الثلاثاء، 22 يونيو 2010

مااااااااااااااااااااااااااااااااااااااااااء ثلاثه خرفااااااااااان




بالرغم من انى ماهضمتهوش فى الاول 


بس دلوقتى ادمنته 


هو فعلا ادمان  شاعر جميل فنان صعيدى اصيل هشام الجخ


صحيح ليه حاجات احلى من دى بس الحقيقه


احساسى بالخرفان وجعنى فى الظروف دى


كان نفسى القصيده التانيه تكمل

عجبتنى اوى بس ياخساره
انا كنت زعلانه على باقى القصيده الجميله
بس لقتها فى نفس الفديو
تحياتى لهشام الجخ

شكرا يا ست الستات انك عرفتينى على شاعر جميل زى دا
ِِ




هناك 35 تعليقًا:

nasamat يقول...

ايه ده مفيش حد هنا
اجرب بقى اول تعليق واول تختة دى شكلها ايه
هسمع واخمن مين هما ال 3 خرفان واجى تانى

MR.PRESIDENT يقول...

3 خرفان
ومعزاية
وشجراية
وبير بترول
وديب فجعان
----------------
دا توصيف للعرب
او الحال في بلادنا دلوقت
او التفكك الأسري ربنا يستر
----------------
القصيدة توصيف لحجات كتير
سلمت الأنامل

ELMOSTAFZ يقول...

مفيش فايدة فيكي ، معرفتيش تروحي لساقية الصاوي جبتيها لحد عندك :)
القصيدة التانية ممكن تدوري عليها ف اليوتيوب ، تقريبا ساقية الصاوي ليها البوم فيديو كامل ع اليوتيوب بس انتي اتعبي شوية و دوري...
وانا سيبيلي عمر خيرت و الحلزونة :)
لكي تحياتي و ما شابه...

يــوم جــديد يقول...

أنا عايزة أعرف ايه بقى حكاية هشام الجخ
هي شوطة في بلوجر ولا ايه كل ما أدخل حتة ألاقيه :)
هنيالك يا سي هشام ريتشارد بذات نفسها أدمنتك
صحيح يا ريتشارد انتي ليه سميتي نفسك ريتشارد ؟؟

صباح الفل

ماما أمولة يقول...

الله الله
دا انت خلتيني ها ادمنه انا كمان

شاعر عبقري ربنا يحميه

شكرا لك انك عرفتينا عليه

ربنا يسلم عمرك يارب

Ramy يقول...

ريتشاردية

هشام الجخ من الناس اللى بتقول الشعر بعفوية علشان كدة اتحب

انا اول حاجة سمعتها لية ايوة بغير بعد كدة نزلت اغلب حاجاته من اليوتيوب

بجد تسلم ايدك

و اختيار موفق

فتاه من الصعيد يقول...

انا قلت الراجل انتشر في البلوجر انتشار الفوفزيلا في كاس العالم :) ..

سمعتها بس اسمعها تاني برضو علشان حلوه

تحياتي

Tears يقول...

مرسية انك عرفتينى بشىء جديد

الفيديو مش راضى يفتح عندى خالص بس انا ح ادور عليه على اليوتيوب

دمتى جميلة

nasamat يقول...

واضح انه فى الساقية انا بحبها قوى
فيها ناس غير تقليديين بالمرة
اللكنة الصعيدة مدياله طعم خاص حاساه الابنودى بطعم جديد

عجبنى كذا جزء والمقارنة اللى عملها ما بين الام الفلسطينية والمصرية مع عيالهم
عندينا تبجى الست ولدها طول الباب
وتخاف يروح مشوار
وهناك حريم من غضب شايفين عيالهم دهب
وعشان ما يلمع زيادة
لازم يدوج النار
وتجولو اجول اشعار؟
بس ازاى بجا يجول كده وهو صعيدى
الصعيد غير البندر يا ويلد
تسلمى يا مارو
لما قلت للبت مروة اختى عليه اصلها مدمنة الساقية قالتلى اسمعيله جحا طلعت حكاية فعلا

طالبة مقهورة يقول...

هما 3 كلمات ..نعم ..اكيد ..طبعا

مش ممكن الولد ده خطييييير..اول مرة اسمعه

على فكرة ع الفيس بوك وانا بشوف اخباره لقيته عامل يوم 1-7 حفلة..شكلي كده هخلص وهقنع بابايا واروحها واقعد اغيييييظك هعهعهعهعهع

صحيح عاملة ايه يا قطتي وحشتيني كتير

داليـ ـ ـ ـ ـ ـ ــــا يقول...

فى حاجه شفتها بره كده
مكانها مبيض اوى النت مش بينها ليا
بس دى على ما اعتقد كليب
قلبى بيقلى كليب
والنت عندى بيحمل الصفحه بالقوه
ليه كده قتلتينى فى قلبى

معلشى النت عندى سوباد
ادعيلى يتصلح حاله عشان استمتع بيه واشوف الكليبات واعيش

SHAPE YOUR LIFE (ABOALI) يقول...

قبل لما اسمع قولت اهو الواحد يهضم شوية
دول تلت خرفان وحرام الواحد يقوم جعان
واللى مشجعنى ان الخروف يقول ماء
فيزود مية نهر النيل كمان
ودى حسنة تكونالدخلة ليا ليوم الكيان
واه عليا كده لما دخلت على الخروف الدخلة اللى هيا
ماشاء الله عليا وانا ببدء بالليه
لقيتها سمينة اقووووووووووووووووووى
قولت بلاش خلينا فى الرياش
بص ليا كده الخروف نظرة استفزاز متحقرة
وقال ابعد بعيد ياض
بدل ما تعرف مقامك وتعرف اللى ادفع فيا

خرجت من عند الخروف خزيان
شوية ولقيت تعبان
قالى تعالا تعالا
بلاش تروح للخروف ده كبير عليك
وتعالى ليا
جريت على الخروف هربان حماية ليا
لقيت التعبان طلع من الليه
قالى مش عيب عليك يا انسان
تجرى منى و انا ليك وانت ليا
الخروف قاااااااااااال مااااااااااء
سمع التعبان قال حى
فييييييييييييييين الطريق يالهوى عليا
فر بسرعة هربان
وانا بانضف للخروف الليه

وهييييييييييييييييييييييييييه


تقديرى يا انسان

Haytham Alsayes يقول...

فعلا شكله موهوب جدا سمعتله حاجات تانية
بيفكرني بالابنودى ساعات
وفكرة التخت اللي وراه دى جديدة وجميلة وبتدى تأثير لكلامه جميل

شكرا علي الاختيار

سلامي وتحياتي

الحب الجميل يقول...

ياقطه طبعا بما أنك عارفه أن سرعة النت عندى غتته شويه وتقيله حبيتين فالفيديو مش راضى يفتح معايا
على العموم عايزين دعواتك كدا عشان نعلى السرعه ونشوف الفيديون
وحشتينى ياقلب القطه
البحر وحشنى موت
دمتى بخير وحب

richardCatheart يقول...

nasamat

ازيك يا ننوس والله فرحانه اوى انك لحقتى اول تخته شايفه كويس دول كام ههههههههههه

3 خرفان برافو يا نوسه

richardCatheart يقول...

MR.PRESIDENT

فعلا ياريس هى تنفع لتوثيف حاجات كتير

كل واحد ورؤيته وكل واحد وتفسيره

تسلم يارب

منور يارياسه

richardCatheart يقول...

ELMOSTAFZ

هههههههههههه الله مش قبل الاسد يبقى دماغى ناشفه هههههههههههه

نفسى احضر فيها شكلها حكايه ساقيه الصاوى ربنا يسهل

دورت ولقتها قصيده اروع ماتكون
ليه بس خلى عمر خيرت لينا احنا الاتنين
وخليلك ياعم الحلزونه براحتك
هههههههههههه

لكل الود يابيل

richardCatheart يقول...

يــوم جــديد

ههههههههههههه اه والله الراجل ضرب فى المدونات زى النار فى الهشيم

وبا ياختى وانتشر بس هو فنان والله ويستاهل
ربنا يخليكى

ريتشارد حكايه طويله من سنتين كده
كنت كات هارت وكنت قاصده بيها قلب القطه وقتها لان جوزى كان ليون هارت
فا أخونا تركيب او تيكو زى مابنقوله

ابتدى يقولى ياقلب الاسد بدل قلب القطه
ومنهالريتشارد بس الغريب انى طول عمرى بحب الاسم ريتشارد بصرف النظر عن الحملات الصليبيه
اول حب فى حياتى وانا انن فى سنه خمسه ابتدائى كان ريتشارد بتاع فلكون كرست
لو تفتكريها كانت حلقات فى القناه التانيه
الحقيقه الاسم بقى غالى عندى جدا لانه ارتبط بايام جميله ومن اخ جميل ربنا يباركله ويرده بالخير عبقرى فنان بكل المعنى والله

بس ياستى ودى كانت نهايه فرقه سلامه حجازى الموسيقيه هههههههههههه

تحياتى يا احلى الايام

richardCatheart يقول...

ماما أمولة

ياخرابى هو انت يا ماما اموله ليكى فى الادمان هههههههههههه

ربنا يكرمك الشكر لستيته ست الستات اللى عرفتنى به الحقيقه

ربنا يحميه ويزيده ويعلى صوته

منوره الدنيا يا ماما اموله

richardCatheart يقول...

Ramy

دا حقيقى عفوى جدا والاجمل من كده جسمه كله حاسس بالكلام كل كلمه ليها اداء خاص بيها يمكن الناس شبهته بالابنودى
بس انا شيفه انه شبهه فى اللكنه بس ومش اوى
انما ادائه غير خالص

انا بردو اول حاجه سمعتهاله ايوا بغير

بس ماهضمتهوش صراحه بعد كده سمعته شارع عبيط عجبتنى شارع الحجاز جننتى
لغايه مادخل نفوخى ماطلعش

تسلم يا رامى يارب منورنى

richardCatheart يقول...

فتاه من الصعيد

ايوااااااااااا زى المودزريلا بالظبط
ههههههههههههههههه

منورانى يا بنت الصعيد وطبعا مبسوطه بابن بلدك


لكى كل الحب

richardCatheart يقول...

Tears

العفو يا تيرز انا واثقه انه هايعجبك

ان شاء الله


دمتى بالخير ديما يارب

richardCatheart يقول...

nasamat

مش عارفه يا نوسه بس مش شايفه ابنودى اوى بردو

كلامك جميل يا نوسه اوى واسمعى جحا ضرب ناااااااااااار
و24 شارع الحجاز رهههههههههيبه
ازيس تحففففففففففففففه
هو مميز الحقيقه اوى اتمنى يكون له مستقبل حلو اوى ويطلع على كلامه الجميل اجيال تلاقى قدوه

منوره يام الزعاريب

richardCatheart يقول...

طالبة مقهورة

هما تلات كلمات
ها تخدينى معاكى

يأما هاهدر دمك فى البلوجات انت حره هههههههههههههههههه

ربنا يكرمك وتحضريها على خير وتيجى تحكلنا وياريت لو قدرتى تصورى بالموبايل
يبقى سبق حلو

انت اكتر يا ست البنات ربنا معاكى وتخلصى على الف خير ونشرب الشربات
اه شربات انا بحب الشربات
ههههههههههه

richardCatheart يقول...

داليـ ـ ـ ـ ـ ـ ــــا

والله خساره كان هايعجبك اوى يا داليا

بس ان شاء الله النت يتعدل وتعرفى تشوفى كل الفديوهات براحتك

تحياتى ياداااااا دو

richardCatheart يقول...

SHAPE YOUR LIFE (ABOALI)

والله انت خساره تكتب التغليقات دى

دى تعليقات عايزه بوست لوحده والناس تفصص وتمحص

تحياتى يا فنان بدرجه فيلسوف

richardCatheart يقول...

Haytham Alsayes

ازيك يا هيثوم
اه انا كمان عجبتنى فكره التخت هى مش جديده هو رجعها تانى

بس بردو مش شايفه فيه الابنودى يمكن علشان اللكنه شويه بس احساسى به غيره خالص

تسلم يا هيثم ويارب ديما منورنى

richardCatheart يقول...

الحب الجميل

هانت يا جميل كلها كام يوم ويعلى النت وان شاء الله تسمعى براحتك
انت اكتر والبحر اكتر واكتر هههههههههههههه

منوره يا حب

داليـ ـ ـ ـ ـ ـ ــــا يقول...

انا قلت اقوم الصبح بدرى عشان النت يبقا كويس واشوف الكليبات
زورت أستاذ تركيب الاول
وبعدين على ما جيت ليكى كان النت ودع

يالا ماليش نصيب بقه انى اشوفه

أكيد كان هيعجبنى عشان شكله عجبك بدليل انك حاولتى تشيريه لينا عشان نشوفه

بس مش هيعجبنى اكتر منك

تحياتى ياأحلا برنسس اليكس

richardCatheart يقول...

داليـ ـ ـ ـ ـ ـ ــــا

ياستى عند تيكو عندنا كله واحد
بينى وبينك شغل تيكو اولى يتسمع
جميع ومختلف وشربتات

ربنا يعينك على النت دا بيبقى خنقه
الصراحه
انت اى وقت تقومى بدرى ابقى اسمعيه عندى او على التيو تيوب

ربنا ياحليكى يا دودااااااااااااا
انت اللى عثوله والله
يارب ديما منوره

Ms Venus يقول...

ميرووو

ازيك يا قطتى


شوفيلى حل مدونتك بتطلع عين ومش بترضى تفتح اوقاات كتير اووووووووى

من وقت ما نزلتى البوست لدلوقتى وانا بحاول واخيررررررررا فتحت


شوفت الكليب جميل وصح فى شبه كبير من الابنودى

ودرة لعيونك

TWEETY يقول...

ازيك ياطانت
انا جيت ازور حضرتك
هو حضرتك عاكلة ايه يارب تكونى كويسة
هو انت مبتجيش تزورينى ليه
انا هكون مبسوطة ما تيجى ماشى
مع السلامة

TWEETY يقول...

ازيك ياطانت
انا جيت ازور حضرتك
هو حضرتك عاكلة ايه يارب تكونى كويسة
هو انت مبتجيش تزورينى ليه
انا هكون مبسوطة ما تيجى ماشى
مع السلامة

richardCatheart يقول...

تسلمى يا فيو

انت روحت رديت عندك لغايه ماتعرفى تدخلى

هنا يارب الحل يساعدك

منوره ياحلى صاحبه ورد

richardCatheart يقول...

TWEETY

اهلا بالقمر الانن ربنا يحميكى يارب

وانا روحت زورتك وضفت مدونتك عندى علشان اتابعك

يارب ديما تنورينى يا قمره