الثلاثاء، 1 يونيو 2010

هارمى طوبه فى وشهم


 








هكسر الاحباط مليون حته ومش هاسكت
انششششششششششششششششر
 ولك الشرف
بناء على فكره من الرائد الاعلامى عمرو اديب
الكل يدخل اليوتيوب وينقل وينشر 

وانشر وليك شرف النشر لازم نقوم بحرب اعلاميه مجرد محاوله
يمكن دا اضعف الايمان لكين لينا شرف عدم الصمت ونشتغل اصنام
هانكسر الاصنام ونقلبها طوب نحدفهم به زى اطفال فلسطين




دى لينكات تقدرو تبعتنو عليها الفديوهات من مدونه 
جبه التهيس الشعبيه

inquiries@un.org; mail@icj-cij.org; aiunny@amnesty.org; uaigv@amnesty.org; info@luanda.mfa.gov.il; consular2@buenosaires.mfa.gov.il; cisramdz@satlink.com; info@canberra.mfa.gov.il; consular@vienna.mfa.gov.il; info@baku.mfa.gov.il; INFO@MINSK.MFA.GOV.IL; info@brussels.mfa.gov.il; info@brasilia.mfa.gov.il; info@sofia.mfa.gov.il; info@ottawa.mfa.gov.il; Consular@montreal.mfa.gov.il; Toronto@israel.org; mashav1@shanghai.mfa.gov.il; consul-sec@beijing.mfa.gov.il; info@copenhagen.mfa.gov.il; INFO@CAIRO.MFA.GOV.IL; INFO@ALEXANDRIA.MFA.GOV.IL; info@helsinki.mfa.gov.il; INFO@BERLIN.MFA.GOV.IL; info@dublin.mfa.gov.il; info@tokyo.mfa.gov.il; info@amman.mfa.gov.il; israel@oslo.mfa.gov.il; israelemb@lisboa.mfa.gov.il; info@moscow.mfa.gov.il; info@madrid.mfa.gov.il; info@stockholm.mfa.gov.il; mission-israel@geneva.mfa.gov.il; public3@london.mfa.gov.il; info@israelemb.org; information@atlanta.mfa.gov.il; INFOVAT@HOLYSEE.MFA.GOV.IL; publishing@echr.coe.int





inquiries@un.org
mail@icj-cij.org
aiunny@amnesty.org
uaigv@amnesty.org
info@luanda.mfa.gov.il
consular2@buenosaires.mfa.gov.il
cisramdz@satlink.com
info@canberra.mfa.gov.il
consular@vienna.mfa.gov.il
info@baku.mfa.gov.il
INFO@MINSK.MFA.GOV.IL
info@brussels.mfa.gov.il
info@brasilia.mfa.gov.il
info@sofia.mfa.gov.il
info@ottawa.mfa.gov.il
Consular@montreal.mfa.gov.il
Toronto@israel.org
mashav1@shanghai.mfa.gov.il
consul-sec@beijing.mfa.gov.il
info@copenhagen.mfa.gov.il
INFO@CAIRO.MFA.GOV.IL
INFO@ALEXANDRIA.MFA.GOV.IL
info@helsinki.mfa.gov.il
INFO@BERLIN.MFA.GOV.IL
info@dublin.mfa.gov.il
info@tokyo.mfa.gov.il
info@amman.mfa.gov.il
israel@oslo.mfa.gov.il
israelemb@lisboa.mfa.gov.il
info@moscow.mfa.gov.il
info@madrid.mfa.gov.il
info@stockholm.mfa.gov.il
mission-israel@geneva.mfa.gov.il
public3@london.mfa.gov.il
info@israelemb.org
information@atlanta.mfa.gov.il
INFO-VAT@HOLYSEE.MFA.GOV.IL
publishing@echr.coe.int


ستيته ست الستات  حاطه لينك لنواره نجم لازم الكل يدخل ويبعت ماحدش يستنى حكومات تعمل حاجه فرصه نفرج الكون بقى الشعوب اغلبها بره ماتعرفش عنا حاجه 

مش عايزه حد يستقل باى حاجه ممكن نعملها
احنا كتير احنا كلنا بنعرف كمبيوتر انا قابلت فى التجمع شباب زى الورد ولاد بلدى مصر ماتسكوتوش كلنا نتحرك احنا مش جهله ولا قليلين اللى كانو هناك كانو مسحين ومسلمين ويهود
كان فى جنسيات تانيه غيرنا بشر قصدين الخير
مش هانقول حقنا بس المسلمين ولا حق اخونا الغزاويه المحرومين دا حق الانسانيه كلنا من حقنا نتحرك ولازم نتحرك
مش عايزين فرصه زى دى تفوتنا اتحركو اتحركو اتحركو

انا كان عندى احباط كنت بحاول انساه بس قررت منساهوش واقلبه فعل بس مش هاقف ساكته مش هابقى جهله واستقل بنفسى
وعربتى واسلامى وانسانيتى

اللهم بلغت اللهم فاشهد

هناك 21 تعليقًا:

ELMOSTAFZ يقول...

عارفة انا كنت ف الأول بكره الكلام عن المشاكل دي عشان بحس باحباط لما بتكلم عن حاجة مقدرش أغيرها...
بس في الفترة الأخيرة بعد ما اليهود قدروا يتسببوا ف اغلاق قناة الرحمة و قدروا يتقربوا من حكومات دول منابع النيل و قدروا يمنعوا قوافل المساعدة التركية حسيت ان الموضوع خرج من ادينا أكتر من الأول و ان اليهود بقالهم كلمة في المنطقة العربية و في العالم كله و محدش بيوقفهم عند حدهم...بس عندك حق الحكومات مش بتعمل ولا هاتعمل حاجة ، ان مكناش نتحرك بنفسنا يبقا منستاهلش كوننا مسلمين...ربنا يقويني و أقدر أنشر علي أد ماقدر...

Tears يقول...

قلب القطة

طبعا حماسك جميل و البوست رائع بس خلينى اكلمك بهدوء شوية...بعين واحدة تعاملت مع الغرب أكثر من ما تعملت مع الشرق

كل اللى بتقوليه جميل لكن مين قال ان الغرب الصور و الفيديوهات مش واصلاه؟

كل شىء وصل و قبل ما يوصلنا احنا...يعنى اذا كان على المعلومة فوصلت و فعلا كمان عملوا مظاهرات فى عدة دول و على رأسها بريطانيا لكن حتى حكومات تلك الدول و بالرغم ان الضغط الشعبى عليها له فائدة كبيرة مش زى عندنا لكن برضة ليهم حسابات مصالح و مكسب و خسارة و عندهم اسرائيل أهم منا كعالم عربي مليون مرة لاننا ضعاف فى كل شىء وان كان باستطاعتنا فعل شىء فكان يجب ان يكون العمل من أجل بناء دولة محترمة قوية يكون ليها كلمة و بيتعملها الف حساب لكن واقعيا احنا حتى حكومة بلدنا اللى بتحكمنا بالعافية مش بتسمعنا و لا بنآثر فيها فكيف يحترمنا او يسمعنا الاخر

انا مش بحبطك لكن بس حابة اننا وسط الحماس و الغضب لا ننسى ان ننظر لأرض الواقع بهدوء حتى نفكر بشكل منطقي و نكون سقف توقعات مناسب

فاهمة ان غرضك من البوست ان الكل يساهم فى توصيل الصوت لكن صدقينى الصوت و الصورة وصلوا و من اول لحظة و الكل عارف بره اكتر من اللى بتذيعه وسائلنا الاعلامية و المشكلة مش فى المعلومة حاليا...ربنا يسهل فى الباقي

دمتى بخير

زهــــراء يقول...

مارو


لما شوفت عمرو اديب والفيديو انفعلت وقولت اعمل حاجه فى اى مدونه عندى سواء بالحب اتجمعنا او بيتنا لكن فكرت شويه كده وقولت معقوله ان الفيديو والموضوع كله ماحدش يعرف عنه اى حاجه غير الدول العربيه وبس
نووووووووووووووووووو
استحاله يا بنتى كل حاجه بتوصل للغرب قبل ما توصل لنا وهما عارفين كل حاجه واكتر مننا
يمكن مش باحب اتكلم فى السياسه لكن اللى بيحصل يخلى اى حد يتكلم بس عاوزه اقولك قبل ما صوتنا يوصل لهم هناك هما عارفين دبة النمله هنا
لما قرات فى التاريخ وفهمت موضوع المبحه اللى حدثت فى بحر البقر قولت ياترى وقتها الغرب عرف حاجه عن الموضوع ده رد عليا احد اصدقائى المثقفين وقال يا بنتى حاولى تفهمى انتى بتقراى كتب فى مصر واعلام مصر والدول العربيه بيوصل لكى الحاجه اللى عاوزه انك تفهميها وبس
والله يا مارو كلها يومين ويمكن تلاته علشان ماحدش يزعل وتلاقى الموضوع ناااااااااااااام ننه وراح ياكل رز مع الملايكه
ياستى الناس دى مش فيهم سوازن تميم وقضيتها اللى وجعوا دماغ اهلى بها الناس اللى كانت مسافره كان لها اغراض تانيه خالص مالص

شوفتى منظر القسيس وهو بيقرا فىا لانجيل وعلى بعد امتار قليله يقف رجل يصلى شوفتىا لناس اللى اضربوا كان هدفهم ايه

سورى على الاطاله بس معلش بقى انتى فاكره طبعا انى رغايه شويه زياده

richardCatheart يقول...

ELMOSTAFZ

نفس مشكلتى انى بحس باحباط من الكلام حاجات مش قادره اغيرها
بس خلاص معنى كده اننا نموت معنى كده اننا حتى الكلام مالوش لزمه معنى كده اننا نسكت ونريح نفسنا ودا ماينفعش
يمكن لسه فى واحد ماسمعش صوتك لازم يسمعه لانك عايش وعندك فكرك
اعمل مش هايضر انك تعمل انما ممكن اوى يضر انك ماتعملش
للانسانيه مش بس الاسلام
ربنا يقدرك

richardCatheart يقول...

Tears

انا معاكى فى كل اللى قولتيه وعارفه انه وصل وشوفته على قنوات اوربى قبل الجزيره على اليوتيوب

ولا زم نرجع دوله محترمه زى ماكنا علشان يتعملنا حساب كللللللللللل دا معاكى فيه
بس معنى كده خلالالالالالالالاص مانعملش حاجه
مانتكلمش مانحاولش
المحاوله مش هاتخسر صدقينى ياتيرز انما احتمال قلتها هى اللى تخسر
نكتر عدد الناس اللى شافو على الاقل
يعرفو الصهينه دول ايه
فى تعتيم كبير بره على عموم الشعب
صحيح بيعلنو وبيعرضو بس باسلوبهم هما
لازم نحاول ونفضل يمكن دى تنفع
ليه لاء مقدرش اعيش من غير امل اموت ياتيرز
انا عارفه انك مش بتحاولى تحبطينى
بس مهما كان مايمنعش اننا نساعد ولو بكلام فارغ مانتفرجش
نورتى الدنيا ياتيرز

richardCatheart يقول...

زهــــراء

عارفه يابطه والله انهم عارفين بتوصلهم دبه النمله للحكومات مش الشعوب
احنا عايزين الناس الشعوب مش الحكومات بره غيرنا الشعوب هى اللى بتوجه الحكومات
وحتى لو ماتحركوش احنا كفايه نحاول نعرف
الناس المواطن العادى كمان يطلع فى مظاهرات ويطلب بالعقاب مش بس الجاليات العربيه
كل اللى قولتيه انت وتيرز طول النهار بيدور فى دماغى
وبهبط به نفسى علشان اهدى بس لقيت انه ماينفعش
مانحاولش يبقى مانستحقش نعيش
لازم نحاول
احنا خسرانين ايه احنا كده كده قعدين على الاجهزه كده كده عندنا ميلاتنا
يبقى ليه مانحاولش دا اضعف الايمان
على الاقل لو نام الموضوع نبقى حاولنا
احنا اللى بنغير جوه وبره بس لازم نحاول
اه شوفته القس وهو بيصلى وجنبه الشاب
المسلم بيصلى وكان فيهم يهود وممكن ملحدين
كلامى بس مش علشان الاسلام اسلامى دين الانسانيه كلامى عن الانسانيه
كللللللللللللللللللها

انت تطولى برحتك يابطه دا محلك بس ارجو انكم ماتيأٍوش

منوره يابطه

جنّي يقول...

السلام عليكم

اهلا بيكي في عالم التدوين بعدما كان عالم التعليقات فقط ..

جزاكي الله خيرا على التفاعل مع الموضوع ..

فعلا نحتاج لكل جهد ولو كان ضربة بحجر .. فهؤلاء اليهود الملاعين لا يصلح معهم الا القوة فالحل في المقاومة ..

صوت من مصر يقول...

اسمحيلى اقولك سر
انا جالى شلل نصفى من كلمة
" استنكر "
يا اخى تووكا ياريت تبلغيه كلامى

الحب الجميل يقول...

صباح الخير

وأنا كمان لو أطوله هرمى طوبه من نار فى وشهم

بجد ربنا ينتقم منهم أشد أنتقام

ويجى اليوم والامه الأسلاميه تنتصر بصوت الحق ونقضى عليهم بمشيئه الله

لما بتفرج علي اللى بيحصل بحس انى مخنوقه والله بس من زعلى مبقدرش اواصل مش سلبيه ولا حاجه انما زعلى على اللى احنا فيه

مش بايدى التغير غير الدعاء

دمتى بخير

Haytham Alsayes يقول...

علي فكرة انا اتفرجت علي حلقة عمرو اديب ووبدأت في الارسال

بس علي فكرة انا مابحبطكيش بس كلام تييرز مظبوط وواقعي الحكومات بتعمل الف حساب لاسرائيل
بس نحاول وربنا معانا

ولي وجهة نظر بدل مانقوم علي اسرائيل ونقول جهاد لازم نجاهد الاول مع حكوماتنا العميلة ونتخلص منها ساعتها مش عيبقي حاجة اسمها اسرائيل

ونحاول برده وربنا معانا ان شاء الله
شكرا لحملتك

richardCatheart يقول...

جنّي

ربنا يخليكى شكرا جدا
واهتمامى دا طبيعى لانى انسانه كلنا مهتمين بس كل واحد باسلوبه

اتمنى والله انها كانت تبقى طوبه حقيقيه احدفها فى وشهم
واتمنى من الله ور يكتر عليه انهاتبقى حاجه اكبر بكتير من الطوبه

تحياتى وشكرا على زيارتك الاولى
ويارب ديما فى تواصل

richardCatheart يقول...

صوت من مصر

طيب يا كيمو دا انت حالك احسن منى انا جالى شلل رباعى بعيد عنك من الكلمه دى

معلش انا مش فاهمه ياعنى ايه

يا اخى تووكا وابلغ مين كلامك

هى تووكا دى شكلها شتيمه
بس فهمنى وانا ابلغ على طول
مش ابلغ عنك هههههههه لاء ابلغ كلامك

تحياتى يا كيمو

richardCatheart يقول...

الحب الجميل

مساء الخير عليكى

وماله ادعى وماتستهنيش به اه ادعى كل واخد قاعد على حاجه يعملها كفايه استهانه بنفسينا طول مابنستهين بنفسينا وقدرتنا حكومتنا هاتفضل مستهانه بينا وهايفضل العالم مستاهين بيا ونفضل فى دايره مغلقه

يارب يجى بقى اليوم دا ياعالم

ربنا يكرمك اشكرك

richardCatheart يقول...

Haytham Alsayes

طيب دا كويس جدا

والله انا عارفه يا جماعه مش احباط وعارفه كمان ان تيرز كلامها واقعى انا نفسى فكرت فيه كتير قبل مانزل بالبوست
بس لقيت انه ماينفعش لازم نحاول

ما الواقع بيقول اننا ضعاف وقله اؤدام
قوه حكومه وحكم يبقى بنعمل مظاهرات ومحاولات للتغير ناس غيرنا بتشوفها بردو مالهاش لازمه ولا هتغير بس لاننا بنحاول
لازم نحاول ونفضل نحاول
احيانا ربنا بيجعل فكره اد البذره
علشان يجعلها سبب تغير
ربنا يسهل وحتى لو الموضوع نام
نبقى حاولنا ولو حصل حاجه تانيه هانحاول تانى وتالت امال عايشين ليه

تحيات يا هيثم واستمر

Ms Venus يقول...

انا بقيت حاسة اننا مش ماشيين على ارض

لا ماشين على حمم بركان

مش عارفة ابص لايه ولا لايه

واتكلم عن ايه ولا ايه

ودايما كنت اسأل نفسى

هو اللى بيحصل ده زاد اوى الايام دى ولا احنا اللى كبرنا ووعينا وبقينا نحس بالى بيحصل عن زماان كتيررر


معلش يا قطة اعذرينى يمكن كلامى خارج البوست

لانى مش هعرف اقول حاجة ازيد من اللى اتقال واللى اتعمل

richardCatheart يقول...

Ms Venus

ليه يافينوس اعزورك دا مكانك تقولى هنا اللى يريحك اى وقت
غير كده اللى بتقوليه دا فى صميه مش بعيد عنه ولا حاجه
بس بردو يافينوس زمان كان فى كده
بردو بس كان دخلى اكتر من خارجى
كان احتلالالت ومظاهرات وثوارات وحروب
واتهاضات هى هى الحياه
اصل لازم يبقى فى رساله ولازم يبقى فى جنب نخده ضد جنب تانى هى دى الحياه
ايوا الفرق اننا كبرنا وفهما وشوفنا وعلافنا وادركنا ياعنى ايه كل حاجه
ربنا يسهل فى اللى جاى
ماحدش لسه عارف الخير فين
ربنا بس يستر بس لازم نعمل كل اللى نقدر عليه
تسلمى يا فيو وبلاش اسمع فى كلامك نبره
الاحباط دى الامل ديما فى وجه الله فى اى شىء وكل شىء
وطول ماربنا موجود هايفضل الامل موجود
فى رحمه

نورتى مكانك يا فيو

فتاه من الصعيد يقول...

جميل

وان شاء الله كلنا نبعته..

انا هشوف الموضوع عند د. ستيته ... اصلي ماكنتش بدخل من الاحباط :(

تحياتي

richardCatheart يقول...

فتاه من الصعيد

لاء مافيش احباط انا دلوقتى بتفرج على عمرو اديب وسعيده بشغل الناس وببعت لصحابى اشجعهم واقولهم ابعتو
لازم مانيأسش
وخدت اللينك الفديو نزلته على الفيس بوك

غير عند ستيته دخل كل البوستات بتاعت الموضوع وعملت كل اللى فيهم

كله وانا قاعده ورايا ايه ماخدش منى ربع ساعه بس ابقى عملت حاجه
انت صعديه ودماغك نشفه حطيهم فيها
وفعصيهم يابنت الصعيد
وكسرى الاحباط مليون حته واحدفيهم به
حتى لو الموضوع نام نبقى ماسكتناش
عاملنا اللى ربنا قدرنا عليه

تحياتى يابنت الصعيد

زهــــراء يقول...

مارووووووووو

كان لازم ادخل اشكرك على اللى عملتيه لسبب بسيط لان ردى كان فيه احباط بس المفاجاه ان الفيديو بدا يتبعت لى من اصحابى خارج مصر امريكا وانجلترا وفرنسا يعنى فعلا الشباب العربى عمل حاجه وانتى منهم كان لازم اشكرك

على فكره مدونتك نزلت عندنا فى ناس اغلى من الماس ياريت بقى تبعتى تمن الدعايه هههههههههههه لو انك ما شاء الله مش محتاجه دعايه ربنا يحفظك
سلااااااااااااامى لكل الاسره والناس الحلوه

اشوفك على خير

سلاموووووووووز

richardCatheart يقول...

زهــــراء


يابطه لاشكر على واجب دا اقل شىء ممكن نعمله

لعلمك عمرو اللى ادانى شحنه اكسر بيها الاحباط بجد
انا عارفه وواثقه عمرو لما بيكثف طاقه لحاجه ربنا بيكرمه لانى مجرابه معه كذا حاجه وعارفه دماغه رايحه فين صحيح بختلف معه واشتمه ساعات بس بحبه ومقتنعه به جدااااااااااااااا
ربنا يكرمه يارب

بصى بقى ياستى عيب ان اصحابك الخواجات هما اللى يبعاتولك خدى اللى بعتهولك
وابعتيه لغيره مابعتلكيش
وامنيه يبعت لغيره وهاكذا ماشى
واحنا مش خسرانين حاجه احنا كده كده بنعمل دا فى الوقت اللى قاعدين فيه على النت ياعنى مافيش جهد زياده

تحياتى على الدعايه والاعلان كتر خيركم والله بس الحساب بقى يوم الحساب
وخليكى حلوه وقليلى مابين الخير حساب
ههههههههه

ربنا يكرمك ويديم المعروف

ماما أمولة يقول...

جميل حماسك

ربنا يصلح حالك يارب

ويعينك ويعينا كلنا في الوصول لهدفنا

كل التقدير لك غاليتي