبه وهانزلكم رقم موبايل للمتابعه
ان شاء الله
0174203724
وبدعو كل حبيبى فى اسكندريه
اللى قابلتهم واللى ماقبلتهومش
وربنا يجعل جمعنا جمع خير ان شاء الله


قلبى مع تجمع المنصوره الجميل للتبرع بالدم


ربنا يوفقكم ويكرمكم يارب
ويكون تجمع خير يارب



ودى وحبى وتحياتى للجميع




اخوانى ارجو الدعاء لوالدته اخونا احمد
صاحب مدونه شارم


ربنا يشفى عنها يارب
اللهم انت العلى القدير
اللهم انت ذو الجلال والاكرام
اللهم اسالك برحمتك وعزتك وجلاللك 
الشفاء عنها وردها لاهلها سالمه
اللهم صلى وسلم وبارك على سيدنا محمد

هناك 34 تعليقًا:

MR.PRESIDENT يقول...

ربنا يشفيها ويشفي مرضي المسلمين وغير المسلمين قادر يا كريم .
ويهدي المسلمين وغير المسلمين قادر ياكريم .

ELMOSTAFZ يقول...

ربنا يشفيها و يخفف عنها برحمته...
امنياتي ليكم بلقاء سعيد بإذن الله...
تحياتي و ما يلزم...

SHAPE YOUR LIFE (ABOALI) يقول...

ربنا يهب الشفاء للجميع ويعفو عن الجميع ويرقق قلوبنا للجميع ونبتسم للجميع ويهب خيرنا لنا ويهب الخير لنا

اللهم امين

Ramy يقول...

ريتشاردية

يا رب يشفى والدة د/أحمد

و يعفى عنها بأذنه

بالنسبة للقاء أن شاء الله هاجى

بس أيه دة انا مكنتش أعرف أن فيه

لقاء فى المنصورة تبرع ):

بس أنا وعدتكم خلاص

بالتوفيق دايما

فاتيما يقول...

ربنا يكرم
ان شاء الله
و تقضوا يوم جميل

هستنى التفاصيل بقى بعيون قططية ناعسة

لما قريت تمنياتك
لتجمع المنصورة بالخير
عينى رغرغت
و انا بتلكك ع العياط اشاساً يعنى
و مش ناقصة

بجد

ربنا يديم الود ما بيننا
بحبكو يا عيال و ربنا يعلم



بوسات
و حضونات
و فعصات

فاتيما يقول...

ربنا ياخد بيد والدة شارم
ان شاء الله
تحياتى ليه
و ليكى يا قطاقيطو

Ms Venus يقول...

ياااارب ياارب اشفيها يااارب


ان شاء الله هتبقى كويسة وربنا معاها دايما ومعاك يا شارم

تحية ليكى يا احلى قطة

دموع القمر يقول...

ربنا يشفى كل مريض
نفسى اجى والله ونفسى كمان يكون فيه دعوة عامة كدا فى الشرقية ولا انتو زعلانين منها هههههه
تحياتى لك ياقمراية

الحب الجميل يقول...

ربنا يشفيها ويشفي مرضانا يارب العالمين
ويطمن الاستاذ احمد شارم على الحاجه الوالده ان شاء الله

اما بخصوص بوست التجمع بجد بشكرك وتسلم ايدك يا مارو
ربنا يخليكى ليا ويديم المعروف ياقطه

دمتى فى حفظ الرحمن

ستيتة حسب الله الحمش يقول...

وحشتيني يا قطة
ربنا يسعد قلوبكم
انا لسه راجعة وعاملة تان ولازمن ولابد ارتاح وانام إخه بخه :)
ربنا يشفي والدة احمد يارب وما يوريه فيها سوء
بحبك

richardCatheart يقول...

MR.PRESIDENT


يارب ياريسنا يارب يتقبل منك

اللهم امين

richardCatheart يقول...

ELMOSTAFZ

يارب يا مستا ربنا يشفى عنها هى وكل مريض يارب

ماتيجى يا مستا اشعبط فى القطار وتعالى هههههههه والله تنور اسكندريه يا جدع

richardCatheart يقول...

SHAPE YOUR LIFE (ABOALI

اللهم امين يارب العالمين ربنا يتقبل يارب

richardCatheart يقول...

Ramy

يارب يارامى يشفيها ويتقبل

اه فى لقاء فى المنصوره عايز ايه انت مش روحت مره كفايه ههههههههههههه

والله هتنور يا رامىماتزعلش هانخد منك شويه دم هههههههههه

وعد الحر دين عليه

richardCatheart يقول...

فاتيما يقول...

يارب يا تيما يا حبيبى

تعالى فى حضنى ياحبيبه قلبى لالالالالالالا ماتعيطيش ابدا هاعيط انا كمان والله

عيون قططيه ايه تقصدى عيون معمصه

هههههههههههههه

يارب يارب يديمه بنا ياتيما
ويكون تجمع المنصوره زى الفل يارب

richardCatheart يقول...

فاتيما

يارب يتقبل يارب

ربنا يطمنهم يارب

richardCatheart يقول...

Ms Venus
يارب يا فيو ربنا يتقبل

تعالى هنا يا هرابه انت اسكندارنيه وهربانه ههههههههههه

تعالى التجمع نشوف بعض

richardCatheart يقول...

دموع القمر

يارب يتقبل يارب

نطتى فى القطار وتعالى

بقى احنا نزعل من اجدع ناس اهل الكرم كله

يا عالم كل حاجه فى الدنيا ممكن اوى تلقينا عندكم

richardCatheart يقول...

الحب الجميل

يارب يارب يتقبل يا حب


تسلمى يارب انت بس يأمرى

يارب يديمه يارب

richardCatheart يقول...

ستيتة حسب الله الحمش يقول..

وانت والله وحشانى اووووووووووى

يا حلاوتك فى التان يا جامد لانسز اخضر بقى ويبقى احلى شغل ههههههههههه


والله انت سكره يا ست الستات اتمنالك نوم هاىء واحلام سعيده ونفسى بقى تيجى اسكندريه تبقى ايه فله شمعه منوره

يارب يشفيها يارب ويطمن قلوبهم يارب

محمود(باحث عن حب) يقول...

يارب
اعف واشفى كل\


مريض يارب


مقابله جميله ان شاء الله

كان نفسى
اكون معاكم
والله

بارك الله لكى

طالبة مقهورة ..درجة أولى يقول...

ربنا يشفي كل مريض يارب وميخليش حد يعاني...

عاملين لقاء :)
كان نفسي اشوفكوا واكون معاكوا
..بس كده مش هلحقكوا

جميلة اوي حملات التبرع بالدم ديه بما اني مكنتش متابعة فخت جولة عندك وعرفت النظام..انا فخورة جدااااا بكل اللي بيساهموا

تجمع موفق ان شاء الله ومستنية حكاوي وتفاصيل كتير

سلامات :)

Haytham Alsayes يقول...

قلب القطة

ازيك انا جي اسلم عليكي
واكيد الرحلة دى عتكون كويسة جدا
كفاية انها في اسكندرية

ربنا يشفي ام احمد بجد انا لما دخلت زعلت جدا وعرفت من المدونة بس للاسف عندى مشكلة في النت وبتكلم اساسا من سييبر

ربنا يشفيها ويخفف عنها
ربنا يعافيها ويشفي امراضها وامراض
المسلمين


تحياتي

دعواتك

aflam toreksh يقول...

مشاهدة افلام مصرية افلام مصريه اون لاين افلام مصرية للمشاهدة مشاهدة افلام مصرية جديدة 2010 مشاهدة افلام مصرية جديدة فيلم 2011 فيلم حمام النساء فيلم حمام النساء التونسي مشاهدة فيلم حمام النساء التونسى

فتاه من الصعيد يقول...

لقاء موفق في الخير ان شاء الله ..

وربنا يشفي والده اخونا د. شارم وكل المرضى يا رب

جازاك الله خيرا :)

richardCatheart يقول...

محمود(باحث عن حب

يارب يتقبل يا محمود ان شاء الله

ياسيدى الجيات اكتر وان شاء الله نتجمع كلللللللللللنا

richardCatheart يقول...

طالبة مقهورة ..درجة أولى

والله كان نفسى تكونى معانا يارودى

ان شاء الله نتجمع مره كلنا ويارت والله اقبلك ياجميل

والله وانا كمان فخوره اوى بيهم ربنا يكرمهم ان شاء الله

richardCatheart يقول...

Haytham Alsayes


ازيك يا هيثوم كويس انك طمنتا عليك والله كنت هاكتبلك فى مدونتك حرمنا ليه من بوستاتك الممتعه

ان شاء الله ربنا يكرمك والنت يصالحك ويشتغل كويس

فيك الخير يا اصيل ربنا يسلمك من كل شر

ويارب يتقبل منك دعائك يارب
والله كان نفسى تكون معانا ربنا يسهل ونتجمع على خير كلنا

richardCatheart يقول...

aflam toreksh


شكرا جزيلا

richardCatheart يقول...

فتاه من الصعيد

ربنا يخليكى يابنت الصعيد يا غاليه

يارب يشفيها ان شاء الله

ربنا يخليكى ونفسى مره تكونى معانا والله

علاء المصرى كل يوم يقول...

مش تقولو من بدرى كنت عملت حسابى

أفقدمونى لحظة هامه

شكرا

Sharm يقول...

جزاكي الله خيرا يا اختي الفاضلة
ربنا يخليكي و يكرمك يا رب
بجد مش عارف اشكرك ازاي
اللي عملتيه ده كبير اوي عندي بجد و اثر في نفسي جدا جدا

شكرا جزيلا

richardCatheart يقول...

علاء المصرى كل يوم

والله بقالنا اسبوع بنقول وبنعلن

معلش ياسيدى الجيات اكتر ان شاء الله

ربنا ييسر ونتجمع كلنا عن قريب

richardCatheart يقول...

Sharm

اهلا بيك ياشارم والف حمد لله على سلامه ماما

ربنا يتمم شفائها يارب

عيب يا اخى الشكر مش واجب فى الظروف دى

ثم ان كل ام لمدون ام لينا كلنا

ربنا يبارك فيها ويفرحها بيكم
يارب