الجمعة، 11 يونيو 2010

يارب صبرها



أبنى ياناس كان فى حضنى مضموم ليا
كان راجل وقت الجد جد 
ووقت العطى كله حنيه
ربيتة على كرامه تعلا فوق الهرم
ادب ودين وشهامه وكرم
زرعه روتها بعمرى كله تبنى فى بلدها اللى اتهدم
لاممنا فى حضنه مدفى قلوبنا من برد الزمن
يحلم ببكره وحبه الجميل وبنت الجيران ويوم الفرح
بس الديابا كلاب نهابه عيشين ف غابه
سنو سنانهم عليك يا روحى والشوك طرح
وبدل ما اجنى وردك ياابنى جنيت الشوك
ودفنت الفرح
دمك ياخالد فى رقبه كلاب 
بنا وبنهم يوم العذاب
وربك رحيم بيده هايعدل
ميزان الكون اللى انقلب

أدعو لأمه ربنا يصبرها ويلطف بيها
من وحى بوست ام خالد ( دودو عاشقه الرومانسيه)

هناك 58 تعليقًا:

عاشقه الرومانسيه يقول...

زرعه روتها بعمرى كله
تبنى فى بلدها اللى اتهدم
**************
زرعه بلدها هى اللى بتهدها ياقطه
حسبى الله ونعم الوكيل

richardCatheart يقول...

عاشقه الرومانسيه

اه يادودو هما اللى بيقتلو كل امل صالح

ممكن يعمل شىء حلو ممكن ينور

حسبى الله ونعم الوكيل

الف مره

الحب الجميل يقول...

صباح الخير

ممفيش غير حسبـــــى الله ونعم الوكيل فيهم يــــــــــارب

وأدعو لها بالصبر يارب يصبرها

انتى انسانه رقيقه اوى بجد

دمتى بخير وحب

norahaty يقول...

ربنا يصبر قلب
أمه بحق جاه
لا آله الأ
الله سيدنا محمد
رسول الله عليه أفضل
الصلاة وأزكى السـلام
أما من فعل هذا فله
رب سيقتص منه إن عاجلاً
أو أجلاً.

Tarkieb يقول...

الله ويرحمه ويرحمنا كلنا ....وان شاء الله المجرمين ياخذو جزائهم

زهــــراء يقول...

مارو
عارفه اول ما عرفت الموضوع كان من دودو ....


ربنا يرحمه ويرحمنا كلنا ويصبر امه واهله

ان ربك لبالمرصاد

Haytham Alsayes يقول...

ريتشاردى

مش عارف احنا ساكتين ليه بعد كل دة
رجال الامن معظم مجرمين انا اتعاملت مع بعضهم وجربتهم يعملوا اي حاجة تتوقيعها
او غير متوقعة

الله ينتقم منهم جميعا من اول الكبير لغايه اخر مخبر
كلهم قذرين والي جهنم باذن الله

اما هو فربنا يرحمه ويكتبه شهيدا عنده



كنتي طلبتي مني تخدى البوست بتاع اسكندرية تحت امرك من غير استئذان خالص
ربنا يكرمك

تحياتي

داليـ ـ ـ ـ ـ ـ ــــا يقول...

ادعوا الله له ان يتغمده بكامل رحمته وان يسكنه الفردوس الاعلى

وادعو الله لأمه ان يلهمها الصبر والسلوان

وحسبى الله ونعم الوكيل فى كل ظالم

سوف ينال حسابه فى يوم رد المظالم

Mahdy Moubarak يقول...

زرعه روتها بعمرى كله تبنى فى بلدها اللى اتهدم
لاممنا فى حضنه مدفى قلوبنا من برد الزمن
يحلم ببكره وحبه الجميل وبنت الجيران ويوم الفرح
بس الديابا كلاب نهابه عيشين ف غابه
سنو سنانهم عليك يا روحى والشوك طرح
وبدل ما اجنى وردك ياابنى جنيت الشوك
ودفنت الفرح

****
معبرين جداً
رحمة الله على خالد

وكله بسبب سكوتِنا !

ممكن أحط البوست فى مدونتى ؟؟

richardCatheart يقول...

الحب الجميل


اه حسبيى الله حسبيى الله ومالناش غيره

يارب يصبرها يارب

كتر خيرك انت بس متحيزالى علشان بنت بلدى
وذوق

يارب ديما جميعا بخير

richardCatheart يقول...

norahaty

اللهم صلى وسلم وبارك على سيدنا محمد وال بيته وصحبه اجمعين

يارب يانور يتقبل منك يارب

ربنا ينقم منهم قادر رب العالمين

نورتينى بعد الغيبه الطويله ربنا يطمنا على نتجتك

richardCatheart يقول...

Tarkieb

يارب ياتيكو يرحمنا ويرحمه والله محتاجين رحمه ربنا اوى

هما ممكن يخدو جزائهم من ربنا طبعا فى الدنيا والاخره بس من حد تانى مستحيل
مانت عارف اللى فيها

richardCatheart يقول...

زهــــراء

انا شوفته فى اكتر من مدونه بس الحقيقه دودو فكرت فيه زى مانا فكرت بعيد بقى عن الظلم والقهر والسياسه احساس امه

ودا اللى وجعنى فى كلامها اوى ربنا يكلمها
دودو ويفرح قلبها

يارب يابطه يتقبل منك
وربنا فعلا بالمرصاد قادر كريم ينتقم منهم
بحق وجع قلب امه وكل ام فى مكانها

richardCatheart يقول...

Haytham Alsayes

والله ياهثم مش ساكتين بس هانعمل ايه

طول ما الجيش والشرطه فى خدمه الحكومه مش الشعب هايفضل دا حالنا

اه ربنا ياخى ينتقم منهم يارب ولا حاجه كتير على ربنا


اشكرك ياهيثم وان شاء الله هانزله عندى قريب وليا الشرف

richardCatheart يقول...

داليـ ـ ـ ـ ـ ـ ــــا


يارب يا دليا يتقبل منك
ومنا جميعا والله البنى ادم الل الناس ماتعرفوش ولا عمرهم ماشفوه الا فى صوره
وبتترحم عليه وبتدعيله كل دا اكيد كان ربنا وبيحبه

واكيد ربنا يمهل ولا يهمل

richardCatheart يقول...

Mahdy Moubarak


اللهم امين ربنا يرحمه ويصبرها يارب

ومهما طال الساكت يامهدى مسير الصوت هايطلع


طبعا اتفضل تقدر تنزل البوست عندك
اى وقت وليا الشرف

nasamat يقول...

حاسة بغصة ومرارة ف حلقى
ده حتى لو كان فيه كل العبر اللى فى الدنيا
الفرق ما بين الصورتين يدل على ان اللى عملها لا يمت للبشر ولا حتى الحيوانات بصلة
على قد حزنى وغضبى وسخطى وكرهى على قد ما املى ف الله كبير لأبعد حد
هانت
ضاقت فلما استحكمت حلقاتها فرجت وكنت أظنها لا تفرج

reem يقول...

ربنا يصبر مامته ويؤجرها في مصيبتها خيرا

مخنوقه من اول ماعرفت الخبر دا امبارح

مخنوقة من اللى عملو فيه كدا
ومخنوقة من الجبن اللى اتزرع في قلوب الناس لدرجة انه يخليهم يشوفو دا بعيونهم ويقفو بلا حراك

حسبي الله ونعم الوكيل

همس الاحباب يقول...

ربنا يصبر امه
ويسكنه فسيح جناته
حسبنا الله ونعم الوكيل
تحياتى

محمود(باحث عن حب) يقول...

حسبنا الله ونعم الوكيل
كلمات موجعه

مدونه رائعه
والمدونات اللى حضرتك ضيفاهعم
مدونات جامده وحلوة
اسمحى لى باضافه مدونتك

هي وظروفها يقول...

تعليق مش عارف اقول فيه ايه

اصلي عايز اشتم والعن واقول بعلو حسي يا حكومه يا وسخه ويا حاكم يا ظالم ويا ناس مش ناس حاكمانا ودايسه علينا واخرها تموتنا وتتبلي علينا

الله يرحمك يا خالد وينتقم منك يا مبارك انت ورجالتك

SHAPE YOUR LIFE (ABOALI) يقول...

خالد شاب مصرى
عاش وقلبه كان كيان حالم
انى بدمه هايسقى عروق ارضه
والزرع جميل سند اصيل
كرامة عزة شوق ولهفة
لكن
بنى البشر شر كان واقف
كسر حاجب عين
وفى ثوانى روح طارت
يا بارىء انت الخالق شاهد
ارحم كيان خالد

Ms Venus يقول...

اقول ايه بس يا قطة

قلبتى المواجع

وفكرتينى بكل الابرياء اللى راحوا من غير سبب


ربنا يرحمنااااااا

ويرحم ويصبر كل قلب موجوع

richardCatheart يقول...

nasamat

اه ياننوس من اللى حاسينو كل حاجه على بعض

والله ماقدرت اشوف الصوره اصلا

يارب يا نوسه تفرج يارب

richardCatheart يقول...

reem

اه ياريم من ساعه ماعرفنا واحنا مخنوقين وخايفين ومش عارفين الخوف احساس بكره بس بقى محاوطنا فى كل حته

يارب يتقبل دعاكى يارب

richardCatheart يقول...

همس الاحباب

يارب يصبرها ياخالد ونحتسبه عند الله شهيد

يارب يبرد قلبها

ربنا يتقبل منك

richardCatheart يقول...

محمود(باحث عن حب

مهما كانت موجعه مش زى ابد الحقيقه

الداميه ياخى
ربنا يرحمه ويصبر امه


كتر خيرك وليا الشرف انك تضبف مدونتى عندك
وان شاء الله تواصل مستمر

richardCatheart يقول...

هي وظروفها

العن وسب وطلع عين اهله دا اقل واجب لواحد سايب كلابه ينشو فينا وفى عيالنا

تصدق به حبه وهايطلعو الواد دا الله يرحمه

تاجر مخدرات وسلاح وكان معه حشيش فى جيبه
وحاول يهرب فاقتلو وهاتشوف هما كده

يارب ياخى ينتقم منه ومنهم كلهم
زى ماهم بيستحلو عرضنا ودمنا واروحنا
كانهم احتلال
والله تعرف خايفه على عيالى واخواتى وجرانى وحبيبى
خوف خوف خوف مش عارفه عايزين ايه

حسبى الله ونعمه الوكيل

richardCatheart يقول...

SHAPE YOUR LIFE (ABOALI)

ااااااااااااااااااااااه

يارب يرحم كيانه ويرحم امه بالصبر من عنده

richardCatheart يقول...

Ms Venus

عارفه والله يافيو

بس مش بايدينا هما ظلامه ويزرع ظلامه زيهم

وادى النتيجه ناس كل شويه تموت من غير سبب
لاى سبب وهما ملهمش زنب

ربنا يرحمه ويرحم كل روح بريئه مالش زنب
ويرحم كل قلب موجوع على غالى ولا ضنا

Tears يقول...

لا يا قلب القطة كفاية صبر عشان كترة ح يبقى له اسم تانى وحش لازم تاخد حقها و البلد بكل شعبها لازم ياخدوا حقهم و لو ضيعوه زى كل مرة يبقى كل مواطن فى البلد دى سواء عايش فيها او بره و لسه حامل بسبورها يستاهل يحصله زى ما حصل للشاب ده و أكتر و يستاهل ينتهك بره و جوه لانه رخيص و جبان و ذليل

اللى خايف ينزل و فاهم انه كده بيحمى نفسه و اولاده و خوفه يبقى يستاهل الذل و ما جمع اللى اما وفق و كل شعب يستحق حاكمة و بلغيه ينتظر دوره عشان مش بعيد

قانون الطوارىء اللى بيدعو انه للارهابيين المفروض يطب على الشرطة لانها الارهاب نفسه

على فكرة امبارح كان فيه اعتصام امام قسم سيدى جابر من ناشطين و قادة حزب الغد بس اعتقلوهم كلهم و تعاملوا معاهم بعنف و حتى محامى الضحية اعتقلوه و البهوات الضباط قالوا ده مات من المخدارت...و النبى تبصى على الصورة دى و تقوليلى دى المخدرات اللى بتعمل كده نوعها ايه


http://www.youm7.com/News.asp?NewsID=239233&

لو الشعب ده سكت ما يفتحش حد بقه بعد كده و يكلمنا عن التاريخ و العلم و الحضارة لان ده يبقى شعب عار على الحضارة و البشرية كلها...ده لو حيوانات...ذوات اربع..كانت ثارت

اسفه على الاطالة والانفعال بس انا مش مع العياط و النحيب و كنس السيدة و مع انى مش صعيدية بس مؤمنه باخد الثأر لما يكون مافيش عدل و مقتنعه باللى المعتصمين امبارح كتبوه على الافتات...العين بالعين و السن و بالسن و البادى اظلم...لا تراهنوا على صبرنا

richardCatheart يقول...

Tears

كلامك بيصحلى الامل اللى نام جوايه ياتيرز

وخايف لومات اموت وراه انا كمان

انت شايفه اللى بتقولى عليهم دول بيتعملو مع مين مع القاتل نفسه تخيلى

مسخره قمه المسخره مش عارفه اكلم ولا اكتب والله ولا لاقيه كلمه توحد ربنا

اقولها احنا فى حال زباله ومش عارفين حتى نتنفس
بس كويس ان لسه فى ناس بتصحينا
هو مش عويل وعياط دا مش عارفه حتى دا مالقياله اسم

يــوم جــديد يقول...

أنا مكنتش أعرف إنك عملتي مدونة يا ريتشارد
مكنتش عايزة أول تعليق لي عندك يكون في موضوع يوجع القلب والعقل والعين
مش عارفة أقول حاجة
مفيش كلام ينفع يتقال
ربنا يرحمه ويصبر أهله

أم الخــلـود يقول...

يمهل ولا يهمل .. حسبنا الله ونعم الوكيل ..

والله يصبر أمه وأمهات المسلمين آمين

ELMOSTAFZ يقول...

بقالي كام يوم بشوف الصورة دي...
معلش في السؤال بس انا تحت الحصار زي مانتي عارفة و منعزل...
مين ده  مات فين و ليه ؟
لكي تحياتي و أكثر...

richardCatheart يقول...

يــوم جــديد


اهلا بيكى منورانى ايوا فتحت مدونه تقريبا من شهر
ومعلش ان شاء الله ربنا يجعل ايمامنا اللى جايه كلها فرح يارب

وهو فعى هاتقولى ايه مافيش حاجه تتقال

ربنا يصبرهم ويرحمه

richardCatheart يقول...

أم الخــلـود

ربنا يقبل دعاكى يارب

وهو فعلا يمهل ولا همل

richardCatheart يقول...

الله يعينك يارب وتخلص على خير معلش هانت

انا جبتلك الحكايه كلها من جريده الشروق

وممكن تدخل على اى موقع وتشوف جراله ايه بعد الضرب طبعا انا معنديش القدره احط الصوره هنا فامحطتهاش



اطبع الصفحة كشفت السيدة ليلى مرزوق والدة خالد محمد سعيد (شهيد الطوارئ) للشروق، الأسباب الحقيقية وراء مقتل ابنها على يد ضابط شرطة ومخبرين اثنين، وقالت إنه "حصل على فيديو يحتوي على لقطات لأحد ضباط قسم سيدي جابر والمخبرين، وهم يقومون بالاتجار في الحشيش وقام بنشر الفيديو بين أصدقائه وذلك منذ حوالي شهر، وقال إنه سوف يدشن مدونة لفضح الضابط والمخبرين"، وتتابع والدة خالد "قمت بتحذيره أكثر من مره من نشر هذا الفيديو حتى لا يقوموا بإيذائه"، وأبدت دهشتها لأنهم "لم يهددوه قبل يوم الحادث إلا أنهم دخلوا عليه فجأة وانهالوا عليه ضربا".

وأضافت لم يصدر حتى الآن تقرير الطبيب الشرعي، ولكن ما صدر هو تقرير الإسعاف الذي قالوا فيه إن خالد انتحر نتيجة بلعه قطعة حشيش، وأن به عدة كدمات نتيجة عراكه مع المخبرين، وأشارت "المخبرين وبعض الشهود قالوا إنه عندما شاهد المخبرين قام ببلع قطعه حشيش واستنجد بالناس، وقام المخبرون بضربه، ولكن التقرير نفى أن تكون الوفاة نتيجة الضرب"، وتتابع بمرارة "خالد كان يجلس إمام الإنترنت 24 ساعة، فالإنترنت حياته وكان يجلس ساعات عديدة في النت كافيه".

من جانب آخر، تحدث جيران شهيد الطوارئ بالإسكندرية عن خالد سعيد، وأكدوا أنه كان مثالا للشاب المحترم، وأنه كان يعشق الموسيقى ولم تكن له علاقة بأي من أنواع المخدرات، وأضافوا أنه ينتمي لعائلة محترمة وميسورة الحال.

وروى صاحب مقهى الإنترنت الذي شهد الحادث تفاصيل سحل خالد، وأكد أن شهيد الطوارئ دخل المقهى كعادته إلى صديقه نبيل الذي كان يمارس نشاطه على الإنترنت، حيث فوجئ الجميع، بكل مخبر يدخل من باب مختلف للمقهى بحيث حاصراه ومنعا الخروج منه، ثم قاما بتكبيل خالد وأوسعاه ضربا، وحين حاول مقاومتهما ضربا رأسه برخام المحل، حاول صاحب المقهى التدخل لطرد المخبرين ظنا أنهما يحاولان اعتقاله، فسحبا خالد معهما للخارج بينما كان غائبا عن الوعي، وظلا يضربان رأسه بالبوابة الحديدة المجاورة لمقهى الإنترنت حتى لفظ أنفاسه الأخيرة، فألقيا به في سيارة الشرطة وابتعدوا لمدة عشر دقائق، قبل أن تعود السيارة محملة بعدد من أفراد الشرطة وتلقي المجني عليه في الشارع.

وأضاف شهود العيان أن سيارة إسعاف وصلت بعد قليل وحملت الجثة، لتكتب تقريرا تدعي فيه أن خالد سعيد توفي نتيجة جرعة مخدر زائدة، وأكد الشهود أن عدداً من معاوني الشرطة شددوا على أصحاب المقاهي المجاورة بعدم تقديم أي شهادة لوسيلة إعلامية، وإلا تعرضوا للاعتقال والتعذيب.



حسبى الله حسبى الله

ELMOSTAFZ يقول...

لا حول ولا قوة إلا بالله...
حسبي الله و نعم الوكيل ، ربنا ينتقم منهم...

صوت من مصر يقول...

للاسف يا باشا عاوز اقولك
دمه فى رقبة كل من هو ساكت
ساكت عن الحق
كل من هو مصرى

أحمد الصعيدي يقول...

حسبنا الله ونعم الوكيل

اللهم اربط علي قلب امه وزدها ثباتا علي دينك


بارك الله لك

ستيتة حسب الله الحمش يقول...

انا جاية اسلم عليكي لأنك وحشتيني
اما موضوع خالد
وامه
وابوه
واخوه
واهله
وجيرانه

فلا جديد

العشرات مثل خالد يوميا ولكن لا نسمع عنهم
لا نرى صور تشوههم بعد الموت على يد الظلم وفي غياهب المعتقلات
لا نرى صور الكثير من صرعى الهجرات الغير شرعيه نتيجة لحال البلد الأسود من قرن الخروب

انا امتنع عن التعليق عن خالد
او اي حد شبه خالد
حتى اللي يموت بره وعلى ايد العرب او الجرب
لن اصييح وثأراه مرة اخرى

ببساطة لأن
تسمع ان ناديت حيا
ولا حياة لبلد مات شعبها وظلت حناجره تجعر

بس وحشاني خالص مالص
تحياتي يا ريتشاردي وسلامي للأسرة كلها

أم الخــلـود يقول...

(حملة تضامنوا مع إسرائيل !!!)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع إسرائيل !!

صورة الشعار .. في مدونتي كركر .. ويكتبون فوقها ..

(حملة تضامنوا مع إسرائيل !!!)

رابط المدونة

http://krkr111.blogspot.com

جعله الله في ميزان حسانتكم .. آمين

richardCatheart يقول...

ELMOSTAFZ

عرفت بقى ايه اللى حصل
واللى توقعته حصل طلعو قالو بلع حتته حشيش فى الوقت اللى مافيش رحته ولا اللى زيه يعرف يشتريه رجعو لقوها واسعه قالو بلع باكت بانجو ههههههههههههه

المهم انه بلع اى حاجه وخلاص وصايع وعليه قضايا وكده ياعنى

richardCatheart يقول...

صوت من مصر


انا معاك يا كيمو بس اللى اتكلم عامل ايه زيه زي اللى سكت انا ابتديت احس
اننا بنحارب قوه اسطوريه ايه دا

richardCatheart يقول...

أحمد الصعيدي

اه حسبنا الله ونعم الوكيل مالناش غيره

والله

يارب يتقبل دعاك يارب

اللهم امين يارب العالمين

richardCatheart يقول...

ستيتة حسب الله الحمش


والله انت كمان وحشانى جدااااااااااااااا

خالص مالص وكمان بالص بس الله يعينك انا عارفه ربنا يقويكى ان شاء الله


والله انا معاكى ويمكن دا اللى وجعنى ان فيه زيه كتير ولما حاله وحده بتظهر

بيبان اننا موتنا خلاص والحبه اللى عايشين اديكى شايفه بيحصل فيهم ايه

والله على لسانى كلمه اعتراضيه بس عيب
دا احنا ولا غزه وربنا


ربنا يخليكى يارب يوصل والكل بيسلم
عليكى

richardCatheart يقول...

أم الخــلـود



ارجو المعزره وشرحتلك وجه نظرى عندك فى البلوج

تحياتى خالص التقدير ليكى

الشـوكة الــنـاعـمـة يقول...

حسبى الله ونعم الوكيل
ده كده احنا فى غابه مش دوله
احناالمفروض بقا مانزعلش ع اللى حصل للشب المصرى فى كترمايا
لمااحنا بنعمل فى بعض كده منتظرين من الغريب ايه لابجد ربنا يعدينا من الايام دى على خير
فين الامانازاى نقدر نعيش بنى ادمين فى دنيا واحنا موجودين فى غابه
اللى هايسكت بعد كده يستاهل اللى يجرى له
اللى يتقطع ويتسحل بعد كده هو ولا عيلته يبقى يحط الجزمه فى بقه

richardCatheart يقول...

الشـوكة الــنـاعـمـة

ماهو دا اللى قولته نزعل ليه على عيالنا بره بقى وازاى مستغريبن ان الدوله مابتجبشحق اللى بيتقبل بره

وهما بيقطعونا ويقطعو عيالنا جوا

والله الواحد لا حاسس بامان على نفسه ولا على عياله
ربنا يهدهم حسبى الله الف مره

أم الخــلـود يقول...

(حملة الجسد الواحد)

أرجوا من المدونين الموقرين أن يضعوا شعار الحملة في الشريط الجانبي لمدوناتهم تضامنا مع أمة محمد !!

صورة الشعار .. في مدونتي كركر .. ويكتبون فوقها ..

(حملة الجـسد الواحـد)

رابط المدونة

http://krkr111.blogspot.com

جعله الله في ميزان حسانتكم .. آمين

richardCatheart يقول...

أم الخــلـود

ايوا الحمله دى فله معاكى ان شاء الله

فكرة من الزمن ده يقول...

ازيك يا ريتشارد
ايه بس الكلام اللي يوجع القلب ده تسلم ايدك
ويارب تكون اخر الاحزان ونفرح كلنا

انماواضح انك عندك موهبة جميلة بسم الله ماشء الله
دمتي بكل الحب والسعادة
تحياتي

richardCatheart يقول...

فكرة من الزمن ده


اهلا اهلا ازيك يا فكره منوره بعد الغياب

حمد لله على السلامك ياحلى الافكار

هانعمل ايه دا الكلام نص فى اللى فى قلب الواحد

يارب اللى جاى يكون فرح يارب

ربنا يخليكى يافكره دى شهاده من فنانه جميله اعتز بيها كتر خيرك

يارب ديما بخير وصحه وسعاده

أم الخــلـود يقول...

بارك الله فيك وجعلك من السباقين لفعل الخير في الدنيا والآخرة آمين.

والحملة الأولى كانت لإستثارة الغيرة على الدين فقط.
وقد نجحتم في الاختبار

richardCatheart يقول...

أم الخــلـود

طيب الحمد لله ياام الخلود تقديرى ليكى

الدائم حتى لو اختلفنا والله

يارب ديما منورانى

طالبة مقهورة ..درجة أولى يقول...

انا عاجزة عن الكلام

من ساعة ما عرفت الموضوع وانا مذبهلة

انا مش متأكدة اذا كنت مش مصدقة اللي بيحصل

ولا مش عاوزة اصدقه

في كلتا الحالتين مش عارفة اقول ايه

ربنا يصبرها يارب

richardCatheart يقول...

طالبة مقهورة ..درجة أولى


والله الواحد اسبهل وبعدين اتوجعاووووووووووى وبعدين تنح وبعدين ياس وبعدين قرف مش عارفه واخرتها ايه

يارب يصبرها ويارب يتقبل منك