الخميس، 20 مايو، 2010

مافيش واجب



مافيييييييييش واجب

حب الوطن فرض عليا افديه بروحى وعنيا

تاج على راسى 
 
                                                   

ليه  دا بالتحديد؟
علشان ابويا كان من جنود النكسه وعارفه حصل ايه ورضعا من يوم ماتولدت
ودم الاسرى زميله على كتفنا تار والمفرض اننا مصرين

وانت وغيرك ياعنى اللى بتعملو دا ليه فايده اهو كلام فى الهوا؟

يمكن صحيح مش هايرجع اللى راح او مش هايجيب حقوق ضايعه بالرغم انها جريمه وضحه وضوح الشمش فى شهر اغسطس بس لانى عندى عيال 
وعايزهم يتفرجو ويعرفو زى ما انا عرفت وفهمت ومش بس كده لاء عايزه عيال غيرى يعرفو


ومش بس كده لاء عايزة اكتر البوستات اللى  بتتكلم عن نفس الموضوع دا تفكر اللى ناسى فى الزحمه ومولد اليله الكبيره

 ولما يتفرجو ياعنى هايحصل ايه؟
هازرع فيهم مين عدوهم الاول وعايز ايه وبيبصلنا ازاى وليه واعرفهم اد ايه هو ندل جبنا معندهوش ضمير زى مابيعلمو ولدهم وزى ماكنو بيخلوهم يكتو اساميهم على الصواريخ وقت ضرب غزه



وهى ليه الدوشه مالحكومه دى شغلتها تجيب حقوق اللى راحو ولا انتم لازم تدوشونا؟
وههههههههه الحكومه اللى مش قدره توفر رغيف عيش نضيف مش قدره تعمل بلاليع للشتا وبتسبنا نغرق
ومش قادره توفر مدارس محترمه لعيالنا وتعليم عدل
ومش قادره تعملنا مستشفيات بشريه
ومش قادره تاخد حق الناس اللى اتهانت فى ام درمان
وسبتنا نطلع احنا الوحشين السفاحين ومش بعيد نطلع احنا اللى ضربنا نفسينا يبقى عندها موضوع الاسرى دا قمه الرفاهيه
    انت مش شايفه انكم مكبرين الموضوع وانه خلاص مر عليه سنين؟
ايوه مر عليه سنين ودى النصيبه لان لو كنا اخدنا حقنا والعالم كله اتفرج وعرف اننا مابنسبش حق اولادنا ماكناش وصلنا للى احنا فيه كل يوم قتل لمصرى او اهانه بتتطلع اؤادم العالم فى ابشع صورها لاحنا بنصعب على نفسنا والعالم معبرنا

مش قادره انسى منظر عنين الظابط امين وهو بيتكلم فى الجزء الاول بيقول طنطاوى والريس لو عرفو اننا اتسرحنا ب18 جنيه وادونا استماره سته مش هايرضيهم عنيه فيها خزى وهو مش عايز يصدق بالرغم انه عارف من جواه انهم مايسوش عندهم مش عايز يصدق ان حياته اللى قدمها على طبق من دهب مالهاش تمن ولا ليها اهميه اه بقوله
انت تساوى عندهم 18 جنيه للاسف والجنود الاسرائلين بيخدو اوسمه وبيعيشو حياه كريمه بس عزائى الوحيد انك مش لوحدك كلنا بقى مالناش قيمه

 سكه السلامه

شكرا لندى الياسمين للمساعده فى تنزيل الفديوهات





هناك 31 تعليقًا:

الشـوكة الــنـاعـمـة يقول...

اول تعليق....لازم الحق يرجع لاصحابه


نيجى للمهم بقا
يعنى انتى مابقلقيش يومين وعامله فيا البدع
لا احنا نقفل مدونتنا ونتحول كلنا جمهور والله
بصى البوست ليه طعم عن كل البوستات اللى حملت نفس الفكره والموضوع
ليكى نقد بمذاق مميز انحى امامه
انتى بتتكلمى صح اوى البلد دى خارج نطاق الخدمه

دومتى متألقه يا جميل

Tears يقول...

لو عرفنا ناخد حق الاحياء من دولتهم سنعرف ناخذ حق الأموات من دولة العدو

طول ما ليس لدينا كمصريين دولة محترمة تحترم مواطنيها او رئيس وطنى يهمه مصلحة شعبه و حقوقه فلن يحدث اى شىء و لن يتعدى ما نفعله حدود الكلام و الانفعال

نحن مواطنون دولة تاكل حق الحي قبل الميت...نحن مواطنون دولة تطلق اسم تل ابيب على احد شوارعها فى منطقة سالت بها دماء مصرية...نحن مواطنون دولة فقيرة و لكنها تاخذ من جيوبنا لدعم الغاز للعدو رغما عن انوفنا...اقري صحف عدوك و شوفي كم يحبون مبارك...انا اقرأ هآرتس احيانا على النت و ارى كم يشكرون في مبارك بل يطلقون عليه لقب صديق اسرائيل الوفى و يطلبون من امريكا دعمه فى وجه المعارضة لان مصلحتهم معه...نعم هكذا يكتب صراحة!

الانتماء هو ان البلد تدينى فأنا اديها مش العكس زى كلام الاغانى...يعنى الطفل بيحب أمه لانها قامت برعايته و احتضانه و حمايته و بالتالى صار له ولاء لها لكن لو كانت يوم ما خلفته فتحت باب الشقه و رمته على السلم ما كانش ح يبص فى وشها بعد كده

طول ما احنا بنتلم بالملايين فى الكورة و التفاهة لكن مش بنصلح البلد لا ح يبقى فيه حق لا لحى و لا ميت و لا ح يبقى عين نكلم اصلا عن حقوق

احنا الشعب اللى فرط فى كرامته و فى دم شهداؤه و فى نفسه

richardCatheart يقول...
أزال المؤلف هذا التعليق.
Haytham Alsayes يقول...

تحياتي ياقلب الاسد مش القطة
علي فكرة كل الي عملنا دة من نشر الفكرة كويس بس مش كفاية لازم ننشره اكتر لعل وعسي
ورأى ان احنا نعمل مدونة يشترك فيها مدونين كتير يبقي ليهم موقف ونتبني مواضيع معينة في كل شىء يهم الوطن وندعو المدونين لنشرها

بفكر في الفكرة دي بس مش عارف ابدأها ازاى
وبحاول اخد جميع الاراء ومنهم انتي طبعا
ايه رأيك ؟

تحياتي للموضوع والواجب اللي فرض علينا كلنا

فتاه من الصعيد يقول...

ما ضاع حق وراءه مطالب

ان شاء الله متابعين الحمله ... جازاكي الله خيرا

تحياتي

ماما أمولة يقول...

سبقتك يا قطة

وعملت الواجب

والعيار اللي ميصيبش يدوش

ربنا مع الحق دايما وعمره ما يضيع ابدا


كل الحب لكِ

nasamat يقول...

برغم ان عندى شعور ان النتيجة مش مضمونة
وبرغم ان القائمين والمسئولين عن أخذ الحق والتار مش مسئولين(على راى صبحى احنا كمسئولين مش مسئولين)
وبرغم انى لما اسمع او اقرا مواضيع عن أخذ التار واسترداد الحقوق بحس انى بقرا نكتة سياسية
وبرغم ان عدائى للعالم دى بدأ بتغيير اسمى فى شهادة الميلاد بعد استخراجها بيومين بسبب موقف جدى الله يرحمه من معاهدة السلام و حلف راسه والف سيف ليتغير الاسم قبل ما يحط راسه ع المخده ولما وعيت وبدأت افهم شرحلى وفهمنى وعلمنى على قد فهمى وقتها ماهية الناس دى
وبرغم تصريحات قاتل الاسرى مجرم الحرب اليعازر بعد ما زارو مصر انهم لاقو استقبال مثير للاعجاب
وبرغم انى كنت اتمنى اننا نستغل الغضبة والفزعة والثورة ضد الجزائر وايران ولبنان وووووو ضد العدو الحقيقى مش نختزل كل طاقتنا وهجومنا وثورتنا ضد ناس احنا وهما فى الهم سواء
وبرغم ان الفديوهات مش شغالة عندى

الا انى كلى تفاؤل وامل وثقة بعد ربنا سبحانه وتعالى فى ناس مؤمنين احرار بيحاولو يغيرو ولو بالقلب ويطالبو بحقهم
ويكونو ولو شوكة ف حلق اللى ما يتسمو

ندى الياسمين يقول...

الحكومه الحكومه الحكومه

ايه ده الكلمه دي عدت عليا قبل كده

اه اه اه افتكرتها

حرام عليكم هى الحكومه هاتعمل ايه ولا ايه بس كل حاجه الحكومه

ده انتم ناس ايه ده مفتريين يا شيخه


طبعا بلا حكومه بلا بتنجان مخلل المهم نفضل فاكرين عشان لما يجى يوم نقدر ناخد حقنا فيه نكون على الاقل عارفينه

تحياتي ليكى يا جميل

ومافيش داعي للشكر والله كسفتينى بذوقك يا جميل

Tarkieb يقول...

راي ان الحملة دي ح تشوه وجه مصر اكتر ما هي بايظة بين العرب...والدليل ان معظم افلاكم كلها من قناة الحقيرة ......وبعدين الحملة دي لمين؟ لينا طب ماحنا عارفين... للحكومة؟ هم يعنى جابو حق الصاحي لما يجيبو حق الميت الاول؟ لاسرائيل؟ ولا بيهمهم ...والدليل انهم عاملين افلام بتقول ان النظام المصري كان مستخدم تلاميذ مدرسة بحر البقر دروع بشرية عشان كده ضربوها..والعالم كله شافها واحنا بنشوف قناة الحقيرة اللي بتتشفى فينا .مشكلتنا عاملين زي الشيخ على بتاع زاوية الجامع بتاعنا كل ما كنا نروح نصلى يفضل يخوف ويبهدل فينا لدرجة انه كرهنا في الصلاة وخطبتها اللي كانت بتسم في بدنا...المفروض نغير لغتنا ومنذودش من احتقارنا لنفسنا اكتر ماهي بايظة بحملة زي قلتهاوعاملة زي حلاق الملك ميداس اللي بدل ما يكتم السر فحر حفرة في الارض وقال سره...زي مفتاح لما حب يبين قوته لمستر اكس وشد البلتكانة على نفسه واغمى عليه

SHAPE YOUR LIFE (ABOALI) يقول...

هى طبعا حمله ايجابيه جدا ويكفى ان يكون نتيجتها مجرد زياده الوعى واليقظه بين الناس وخصوصا الشباب واللى عايشين حياتهم مش عارفين اصلا نفسهم علشان يقدروا يعروفوا عدوهم مين ..

تحياتى لكى على هذا البوست الذى عرضتيه فى صوره سؤال وجواب وبذلك قمتى بتوضيح الكثير من الاسئله التى قد تتبادر الى ذهن معظم من يقرا هذه الموضوعات ففى هذا الزمن رفع المعظم شعار لا امل من التغيير ونظروا نظره المتامل لماضيهم وحاضرهم ومستقبلهم ونسوا انهم لهم دور غير التامل فى هذا الكون وهو المشاركه فى تتغير الاحداث وصناعه احداث اخرى نفيد بها الاخرون ونفتخر بها بعد حين ..

richardCatheart يقول...

الشـوكة الــنـاعـمـة
ههههههههه ايون اديكى اخدتى حقك تالت ومتلت ياستى وربنا يكرمك جمهور ايه ايه دانا على قد حالى

وفعلا احنا خارج نطاق الخدمه ياشكشكوكه

وشكرا على ذوقك وكلامك الحلو يا حالمه فى بحر الرومانسيه الحزينه

richardCatheart يقول...

Tears

طبعا متفقه معاكى فى كل كلمه بس اهو بنحاول تكون صحوه من ضمن صحوات كتير يا تيرز لعل وعسى يحصل شىء

وان شاء الله ان كنا سكتنا وفرطنا خلاص ماحدش لاعايز يسكت ولا يفرط


انا نفسى ببص لولادى وولاد غيرى واقول هايجبو الانتماء للبلد دى منين
هايحبوها ازاى
الايه الكريمه
واغفر لهم جناح الذل من الرحمه كما ربيانى صغيرا
ايوه لازم يكون سبب للبر
ولازم يكون فى سبب لزرع حب الوطن جوه الجيل اللى ربنا يستر عليه

نورتينى برايك ومرورك

richardCatheart يقول...

تحياتى ليك يا هيثم
وياريت لو فى اكتر من نشر الفكره خير وبركه دى الحاجه اللى تسعدنى طبعا

وفكرتك مش عايزة كلام معاك يابو سويلم
طبعا ونقف وقفه رجاله

كان فيه بلوج جميل اسمه كلام عيب مش عارفه سمو كده ليه بالرغم انه كان بيناقش مواضيع جميله ومهمه يمكن ماينفعش تتناقش فى البلوجات الخاصه

وكان بيكتب فيه عدد من المدونين انا كتب فيه مره بس قفل بعدها ههههههههه
فقريه بعيد عنك كنت متابعه لسه
احنا ممكن نعمل نفس الفكره
ونشترك فى اخيار اسم موفق ونعمل موضوع كل شهر او 15 يوم
كل واحد حسب وقته ياخد حق الحوار وعمل بوست يشرح اللى عايزو بخصوص الموضوع

انشر فكرتك وان شاء الله ربنا يجعلها بزره خير وامل
شرفتينى يا ملك التاريخ

richardCatheart يقول...

فتاه من الصعيد

ايوه يابنت الصعيد ان شاء الله متابعين

ربنا يسهل ويمكن ياعالم

وجزاكى الف خير يا مروه


نورتينى

richardCatheart يقول...

ماما أمولة

مانت شطوره والالفه بتاعت الفصل يا ما اموله واكيد جبتى درجه حلوه فى الواجب هههههههههههههههه ربنا يباركلك والله


ايوه يدوووووووووش دا مهم مش قليل
لانه نفس سياستهم وكمان المهم نعرف ولادنا

تسلمى يا ماما اموله لك كل الحب والتقدير

richardCatheart يقول...

nasamat

بصى يانوسه لو على بتوع اخذ القرار
لاء مش بنعمل علشان هما يتحركو لانهم مابيتحركوش احنا بنعمل علشان الناس تتحرك وماتنساش ويبقى كل حاجه عاديه
وفيها ايه ماخلاص خلصت

انا مش فاهمه ايه وجه نظر جدك الله يرحمه من معهده السلام بس انا من الناس اللى كنت ضدها فى وقت ما بس لما قريت وعرفت
وفهمت ماكنش ينفع غيرها فى وقتها
السادات كان بيغزل برجل حمار يا نوسه
ولو عامل المفاجأه ماكنش رجعنا ارضنا
والاستمرار فى الحرب كان مش هايبقى فى صالحنا نهائى القوه كانت غير متكافأه
وكان كل اللى اتعمل يتهد
المشكله ان كل نصيبه يقولك اصلها فى معهده السلام
بيصدرو الغاز اللى ماكنوش لسه اكتشفو ويقولو معاهده السلام
جمى هايمسك الحته بعد ابوه ويقول معاهده السلام اهو كله تلطيش فى تلطيش
وطبعا معاكى اننا نحط كرهنا فى مكانه
بس المشكله اننا احنا بس اللى عندنا ناس بتفكر كده باقى الوطن العربى اغلبهم دماغهم مش كده للاسف والعماله
للصهينه بقت فى دول كتير وحكومات كتير
للاسف
ربنا يكرم يا ننوس ونقدر نعمل اى حاجه

منوره بيتك يا زعربه ههههه

richardCatheart يقول...

ندى الياسمين

هههههههههههه مش عارفه بينلها كلمه هيلوغريفى ههههههه اه ظالمنها ياختى غالبانه معنا

دا المهم اننا نكون عرفينه ونعرفه لعيالنا بعدينا

ازى يا يايسمينا الحق يترد لاصحابه

كتر خيرك والله ويجعله فى ميزانك ان شاء الله
نورتينى

richardCatheart يقول...

Tarkieb

اولا انا معاك فى نقطه انها من قناه الحقيره

وانا بنزل التيوب كنت بقول لنفسى ياعنى مافيش قناه غير امك نرفع منها بس للاسف مافيش انا شايلها من عندى من الدش والوصله لانى شيفاها قناه عميله
بس قولت بما ان مافيش غيرها ناخد منها اللى عايزينه احسن من عنهم

والجزء اللى اتكلمو فيه عن نصر اكتوبر العظيم كتير فيه معجبنيش وحاسيه فيه تشويه للنصر واللعب على نغمه الخونه اللى ضحو بسوريا ودا كلام فارغ طبعا

لمين دى بقى المهم زى مانت قولت الحكومه عارفه وانا عارفين
دا لعيالنا يا تيكو
الجيل 18 وطالع اللى مايعرفش
الجيل اللى طالع على التطبيع وكله عادى انا بربى عيالى على ان الهود دول غير الاسرائلين بربيهم ان عدوهم هما الصهينه واكيد فى يهود كويسين ودا انا شوفته فى سلسله القادمون وشوفت الصحفى الاسرائيلى فى تيوب تانى وهو بيتكلم عن اسرائيل اللى لازم تتشال من المطنقه لانها سبب العداء ومش عايزة تتعايش
زى مابريهم على دا بربيهم على ان الصهينه اعدائنا شوفو عملو ايه
زى ماهما كمان بيرو عيلهم علشان لما النهايه تيجى كلو واحد يعرف مكانه
الجيل اللى هايكون هو الريس والشعب
ومايخبش خبتنا
بس مافهمتش ايه وجه نظرك للتشوه وسط العرب
ايه التشويه فى مطالبتنا بالحقوق
هما اليهود لما طالبو العالم كله بحقهم
واللى عملو هتلر كانو شوهه نفسهم
ياعنى لو اترفعت قضيه فى المحكه الدوليه
هايبقى تشويه
عايزاك تشرحلى ايه التشويه اللى ممكن يحصل وجه نظرك تهمنى انت عارف

نورتينى يا تيكو يابو التيك
ومبسوطه ان ردك فى الموضوع دا كان عندى
دا انفراد يا اخى هههههههه

richardCatheart يقول...

SHAPE YOUR LIFE (ABOALI)

ايوه كلامك صح دا اضعف الايمان ان حتى لو مش هانجيب اللى راح

يبقى وسعنا افق الولاد والشباب اللى مايعرفش يمكن بوستمن دوب يقع فى ايد شاب يوريه لشاب ومنه لشاب ياعالم

واشكرك على كلامك عن البوست والحمد لله انه عجبك دا شرف يا ابو على
وان شاء الله الامل ديما موجد فى وجه الله عز وجل
نورتينى يابو على

nasamat يقول...

اصل الله يرحمه يا ريتشارد كان ضد المعاهدة على طول الخط وعشان كده كره اى اسم يفكره بالفعلة النكراء اصل امى كانت معجبة اوى بالمراة الحديدية جيهان السادات اللى كانت مشجعة لتعليم المرأة واخد حقوقها فى المجتمع المصرى واول سيدة تخرج للعمل العام وتاسس مشاريع تنموية واجتماعية عقبالنا يا ترتر هههههههه

Ms Venus يقول...

بكتئب اكتر ما انا مكتئبة بجد رغم انى عارفة كل ده

بس مش عارفة الحل ايه وفين وامتى


امتى بلدى تجيب حق اللى عايشين علشان بعد كده تجيب حق اولادها اللى راحوا ؟


مش عارفة يا قطة

قرفة يقول...

... خلاص المصري دلوقتي مكروه في كل الدنيا بسبب حكامنا ده بالاضافة لانه اصبح هفية ومالوش تمن واي حد مخنوق دلوقتي في اي دولة بقى يشوفل اي مصري معدي في الشارع يطلع عليه خنقته ويقطعه بالسكاكين زي ماحصل من السوريين اللي قطعوا مصري بالسكاكين وهربوا في الكويت امبارح وغيرهم وغيرهم متأكدين ان عندنا حكومة طيبة اهم حاجة عندها بالطبع اي حد الا
لما نصون كرامة الاحياء الاول يامارو نبقى نعرف نرجع حق الاموات

ستيتة حسب الله الحمش يقول...

يا اوختي يا ريتشاردي جمالك لا في البيض ولا في السمر على راي زينات صدقي
ياختي كتاكيتو بني
تفتكري الريدر بتاعي اهطل ولا صاحبته؟
البوست ده مطلعش عندي اشاسا
ينهاركحلي
لحسن اكون مش حاطة المدونة
استني اروح اشوف الزهايمر وداني لحد فين
يشيل ويحط عليك يابن زكي بدر :))

richardCatheart يقول...

nasamat
الله يرحم جدك يا ننوس بس هو زى كتير غيره
كانو فاكرين وقتها اننا انتصرنا يبقى هانحرر القدس وفاكرين ان المعاهده دى
بييييييييع ياصبرى لكن مع الوقت الكل فهم اننا عملنا انتصار من لاشىء وان ماكانش اؤدمنا غيرها والا كنا حررنا طابا
بالمره

richardCatheart يقول...

Ms Venus

عندك حق يا فيو والله انا وحده من الناس بيجلى اكتأب واكيد هايجى اليوم اللى الحى هايخد حقه ويرجع حقوق اللى ماتو

احنا مش عايزين حقوق دلوقتى على الاقل
بس عايزين نفضل فاكرين وعيالنا من بعدينا فاكره دم عم محمود وعهم جرجس
اللمنهم كان جار وصاحب واللى منهم كان عم وخال
ان شاء الله ان غدا لناظره لقريب

نورتينى يا صاحبه الورد

richardCatheart يقول...

قرفة

هو عقد وبيفرط يا قرفه ياختى لو كنا من الاول لينا وقفه فى دا ماكناش وصلنا للى احنا فيه دا

حالنا بقى ملطشه ايون لاننا سكتنا من الاول على الحقوق والاداب والتجاره ياست الناس

وانت ليه بتقولى حكومه طيبه دا بيتك يامى قولى حكومه تتتتتتتتتتتتتتتتتتت

وانا شاء هانفضل فاكرين علشان لما ناخد حق الاحياء نجرى ناخد حق الاموات
نحتسبهم عند الله شهداء
منوره يا عثليه ههههههههه

richardCatheart يقول...

ستيتة حسب الله الحمش

ياخرابى لا على بيض ولا على سمر دا يبقى جنس تالت دا ولا ايه يا حمتى ههههههههههه

بعد الشر عليكى وعلى الريد ياست الستات
انت بس المذاكره مضلمه معاكى الدنيا الله يكون فى العون ويارب بالنجاح والتفوق ياعفرتو يابنى احنا لسه مخلصين النهارده عقبال عندك ههههههههه وفقعت زرغوطه مداويه فى الاجواء السكندريه الدوليه
من الكبت هههههههههه
ربنا يخده هو واللى مشغله واللى مشغل اللى مشغله

منورنى والله وسواء الريد قارى ولا لاء
المهم اننا متابعين

Timo.. يقول...

انحني احتراما امام طريقة عرضك لمباديء تؤمني بيها..
واقتناعك بدورك مهما كان (صغير) في عيون الاخرين فهو فعلا (كبير) في نظري على الاقل :)

richardCatheart يقول...

Timo..

شكرا ياتيمو على كلامك الطيب
ولو كل واحد فينا عرف واتاكد انه بيلعب دور فى الحياه حتى ولو انن انن هايقدم كتير والشكل العام مع الوقت هايتغير دا اكيد

وياسيدى ربنا يكرمك
انا عارفه حجمى
ورحم الله امرء عرف قدر نفسه

شرفتنى بزيارتك ويارب ديما فى تواصل

well يقول...

انا مش ناسى ومش هنسى

richardCatheart يقول...

well

وهذا المطلوب اثباتة على الاقل دلوقتى

وفكر الناسى ياويل

تحياتى وتقديرى ليك
ويارب ديما منورنى