الاثنين، 14 يونيو، 2010

تاج المحبه اتخرم + تحديث عايزين دم ياخوانااااااااااااااا

اختنا عاشقه النقاب ولدتها فى المستشفى
ومحتاجه نقل دم ضرورى 


هى على استعداد لشراء الدم بس للاسف هو غير متوفر


فصيله الدم o+
دا رقم المرافق ليها
0161620023
ربنا كريم ان شاء الله



........................................
أحيل إليك" التاج السلطانى" وأسئلته هي:
1
-اذكر اسم من طلب منك حل هذا الواجب.

2
-اذكر القوانين المتعـلقة بهذا الواجب.
3
-تحدث عن ستة أسرار قد لا يكتشفها من يقابلك للمرة الأولى.
4
-حّول هذا الواجب إلى ستة مدونين، واذكر أسماءهم مع روابط مدوناتهم في 
موضوعك.
5
-اترك تعليقًا في مدونة من حّولت الواجب عليهم؛ ليعلموا عن هذا الواجب
 
 جاوب وربنا معاك ...
1- هيثم  الناطق على ايده التاريخ(الفردوس الضائع)
2- والله ولا اعرفها انا لو اعرف اقول على طول
3- سته كتير اوى 

1-انا عباره عن مجموعه تناقضات
2-عصبيه شديده  اهم عيوبى
3-متهوره فى ردود افعالى
4-  بحب العربى ومابعرفش اكتب ههههههههه اصحابى 


بيصححولى بوستاتى كتر 
خيرهم  وكمان بطلع روحهم ههههههههههه

5- بحب السيما موت وكان نفسى امثل بس الحمد لله ماحصلش
6- ماكنتش بحب القطط وحبتها من 4 شهور بس
كفايه كده ولولا غالوتك ياهيثم ماكنت عملت العمله دى


اهداء التاج
نور اهاتى ( صعبان عليا حالنا)
فكره من الزمن دا

ندى الياسمين
الحب جميل
نبضات قلب ولهان 
حنين القلب
تحياتى ويالهوى





 

هناك 62 تعليقًا:

Haytham Alsayes يقول...

ههههههههههههههههههههههههه

ايه الصورة دي

علي اساس انك قلب القطة يعني

علي فكرة انا اتبهدلت من الصورة اللي حاطتها وفى ناس زعلت مني مش عارف ليه
ههههههههه
بس انا مبسوط للاستجابة الغالية دي
اردهالك في الافراح ان شاء الله
بس علي فكرة مش عاملها تاني حرمت
ان بتاع تاريخ مش بتاع تيجان
ههههههه

بس بجد شخصيتك جميلة
اما العصبية فدة العادى بتاعنا كلنا الظاهر
متهورة يعني انا كدة برده
اما القطط مبحبهاش خالص وبخاف منهم
ههههه

تحياتي ومنه لله اللي اخترع حكاية التاج دى

الحب الجميل يقول...

ههههههههههههههههه
انتى بجد مالكيش حل

مبرووووووووووووووك التــــــــــاج ياقطتى
وأجمل حاجه فى أسرارك كلها صرحتك المتنهيه ودى اجمل ما فيكى ياقمر

انما بخصوص العصبيه فكلنا كدا والحمد لله
ههههههههههه

بخاف من القطط بحبها بس مقربلهاش

دمتى بحب

الحب الجميل يقول...

كان نفسى الحق الكرسى الاول بس يلا بقا معليش

ومرسيى ياقمر على التاج

الحب الجميل يقول...

ياقطه الصوره تحفه بجد

أم الخــلـود يقول...

شكرا على تلبيتك لدعوة لحمة أمة محمد وبارك الله فيك.

ثانيا أنا إنسانة متناقضة بامتياز وأحب كل المتناقضين عارفة ليه لأننا زي لغة الضاد من كل ضد وضد تلقين فينا.

سعدت بالتعرف عليك أكثر.. وأما القطط فأنا من سن 7 سنوات وإلى الآن وأنا أخاف منها ..

وأصبحت الان قلب الأسد ولله الحمد .. تحياتي لك

Tears يقول...

ليه يا قلب القطة بس بتقولى الحمدلله انك مش مثلتى؟

انا شايفة ان دمك خفيف اوى فى كل تعليقاتك و اكيد كنتى ح تعملى طفرة فى افلام الكوميديا :)

عموما ما دمتى بتحبى السينما فاستمتعى بقى بافلام الصيف و الحقى شوفيهم قبل رمضان


دمتى بخير

Jonathan Leger يقول...

نتيجة الشهادة الاعدادية محافظة الغربية الترم الثاني 2010
نتيجة الشهادة الاعدادية الترم الثانى 2010
نتيجة الشهادة الاعدادية محافظة الشرقية الترم الثانى 2010
نتيجة الشهادة الاعدادية الترم لثانى 2010 محافظة المنيا
نتيجة الشهادة الاعدادية بمحافظة الاسكندرية الترم الثانى 2010
بتيجه الشهاده الاعداديه الفصل الدراسى الثانى بالمنيا
نتيجة الشهادة الاعدادية محافظة الغربية الترم الثاني 2010
نتيجة الشهادة الاعدادية الترم الثانى 2010
نتيجة الشهادة الاعدادية محافظة الشرقية الترم الثانى 2010
نتيجة الشهادة الاعدادية الترم لثانى 2010 محافظة المنيا
نتيجة الشهادة الاعدادية بمحافظة الاسكندرية الترم الثانى 2010
بتيجه الشهاده الاعداديه الفصل الدراسى الثانى بالمنيا
نتيجة الشهادة الاعدادية محافظة الغربية الترم الثاني 2010
نتيجة الشهادة الاعدادية الترم الثانى 2010
نتيجة الشهادة الاعدادية محافظة الشرقية الترم الثانى 2010
نتيجة الشهادة الاعدادية الترم لثانى 2010 محافظة المنيا
نتيجة الشهادة الاعدادية بمحافظة الاسكندرية الترم الثانى 2010
بتيجه الشهاده الاعداديه الفصل الدراسى الثانى بالمنيا
نتيجة الشهادة الاعدادية محافظة الغربية الترم الثاني 2010
نتيجة الشهادة الاعدادية الترم الثانى 2010
نتيجة الشهادة الاعدادية محافظة الشرقية الترم الثانى 2010
نتيجة الشهادة الاعدادية الترم لثانى 2010 محافظة المنيا
نتيجة الشهادة الاعدادية بمحافظة الاسكندرية الترم الثانى 2010
بتيجه الشهاده الاعداديه الفصل الدراسى الثانى بالمنيا

ELMOSTAFZ يقول...

مبروك التاج ريتشارد...
مجموعة تناقضات و كلنا بنناقض نفسنا كتير و فاكرين اننا لينا اتجاهاتنا...
عصبية شديدة ، م اللي بنشوفه لازم نتعصب ، خليكي نسخة من مستفز احسن و استفزي اللي قدامك اكتر ما استفزك :)
متهورة في ردود افعالك ، مفيش احلي من التهور و الجنان ، و احنا هانعيش كام مرة عشان نتهور ولا هانفضل عاقلين لحد ما نموت و نندفن..
مبتعرفيش تكتبي عربي دي احدي ملاحظاتي اللي كان نفسي اقولهالك من زمان بس خفت تزعلي لانك بتخربيها بجد يوم ما تقرري تكتبي تعليق ، أنا بفك شفرة كلامك ببركة دعا الوالدين :)
طب ما عندك الدنيا اكبر سينما ، لو كان نفسك تمثلي فأكيد شايفة ف نفسك ردود اغعال و استجابات حلوة و ملفتة للانتباه ، طب و ليه متستغليش ملامح شخصيتك مع الناس اللي تستحقها ف حياتك و تحسني دايما من طريقتك في التعامل معاهم من غير تمثيل ولا غيره بدل اللي يسوي و اللي ما يسواش يشوف تمثيلك ، الأقربون أولي بالمعروف...
و الله صفاتك محايدة و جميلة احسن من ناس كتير ، أقله معندكيش عقد و كلاكيع...
دمتي بكل ود و احترام...

داليـ ـ ـ ـ ـ ـ ــــا يقول...

هههههههههههههه

لا بجد حساكى خفيفه اوى ع القلب واد ايه مهضومه

تاج جميل على قطه لقلب القطه

بس انتى ياحببتى مشرده نفسك خالص ههههههههه

تحياتى لخفة دمك اللذيذه

MR.PRESIDENT يقول...

بعد السلام والمرحبة ..
الصور حلوة .. وفكرتني بخالتي مربية قطط من ورا جوزها عشان بيكرهم .. كره العما ..
ويبدو إن العصبية صفة مشتركة في كل المدونين .. والتناقضات موجوده فينا عشان احنا بشر .. ومين اللي بيعرف يكتب عربي صح ..ايهيييييييه ... والحمد لله انك ممثلتيش دا كده ربك بيحبك .. اما القطط انا نفسي اجيب واحدة .. بس ولاد اختي خصوصا محمود اللي عنده سنتين هيموتها ودا اقل حاجة في امكانياته .. وكما لازم يدربوا انهم يعملوا بي بي .. والقطط ملياه الشارع عندنا يعني لو قطه ممكن تهرب .. وترجعلي حامل .. اما القطة بالتاكيد هيطلع ندل وهيفضل القطة مراته علي الرجوع ..

تحياتي

من كل بستان زهرة يقول...

يا قطقوطه

أيه الأسرار الفظيعه دي
انت كنتي عايزه تمثلي وانا عايزه أغني
كنا هنعمل طفره في عالم الفن

معلش الفن هو الي خسرنا

أشوفك على خير يا قطه

richardCatheart يقول...

Haytham Alsayes

ههههههههههههههههههه

ايه رحم من صورتك هههههههههه

قولت بقى اعملكو نيو لوك ورحت للكوافير صبغت ولبست الحته اللى على الحبل هههههههه

والله استجابتى لانى بعذرك يا هيثم وبحب كتابتك جدا
وانا والله كمان حرمت هى مره وحده فى العمر كفايه
اه انت خليك فى التاريخ وانا اخلينى فى حله الباميه ياخويا
هههههههههه

كتر خيرك انت الاجمل والله
والحمد لله طمنتنى انى مش لوحدى

والله انا بحب الحيونات عموما

بس ماكنت بحب القطط كاتربيه
لغايه ماحصل وجالى قططتين
فى الحقيقه لقتهم حيوانات جميله ولطيفه
وحبوبه اوىىىىىىىىىىى

ههههههههه والله انا كمان بقول منه لله اللى اخترع التيجان والخلاخيل
هههههههههه

منور ياهيثم

richardCatheart يقول...

الحب الجميل

ههههههههههه انا اللى ماليش حل ولا انت اللى مش مذاكره يا حب


بصى مافيش اجمل واسهل من الصراحه
خليكى دوغرى يحطار عدوك فيكى

والله الاكتشاف الحقيقى ان القطط من اجمل واشقى المخلوقات والطفها


منورانى ياحب

لـــولا وزهـــراء يقول...

مبروووووووووووووك يامارو ..حكاية السيما دي انا اول واحدة اعرفها قبل التاج .
لـــولا

لـــولا وزهـــراء يقول...

ملحوظة المدونة بتقفل عند زهراء0ومش عارفة تدخل وكانت بتقفل معايا من امبارح
لـــولا

هي وظروفها يقول...

مساء الخير يا معلم

انتي باعته رساله شدبده اللهجه لمين

لما بتعرفيه انك عصبيه جدا

اعترفي اعترفي محدش واخد منها حاجه

البشمهندس مروان اخاره ايه صحيح

وسلامي لقائد الجيوش العصبيه ريتشارد بيه قلب الاسد
والحمد لله انك ممثلتيش عندك بيتك اعتبريه مرسح مفتوح وقومي بكل ادوار البطوله معندناش احنا حريم تمثل ولا رجاله كمان ايه انتي ناسيه اننا صعايده

Mahdy Moubarak يقول...

أنا .. أنا .. أنا


مش فاهم حاجة !

(:

Mahdy Moubarak يقول...

أنا .. أنا .. أنا


مش فاهم حاجة !

(:

Mahdy Moubarak يقول...
أزال المؤلف هذا التعليق.
الشـوكة الــنـاعـمـة يقول...

مميز دايما يا جميل
وحشانى

мαησηα يقول...

عثولة اوى يا قطة

ولو انك ضحكتى عليا ف موضوع الست اسرار

اونجزتى وقلتى حاجات كده من على

وش القفص ماشى ماشى

بس يجيلى تانى التاج ده

وانا ادبسك فيه تدبيسة تانية ههههههههههه

دمتى بود

richardCatheart يقول...

الحب الجميل

معلش بقى كله نصيب بردو هيثم صاحب بيت وصاحب التاج فى بيتها ياحب

والنبى عجبتك بعد النيو لوك هههههههه

تسلمى يا حب

richardCatheart يقول...

أم الخــلـود

دا اقل واجب حمله زى دى للانسانيه كلها

واحنا دينا دين الانسانيه كلها

اهلا بيكى فى عالم المتناقضين ههههههههه

القطط كنت كده زيك بردو بالرغم من حبى للحيونات عموما بس ماكنتش احب اتعامل معها

بس التجربه اثبتتلى انها مخلوقات جميله فعلا

انا اسعد بيكى ويارب ديما منورانى

richardCatheart يقول...

Tears

اصل ياتيرز حرام اقعد كل الممثلين دول فى بتهم ياستى

وبعدين ماينفعش كل افلامى تبقى مع احمد حلمى منى تزعل كده هههههههه


افلام ايه اللى اشوفها هو احنا بقى عندنا سيما مافيش غير حلمى بس اللى ينفع تشوفيه

والسقا يولع بجاز

والباقى افلام اطفال

كتر خيرك والله على كلامك الجميل زيك
يا تيرز يارب ديما معيا هنا ومنورانى

richardCatheart يقول...

Jonathan Leger

شكرا

richardCatheart يقول...

ELMOSTAFZ

هههههههههههههههههههههههه

والله يا بيل ساعات بنجح انى اكون بارده ومستفزه بس مش كتير

وبادام ملاظ قول بقلب جامد انت بتتعلم مع قلب الاسد مش عيله انن وانا مابزعلش مش بردو بس بادم العيب موجود اصلا

ولعلمك والله انا الحمد لله من الناس اللى بشوف عيوبى كويس اوى وعارفها انا كلى بلالالالالالالالالالالاوى بعيد عنك
بس بحاول اتغير للاحسن يمكن
وانا مزعلش منك ابدا يابيل انت اخويا الانن مش عايزه اقول ابنى لاكبر نفسى هههههههههه

لالالا انا ناقصه ضغط نفسى لعلمك
بالرغم من استهانت الناس بالتمثيل
بس رائى ان الممثل الشاطر من اكتر الناس اللى بتتعب من ضعط النفسى عليه وانه يلبس وش مش وشه ويعتنق اكار مش بتاعته علشان يقنع اللى اؤدامه
بس خلاص ادعوت ابقى على طبعتى كبرت
وعجزت وخلصت يا بيل لسه هامثل
بس ساعات كتير دا بينفعنى فى انى امتص اللى اؤدامى حقيقى

والله يمكن انت شايف الجمال فى الشخصيه لانك جميل بتقدر تشوف الحلو وانا فعلا ماعنديش كلاكيع مابحباش ومالهاش لازمه
مافيش احلى من البساطه والرحره والاستمتاع بالحياه قدر المستطاع
وعلى فكره دى شهاده اعتز بيها من دكتور نفساوى كبير زيك
كتر خيرك يا بيل يارب تفرحنا بالنتيجه

ونسمع اخبار حلوه قريب

نورتنى يابيل

richardCatheart يقول...

داليـ ـ ـ ـ ـ ـ ــــا

هههههههههههههه ربنا يخليكى ياداليا

بس دا مش تشريد دا حقيقه ومافيش احسن من اننا نصارح روحنا ولا ون اصحابى زعلو منى من كلامى وقالولى ايه دا

بس هاقول ايه انا حلوه ههههههههههههه

ماينفعش الناس بس اللى تقدر تحكم

مش انا

كتر خيرك وبحبي صورتك جدا سعاد حسنى اجمل ست واعظم ممثله بالنسبه ليا

طالبة مقهورة ..درجة أولى يقول...

قلب القطة :)

ازاي يعني اسمك قلب القطة ومكنتيش بتحبي القطط ^_^..انا بعشق القطط بس النضيفة بس مش بتاعت الشوارع اللي بتبقى شبه الاسد ديه

شطورة تاج سريع وكروتي الاجابات بس يللا سماح المرة ديه..تعرفي لو كان ده امتحان كيمياوحليتي كده باختصار..مكنتيش اخدتي 2 من 50

^_^

عاشقه الرومانسيه يقول...

السؤال ده مر عليا مرتين فى تاجيين مختلفين
وده الرابط ابقى اتفرجى
يعنى انا كده برائه يامعلم
http://mero200528.blogspot.com/2009/06/blog-post_11.html

فاتيما يقول...

إهيه ؟؟؟


ايه نظام الخم دا ؟!!!

طب محنا عارفين تقريبا
كل الأسرار دى

لأ انا انضوحك عليااااا
عاوزة اسرار مرعبة تقع تحت بند الأبتزاز كدا انما ايه الحركات دى ؟؟؟

طب خلاص مش هغلس
بس عاوزة كالعادة اسجل اعجابى
بصور القطاقيط

سلامى للعيال
و ابو العيال

وبوسات
و حضونات
مصحوبة بالفعصات

قرفة يقول...

كده بردو تاج المحبة
اتخرم ووقع كل حاجة؟
كل حاجة اديهالك تبوظيها او تضيعيها

خلاص مش جايبالك ايس كريك بالعسلية
اكيد كنتي هاتبقى ممثلة احسن من يسرا
مش عشان انتي صحبتي ولا عشان انتي بتمثلي كويس بس لان كل الممثلين بيقولو في البرامج اهم عيوبي هي العصبية
ليه ماقلتيش واني باسمح بسرعة وبانسى الاساءة وقلبي ابيض
بجد بقى انتي قلبك ابيض اوي واللي في قلبك على لسانك

richardCatheart يقول...

MR.PRESIDENT

هههههههههههه كويس ان الصوره عجبتك

بس ازاى خالتك مربيه القطط من وراجوزها بتخبيهم فى الدولاب لما بيروح البيت ولا ايه هههههههه

والله طمتنى على روحى ياعنى الناس متناقضه وعصبيه ومحدش بيعرف يكتب عربى والله انت اخلاقك كريمه وجبرت بخاطرى هههههههههههه

بص لو هاتعرف تسيطر على محمود اللى عنده سنتين يبقى هات قطه هايموتها يبقى بلاش علشان ذنبها مايبقاش فى رقبتك
بس وجود حيوان اليف فى البيت بيعلم الاطفال الحنيه وازى يراعو ويطبطبو

ولعلمك قطط البيت نادر لما بتهرب دا لما بتكون المعمله سيئه جدا القطط بيتوتيه مابتحب الخروج انما قطط الشارع دى خلاص اتعودت على الشوارع مابتقعدش فى بيت سواء قط او قطه ربتهم من صغرهم فى البيت مش هايهربو

هو اكيد لو قط هايبقى ندل فعلا ههههههه

تحياتى يارياسه ومنورنى

richardCatheart يقول...

من كل بستان زهرة

هههههههههه كويس كدا لما الدنيا تلطش معايا اتصل بيكى ونشوف الباقى من مستقبلنا بقى


تفتكرى يافلورا الفن خسرنا؟

بقول كده بردو ساعات

ربنا معاكى يارب

منورانى يافلورا

richardCatheart يقول...

لـــولا وزهـــراء

الله يبارك فيكى ربنا يخليكى

اه فاكره انى قولتلك الموضوع دا مره

بالزمه مش كنت عملت شغل

هو فعلا امبارح اول مانزلت البوست ماظهرش فى المدونات على طول
ملكنتش عارفه السبب ولسه مش عارفه
كنت حاسه ان البلوج مش مظبوط
ربنا يسترومايطرش ولا يقفل احسن احتاس

نورتينى فى زيارتك الاولى يا لولا

richardCatheart يقول...

هي وظروفها

مسا الفل يابرنس ههههههههههههه

والله ولا حد بس بقول للناس اهم عيوبى

علشان مايخدوش فيا قلم هههههههه

الكل بيسلم عليك ميرو ومنه والحج ريتشارد قائد الجيوش

يا خويا دا كان ظماااااااااااان
دلوقتى كفايا عليا احب السيما

ما انا عامله مرسح فى البيت وطول النهار بغنى سوبرانو وبعبى شرايط
هههه

لا والله ما مانسيت
يابوااااااااااااى عليك يا ولد

منورنى يادوغرى والله

richardCatheart يقول...

Mahdy Moubarak

هههههههههه ليه كده دى حتى الاسئله من المنهج

شوف ياسيدى دا حاجه اخترعها واحد فاضى

مانعرفش اسمه بس بياكل دعا للصبح

اسمها تاج وبعض الناس بيقولو عليها سلطنيه تقريبا والله اعلم التاج حريمى والسلطنيه رجالى

عباره عن اسئله وانت تجاوب عليها
او سؤال واحد بيقول
اذكر 6 اسرار لايعرفها عنك من يقابلك لاول مره
ههههههههه بواخه صح

متهيئلى الدرس ساهل وانا شرحته اهو
روح ياشيخ ربنا يوعدك بتاج ولا سلطنيه
وتزنق زنقتى

منورنى يامهدى
وعن قريب هاشترى كتابك ان شاء الله

richardCatheart يقول...

الشـوكة الــنـاعـمـة

ربنا يخليكى يا شوكه ولا مميز ولا حاجه

العبده الفقيره لله وحده من عباده

وانت اكتر ياشوكه قريب هانتكلم واعرف اخبارك
معلش بس اليومين دول مزنوقه

منوره يا شوكه

richardCatheart يقول...

мαησηα

اهلا يا منونه
هههههههههه هى الاسرار ماتبقاش اسرار

الا بفضايح ههههههه

لا والنبى ربنا يخليكى بلاش كفايه تيجان

واحد حلو اوى كتر خيرك كلك كرم

يارب ديما منوره عندى

richardCatheart يقول...

طالبة مقهورة ..درجة أولى

ههههههههه اه والله تصورى طول عمرى ماكنتش بحبها وقلب القطه دا اسمى من زمان وكان جاى كده سبحان الله

اه طبعا اكيد مش بتحبى قطط الشارع هى ماتتحبش عندى قطه اسمها هارتى وقط اسمه ريتشى شيرازى ابقى تعالى العبى معاهم اماميروثكر

ربنا يخليكى انت اكيد اتعذبتى كتير
اعمليلى لجنه رافت الهجان وادينى درجه النجاح

ربنا معاكى يارب ونسمع عنك اخبار حلوه قريب
منوره الدنيا

richardCatheart يقول...

عاشقه الرومانسيه

يا واد يا جامد خلعتى انت كده بسهوله

الله يسهلك صعبتى عليا تاجين واستحملتيهم ازاى دول هههههههه

منوره يا دودو يا عثل

richardCatheart يقول...

فاتيما

كده بردو يا تيما دا نا قولت انت القلب الكبير هههههههه

ثم انت ناسيه انك ماسكه عليا صور ولا ايه

ههههههههه عايزه ابتزاز اكتر من كده ايه

ياعنى لازم فضايح ونقول على الكنبه الامريكانى اللى كنا هانحطها فى القلعه
فى الطراوا وعايزنها نهبب بيها ايه

ماتخلينى مكتومه ياختى احسن انا بؤى مخروم هههههههههههه

الكل هنا بعتلك عشروميت مليون سلام والله وفسرتك على طول بالخير
ياحبى

مليون بوسه مصحوبه بمليون فعوصه
ربنا يطمنى عليكى

richardCatheart يقول...

قرفة

ههههههههههه ما انا قولت اخرمه بصراحه

علشان مافيش حاجه تفضل فيه والفضايح تدارى ههههههه

طيب بادمتى ولا اقولك بلاش دمتى دى

بادام مش هاتجبيلى ايس كريم بالعثليه
جايه ليه تحنسينى طب ممكن عثليه بس

طب قطمه ههههههههههههههههههههههههههههه

ياعنى كنت هانفع ياقرفه اول مره اندم ياشيخه كويس عرفت انى موهبه

ربنا يخليكى ليا يابت ياقرفه انت بس علشان بتحبينى مابتشوفيش ان لسان زالف وطويل شويه هههههههههههه

منوره الشقه عقبال ماتخدى شقه يارب ونفتحهم على بعض وتبقى استاد

لـــولا وزهـــراء يقول...

يونيو, 2010 02:25 ص

richardCatheart يقول...
لـــولا وزهـــراء

الله يبارك فيكى ربنا يخليكى

اه فاكره انى قولتلك الموضوع دا مره

بالزمه مش كنت عملت شغل

هو فعلا امبارح اول مانزلت البوست ماظهرش فى المدونات على طول
ملكنتش عارفه السبب ولسه مش عارفه
كنت حاسه ان البلوج مش مظبوط
ربنا يسترومايطرش ولا يقفل احسن احتاس

نورتينى فى زيارتك الاولى يا لولا

" الا تنفعي ههههه كانت سعاد حسني قعدت في بيتهم بس حظوظ بقى .

على فكرة يامارو احنا مش اول زيارة لينا هنا في مدونتك ..بالحب اتجمعنا ليها تعليقات هنا غير التعليق ده .يعني احنا لما بنرد بنرد باسم المدونة ممكن لولا تصادف هي اللي تعلق او زهرة او الاتنين .

مش شرط زهرة ترد على طول او انا احنا بنوزع الشغل بينا يعني احنا مش بنعلق بالاسم الشخصي لولا لوحدها او زهرة لوحدها لا احنا بنعلق باسم مدونتنا سواء زهرة اللي دخلت او لولا اللي دخلت ...

لأ ان شاء الله المدونة ميحصلش فيها حاجة وتتظبط

لـــولا

حاجات جوايا يقول...

تحياتى ويا لهوى
هههههههههههههههههههه
انتى سكر والله :)

فاتيما يقول...

نظراً لأن المدونة بتاعتى بترخم
و البوستات الجديدة مبتطلعش ف الريدر
فلو سمحت تقرى البوست دا
و شكرااااا من قلبى ليك
http://nonoymm.blogspot.com/2010/06/blog-post_16.html

فاتيما يقول...

انا عارفة انكم ف اسكندرية
و مفيش حاجة تتعمل قوى
بس اكيد الناس هتقرى عندك يا قطاقيطو و ممكن حد فيهم يساعد


و بلاش سيرة الكمنبة دى
يوسف كان بينطقها كداسيادتك
...كمنب و عمنب و شمنب
متسالنيش ليه
هوه كدا



المهم
أهى دى الأسرار و الا فلا
يا ماما



و قولى
انا بيهمنى ؟!!!


بس لو قولتى


انا معرفكيييييش
و اول مرة اشوفك
هه



بوسيلى العيال
و سلامى لباباهم الاخلاق

ماما أمولة يقول...

يا حبيبة قلبي التاج صغير قوي ومعرفناش حاجة

طب اسمك ايه نفسي أعرفه

ههههههههههههههه

بطلي عصبية واتحكمي بردود أفعالك بتقويم نفسك ومعاقبتها لتتفادي الندم

أنا كنت زيك بالتدريب

سيطرت على ردود أفعالي

مش صعب صدقيني وجربي

ربنا يصلح حالك يارب

richardCatheart يقول...

لـــولا وزهـــراء

سعاد لاء كانت ناس تانيه تقعد فى البيت


ياستى انت بطه واحد وبتنورونى


تحياتى ليكى

richardCatheart يقول...

حاجات جوايا


ههههههههههههه والله انت الاحسن كنت مخضوضه ماليش انا فى الكلام دا هههههه

الله يسكرك يا عثل


منورانى

richardCatheart يقول...

فاتيما
حاضر يا تيما

ربنا يسهل ونلاقى حل لموضوع التبرع

دا يارب

richardCatheart يقول...

فاتيما


كمنبه ايه ياست جبتيها منين دى

والله احنا هنا يقولو كانبه زى الناس عادى ومانخير مش مراخير وبانطلون مش مانطلون هههههههههههههههه

الله ما ساكت ماعجبكيش وقولتلى ابصر ايه

طيب اهو بؤى اتقفل

ربنا يكرم يار ويشفى كل مريض


منوره بيتك يا تيما

richardCatheart يقول...

ماما أمولة

هههههههههههه بس كده انت تامرى يا ماما اموله بس التاج كل ما كبر الفضايح تكتر ههههههه

انا اسمى ناريمان بس عموما الناس بتقولى مارو

والاسمين منفصلين مارو مش دلع ناريمان


والله يا ماما اموله بحاول كتير اغير فى نفسى صحيح انا راضيه بنفسى وبحبها زى ماهى بس التغير مطلوب بس ندم لاء مابندمش انا صحيح متهوره فى رودد افعلى بس ببقى فكرت وبيبقى دا اللى لازم يتعمل وكله بيعدى

شكرا ليكى ياماما اموله يارب ماتحرمش ابدا من زيارتك ليا

منوره الدنيا

لـــولا وزهـــراء يقول...

مـــــارو
المدونه كانت بتقفل فى وشى وخدى بالك كنت ناويه اكتشفك وتمثلى وخاصة بعد ما شوفتك على ارض الواقع لكن المدونه قفلت وقالت اوعى تخليها تمثل لانها ممكن تنسى المكان :)) :)) :))

الحمد لله فتحت وبقيت مية فل و14 كمان

بصى يا قمرايه ياريت بلاش عصبيه بجد لانها ممكن تخسرك حاجات كتير هتخسرك صحتك وممكن تخسرك ناس غاليه على قلبك او تخسرك مكانه كنتى فيها حاولى تتحكمى فى اعصابك الدنيا مش مستاهله الواحد يتعصب
ايه حكاية القطط دى بقى انتى قولتى لما شوفتك عليهم بس مش عرفت ايه السبب كده مش هاجى ازورك لانى مش باحبهم لكن مش باخاف منهم
لو تاخرت عليكى تعرفى ان البلوج بيغلس عليا ولولا بتقول بالواجب
سلام لمحمد للولاد

زهــــــراء

Ms Venus يقول...

قطتىىىىىىى

من امبارح مكنتش عارفة ادخل المدونة بتاعتك

بس الحمد لله النهاردة اهوو جيت

وايه البحر الجميل ده

جميلة انتى يا قطتى


ورداية لعيونك

richardCatheart يقول...

لـــولا وزهـــراء

ازيك يا بطوط عامله ايه يارب بخير ديما

والله ماكنت عارفه من ايه هى كانت تقيله فعلا بس الحمد لله انها خفت ولا عاش اللى يقفل فى فوشك يجميل

خلاص بقى يابطه كنتى تعالى اكتشفينى من 15 سنه كنت انفع دلوقتى كبيرى كمبارس صامت هههههههههه

شوفى يابطتى انا اه صحيح عصبيه وردود فعلى سريعه لكن بتبقى عن قناعه
لان الحاجه اللى توصلنى للغباء هى اساس فى قاموسى مافهاش نقاش
يمكن بندم لما بشتم حد او ببقى عنيفه مع حد بس دا مش علشان اللى اؤدامى مايستاهلش لاء علشان المفروض ابقى ارقى كده بس مش اكتر وبحاول وموضع الخساير دى نسبيه والمكانات بتتعوض
الدنيا كده مابتقفش

اما القطط انت بعتملى حجه ولا ايه
دول عثثثيل وامامير وهاتحبيهم جداااااا

والله وطيب خالص مانت عارفه ماكنتش بحبهم هههههههههه سبحان مغير الاحوال

تنورى اى وقت يابطه دا دكانك

richardCatheart يقول...

Ms Venus

فيو احلى ورده فى عالم الورد ازيك

معلش والله ماعرفه كان فى ايه فى البلوج من اول امبارح بس الحمد لله اتظبط لوحده

عجبك البحر وربنا كنت هاموت واحطه رهييييييييييييييب صح

بس للاسف لقيت الكلام مهما غيرت الالوان مش واضح

فاتطريت اغيره على العموم انا بزهق بسرعه

وهاغير كتير يارب اللون الجديد يعجبك
لان عينى وجعتنى من الاسود جدااااااااا

الف ورده ليكى

mostafa rayan يقول...

كل سنة وانت طيبة يا مارو ويارب دايما بصحة وخير
كلنا متناقضين مش انت لوحدك
بس انا انطباعي عنك ومن خلال يوم الرحلة
ان اهم حاجة بتميزك انك على طبيعتك مش بتحاولى التصنع واللي في قلبك دايما
على لسانك ودي ميزة مهمة جدا مابقتش موجودة كتير دلوقتى
ربنا يكرمك ويقدرلك كل الخير

ندى الياسمين يقول...

شوفوا التدبيس بقى


طب ما انتى عارفه عندي المدونه مشغوله

طب خليهالما اخلص موضوع الليالي بقى

بس والنبى انا اتهريت تيجان شعب البلوجر كله اصبح يعلمنى جيدا

بس مش هانكسفك يا جميل

عيوني لما الساحه تفضى عندي

واحتمال اجاوبهولك فى مدونة المطبخ

اما اشوف كده

مرسي يا قطقوطه

richardCatheart يقول...

mostafa rayan

وانت بالف خير وصحه يا مصطفى يارب وفرحنين بيك انت والموزه البنانى هههههههههه


والله كلامك وكلام اخوانا عن التناقض طمنى على روحى

وربنا يخليك يا مصطفى على كلامك الطيب

دا بس من كرم اخلاقك واحنا واخدين منها ايه

الطبيعى يكسب هههههههههههه

يارب يقدلنا كلنا الخير ويفرحنى بيك يادرش

منورنى

الحب الجميل يقول...

ياقطه
البحر دا على اساس احنا فى الصيف يعنى والواحد لما يحب يروح البحر يجى عندك ويضرب غطس
هههههههههههه
حلو يااسكندرانيه يابنت بلدى
نيولك جميل وكله صيف وهوااااااااااا
وحشااااااااااااااااااانى

richardCatheart يقول...

ندى الياسمين

ههههههههههههه وربناانا ديما اقول اهل المنصوره دول من اجدع ناس فيكى يا مصر

اه عارفه ان البلوج عندك مش فاضى بس بردو المطبخ موجود واديكى قولتى

ثم ان قاعده المطبخ تفتح النفس
وطراوا مع الشفاط وكده
هههههههههههه

ربنا يكرمك يارب ومايفضلكيش امبوبه ابداااااااا

منوره يا ندود

richardCatheart يقول...

الحب الجميل


هههههههههههههههههههههه
ايون قولت اجبلكم طراااااااوا

بس النزول عندنا بالهدوم غير كده ممنوع الميوهات ههههههههههههههه

يلا نضرب غطسسسسسسسسسسسس

تششششششششششششششششششش

انت وحشانى اكتر يا حب ربنا يكرمك يارب

منوره البحر