الأربعاء، 26 مايو 2010

جايه أصالحك



جايه أصالحك

أوعى تكون نويت خلاص تنسى اللى بنا كان

دا أحنا كلمه حب حلوه من زمن قبل الزمان

فاكر لما أحط راسى جوه حضنك الأمان

وباديك تحضن أديا وف عنيك بحر الحنان

ولا ناسى ؟  أيوا ناسى !

يبقى شكلك لسه زعلان

طب اقولك ايه كمان

أن عمرى قبلك بعدك مايساويش

أنت ضهرى وأنت سندى

 غيرك أنت لاء ماليش

ولا أقولك اه بحبك أيوا حقك

ماأنت كنت ليا ايد م الهوا تحوط عليا

وأنت قلب دافى كل يوم يحس بيا

وأنت لمسة ود حلوه تمسحلى دمعة عنيا

ايوااااااااا أضحك وأفضل اضحك

ضحكتك بالدنيا ديا بسمتك دى نور عنيا

وانسى زعلنا اللى كان مش بقولك

أحنا كلمه حب حلوه من زمن قبل الزمان

هناك 75 تعليقًا:

قرفة يقول...

اول تعليق
يابلاش

قرفة يقول...

ايه الحلاوة دي ياريتشارد
ده انا بصراحة اتفاجئت لما قريت وعرفت ان فيه بوست جديد نزل
وبالحلاوة دي ايه ده معقول لسة ناسي لالالا مالكش حئ
ده كلام يدوب الحجر

الشـوكة الــنـاعـمـة يقول...

ايه الكلام الجميل ده
اكيد الحج مظقطط دلوقت
عجبنى اوى الكلام ده يامارو
عارفه لوكنت شوفته من كام شهر كنت سرقته
معبر اوى
يابختك ياحج
وحشانى ياقطه

صدى الصمت - عاشقة الورد - يقول...

ألف مبروك علينا دخولك عالم التدوين
أكيد كسبنا كاتبة رائة وكلماتها مختلفة
تحياتى لكِ ولقلمك المميز
ويبقى التواصل

همس الاحباب يقول...

امممممممممم
بسم الله ماشاء الله انا ماسك الماوس اهو
ههههههه
تسلم الايادى بجد يا مارو
كلمات رقيقة ومعبرة واجمل ما فيها التلقائية والسلاسة فى العبارات
ربنا يديم عليكم فضله ويخليكم لبعض
تحياتى وتقديرى

Haytham Alsayes يقول...

فعلا انتي قلب قطة مش اسد
قلب مرهف وحساس


تحياتي للكلمات الجميلة

P A S H A يقول...

كلماتك جميلة بجد .. سيطة ومعبرة قوي
:)

يسلم ذوقك

خالص تحيايتي

P A S H A يقول...

كلماتك جميلة بجد .. بسيطة ومعبرة قوي

:)

يسلم ذوقك ،،،

خالص تحياتي

nasamat يقول...

ايوة يا تراتيرو الصلح خير
حلووووووة اوى
مستنيين حاجات من دى دايما عشان نقرا احلى كلام من احلى قطة

هوبتي يقول...

مش عارفه اقولك ايه؟
بجد حاسه ان الكلام واقف مش عندي تعليق اقوله
سوي ان دا حال ناس كتيره

فاتيما يقول...



عينى يا عينى
ع الرومانسية


غرقونا ف المشاعير بقى
خلونا نحب على روحنا

يا خرااااابى

ربنا يروق الحال
يا قلب القطة
و المفروض كدا
ان لما حد بيحب
يروح يصالح حبيبه
ميرخمشى بقى


أعز انا الناس الحونينة دى
اللى كرامتها فى رضا المحبوب
مش التعالى عليه



بوسات و حضونات
شفوى مؤقتا
يا قطقوطة
لحد ما تاخديهم
تحريرى بعد يومين
عيانا بيانا
تفعيصا
يا فندم

فاتيما يقول...

آه كنت هنسى

عنوان التدوينة حلو قوى
يسلم اختيارك

Tears يقول...

ايه كل الرومانسية دى يا ريتشارد

اول مرة اكتشف الجانب ده فيكى...لو تم تلحين الكلمات دى ح تبقى أغنية لطيفة اوى

ما تجربى تبعتيها لملحن و تعملى شغل كبير و ما نعرفش نكلمك بعد كده :)))

صيدلانيه طالعه نازله يقول...

الله عليكى
ايه الكلام الجميل ده كله
نمسك الخشب اهه
ربنا يخليكم لبعض و دايما فرحانين و مبسوطين

Ms Venus يقول...

قطتىىىى


تصدقى انى زعلانة منك اوى


طبعا هتقولى ليه


يلا قولى ليه


قولتى ؟


هقولك بقى ليه

لانك كنتى حرمانا من الجمال ده كله

والرقة دى كلها


بجد بجد جمييييييل اوى يا قطتى

تسلم ايديكى ويسلم احساسك الرقيق


ويارب دايما بخير وفرحانة


ورداية لالا وردتين لارلا باقة ورد بحالة لعيونك يا احلى قطة

richardCatheart يقول...

قرفة

ههههههههههه طب ايه رايك هادفعك فلوس
هنا مايفرق عن الكارنه ههههههههه

richardCatheart يقول...
أزال المؤلف هذا التعليق.
richardCatheart يقول...

الشـوكة الــنـاعـمـة

صدقى هاتصدقى الحج لسه ماشفش ولا سمع ولا قرا ههههههههههههههه استهبال مش كده

ههههههههه
لو اعرف انك مزونقه فيه كنت بعتهالك ياشكشوكه بس المشكله انى لسه كاتبه الكلمتين قريب وانا بروق الواليب والله ههههههههههه
والحمد لله انها عجبتك

ديما منورانى ياشكشوكه

richardCatheart يقول...
أزال المؤلف هذا التعليق.
richardCatheart يقول...
أزال المؤلف هذا التعليق.
richardCatheart يقول...

Haytham Alsayes


ههههههههههههه والله ياهيثم قلب القطه لما بيقلب ريتشارد والعكس انا بستغرب
هههههه كتر خيرك انت اللى انسان جميل

يارب منورنى ديما يارجل التاريخ الاول

richardCatheart يقول...

P A S H A

انت اللى تسلم ياباشا ويسلم ذوقك يارب

منورنى بزيارتك ديما

SHAPE YOUR LIFE (ABOALI) يقول...

يا عينى يا عينى

جاية اصالحك واقول حرفين
هما الكيان هما نور العين
هما القلب هما الفل والياسمين
هما الاكتمال بين روحين
هما حرفين
اقولهم ليك بقلبى
قول كده حاء
قول كده باء
قول كده حب
هاقول انا بحبك



جميلة المشاعر النابضة التى نثرتيها يا انسانة
وجميلة البسمة التى ارتسمت عندما قراءت

وتقدير لكلماتك بكل معانى الحب

richardCatheart يقول...

ايوه يا ننوس ياحببتى قولت اغزى الشطان
ههههههههههههههههه

ياستى دانا بكتب عبى قدى حاجات حلوه ايه بس كتر خيرك يا حبيبى الغالى يا زوزه
اهم شويه خواطر وانا بكمل المطبخ وانا بروق الواليب وانت استحملو بقى امال اصحاب اونطه ههههههه

منور هالبيت يام الزعاريب

richardCatheart يقول...

هوبتي

اولا انا سعيده جدا بتشريفك ليااول مره

وبيارب مش الاخيره

والله الدنيا فيها كتير وانا بكتب الخاطر مش شرط عن حاله عشتها ممكن اوى شوفتها سمعتها ودى حاله فاكيد هاتكون حاله لناس كتير
شكرا يا قمره ونورتينى ويارب ديما فى تواصل

richardCatheart يقول...

ههههههههههههههههه
عجبتك حته كاظومه دى ههههههههههه

وماله حبى وحبى وحبى وحبى براحه راحتك يا تيما ويابخته اللى هايحبك علشان هايخد قلب زيك هى الدنيا ايه غير شويه حب للمحبوب والناس والاهل والاصحاب حبى واسعدى نفسك دا احنا بقينا نسرق الفرحه والوقت الحلو من الدنيا لسه هانقضيها خصام وقله حب
يارب يهدنا الاحوال كلنا ويسعد قلبك بالحبيبين يارب
لالالا يوم اسكندريه هاهريكى بوس واحضان وفعفيص يارب يجى على خير ويجعلنا نصيب فى القا على خير ويكون يوم طيب
بوسه كبيره اد اسكدريه كلها وفوعصه كمان

richardCatheart يقول...

فاتيما

والله انت اللى تسلمى ياتيما كله من ذوقك

richardCatheart يقول...

Tears
هههههههههه ايوا ياتيرز صحيح انا ثورجيه قديمه بس بردو قلب قطه ههههههه

اهم كلمتين مرو على بالى قولت اشارككم معايا فيهم صحيح بكتب من وقت خواطر بس ماكنتش بهتم اكتبها لانى مابحطهاش فى حته
مش اكتر

والله جات على بالى طنط اليسا بما انها فى التلات سنين الاخرنين بتعالج مشاكل المراءه جوه البيوت العربيه هههههههههههه
بس اوعدك انى ساعتها هاشيل قضيه التغير على كتافى ومش هاسكت ابدا
عجبك كده اهو ريتشارد طلع

يارب منورانى وتسلمى ياتيرز ياثأره

richardCatheart يقول...

صيدلانيه طالعه نازله

ربنا يخليكى يالالا يارب شكرا يا جميل
ربنا يخليكى انت الاجمل ويارب ديما يفرح قولبنا كلنا

ويارب يتقبل دعوتك لكى وليا

منورانى يالالا

richardCatheart يقول...

Ms Venus

ههههههههه وانا مقدرش على زعل الجميل منى ابدا
حقك على راسى
ربنا يخليكى يافيو من بعض ماعندك

دا انت من الناس اللى بتشعر برقه وخفه
تسلمى يارب ويارب انت كمان فى سعاده وفرح على طول ربنايتقبل ليكى وليا
كتر خيرك يا اجمل صاحبه ورد

richardCatheart يقول...

SHAPE YOUR LIFE (ABOALI)

الانسان الجميل ابو على كلامك جميل يستاهل بوست ينور فيه بس مش غريب عنك الكلام الجميل ورسم المشاعر الحلوه ديما من المبدعين يارب

وانت وكلامك الاجمل والله
تحياتى ليك يارب ديما نورنى

فتاه من الصعيد يقول...

ياعم ياعم الاغاني :)

لا بجد موهوبه... كملي بقا واكتبي كام حاجه حلوه زي دي

بجد انتي ليكي مواهب كتير :)

تحياتي

richardCatheart يقول...

صدى الصمت - عاشقة الورد -

انا سعيده جدا زيارتك الاولى ليا بجد
الله يبارك فيكى والله من ذوقك وكتر خيرك على الكلام الطيب مش عارفه اقولك ايه والله
ربنا يباركلك ويارب دايما فى تواصل

سعيد بمرورك الجميل عليا

richardCatheart يقول...

قرفة

دى حلاوتك الطحنيه يا قرفه هانم شوفتى بقى قولت استخبى فى الضلمه واخضك

داانا اللى دوبت من الكلمتين دول ربنا يخليكى ليا ياقرفتى الحلوه

منوره البيت

richardCatheart يقول...

همس الاحباب


هههههههههه ماشى ياعم خالد ياجدع قسم قسم براحتك مسير الوشوش تتلاقى ههههههه

والله ياخالد شكرا على كلامك الجميل كتر خيرك اوى ياخالد الحمد لله انها نالت على اجابك

ديما معانا يارب فى الخير يابو خالدياجدع
ومنورنى

richardCatheart يقول...

فتاه من الصعيد

هههههههههه ربنا يخليكى يابنت الصعيد

كلذوق يامرموره وشهاده اعتز بيها من كاتبه قصه متميزة زيك وقلم جميل

نورتينى يافتاة الصعيد

saragebaly يقول...

مبروك للمدونة
ولوانها متأخرة كتيير

البوست حلواوووووي
فوق الرائع


تحيااتي لكـِ

سارة

richardCatheart يقول...

saragebaly

الله يبارك فيكى ولا يهمك المهم انك وسطنا مش مهم امته وازاى

ودا من ذوقك ياساره بجد شرفتينى

وديما فى تواصل ان شاء الله

غروب يقول...

بجد تستاهل التعليق

ممتازه وعجبتنى جدا

richardCatheart يقول...

غروب

شكرا ليكى ياغروب على زيارتك
شرفتينى ونورتينى

ستيتة حسب الله الحمش يقول...

هه
اه يا قلبي يا كتاكت
فعلا حضنه هو الأمان
وزعله يجيب جنان

وبعدين بقى يا اوختشي
قلبي بيوجعني
وبكده ها تحنني قلبي ونضطر لا نتكلم عن الصحون ولا التنشير

الا بالمناسبة يا ريتشاردي جبتي تنشير دي منين :))

جميلة قوي تسلم ايدك

richardCatheart يقول...

ههههههههه مش كده والنبى ياست الستات

هما الكتف والدراع واحنا القلب والفشه
ههههههههه
عندى النهارده الصحون بقى ان شالله اجى اعملهم بنفسى بس نخليها حنينه

معلوماتى ان اهل مصر المحروسه يقولون نشير تقريبا واحنا اهل الاسكندريه الماريا
بنقولو حلو نقولو دى اسكندرانى ههههه

تنشير والله اعلم بس هى فرق دبلجه

سعيده انها عجبتك اوى
يارب ديما منورانى

ماما أمولة يقول...

الله الله على الجمال

وكنت مخبية الكلام الحلو دا فين

تسلمي يارب ويسلم احساسك الجميل

بجد رائعة

من كل بستان زهرة يقول...

بصي يا قطقوطه

انت دوري على ملحن يلحن الكلمات الجميله دي

وانا عندي أستعداد أغنيهالك
شوفي بقى لما فلورا تغني كلماتك
والله هتوصلي للعالميه معايه

بس لو منجحناش مش عيزين خربشه

تسلم أيدك على الكلمات الحلوه دي

richardCatheart يقول...

ماما أمولة

اخبى ايه بس ياماما اموله دانا على قدى

وسط عمالقه زيكم فى الكتابه بس اهى شويه خواطر مستخبيه فى دولاب المطبخ هههههه

ربنا يخليكى وكتر خيرك على ذوقك

منورانى

richardCatheart يقول...

من كل بستان زهرة

هههههههه بصى انا كنت خلاص هاتفق مع اليسا بس هى مش اغلى منك عندى
مع انك طلعتى تجرى البوست اللى فات بس يلا
احنا جدعان بردو وليه ملحن ناجر طبله وتار واحنا نلحن وياستى بس تيجى على الخرابيش مانضربش انا وانت بالبيض والطماطم هههههههههه

منورانى يافورا يانعمه وقويه وكلك حنيه

Sharm يقول...

الله عليك

ELMOSTAFZ يقول...

كلام زي ده بيندمني للحظات علي عمري اللي ضاع من غير حد أتعلق بيه...
بس بعد تلت دقايق...تلت دقايق بالظبط ، بقول بلا حب بتاع الحياة كده نعناع...
موضوع زي ده عايز حد باله طويل عشان لحظات الزعل و دلع البنات ده وانا مكرهش ف حياتي أد دلع البنات...
لكي تحياتي و مايلزم...

4xmisr يقول...

csmag.builder-eg.com
تم انشاء مجلة متخصصة فى المجتمع المدنى ,يكتب موضوعاتها أعضاء المنتدى
ibond.builder-eg.com
أقسامها المجتمع المدنى واقتصاد و تكنولوجيا اتصالات ومعلومات
ملف العدد,صفحة كاريكاتير
كما تم انشاء دليل للبرامج المفتوحة
foss.builder-eg.com
أغراض المنتدى
تجمع للمهتمين و المتطوعين فى العمل المدنى , رسالة أورمان الخ,
الاشتراك فى مجموعة أو مجموعات المنتدى لعمل كتب , ملفات فيديو للتنزيل أو على يوتيوب
عمل مكتبة تابعة للموقع من كتب الأعضاءفى موقع خاص بعد عمل عدد لا بأس به من الكتب, شرح شامل للرخص الحرة و الملكية الفكرية, ترجمة المشاريع المفتوحة المصدر ,تبادل الخبرات بين أعضاء المنتدى,الاستثمار و المشروعات الصغيرة و العمل من المنزل ,التسوق و التجارة الاليكترونية
بالاضافة لمواقع أخرى سيتم افتتاحها بعد نجاح هذا المشروع باذن الله
وهى مواقع ذات صلة بالمصادر المفتوحة وكيفية الاستفادة منها للجمعيات و الشركات و الأفراد الخ
يسعدنا انضمامكم للموقع بكتابة مقالات فيه بالتعاون مع من سيرغب فى ذلك أيضا
ملحوظة : بالطبع يستطيع صاحب المدونة مسح التعليق , و نأسف للازعاج

بنت وولد يقول...

كلامك جميل قوى
و طالع من قلب واحده بتحب حقيقى
ربنا يهنيكى يارب

فتاه من زمن اخر يقول...

لا لا بجد ايه الحلاوه دي ماشاء الله
ده يعد الكلام ده مش يسامح بس ده يدوب كمان
بجد احساسك حلو اوي وكفايه انه طالع من القلب

richardCatheart يقول...

Sharm

الله عليك انت يا منورنى شكرا على الزياره الجميله

richardCatheart يقول...

ELMOSTAFZ

هههههههه طبعا لازم تندم الحب من الحاجات فى الدنيا اللى لاتقدر بثمن
لاء لو حبيت هايبقى هولز مش نعناع بس بس جرب تحب وتتحب وهاتشوف الحياه عامله ازاى

دلع بنات ايه بس احنا فى زمن دلع الرجاله واديك شايف الكلام هى اللى جايه تصالحه الحق احجزلك بقى وحده تصالحك
قبل الوقت مايخلص

تقديرى وسلاطاته وبابا غنوجه

richardCatheart يقول...

4xmisr

تحياتى وتقديرى لشغلكم وان شاء الله لو فى وقت هاكون معاكم ربنا يسهل

نورتونى بدعوتكم

richardCatheart يقول...

بنت وولد

ربنا يخايكى واشكرك ونورتينى بالزياره بجد
ان شاء الله فى تواصل

richardCatheart يقول...

فتاه من زمن اخر

اولا الحمد لله انك بخير بادم رديتى هنا يبقى اكيد انت احسن من الاول ويارب ديما

اخر بوست نزلتيه وجع قلبى والله ودعتلك كتير

انا مبسوطه بمجيك عندى وكلامك الطيب كتر خيرك ياقمر مش كده والنبى لازم يدوب اصله سكر ههههههههه

منورانى والله

فتاه من زمن اخر يقول...

انتي الي سكر والله وربنا يفرح قلبك ودنيتك ويكرمك علي دعائك ليا

ندى الياسمين يقول...

جمييييييييييييييييييييييييله

حلوه اوي يا قطقوطه بجد

عجبتني مووووووووووووووووت



سمعت الكروان النهارده يا جميل واتشرفت بيكى

موناليزا يقول...

جميلة بجد
تسلم ايدك

زهــــراء يقول...

مارو

اول زياره

مبروك الافتتاح الرسمى للمدونه جت متاخره بس الجميل انى دخلت لاقيت حاجه حلوه اوى ولاقيت كمان ناس غاليه اوى

فرحانه جدا بمقابلتى وبكلامى معاكى النهارده وزى ما انتى قولتى احنا عشرة عمر

اخر جمله لفتت نظرى بجد
" أحنا كلمه حب حلوه من زمن قبل الزمان "

الجميله فيها مشاعر عاليه اوى اوى
ربنا يديم عليكى الحب والسعاده على طوووووووووووووووووووووووول

enjy يقول...

انا جيت اهوووووووووووووو

سلميلى على مروان حبيبى بقى وبوسيلى مريهان العسولة بوسة كبيرة

وقولى لمروان انى حبيته اوى اوى اوى

ربنا يخليهوملك يارب ياااااارب

انا انبسطت اوى اوى انى قابلتكوا امبارح والله العظيم

هتوحشونى والله لحد منتقابل تانى

مي يقول...

انا جيتتتتت اسلم على اجدع مارو
بجد جمل حاجة انى اتعرفت على حد جميل اوى زيك مهما قلت مش هديكى حقك انسانة رائعة بج
اسرة جميلة ماشاء الله ربنا يحفظكم بوسيلى مروان وميريهان كتييييييير احنا بقينا صحاب اووووووووى

يلا سلالالام مؤقتا

حاجات جوايا يقول...

ما شا الله
كلام جميل جدا جدا جدا
ربنا يخليكم لبعض دايما ويصرف عنكم كل سوء يارب اللهم امين

أحمد الصعيدي يقول...

السلام عليكم ورحمة الله



ايه الحلاوة دي

كلماتك جميلة


ربنا يسعدك

richardCatheart يقول...

فتاه من زمن اخر

ربنا يخليكى ويهنى قلبك
منورانى يافتاه

richardCatheart يقول...

ندى الياسمين
ندى القمرايه والله كنت مبسوطه اوى لما سمعت صوتك بنات المنصوره اجمل ناس وجدعنه
وان شاء الله المره الجايه نعمل احتلال عندكم فى المنصوره ونضرب برمات من ايدك
هههههههههه

والحمد لله ان الكلام عجبك سعيده جداااااااا

ويارب ديما منورانى

richardCatheart يقول...

موناليزا

تسلمى يارب يا موناليزا

شرفتينى

richardCatheart يقول...

زهــــراء

الله يبارك فيكى يابطهانا كنت اسعد بجد وانت عارفه نفسنا نتقابل من امتى بس كل بأوان والحمد لله اننا اتقابلنا على خير

طبعا عشره وكانت عشره حلوه ماتتعوضش وكلنا عارفين وبنقول والله

الحمد لله انها عجبتك دى لو كلمه واحده مش جمله علقت معاكى وحاستيها تفرق معايا يابطوط

يارب ديما مع بعض وربنا يديم المعروف

richardCatheart يقول...

enjy

جوجو القمر دانت مشكله ربنا يفرحنى بنجاحك يارب واحضر فرحك ياسكره

والله هما كمان بيسلمو عليكى وبعتنلك بوسه كبيره
وانا مبسوطه اكتر انى قابلك والله ربنا يفرحنى بيكى وانشاء الله القا تانى قريب
وهاتوحشينى بس هاتصبر بالبلوج بتاعك
هههههههههه

منورانى يا جوجو

richardCatheart يقول...

مي

ههههههههه زيك يا مي يوى ياعثل والله انت الاجمل بجد والله ربنا يخليكى دا كتير عليا والله انا مبسوطه اوىىىى انى قابلتك
ومريهان بقى اتعلقت بيكى وبتتكلم عليكى
وعلى انجى بستمرار والله لما تشرقى اعرفى انها بتجيب فى سرتك بالخير وافتكرينا ههههههه والله انت طلعتى سكره واموره ربنا يفرحنى بيكى ويهديلك الحال يارب

نورتينى يا مى

richardCatheart يقول...

حاجات جوايا

ربنا يخليكى على كلامك الجميل ويتقبل دعاكى ليكى ولينا يارب

نورتينى ويار ديما

richardCatheart يقول...
أزال المؤلف هذا التعليق.
richardCatheart يقول...

أحمد الصعيدي

ربنا يخليك يا فنان دا جمالك انت عارف ان دى شهاده اعتز بيها من قلمك زيك

ربنا يهنيك يارب
ليك تحياتى

well يقول...

احلى ضحكة واحلى كلمة حب حلوة

تحياتى

richardCatheart يقول...

مش احلى من ذوقك يا ويل ورفعك لمعنوياتى

ربنا يخليك كتير خيرك

بتنورنى يا ويل