الخميس، 17 يونيو 2010

الغلاوووووووووووووى + تحديث

معلش يا جماعه غيرت قالب المدونه
لانه كان تقيل اوى عند ناس كتير
ومش عايز يفتح معاهم
مع انى كنت فى منهتى السعاده به
بس جنه من غير ناس ماتنداس
ونقيت اخف قالب يارب يكون خفيف عندكم
ولو فى اى حاجه ياريت تبلغونى
تحياتى للجميع










الغلاوى

لكل واحد الغل ركبه
عايش ف ديله عبد ذليل
واحده واحده دى النفس زايله
هى واحده ومالهاش بديل
شاغل دماغك ب دا  ودول
وراحو فين   وقال وقيل
هاقولك ايه خليك فـ  حالك
صدق اللى قال انسان سئيل
رافع رايات الدين شعار وانت
جاهل فكرك هزيل
نفسك مريضه وجاهل بدينك
وفوق ده كله عقلك عليل
عندك وشوش ...وشوش كتير
لكل وش ... مليون بديل
دا وش تقوى, ودا وش حب 
ودا وش الحنان الجميل
وقلبك فاسد, كداب, وحاسد 
استاااااااااذ ف التمثيل
ومهما طال عليك زمانك
مسيرك يبان وشك الغليل
هاتعيش حياتك كاره لنفسك
حاسد لنساك ونهارك هايفضل ليل
افضل اهرى وانكوت ف روحك
اخرتها ليك مرض طويل
دا الغل داء مالو دواء ياكل فى صحبه
يدمن فى شره  ويفضل يعاني
عايز امارة ...عايز دليل؟
آدي الغل ركبك مخليك
ذليل


بقلم  ريتشارد وقرفه

هناك 80 تعليقًا:

Tarkieb يقول...

ايه ده؟ ههههههههه متجمعين عند النبي اجيب صورة بقى ونادو نسمات ونلعب فيه ايه ياعمي...

قرفة يقول...

التعليق ده محجوز لزعربة النسمات زعاريبو
عشا النت بيغلس بس لازم تكون موجودة

قرفة يقول...

العب ياعمي البيت بيتك

Tarkieb يقول...

والشخص ده نعرفه ولا من خيال الشاعر؟

richardCatheart يقول...

ياعنى لازم فى ايه ياعم علشان تيجى

خلاص نلعب يلا

ههههههههههههههههههههههههه

بس ماقولتش رئيك فى الكلام
مش ترفع معنويتنا

Tarkieb يقول...

قوية والله .....

قرفة يقول...

اكيد كل الانماط موجودة حوالينا حتى لو من خيال الشاعر هتلاقي الدنيا مليانة
طيب ادينا جبنا الصور حل انت مرة
بقى زي زمان

MR.PRESIDENT يقول...

بعد السلام ..
تعظيم سلام
لاحلي الكلام
----------
الكلمات طيبة فيها نغمة .. اللهم النصف الثاني من الارجوزة إما اختل النغم أو انا اللي معرفتش اقراها بنغم ..

تحياتي .. ويموت الغلااااااوي مدام ع الشر ناوي

الحب الجميل يقول...

جميله يامارو تسلم ايدكى

كتير فى حياتنا غلاوين ولبسين قناع مدارين فيه

البوست جميل ياقطتى ومن واقع حياتنا اللى بنعشها وبنقابلهم كتير وربنا يبعدهم عننا وعنك

دمتى بخير وحب

الحب الجميل يقول...

تسلم أيدك ياقرفه
تحياتى

هوبتي يقول...

ايه الجمااااااال دا يا ريتشااارد رائعه بجد
انا بحب النوع دا من القصائد بتعجبني

أم الخــلـود يقول...

آه جرت لما تنكوي الروح .. صعب جدا الواحد ينكوي بنارها .. دندنة جميلة جدا .. سلمت الأنامل.

ولو أمكن غاليتي كتابة (حملة الجسد الواحد) فوق صورة جنسيتي إنسان حتى تكون واضحة أكثر وبارك الله فيك ..

وقد أنزلت في مدونتي تدوينات خاصة بالحملة وأبعادها فأرجوا المرور عليها لتعرفي آخر تطوراتها وجزاك الله خير الجزاء.

الشـوكة الــنـاعـمـة يقول...

ايه ياعم الجمال ده
تصدقى انتى قولتى كلمتين واقفين فى زورى بس
ماكنتش عارفه اطلعهم
دومتى متألقه

عاشقه الرومانسيه يقول...

اعوذ بالله من الغل والغلاويين

بس بجد الله ينور عليكى
ابدعتىىى
والنيولوك جنااااان

Tears يقول...

و الله تستاهلى بوووسة :)

عجبنى جدا جدا اللى انتى كتابة و زى ما اكون عارفه الشخصية اللى تستحق يتقالها الكلام ده بس مش عارفه تقصدى نفسك الشخصية و لا غيرها لان النمط ده مالى الدنيا

المقطع ده حلو اوى

رافع رايات الدين شعار وانت
جاهل فكرك هزيل


بس الاحلى اللى كتبتيه فى الاول...خليك فى حالك

لو كل انسان ركز فى نفسه دون فرض وصاية على الاخرين و دون تسلط و ادعاء علم و فرضه على الغير كنا ح ننتج و نبدع اكتر

فيه ناس الغرور راكبها لدرجة انهم بيعتقدوا انهم يقدروا يمارسوا صفات الهية و يكفروا الناس و يحددوا درجة ايمان الاخرين مع انهم مجرد بشر زيهم و يمكن أقل

برافو عليكى التنوير ده...بعتبر دى بداية جديدة للمدونة بتاعتك

شاطرة يا قلب القطة القوية

غير معرف يقول...

جميله اوى ياماما فكرتنى بوحده صحبتى انت عرفاها

جميله اوى ياطنط قرفه


قلب القطه الصغيره

مريهان

مي يقول...

تعليقى بعد ميرهان
لووووووووولى وحشتينى جدا جداااااااااااا
هاتى بوسة الاول قبل مامتك


جينا لمارو العثل هاخد بوسة بالعافية من مروان هو كمان راجل راجل انا انحرفت بقى نيهااااااااااا


عقبال يارب مانعمل لميرهان ولمروان وافرح بيهم قريب مع ان كده هنكبرك ياجميل وش بيغمز

حلو اوى اوى الكلام ربنا يكفينا شرهم ومتزعليش منى بس مش متااااابعة خالص مالص اى حاجة يادوب بفتح عالفيس شوية وانااااااام

بحبببببببببببببك يا قمر
بوسات كتيرة لحد ما اشوفك قريب اوى
سلام

داليـ ـ ـ ـ ـ ـ ــــا يقول...

على فكره النوعيات دى فى منها كتير اوى اليومين دول

عجبتنى حتة انكت فى نفسك
هههههههههههه

ربنا يهدى ويصلح الحال

تحياتى ياقلب القطه الرقيقه

لـــولا وزهـــراء يقول...

هههههههه جميلة يا مارو وعجباني

" استاااااااااذ ف التمثيل"
=))=))=)) ...


في ناس بتنجح في فن التمثيل من غير ما يتخرجوا من معهد التمثيل وبيكونوا اساتذة ..مبيحتاجوش الشهادة في حاجة هما موهوبين بالفطرة :d


بالنسبة للتظاهر بالتدين فربنا شاهد ع العقول مش احنا

تسلم ايدك انتي وقرفة برافو كبيرة
لـــولا

norahaty يقول...

بعيد عنك!
الغلاوى بيحرق
فى قلبه ونفسه
قبل ما بيحرق
غيرهـ!

ستيتة حسب الله الحمش يقول...

روحي يا شيخة إلاهي يسعدك
انا ادخل ألاقي نفسي في البحر ببلبط

اولا تقلبي المدونة بحر وانا في الحر بسيح
أحبك
تقولي كلام انتي وقرفة يجنن
احبك
تقرأي حال المصري النهاردة اللي قلبه بقى كاروهات
احبك
تسيبيني أبلبط وأخد بونطة في المدونة
احبك
تأكليني بكلويز النهاردة وانا قاعدة على بحر المدونة
احبك
وكده كده يا ريتشاردي حتى لو ما عملتيش حاجة
بحبك

richardCatheart يقول...

Tarkieb

مش اقوى منك يا عمو سيد ههههههه


منورنا يا تيكو يا بو التيك

richardCatheart يقول...

MR.PRESIDENT


ياهلا بالريس مش مهم تقرها بنغم المهم

انها وصلتك معنى ومضمون ولقتها تانى كذا مره هاتتظبط فى النغم بس الاهم عندى

المعنى يوصل ودا المهم

يسلم بؤك

يموت الغلاوى بادام عالشر ناوى

منورنى يا سياده الريس

richardCatheart يقول...

الحب الجميل

دا حقيقى ياحب بنقابلهم كتير يمكن الاول كنت بحتار بس مع الوقت خلاص الوشوش بتقع وبيتكشفو

تسلمى يارب كويس انها عجبتك ياحب

يارب يبعدهم عننا يارب

منوره الدنيا

ELMOSTAFZ يقول...

يا ساتر يا رب...
مش عارف ليه حسيت في الأول ان الكلام منطبق عليا عشان بقعد اتفزلك كتير ، بس انا عمري ما اتفزلكت في الدين ف قلبي اطمن..
انا سبت البوست و الكلام و عجبني منظر المية ، حاسس اني بعوم جوا البلوج...
ربنا يكفيكي شر الغلاوييين ، بس انا مش فاهم معناها ايه الصورة اللي في الآخر دي و بترمز لإيه بالظبط...
لكي اجمل تحية...

Ms Venus يقول...

وااو وااو


جميلة اووووى يا قطتى


الكلمات فى الجوووون


وردة لاحلى قطة

قرفة يقول...

الحب جميل
شكرا ليكي

همس الاحباب يقول...

تسلم الايادى
الكلمات معبرة عن نماذج موجودة وتتعايش معنا بالفعل
مبروك على النيو لوك الجميل
منظر المياه واللون الازرق جميل جدا
تحياتى

Timo.. يقول...

الغلاوي = غبي نشيط
يعني حد مدمر لكل اللي حواليه..!!
وعمره ما بيرتاح ابدا..
ربنا يكفينا شر الغل والغلاويين.

أم الخــلـود يقول...

غاليتي الخطة مكتوبة بالتفصيل في التدوينة اللي قبلها .. بعنوان خطة 111

ويقصد بها في نهاية سنة 2011 نصبح رقم 1 واحد في كوكب الأرض.

وفي الموضوع كل المعلومات عنها تحياتي لك.

وا فيش حاجة ماسونية ولا نووية ولا اشتراكية ولا غيرها.

فتاه من الصعيد يقول...

اولا جميله اوي يا انتي وقرفه والله :)

ثانيا بقا انتم وصفتم الاخ غلاوي ده احسن وصف... قلع ذوق وسأله وغباء وحقد

مستنيين ابداعات اكتر يا جميل

تحياتي

richardCatheart يقول...

هوبتي


تسلمى ليا ياهبه والله سعيده اوى انها عجبتك وسعيده اكتر انها من النوع اللى بتحبيه

يارب ديما بخير وفى احسن حال

richardCatheart يقول...

أم الخــلـود


انت اللى جميله يا ام الخلود تسلميلى يارب تسلمى بالخير


يارب ديما نورانى

richardCatheart يقول...

الشـوكة الــنـاعـمـة


شوفتى علشان تعرفى انى بحس بيكى


ربنا يخليكى يا شوكه ويهديلك الحال

يارب

دمتى بالخير ويارب ديما رفعه معنوياتى

richardCatheart يقول...

عاشقه الرومانسيه


اهلا يا دودو

اه يا شيخه ربنا يكفينا شرهم ويبعدهم عننا والله

تسلمى يا دودو

بصراحه قولت الدنيا حر والناس مش طايقه روحها اجبلهمك شويه طرااااااااوا

يلا بقى كل ماتتحرى تعالى خديلك غطس عندنا

منوره يا جميل

richardCatheart يقول...

Tears

البوسه ليكى انت على كلامك الحلو

والله كتبها كافكره عامه بس الاكيد ان فى انماط منها كتير فى كل المجالات فى السياسه والاجتماع والاقتصاد

وانت بقى نقى براحتك

والله حتته الدين من اكتر الحاجات اللى بتضايقنى لانهم من الناس اللى بتشوهه
وبتدى فكره سيئه جدا عن الدين

انا مبسوطه اوى اوى انها عجبتك

تسلميى يا ثائره

richardCatheart يقول...

غير معرف يقول

مرموره بنوتى الاموره هههههههههههه

عارفه يا مريهان وافتكرتها والله وانا بكتب وعارفه انت تعبتى معها قد ايه

واستحملتيها اد ايه يمكن تتغير

بس متهيئلى بعد ماقطعتى علاقات بيها ارتحتى هههههههههههه

معلش يا منه كله ثواب عن الله

ربنا يجميكى ياحبيبى ويوقفلك انت وكل ولادنا ولاد الحلال

امممممممممموا

richardCatheart يقول...

مي


ههههههههههههههه اخيرا ظهر القمر ايه يابنتى يا بخت الفيس بوك هاقولك ايه

المهم انك بخير وزى الفل

منه كمان بعتلك 100 بوسه والواد ميرو 100 اهو وصلك منى 200 بوصه بقفله المصنع


يارب يكفينا شرهم جميعا

ولا يهمك انا عارفه اكيد مشغوله

ربنا معاكى ونفرح بيكى يامى على خير يارب ويقويكى

بوسه ليكى منى انا كمان اشمعنى هما
وان شاء الله اللقا نصيب قريب

منوره يا مى

richardCatheart يقول...

داليـ ـ ـ ـ ـ ـ ــــا

دا حقيقى يا داليا وجودهم بقى مرض منتشر بس ربنا هو الحامى

ربنا يكفينا كلنا شرهم وغلهم

تحياتى لداليا الجميله

richardCatheart يقول...

لـــولا وزهـــراء


ماتتصويش فرحت اد ايه بردك يا لولا

دى شهاده من فنانه على صدرى والله

استااااااااااذ ف التمثيل

ضحكتى يبقى افتكرتى المنبل وديع

ماهلا استاااااااااااذ بقيت مركه مسجله
مصر كلها بقيت تقول استاذ زيه
غيرو فى اللغه هههههههههههه

طبعا ربنا هو المطلع على عقولنا وقلوبنا كمان

بس ربنا مدينا عقل للتميز بين الانسان المدعى والانسان الصح اكيد انت كمان قابلتى ناس من النوع دا وعلمتى عليهم
لانهم موجدين فى كل حته وبيخلونا نعانى
من قرفهم


تسلى يارب يالولا

برافو كبيره لينا وتحيه كبيره ليكى

منورانى

richardCatheart يقول...

norahaty

هو صحيح بيحرق قلبه ونفسه بس دا بعد مابيفضل يحرق فى غيره من غيره وحسد وقر

وبعدين كلللللللللللل دا يتقلب عليه

فى مثل ديما اقوله

اللى يبص لحال الناس ويتمناه يموت مقهور

ربنا يكفيكى ويكفينا شرهم يانور
ويجعل حياتك كلها نور

منورا يا نور

richardCatheart يقول...

ستيتة حسب الله الحمش

ههههههههههههههههههههههههه

يا خراشى يانااااااااااااااس

على الكلام اللى احلى عندى من القلقاس

ههههههههههههه

والله انا مبسوطه بمجيك اوى فى ظروفك الصعبه دى ربنا يعديها على خير وفرح
وسعاده ويطمنا على مونسه ونينا بنت قرفه وكل اللى زيهم يارب

غير كده البحر بحرك والمدونه مدونتك والبكلويز بكلويزك يا جميل

والنبى وانا بحط البحر كنت خايفه الصور تغرق وكنت عايزه ابعتلك اسالك بتعرفى تعومى ولا لاء هههههههههههه

بس بنت الساحل البوسعديه اكيد بلطيه
هههههههههه

وانا كمان بحبك اووووووووووووووى
وربنا اعلم

يارب تنورينى ديما وماتحرمش من رايك
والحمد لله انها عجبتك دا شرف يا ست الستات

وهات بوسه هات ههههههههههههههه

منوره البحر

richardCatheart يقول...

ELMOSTAFZ

فعلا يا اخى ياستر يارب عليك

تعليقك زعلنى اوى


مش عارف ليه حسيت في الأول ان الكلام منطبق عليا عشان بقعد اتفزلك كتير


وايه علاقه انك بتتفزلك بالغلاوى

الفزلكه دى حاجه تانيه خالص
الغلاوى دا انسان غيبى حاقودى بصص للناس كلها ومغلول منهم

انا ماشوفتش منك دا من ساعه مادخلت عندك وعرفتك انت انسان جميل ان شاء الله ليك مستقبل

ولا حد من اللى بدخل عندهم فيه الطبع دا
دى مجرد تجربه شخصيه بحتاااااااااااااااا



يارب يكفينا شره جميعا يا بيل


الصوره ياسيدى حاسستنى انها سيبه الدنيا كلها ومركزه مع حد وهاتفرقع منه
انا شوفتها كده اممكن انت او غيرك مايشوفهاش كده
عادى وجهات نظر فى الرؤيه

منورى يابيل مع انى زعلت من انطباعك العجيب الغريب دا

richardCatheart يقول...

Ms Venus

ربنا يخليكى يا فيو

الحمد لله انها عجبتك انا مبسوطه بدا

تحياتى ليكه وبوسه لاحلى فيو

richardCatheart يقول...

همس الاحباب


فعلا يا خالد الكل اجمع وجود النمط دا من الشخصيات واكيد كلنا عنينا منه اوىىىىىىى فى شغلنا وحياتنا

الولاد عاملين ايه ومامتهم بوسهملى اوى


بذمتك مش فكرك بيوم التجمع والمركب
ههههههههههه

والله كل ما ابصله افتكر

كتر خيرك يا خالد يا جدع انت الاحسن
ويارب ديما بخير وصحه ومنورنى

richardCatheart يقول...

Timo..


اهلا ياتيمو طال الغياب فين بوستاتك الحلوه

كلامك صح وميه ميه دا حقيقى

يارب ياخى يكفينا شرهم


منور يا تيمو

richardCatheart يقول...

أم الخــلـود


انا هاقرى التفاصيل والمفروض كان زمانى قرئتها بس اسفه لضيق الوقت

اما عن الماسونيه اسفه والله اخطلت عليا

الرقم التانى 101

تحياتى ليكى يا ام الخلود وهاتبع بوست الحمله وان شاء الله بالتوفيق

منوره

richardCatheart يقول...

فتاه من الصعيد

تسلمى ياقمر الصعيد والله

ودا الكلام اللى كان مقصود فعلا


تسلمى يار وبسعد اوى بيكى

منوره الدنيا

لـــولا وزهـــراء يقول...

richardCatheart يقول...
لـــولا وزهـــراء


ماتتصويش فرحت اد ايه بردك يا لولا

دى شهاده من فنانه على صدرى والله


" ...فنانة ايه بس يابنتي خليها في سرك انا لا فنانة ولا حاجة العفو يامارو دا انتي فنانة واستاذة وكبيرة كمان "




استااااااااااذ ف التمثيل

ضحكتى يبقى افتكرتى المنبل وديع


" اه افتكرته وافتكرت اخر عبطه كمان هههههه ;)"




طبعا ربنا هو المطلع على عقولنا وقلوبنا كمان


ربنا بكماله عارف نية الانسان ايه لكن احنا بعقولنا ناقصين وغير كاملين بنفكر ف الانسان غلط مبنطلعش ع النية

كل تفكيرنا في اللي قدامنا اجتهادات

تحبي اثبتلك؟ انتظري ميلي

لولا

richardCatheart يقول...

لـــولا وزهـــراء

شكرا يا لولا على كلامك الجميل اللى ماستهلوش


اجتهدات ازاى !!!!!


انا لما بكون بتعامل مع حد وبلاقى منه ردود افعال متكرر بحكم عليه انا او غيرى ياعنى بس بخص نفسى بالكلام كامثل

بحكم دا كويس دا وحش دا كداب دا غلاوى

كده

احنا مابتعملش منع غيب ولا قران محتاجين تفسير واجتهاد

دى معاملات انت عايزه تفهمينى انك فى شغلك مثلا مابتحكميش على زمايلك من مواقفهم المتكرره معاكى
ولا بتسيبى الحكم فى المطلق ان الناس كلها كويسه اصل حكمى عليهم هيبقى مجرد اجتهاد

على العموم انا فى انتظار ميلك اى وقت
تنورى

ونورتينى بردك

well يقول...

يا ريتشارد الناس بتعبى القلم حبر مش قرف ..بس حتى والخط قرفان ظابط الكلام كأنه ميزان
بمناسبة قال وقيل دى ياما عملت مشاكل اخر مشكلة كانت الاسبوع اللى فات وانا فى وسط البلد ..هو انتى مسمعتيش ضرب النار ولا اى
وبعدين هتستنى اى من قلب فاسد ..قلب مش عارف حقيقته علشان كدة بيمثل
ربنا يشفى مرض القلوب
تحياتى يا ريتشارد ومضايق علشان هكون التعليق الواحد وخمسين ..يا رب بس الحقه

أحمد الصعيدي يقول...

هو النفاق



من أمراض القلوب


ولكن لا هروب منه


قدر علي مجتمعنا يكثر ولا يقل


قلب القطة ميعرفش نفاق


أسعدك الله

richardCatheart يقول...

well

ههههههههههههوالله عجبتنى حته الخط قرفان وانا بكتب بحس بكده

لاء ماسمعتش ضرب نار ايه تقصد ياعين موضوع المظاهرات لو هى اه سمعت طبعا

بس هما فعلا ضربو نار رصاص حى ياعنى والله ما استبعد دول قتالين قوتلا
ربنا يستر

ولا حاجه هاستنى ايه انت قولت مرض القلوب الله ينور عليك يا ويل

ياسيدى مش مهم انت رقم كام المهم انك موجود معانا ورايك منورنى يا ويل

تحياتى ليك يا منورنى

richardCatheart يقول...

أحمد الصعيدي

النفاق جزء من امراض الغلاوى

علامه من علاماته

وفعلا للاسف هو بقى مرض بيزيد فى مجتمعنا
فى كل طبقاته

كتر خيرك يا فنان انت اللى فنان جميل

حياتى ليك ويارب ديما منورنى

SHAPE YOUR LIFE (ABOALI) يقول...

فعلا والله
الكلام له معنى وبيقول كتير
غلاوووووووووووى فعلا ومالوش مثيل
كوكتيل غل مع ابدال الحروف لغ
وفى تتطور للحروف لغو
ده مش سالك ولا ده سالك
واللى يعدى ينوبه العقاب والمهالك
فعلا غلاووووووووووى
بس ربنا قادر مطلع عارف
حكمته ليها كيان
اننا نعرف
اننا بنى انسان
والمعنى واصل
اننا اشكال والوان


جميل جدا الاسلوب الساخر ده له مدلول فعلا مميز
والمعلومة وصلت يا انسان وفى الجون كمان

مبروك عليك كاس العالم

تقديرى

Ramy يقول...

ريتشاردية (:

تقريبا دة المؤنث بتاعها

تقريبا انتى وصفتى الغلاووووووى صح

تسلم الأيادى

اول تعليق لن يكون الأخير

(:(:

أحمد الصعيدي يقول...

ممكن اعرف الغلاوي بمعني ايه

يعني بتنرفز بسرعةولا بشيل غل جواه


بس ؟

richardCatheart يقول...

SHAPE YOUR LIFE (ABOALI)


اشكرك على الكلام الجميل

والحمد لله ان الاسلوب عجبك والله بسعد بيك

ههههههههه كاس العالم مره وحده طيب كفايه كاس مصر والعب فى السوبر يبقى رضا


نورتنى

richardCatheart يقول...

Ramy

كتر خيرك وان شاء الله التواصل مستمر

منورنى يا رامى

richardCatheart يقول...

أحمد الصعيدي

المتنرفز بسرعه دا سريع الغضب وبلاقيه فى ناس كتير انا نفسى بتعصب بصرعه وكسر وبخبط

انما الغلاوى دا اعوذ بالله
انسان متابع احوال الناس يزع من فرحهم
عايز الخير ليه لوحده
ومايبينش كل فى الداخل وبياخد النرفزه على اعصابه ويحرق فى دمه ويهرى وينكت فى دمه
كده ياعنى

فى فرق كبير بين العصبى والغلاوى دا نمط ودا اخر

منورنى يا استاذنا

Haytham Alsayes يقول...

دصطور يارتشاردو
ايه دة هو انا جيت في الاخر باين
التعليق ال61 حاجة عتلة
لما تلاقي نفسك النفر 61 في التعليقات اللهم لا حسد يعني دة قر بس

المهم دخلت مدونتك قوم ايه نلاقي صورة بحر وطراوة كدة اسكندراني
بجد مفتقدها الايام دى باجي عندكم في عز الضهر وبمش منها في عز العصر ينفع يعني في اوحش اوقات اليوم في عز بؤونة

المهم مين الاخ الغلاوى دة بس علي العموم كتروا جدا واصبح كل واحد في جهته غلاوى وابن ستين في سبعين
ربنا يهبطوا كدة ويبطل غل وهري في نفسه اصل اخرة الغل وحش
والشوجر لافف في البلد ومبيجيش الي الناس الصغيرين
ومعلش احنا بتبهدل

تحياتي ياسكندرانية

richardCatheart يقول...

Haytham Alsayes

لالالالا لاحسد ولا قر ولا اى حاجه

ااااااااااااااااه دراعى
هههههههههههههههه

ياعينى عليك ياعنى بتيجى تتحنس بسكندريه وتروح ماينوبك منها الالفحه الشمس الله يعينك يا اخى

يلا انت بقى لما تتحر تعالى المدونه هنا ودلدل رجلك فى الميه
ههههههههههههه

اه والنبى الشوجر وقمر الدين وكله ماشى بس اللى يتعظ

منور يا بو الهياثيم

Haytham Alsayes يقول...

لا دة فعلا قر وحسد
اخييييه علي عنيا يعني اقول طراوة وبحر وحاجات حلوة ادخل تاني الاقي ضلمة يادنيا ضلمة

علي العموم كل حلو
في بيت ريتشاردو قلب الاسد

عابطل احسد واقر تاني
استغفر الله العظيم

Ramy يقول...

القالب خفيف و بما ان ده من اختيارك

فهو جميل

مبرووك (:

Beram ElMasry يقول...

عزيزتي الغالية القطة بقلب ريتشارد

سعدت بتعليقك وامنيتي ان اكون من بين الاصدقاء فلا احرم من دوام الزيارة والتعليق

في مدونتك ...."الغلاوي"
صدقت في هذة الصورة الرائعة لتصوير الغل وقديما قالوا
النار تكل نفسها ان لم تجد ما تاكله
فكر سديد ووعي وفطنة
احسنت ولقد سعدت بما كتبت
سلام ولاسلام مع بني اسرائيل

nasamat يقول...

اى قول يقال بعد كل ما قيل

اقول ايه يا بنات كفيتو ووفيتو فى وصف الشخصية وبكلام ابسط من البساطة
اقول ربنا يشفى لانه مرض من امراض القلوب ومن اصعبها ف علاجها
ياريت كان ينفع معاها حبوب ولا مضادات حيوية

nasamat يقول...

موشكرين يا قرفتى خيرك سابق
وشى منكم ومن تركيب فى الارض
بس اعمل ايه
كل مادخل اشوف شكل البحر ابقى عاوزة اضرب غطس يقوم يفصل
بس معلش يا ريتشارد كلها ايام والالياف الضوئية هتعمل احلى شغل ولا يهمنى تحطى بحر تحطى محيط هيشتغل
وعمار يا اسكندرية ههههههه

richardCatheart يقول...

Haytham Alsayes


عيب يا هيثم والله الناس كانت بتشتكى انها مش عارفه تدخل البلوج من قبل ما انت تيجى ماحضرتك جاى متأخر

وكنت هاغيره من يوم البوست مانزل
بس ليك نصيب تبلط شويه فى الميه

ربنا ييباركلك دا بس من اخلاقك

وقر براحتك ياعم ولا يهمك دا بيتك

منور يا هيثم

richardCatheart يقول...

Ramy

كتر خيرك يارامى

الله يبارك فيك من ذوقك والله

بس الحق البحر كان احلى

بس كله علشان خطركم يهون

منور يارامى

richardCatheart يقول...

Beram ElMasry


استاذنا بيرم عندنا يا مرحبا يامرحبا

انا ليا الشرف اكون من متابعيك والمعلقين يا استاذنا

ربنا يكرمك على كلامك الجميل اللى بعتبره شهاده والله كتر الف خيرك

ويسلم لسانك
سلام ولا سلام مع بنى اسرائيل

تحياتى ويارب منورنى

richardCatheart يقول...

nasamat


ههههههههههههههههههههه
اشطه يا الزعاريب

دا انت كلامك لوحده بوست ياست

ايه رايك ماتكتبى واحد
ونزله هههههههههههههههه

والله انت فهيم يا زعاريبو بس فىالهداوه

منوره الشقه يابت

richardCatheart يقول...

nasamat

عيب يا أمنه ياختى لما تقولى كده كده بيتك ولازمن نعمل حسابك فى كنبه

خلاص سيقت ونشفت الميه وبكره هاهوى علشان الريحه

المهم تبقى معانا يا نوسه يا مونسه

ههههههههههههههههه

richardCatheart يقول...

nasamat

نوسه بصى بقى انت جيتى فى الاخر
واحنا متفقين اللى يجى فى الاخر

يشطب الواعين اؤدااااااااااااامى على الطنطخ

أم الخــلـود يقول...

غاليتي أشكر لك من كل قلبي دعمك وكونك أحد أركان النواة الأولى ..

وأود أن أضيف ملحوظة أن الإسم هو الولايات المتحدة الإسلامية ..

وليس العربية .. ونقصد به كل الدول الإسلامية والعربية من المحيط الأطلسي إلى أندونيسيا أبعد نقطة على خط الإستواء الخط الواقعي الذي لم يعد خط وهمي إن شاء الله آمين.

وحاليا ستعرف باسم الأمة الإسلامية العربية إلى أن يتم الإعلان عنها بشكل رسمي باسم الولايات المتحدة الإسلامية إن شاء الله آمين.

وأود منك أختي في الله لو أمكن كتابة فوق صورة (جنسيتي إنسان) عبارة (حملة الجسد الواحد) فقط. وذلك حتى يتوحد صف أمة محمد والنواة الأولى .

وسعدت كثيرا بدعمك .. جعله الله في ميزان حسناتك .. إن شاء الله آمين.

قرفة يقول...

القطة الانن مريهان
ياعيون طنط قرفة كلامك خلاني انام يومها مظأططة والله
وربنا يحميكي من صحبتك دي ولازم ياجميل تبعدي عنها ولو انها بردو مش هتسيبك في حالك

قرفة يقول...

لولا
الله يسلمك وتسلمي

قرفة يقول...

ستيتة حسب الله
اشكرك على الكلام ده
وسلامتك يارب من الجنان منقصودش والله

قرفة يقول...

العفو ياننوس احنا مقدرين انتظارك لليفة الضوئية ويارب تيجي على خير بقى
احسن اتأخرت اوي والدنيا حر والدش ضروري
ووشك في الارض ليه يازعربة
بس معلش كلنا كنا فرحانين بالبحر والبلبطة
بس نعمل ايه
بكرة النت يستحمى بالليفة ويغسل السواد ده وتشوفي البلبطة على اصولها

nasamat يقول...

ريتشى
هى المواعين ورايا ورايا
انا مستعدة اغسلها واشطب المطبخ
بس المية تيجى هههههههه

nasamat يقول...

ربنا يخليكى يا قرفة
خلاص هانت كلها ايام وحنليفه ونخلى مارو ترجع البحر تانى وندحل نعوم ونبلبط