الأحد، 25 يوليو، 2010

صايع بحر 2 ........ اسكندريه تاااااااااااااااااااااااانى



ازيكم يا جدعان 
بنات وولاد رجاله وستات
يارب يكون الكل بخير 
كل سنه والكل طيب ربنا يعيد عليكم
الايام الجميله دى بالف خير يارب
 اولا اسفه جدا على انقطاعى عن الردود فى بعض المدونات
والله غصب عنى بنفض الشقه عقبالللللللللللل عندكم يارب
وبغسل السجاجيد ااااااااااااه يا وسطى
ودا سبب تأ خيرى فى عمل بوست عن تجمع اسكندريه

انا مش هاسميه تجمع هاسميه لقاء لاننا مكناش كتير
كنا خمسه فى وش العدو

رامى مدونه بابى شرفنا ونورنا فى اسكندريه
والحب الجميل 

وبنوتتها لولو علياء
والحاج ريتشارد حبيبى
وانا العبده الفقيره الى الله
صحيح كان عدد قليل بس استمتعنا والله
مايقلش عن يوم التجمع اللى فات
ونبداء الرحله
 روحنا انا والحج بعد الصلاه على طول
وكنا هناك والحب الجميل لولو كانو فى السكه
الله يعنهم جاين من الطرف الاخر من اسكندريه
المنتره للطرف التانى بحرىىىىىىىىىىى
وايييييييييييييييييييييييييييو

اكتشفت منها فى الموبايل ان رامى ياعنى منقوع فى الشمس 
من الساعه 10 تقريبا وبقيت خايفه يدعى علينا

بصراحه لو مكانه كنت داعيت هههههههههه
حاولنا انا والحج نتعرف عليه من الناس الموجوده بس للاسف فشلنا فاستنينا الحب الجميل لغايه ماوصلت
وكلمناه وعرفنا مكانه 
وصلت الحب الجميل مع لولو بنوتتها واختها هدير العثوله
ربنا يفرحنا بيها يارب
وتجمعنا ودخلنا القلعه
رامى من اول وهله تحس انك شوفته قبل كده وشه
مريح ومألوف جداااااااااااااااااا

يلابينا يا رجااااااااااااااااااااااااله القلعه منتظرا
اقتحام حصونها المنيعه

دخلنا وجوا وقفنا اتكلمنا كتير قبل مانلف فيها
عن الحياه عموما والتدوين خصوصا المدونين
ومين بنحبه وبنتابعه ومين لاء طبعاااااااااااااا
ههههههههههههه

واحنا بنتكلم اكتشفت ان رامى اكتر مرح
من ردوده ومن بوستاته وبسيط جدا وجدع وطيب اوى
الحج كمان كان سعيد جداااااااااا به وبالحب الجميل
حبهم جدا وسعيد اكتر انى بعرف ناس جميله وكويسه
سواء اللى قابلهم فى التجمع اللى فات
او المقبله دى
اتكلمنا كتير فى كل حاجه الدين والسياسه
والحاله كله كله
وفى حركه جريئه طلعلنا رامى بارات
شيكولاته كادبورى من اللى قلبكم يحبها
العيال بتشكرك جدا ياعم رامى على الشيكالاته
وبعدين يلا بينا ربنا يدينا الصحه فى الفه دى
طلعنا القلعه واتفرجنا بس بصراحه
انا والحب الجميل فيصناااااااااااااااااااااااااا
من السلالم التنفيض كان هددنى اااااااااااااه يا وسطى
واتصورنا شويه صور جميله اخر 135 حاجه
وطبعا فى النزول والطلوع كنت بحكىلهم
عن التجمع اللى فات وتعليقتنا على السلالم
واحنا بنضحك ومبسوطين اووووووووووى
دا  رامى للى مش عارفه بتىشيرت موف  مع الحج ريتشارد بالتى شرت الاسود
فى الانتريه بتاع القلعه

هنا بقى
فى السفره بتاعت القلعه
معلش هى لسه على الطوب الاحمر بس لما هاتشطب هاتبقى 
حكاااااااااااايه

معلش بقى انا والحب الجميل ماتصورناش 
ماكناش فاضين كنا بنشطف المواعين 
فى مطبخ القلعه

واستمرت الرحله
الجميل ان الحج وقع فى غرام لولو وطول السكه ماشين
يتكلمو مع بعض وانا اخدت صابونه لوكس
هههههههههههههه
اتصلت بينا الشوكه الناعمه  حبيبتى اللى كانت زعلانه جدا 
وكان نفسها تكون معانا بس صعب جدا
وقالتلى ان ماماتها قالتلها هاشيل اسكندريه دى من على الخريطه
فاهى ردت لالالا خلاص ياماما سيبى مارو تاكل عيش
هههههههههههه ربنا يخليكى ياشكشوكه ياختى
وكمان اتصلت موجه الجميله بس للاسف مالحقتش اكلمها كان نفسى اسمع صوتها بس ملحوقه الجيات اكتر ان شاء الله
وحاولنا الاتصال اكتر من مره بالمستفز حسنى محمد
اللى بقوله مستا صاحب مدونه مذكرات مريض نفسى
كان نفسى اكلمه والله بس ان شاء الله نتقابل عن قريب
وطلعنا من القلعه وكنا جعانين جدا
روحنا الزعيم وضربنا بيتزات بس الاكل كان ياعنى
المره اللى فاتت كان احلى انتو عارفين بقى الزحمه 
وشغل الصيف
وكملنا كلامنا واحنا بناكل 
وخلصنا طلعنا على القهوه اللى جنبه
ضربنا شاينا وقهوتنا وباباغنوجنا
لغااااايه ماكلنا قولنا يلا
ركب رامى لسيدى جابر علشان يلحق قطر الساعه 8
وركبت لولو والحب وروحوبالسلامه بعد مغامره
حلوه فى السكه هههههههههههههه
وانا والحاج كنا معزومين على الغدا عند اخويا
اتصلنا اعتذرناله واتمشينا لغاااااااااااااااايه المنشيه
ومن هناك استقلينا المشروع الهمام اللى بتقولو عليه مكروباص
 ودى شويه صور صورتهلكم من المشروع
للغروب الجميل فى اسكندريه معشوقاتى





وفى اخر الرحله بشكرك ياحب ياجميل
اوى على اليوم الجميل زيك دا يارب من احسن لاحسن
وتفرحى بلولو الجميله يارب ويديم صداقتنا
ان شاء الله
وبشكرك يارامى يا طيب يا كريم يا اخلاق
وربنا يجمعك انت وملاكك نصك الحلو على خير
ونفرح بيك عن قريب وربنا يديم المعروف بنا يارب
وان شاء الله تتكرر ونكون جمع اكبر

سلالالالالالالالالالالالام

هناك 31 تعليقًا:

MR.PRESIDENT يقول...

بعد السلام والتحية
أما بعد
من رئيس الجمهورية
إيه دا دا تجمع أكتر من 4 يعني قانون الطواري قصدي الإرهاب ..
وكمان اتكلمتوا في الدين يا قميص اثود .. يا خبر سياسة .. لالالالالالالالالالا
خلينا ماشين تحت الحيط عشان لو مشينا فوق الحيط ممكن يعتبروني برص وبالمركوب علي طول .. :))
أنا قلت بس أرزل وامسي وارمي سلام
وعبال كل تجمع ما يكون في طاعة الله
تحياتي الرئاسية لكل الحضور
يلا باي
قصدي السلام عليكو

SHAPE YOUR LIFE (ABOALI) يقول...

احتلالالالالالالالالالالالالالالالالالالالالال بقى من نفسى

ابوعلى واحد

بس حبة صور ماشاء الله

SHAPE YOUR LIFE (ABOALI) يقول...

ههههههههههههههههههههههههه
طلع احتلال فشنك
الريس لاحق الاول

مش كفاية عليه البلد
كماااااااااااان المدونات

منك لله ياريس

SHAPE YOUR LIFE (ABOALI) يقول...

نعلق بقى بجد

لما بيحصل التقاء بين اناس تعرفوا عن طريق الاسلاك (النت يعنى )
ويتقابلوا فى الدنيا

يكون طعم اللقاء مخلتف وله مذاق خاص
ويدور فى الذهن توقعات بشكل معين لهولاء الاشخاص طبقا" لكتاباتهم ونوعيتها

وسبحان الله
هناك قلوب تئتلف فى لحظات وتتلاقى
ويكون الاندماج كاءنها عشرة سنوات

لذا تسمى هذا اللقاءات لقاءات الرغبات والدخول للعمق
ويكون تبادل الفكر والشكل والمعنى والكلمة حوار ثرى ينم عن قلوب بالفعل بيضاء ترغب فى كل نماء

كنت مستتمتع بعرضك يا قطة القطط الاسدية
وطريقة سردك الرائعة وماشاء الله
ربنا يهب القلوب السعادة ويؤلف بينها

ويكتب الله لى ان التقى باءناس بالفعل دخلوا القلب من خلال كلماتهم
وكانت لهم مكانات خاصة

مرة اخرى مليون لقاء ولقاء تحمل كل السعادة والتحاب

تقديرى

الشـــــوكه النــاعمه يقول...

وحشانى يا جميل بجد انا كان نفسى اوى اكون معاكم
بس فرحانه اوى لما كلمتكم
انشالله يكون فى نصيب واشوفك يارب
انتى عسل ولولو دى سكر خالص
كمان رامى ربنا يحميه يارب مؤدب وزوق جدا
انا عموما المكلمه خففت حده الموقف عليا
كونى بخير يااجمل مارو

موجة يقول...

السلام عليكم ورحمة الله وبركاتة
قلب القطة
طبعا دى اول مرة تقريبا اعلق عندك فيها
على ما اظن
!!!!!!!!
الزهيمر عامل عمايله معايا
اول حاجة لفتت نظرة فى المدونة
طبعا
اسم البوست
اللى بيحكى عن اسكندرية واللى عملتوة فى اسكندرية
وانا بجد كان نفسى اكووون معاكو
بجد بجد
وربنا يعلم انا كنت بتمنى اشوفكو والله
وبعدين عاماله تغيظينى وتحكى عملتو ايه
وقلعة قايتباى اللى انتو فيها
والحاجات الحوة دى كلها كانت من غيرى؟؟؟؟؟؟
ماشى ماشى
تانى حاجة لفتت نظرى فى المدونة
صورة القطة اللى مكتوب عليها
القطة اصلها اسد
!!!!!!!!!!!!!!!؟؟؟؟؟؟؟؟!!!!!!!!
نو كومنت
شكرا ليكى رغيت كتير انا عارفة
بس من عشمى بقى

mrmr يقول...

قطتى
ايه الجمال ده
بجد بجد كنت اتمنى اكون فى هذا اللقاء رامى والحب الجميل وقلب قطتى الحلوه ولولو الاموره
بس انا مش اعرف الحاج ريتشارد
بس نتعرف ما فيش مانع
يومكم جميل وبيتزا وشيكولاته
ماشى يا رامى انا بمووووت فيها طيب ابعتلى حته هههههههه
انت اهووو رايح الاقصر ابقى اقف فى سوهاج شويه
اه لو كنت قريبه بس من اسكندريه
لكن اقول ايه نصيب
مرسى يا قطتى على سردك للاحداث لانى بجد كنت نفسى اعرف يومك عدى اذاى
ان شاء الله اللقاء الجاى يدبر ربنا واكون معاكم
ونبطل شغل الصعايده
هههههه
ربنا يسعدك ويفرح قلبك


على فكره انا ح احقد عليكم هههههه

ستيتة حسب الله الحمش يقول...

طب بتاخدي بدل سجاجيد ولا ايه ظروفك؟ :)
ربنا يديكي الصحة ويبلغنا واياكي رمضان بخير
انبسطت اني شوفت رامي وبالمناسبة هو شكل بيير
يعني الواد لخالو فعليا وحقا ووراثيا :)
ربنا يديم سعدك وهناءك وسلامنا للحاج والعيال

الحب الجميل يقول...

مارو
ربنا يخليكى ليا ويارب كل خير يبقا بينا
انبسطت فعلا يوم اللقاء وكان الاجمل وجودك ووجود الحاج محمد ورامى الطيب

ناس فعلا طيبه وجميله وقلبها جميل

اليوم كان ممتع فعلا وانشاء الله يتكرر بالصحبه الحلوة دى

بس حلوه اخدتى صابونه لوكس دى
ههههههههههههه

ونورتنا يارامى بجد فى اليكس
ربنا يسعدك يارب مع ملاكك الجميل

لـــولا وزهـــراء يقول...

ماروووووووو

كان نفسى اكون معاكم بس شوية ظروف كده

يارب يديم المعروف والخير والاخوه فى الله
سلام كبير لمحمد وللولاد

على فكره هاجى اشوف السجاد بعد ما تغسل هههههههههههههههههههههه
ربنا يديكى الصحه يا قمرايه

زهراء

ELMOSTAFZ يقول...

تصدقي يإيه كان نفسي اكون معاكوا أوي ، بس بعد ما عرفت موضوع القلعة ده حمدت ربنا اني مجيتش عشان مروحش بيتنا بتسلخات م الشمس و حرها ، مافي اختراعات تانية في اسكندرية غير القلعة دي و كلها ضل و طراوة :)
طبعا رامي هايقول امال لما تدخل الجيش هاتعمل ايه يا حسني ؟ أما أدخل الجيش يبقا يحلها ربنا يا رامي :)
الموبايل مكنتش سامعه أنا و الله آسف بجد ، بس قولت لرامي يبلغكوا سلامي و اتصلت بيه بعد كده بس كان فلسع ع المحطة ، و زي ماقولتي الجايات أكتر بإذن الله ، بس من غير القلعة :)
رامي هنا حالق دقنه زي صورته ف مدونته مفروض كنتوا تعرفوه بسرعة ، أمال أنا أعمل ايه كان لازم أضرب الودع و اشم علي ضهر ايدي عشان اعرفه بدقنه :)
هنيئا لكم اللقاء ، ربنا يزود من لقائاتكم...
مع تحياتي...

Ramy يقول...

(:(:

ريتشاردية انا مش هقول غير دة كتير عليا

و شكرا للناس على ذوقها و استنوا البوست

انا كنت هنزله يوميها

بس كان لازم اعما بوست جدة الأخت منى

سلام واقابلكم فى المدونة عندى ان شاء الله

ربنا يحميكوا و سلميلى على الأستاذ محمد كتير

و سلمى على الأولاد (:

ربنا معاكم دايما

فاتيما يقول...

آه

فكرتنى باللقاء الذى مضى
كان يومااااا برضو


الحمدلله انكم انبسطتوا


و ايه حوار السجاجيد دا ؟؟


انتى من القوم اللى ستات بيوت
و عندكو ذمةو بتاع
و بتنفضوا سجاجيدكو و كدا ؟!!!

علاقتى بيكى هتبتدى تتهز دلوقتى




كان نفسى
اكون معاكو
بس معلشى


المرة الجاية خلوا بالكوا

فيها لأخفيها
هه


بوسيلى العيال
و روحك
و سلامى للحاج ريتشارد الاخلاق


بوسات
و حضونات
و فعصات

يــوم جــديد يقول...

3 حاجات
1- ألف سلامة على ضهرك ووسطك وكل الحاجات :)
2- الحمد لله على رجوعك يالسلامة لمدونتك
بيتك ومطرحك
3- إن شاء الله هكون في اسكندرية السبت القادم هشوفك ولا عندك سجاجيد :)

Ms Venus يقول...

كل تجمع وانتوا بكل خير يا قطتى يا جميلة


كان نفسى اكون معاكم

لكن الظروف مش تسمح للاسف

يلا كأنى معاكم بالظبط


احلى واجمل ورداية لمارووو

وبووووووووسة كمان

فتاه من الصعيد يقول...

كل لقاء وانتم طيبين وبخير يا رب :)

تحياتي

مي يقول...

والله كنت قايلة للحب الجميل ومتفقة معاها عشان افعص لبت لولو
ولان ميرو ومروان وحشششششششششششششششنى كتير اوى
وكنت ناوية اخرج من القوقعة اللى انا فيها بس للاسف يوم الجمعة جالنا ضيوف وكنت هكلكموا بس كانوا معزومين عالغدا وكنت مطحوووونة قلت يمكن يفلسعوا واجى لقتهم قعدوا لبليل
عااااااااااااااااااا
بس تتعوض ان شاء الله

Wanda يقول...

طيب افهم طيب بس
انت قطة فى كل مكان :-)))
فسح فى الاسكندرية و احتلال فى المدونات
و محدش عارف يمسك
الا الحاج طبعا :-))))))
يظهر اليوم كان جميل
انشاء الله يتكرر ثانى و ثالث و سابع

بس سؤال بس مين الصايع البحر بالتحديد ؟؟

norahaty يقول...

أهـــ اهـ أهـ
ياووووسطى:):)

norahaty يقول...

ههههههههه
هههههههههه
ههههههههههه
الله يسامحك ياريتشارد
عليكى وعلى حكاياتك
سكرررررررررررررررررر

norahaty يقول...

إنما حلوة اوى
القلعة التلات مطارح
وصالة دى بس ناقص التشطيب
عايزينه سوبر لوكس لووووو
سمحتى ياعنى:):):):):):):)

norahaty يقول...

كل لقاء فى الخير
وأنتى طيبة وحبايبك
طيبين يارب يارب يارب

جوجو يقول...

السلام عليكم
اول زيارة
المدونة حلوة ما شاء الله
رحلة سعيدة
جميل اوى اننا نتعرف على بعض
تحياتى

richardCatheart يقول...

MR.PRESIDENT

هههههههههههههههههه والنبى بلاس البرص بخاف

ياعنى قولنا ريسنا الجديد حونين على الشعب هاتهشتكو وتبشتكو تقوم تقول قانون ايه وابصر ايه
لالالالالالالالالالالالالا كده بقى نروح ننتخب البردعى يا عم

ان الشاء الله مره الجايه معانا
ونكون كلنا صحبه

richardCatheart يقول...

SHAPE YOUR LIFE (ABOALI)

ههههههههههههههههه انا عملتلك عقده ولا اييييييييييييه؟؟؟؟؟؟؟؟؟؟؟


بجد عجبتك الصور شوفت الغروب من المشروع
هههههههههههههه

richardCatheart يقول...

SHAPE YOUR LIFE (ABOALI)

هههههههههههههههههههههه طلعت أوت معلش انا كمان ساعات بتطلع منى أوت

بس كتر التدريب هايخليك تحتل صح مع الوقت للاحتلال اصوله يا ابو على هههههههههه

هاديك كورس احتلال

richardCatheart يقول...

SHAPE YOUR LIFE (ABOALI)

كلامك صح مليون بالميه فعلا

وفى ناس كمان مابتبقاش حابب كتابتهم لما بتقابلهم بتلقيهم غير فعلا وبتشوفهم بعين احلى

اشكرك على كلامك الجميل اللى مش غريب عنك
ويارب يكون لينا نصيب القا فى يوم من الايام

richardCatheart يقول...

الشـــــوكه النــاعمه

انت كتر يا بت يا شكشوكه ابقى قوليلى اخبار النت ايه

والله انت اعثل ربنا يفرحنى بيكى وفعلا لولو سكره ربنا يحيمها ورامى والحب ناس جميله ربنا يديم ربنا المعروف

واللقا نصيب ياعالم يمكن نتلاقى قريب
قولى يارب
ابقى طمنينى عليكى

richardCatheart يقول...

موجة


ازيك يا موجه منوره والله هى فعلا اول زياره تقريبا الزهايمر شغال الحال من بعضه يا اختى

ههههههههههههه ياستى بسيطه بس تعالى انت واحنا هانهريكى شيكولاته بس انوى وتعالى

وليه نو كمنت على صوره القط اصل اسد
ههههههههههههههههههه وكل دى علامات تعجب واستفههامقولى اللى نفسك فيه ولا يهمك
هههههههههههههههههههههههه
والله انت عثوله انت ترغى براحه راحتك دا بيتك يا موجه
بس انا اللى استغربته انك موجه ومس سواحليه عاداتا السواحليه هما اللى بيختارو الاسامى دى والله كنت مفكراكى اسكندرانيه اهلا بيكى يا موجه فى اى وقت

richardCatheart يقول...

معلش يا جماعه فاصل واواصل الردود

هاقوم اخلص البيت وجايه

دموع القمر يقول...

اتغاظ انا ولا اتغاااظ هاااااااا
شكله كان يوم جميييييل
كان نفسى بجد اكون معاكم
ونفسى اقابل المدونين اللى بحبهم بس يلا خيييييييير
احبك فى الله