الثلاثاء، 18 مايو، 2010

السيد أنور أبويا



هفضل أدعى لرب الكون
يرحم أب بقلب حنون




أصل السيد أنور أبويا
كان أنسان كان فنان

يعرف يرسم بالالوان
لون لينا الدنيا بأجمل لون


كان على طول يشد
أديا قومى يا مارو

صلى معايا لرب الكون

حاضر يابا هفضل اصلى لرب الكون

يرحم أب بقلب حنون




أصل أبويا كان فى
الأصل جندى محارب

شاف فى الحرب هم وكرب
عجب وتجارب

وفضل شايل روحة بكفة بقلب
جسور فى طريقة مش هايب



وهو بيدعى رب الكون
ينصر مصر منين ما تكون

حاضر يابا هفضل أدعى لرب الكون

ينصر مصر منين ما تكون

ويرحم أب بقلب حنون




أصل السيدأنور أبويا
كان أمور كان غندور

إيما وسيما وسمعه كريمة
كل الناس تتكلم عنه كان مشهور

كانت قمتة وسمتة ف عهده
أصل الراجل كلمة عهد مش مسطور




هفضل يا با مبهورة بيك
وفخورة بيك مشتاقة ليك

وهفضل أدعى لرب الكون
يرحم أب بقلب حنون


بحببببببببببببببببك يابابااوىىىىىىى

هناك 73 تعليقًا:

قرفة يقول...

مبرووووووووووووووك

nasamat يقول...

مبرووووووووووووووك

قرفة يقول...

سيري يانورماندي على بركة الله بس يارب تقبي ما تغطسي

قرفة يقول...

ايه يامارو ده
ياريتشارد السيد انور ابويا
تسلم ايدك يالا بقى صوريني وهاتي لي طبق جاتون

nasamat يقول...

مبروك يا مارو الف مبروك
ان شاء الله تمليها قطط
ونسمع نونوة كده دايما فى البلوج
بس لازم تحطى رتشى وهاترى
هما الاساسس بردو ههههههه

nasamat يقول...

قرفة اضحكى وانتى بتقصى الشريط عشان الفيديون
هههههههههههه

nasamat يقول...

احلى حاجة بدأتى بيها السيد انور
ربنا يرحمه والله كلامك عنه جميل وطالع من القلب وخصوصا كلمة يابا دى عطته مصداقية وجمال

قرفة يقول...

اضحك ايه ياننوس وانا ضرسي بيوجعني اسكتي وهاتيلي مسكن
احي ياعيال
حاسة ان الناس بتتفرج علينا وتقول الهبل اهم

nasamat يقول...

الف سلامة يا قرفة
لا هو ده وقت ضرسك
امال هتاكلى الجاتون ازاى
فين الجاتون والساليزون يا ريتشارد

richardCatheart يقول...

الله يبارك فيكم يارب وديما مع بعض

وماتحرمش من قعدكم معايا ابدا

ياقرفه انت وزعربه

بصى الجاتو فى البوتجاز والحاجه السقعه فى تلاجه الجيران

قرفة يقول...

على فكرة بقى
هنا لازم نتكلم رسمي
عشان الضيوف يقولو علينا ايه
لازم حضرتك وسعادتك

قرفة يقول...

تلاجة الجيران
والتلاجة ال96 قدم اللي جابها الحج ريتشارد عملتي فيها ايه
متفيش فايدة فيكي

فتاه من الصعيد يقول...

الف مليووووووووووون مبروووووووووووووووك

كده كنتي هتخبي المواهب دي كلها فين

فين الجاتو :))

ربنا يباركلك في مدونتك وتبقا في ميزان حسناتك وتكون مرايتك للدنيا

تحياتي

norahaty يقول...

لوووووووى
لوىىىىىىىىى
لولىىىىىىىىى

norahaty يقول...

مبروك ياريتشار
قلب الاســــــد
طب مش كنتِ تقولى
نيجى نساعد نفرش
السجاجيد نعلق
الستاير نعمل
أى واجب يعنى
على العموم
انتِ عملتِ
الواجب
وزيادة
مبروك المدونة
والف مبروك لنا
كماااااااااااان
وعلى رأي قرفة ومن
قبلها مدام رئيس الصيادين
سيرى على بركة الله يانورماندى تو تو تو تو تو تو تو
تو تو تو تو
تو تو تو
تو تو
تو

norahaty يقول...

ايوة صحيح
فين الجاتوة
والعصير لو
سمحتىىىىى

Wanda يقول...

اولا ربنا يكرمه بدعاكى و بحبك و حب الناس
قادر يا كريم

قعدت اقلب و اطلع و انزل و ادور فى القصيدة ليه الناس بتقولك مبروك ؟
اتارى اول بوست ليكى فى المدونة ديه :-)
اذا ربنا يعينك على الاسود و الضباع و التماسيح و الارانب :-))
و خلىى بالك الفئران بقت مزعجة قوى اليومين دول اوعى تسكتلهم

richardCatheart يقول...

فتاه من الصعيد
ربنا يخليكى يارب يا مروه ويتقبل دعاكى ليا وليكى يارب

مواهب ايه بس ياستى وعلى راى المثل
وهاتيجى فين يا صعلوك جنب الملوك

دانا وسط فطاحله ياختى بس انا عارفه انتم هاتقدرو دا اكيد

كتر خيرك ربنا يديم المعروف يارب

ماما أمولة يقول...

ألف ألف ألف مبروووك

ربنا يبارك لك فيها يارب

ها أضيفها على الليدر علشان أكون من متابعينك ان شاء الله

التدوينة رائعة

ربنا يبارك لك في عمر بابا أنور يارب

البنفسج الحزين يقول...

مبروك مدونتك الجديدة وأهلا بيكي في عالم التدوين والمدونين...

richardCatheart يقول...

norahaty

ههههههههههههههههه يارب ازغرتلك يوم فرحنا بيكى ههههههههههههه

ربنا يخليكى يا نور وديما منورانى

خدى ازازه الكازوزا دى انت وحده ومروه وحده


تعرفى الكازوزا ولا اشرحهالك هههههههههه
سيرى ايه دا انا مرعوبه
ادى نورمندى زقه عيب ماتقولش لأه

نورتينى

البنفسج الحزين يقول...

اااااااة نسيت أبعت تحيه كبيرة لروح والدك الله يرحمه ويرحم جميع زملاؤة من شهداؤنا اللي عمرنا مهننسي أبدا تارهم ولا تضحياتهم بأرواحهم علشان بلدهم وعلشان احنا النهارده نعيش في أمان...
تحياتي ليكي

richardCatheart يقول...

Wanda
يارب يا وندا ربنا يكرمك وكتر خيرك على ذوقك

وماتخفيش عليا يا وندا انا صحيح قطه بس فى الاص اسد ياعنى لافار ولا صرصار معيا علبه بيروسول هههههههههههه

شرفتينى وان شاء التواصل مستمر

richardCatheart يقول...

ماما أمولة

ماما اموله ام الكل نور وعصافير وصور حلوه اول نورتينى والله

ليا الاضافه عندك شرف يا ماما موله ويارب اعمل حاجات تعجبك اتمنى يارب


والله ياماما اموله بابا السيد انور اطال الله بقائك من سنتين ودا حاجه كتبتها بعد وفاته بكام شهر او سنه تقريبا بس حابيت انه يكون معايا فى اول خطوه فى التدوين

ويارب يجعله الرحمه والعزه فى الاخره كما اعزه فى الدنيا

ربنا يباركلى فى عمرك يارب ويفرح قلبك بكل حبايبك

richardCatheart يقول...

البنفسج الحزين

الله يبارك فيكى يابنفسج اسمك جميل وبيفكرنى وحده غاليه عليا اوى بتموت فى البنفسج

كتر خيرك البركه فى عمرك يارب الله يرحمه ويرخمهم ويرحمنا وان شاء الله مش هاننسا طار اجددنا وزمايل ابويا ابدا مسحين ومسلمين دمهم ساح وشربته سينا المنسيه
احنا رضنا الارض فى 73 ايوه

انما تار اسرى 67 دا حاجه تانيه خالص
كتر خيرك على كلامك الجميل
ويارب ديما فى تواصل ان شاء الله

فاتيما يقول...

ألف مليون مبروك يا قطقوطتى

انا فرحانة قوى

اخيرا يا بنتى هنلاقيلك مطرح
نيجى نغلس عليكى فيه بقى براحتنا بدل الأيميلات و بس

اول بوست مختلف

غالبا الناس اول بوست بتكتب عن سبب دخولها التدوين او الهدف من اللى هتكتبه او تعرف بنفسها
انتى كنتى مختلفة
و المكتوب بيقول حاجات كتيييير

بيقول انك انسانة عطوفة و رقيقة
و انك بتحبى الناس و الدنيا
و انك عندك كتير تقوليه و تدهشينا بيه
و انك حبوبة و عسولة
و اننا بقى فرحانين بيكى قوى

يا قلب القطة يا قطقوطة

بوسات و حضونااااااااااااات
فى اول تعليق ف المدونة


على جنب
الصورة اللى ف اعلى المدونة دى انا اصلا بمووووووووت فيها ..و كل ما اشوفها ابقى - زى ما كنت بقول ليوسف ع القطاطيط الصغننة - عاوزة احطها فى سناتدوتش و اكولهااااااا من كتر الطعامة بتاعتها و لا خس و لا طماطم و لا مايونز و لا حاجة ..هتتاكل حاف


بحبك قوى
و بوسيلى العياااال و القطاقيط

ELMOSTAFZ يقول...

الف مبروك ريتشارد...
عقبال ما اشوفك ف بيت العدللللللللللللللللللللللللللل...
تحياتي الكبيرة...

richardCatheart يقول...

فاتيما
تيما تيما تيما ياخرابببببببى منورانى
منورانى والله ومبسوطه اوىىىىىىىىىى انك عندى والله

ربنا يخليكى يااااااااااااه كل دا شوفتيه فى كلامى
دا بس علشان عنيكى حلوه وبتشوفى الحلو يا تيما يام يوسف وقلب كبير اوى

بصى انا فعلا فكرت الاول اكتب تحدييييييث

ولا ونى معرفش ياعنى ايه تحديثثثثثثثثثثثث ههههههههه
بس لقيت جنب ابويا ماينفعش حاجه تانيه تتقال

غير كده عندى احساس انكم عرفنى كويس
وماعنديش احساس الغربه عنكم فعلا
الفرق انى انا اللى عازماكم على القهوه بدل مانتو اللى كنتو بتعزمونى هههههههههههه

طبعا معنى ان صوره القطه حبها انى وفقت فى الاختيار لانك ملكه القطط كلها وخبيره كبيره دانا سمعت عليها شويه تعليقات تفتسك من الضحك بس الكل اجمع عليها الحمد لله هى طعمه اوى فعلا

ويارب يا تيما يفرح قلبك على طول
واشوفك فى احسن حال ويردلك الغالى عن قريب وتقر عينك يارب

richardCatheart يقول...

ELMOSTAFZ

ربنا يخليك يا كرستيان يارب

بيت العدلللللللللللل ايه بس
ماخلص ياسيدى دخلنه وشكلنا مش خرجين
هههههههههه بأذن الله

عقبال مافرح بيك انت بقى يا مستفز ياللى مش مستفز

نورتنى

ماما أمولة يقول...

الله يرحمه يارب

أنت جميلة قوي

أنه يكون قدامك رائع

ربنا يجعلك بارة بوالديك أحياء وغير أحياء

سلامي لماما بنت بلدي

سلام حبيبتي

Tears يقول...

بداية مبشرة يا ريتشارد

الف مبروووووك على المدونة و مستنين نشوف الابداعات و الافكار الجامدة و الانفرادات عشان ما نلحقش نغمض عينينا

ياريتك اعلنتى قبلها بكام يوم عشان الدعاية :))))


ربنا يوفقك

الشـوكة الــنـاعـمـة يقول...

يعنى ضحكتى عليا وهما اخدوا منى اول تعليق
لا ماليش دعوه والله هاعيط
ماشى ياستى
اوى يعنى مبرووووووووك
بعدين بقا عقابا ليمكى مش هاكتب التعليق اللى بالك فيه
بصى ياستى
القصيده جميله اوى وبجد اثرت فيا بشكل قوى
وطالع من القلب
ربنا يرحمه ويقر عينك بولادك يارب
ويمونوا بارين بيكى يارب

انا بحبك اوى يامرمر
ربنايخليكى ليا

richardCatheart يقول...

ماما أمولة

اللهم تقبل يا ماما اموله كتر خيرك دا انت اللى احلى والله
هو مابفارقنيش وماعتقدش انه ممكن يفارق

طبعا يوصل البورسعديه اجدع ناس
هههههههههههه

richardCatheart يقول...

Tears

الحمد لله ربنا يبشرك بالخير

بس مش كتير يا تيرز دا ابداعات وحاجات وحتاجات ربنا يستر واعرف اعمل حاجه
ان شاء الله ماتمشيها سندوتش جبنه كويس اوى
ههههههههههه

منورانى ويارب ديما

richardCatheart يقول...

الشـوكة الــنـاعـمـة

بالزمه ياشيخه دانا فضلت انادى عليكى لغايه ماصوتى راح

وانت اختفيتى فص وملح وداب
تقدرى تفسرلى اختفيتى فين يا شكشوكه

لغايه باليل والله فعلا مش لقياكى
قولت اكيد نزلتى

الله يبارك فيكى ومش مهم انت ترتيبك كام
المهم انك معايا هنا ياشوكه
الله يبارك فيكى يارب
والحمد لله انها عجبتك
وياستى ربنا يجعل الجيات اكتر من الريحات وتعلقى الاول بردو هههههههههه
منوره يا انعم شوكه

أحمد الصعيدي يقول...

ما أنتي كتاباتك جميلة أهه



والله كويسة


يارب يبارك فيكي ويسعدك



نورتي المدونات

السلام عليكم ورحمة الله

richardCatheart يقول...

أحمد الصعيدي
ههههههههه يا عنى مفترى الشعر عجبه كلامى دا شرف والله

كتر خيرك ويارب يسعدك زى ما اسعدتنى بردك

والتدومين منور بيك واهله اللى نورونى

صيدلانيه طالعه نازله يقول...

مبروووووووووووك يا قطتى يا قمره
فرحانه قوى بانضمامك رسميا
انتى من الاول بقيتى واحده مننا
اخت بجد وقفتى جنبنا فى الفرح و الحزن
اهلا بيكى
و ربنا يوفقك
و ربنا ما يبعدك عننا ابدا

البوست بقى رائع
حبك لوالدك طالع من السطور
ربنا يرحم اموات المسلمين جميعا
و يفضل اللى علموه لينا دستور لحياتنا

تحياتى

richardCatheart يقول...
أزال المؤلف هذا التعليق.
richardCatheart يقول...

هههههههههههههه لالا الجميييييييييييل

الله يبارك فيكى يارب ويكرمك على كلامك الحلو يا لالا

كتر خيرك والله انا كنت وسطكم بتعلم منكم
وبصراحه خير العمل اتعلمته منكم
وطبعا احنا اخوات يبقى لازم فى الحزن قبل الفرح
ثم انا ياعنى عملت ايه ادينى كنت بتوصل معاكم فى الله يالالا

ويارب يتقبل دعاكى لكى ولينا يارب

وان شاء الله ديما مع بعض وربنا يديم المحبه والمعروف

فكرة من الزمن ده يقول...

الف مبروك ياقطة وعقبال ماتملي الدنيا بلوجات ونونوة
وفاتني الافتتاح الجميل اللي كنتم عاملينه
فين الحاجة الساقة بتاعتي
كان لو سمحتي

احرجتيني بالكلام اللي انتي كاتباه ده
الاقي صورتي كده في واجهة الرسيبشن وكلامي المتواضع مش عارفة اقولك ايه ياقطة

كنت اتمنى اجي ارتب معاكم وافرش واشرف على الديكورات كمان
لكن واضح انك استاذة

اما بالنسبة لاول بوست
ماشاء الله واضح انك جاية تكتسحينا نروح بقى احنا البيت
ونقعد نقرا كامك الجميل وبس

تمنياتي لكي بالتوفيق والنجاح
تحياتي

Ms Venus يقول...

اوووو اوووووووو اوووووووو

قطتى الجميلة ايووووووووة كده


اولا وثانيا وثالثا الف الف مبروووووووووك لينا اولا وبعدين ليكى على المدونة يا قمراية


بجد مش تتصورى فرحت اد ايه انك اخيرا عملتيها


جميل كلامك اوى حبيبتى


بووسة ووردة جميلة لعيوونك

richardCatheart يقول...

فكرة من الزمن ده
احلى الافكار منوره الدنيا والله وانا كمان كنت عايزة تكونى معانا والافتتاح
وتهيصى معانا بس بردو وجودك معايا كان بكلامك منورنى الجميل

وليا الشرف انه احطه انت عارقه وقولتلك انه رشق جوه الحته الشمال ومش هايطلع
وهايبقى تذكار دايم منك ان شاء الله يا احلى الافكار
الحمد لله ان الدنيا عجبتك

وبيت ايه اللى هاتقعدى فيه والنبى امال انا هاقعد فين على الرصيف بقى ههههه
دانا صعلوك وسط الملوك يافكره
ربنا يخليكى على ذوقك ويارب ديما مع بعض بأذن الله

richardCatheart يقول...

Ms Venus
فيو الجميييييييييل صاحبة الورد

اووووووووووو اووووووووووو هههههههههههه

ربنا يخليكى يارب والله مبسوطه جدا بزيارتك
وكلامك الحلو اللى مش غريب عنك
يارب ماتحرمش منك ومن وردك الجميل ابدا

د. ياسر عمر عبد الفتاح يقول...

دورت كثير في تاريخ الشعر عن شعر أبوي
تخيلوا ملقتش غير قصيدة واحدة للشاعر الكبير محمود غنيم

قليلاً ما نتذكر الأب
مش عارف ليه

مع إنه عامود الأسرة الفقري
الواحد خايف على مسقبله الأسري

حلوة اللمحة دي
إننا نفتكر أبائنا دائماً
ونردلهم بعض ما فعلوا لأجلنا

ندى الياسمين يقول...

جميله اوي اوي

الله يرحمه ويرحمنا

وده اول بوست ولا ايه

اكون انا جايه فى مناسبه عظيمه يا جودعان ولا ايه

انا اتشرفت بيكى يا قلب القطه

شوفت تعليقك عند وندا دخلتي دماغي على طول جيت ازورك

تحياتي ليكى ومبروك على المدونه

Tarkieb يقول...

ايه ده انا اخر واحد...مبروك ياترتر ويارب تكسري الدنيا وتبقى احسن مدونة في الشرق الاوسط.....انا لازم اجيبلك نص خروف وشواية كمان هدية ولا تحبي اجيبلك اللول والبول يسلوكي ههههههههههههه

Tarkieb يقول...

وكمان سلام مربع لقرفة ونسمة العالم الحلاوة وسلامي برضة للجبنة دومتى ههههههه عشان ماتزعلشي هههههه

P A S H A يقول...

ألف مليون مبروك على المدونة .. مع إني كنت بالاحظ تعليقاتك عند كثير من الزملاء الأفاضل .. وما أعرفش إنك لسه فاتحه المدونة إلا بالصدفة :))

والقصيدة بجد تحفة حلوة جداً .. قوية رغم بساطتها ومعبرة قوي


:))


تقبلي مروري وخالص تحياتي واحترامي

richardCatheart يقول...

د. ياسر عمر عبد الفتاح
ياااااااااااااااه معقوله مافيش غير قصيده وحده ازاى الكلام دا الاب نص التفاحه والام النص التانى فعلا فى اهتمام بالكتابه عن الام بس ودا ظلم والله ل الاب

وكتر خير على كلامك الطيب والله وماتخفش على
مستقبله الاسرى الاب اب بردو مهما اتغير الوقت وزى ماقولت هو العمود الفقرى

ولازم يفضل اؤدم عنينا مهما بعدت المسافات
شكرا على كلامك ومرورك شرفتنى

richardCatheart يقول...

ندى الياسمين

هههههه ايون جايه فى مناسبه ربنا يستر وتكون عظيمه وماتدعوش عليا اؤدام شويه

يارب يا ندى يتقبل منك ويرحم موتنا وموتا المسلمين وكل عزيز على قلب حد

وانا اللى اتشرفت اوى ودخلتى دماغى اوى
لما روحت مدوناتك ماشاء الله شغل فى منتهى الجمال
وان شاء اللهالتواصل ليه بدايه ومالوش نهايه
نورتينى وكتر خيرك

richardCatheart يقول...

Tarkieb
سلاااااااااااام مربع ياجداااااااع

ايون جيت سيادتك يارس اخر واحد ينفع كده بس يلا انا عارفه ربنا يقويك ويعينك

انت صاحب بيت يا بو التيك
وايه فى الشرق الاوسط دا بقى طيب قول فى العالم ههههههههههه
ربنا يستر يا تيكو واشرف استاذى

انا عايزة نص ثور ههههههههههههههه
وشوايه انا عارفه هاجبها مين شبطه موجود وهايدهلى بسعر التلفزيون ههههههههه

البول واللول دول حلال عليك انت
بالشفا ياريس هههههههههههههه
والنبى خلينا فى الحلاوه وبلاش الدمتى علشان بضرس ياتيكو من السيره الشريفه دى ههههههههههههه
ويارب يا تيكو يديم المعروف
ومانتحرمش منقدك ليا ههههههههه

richardCatheart يقول...

P A S H A

الله يبارك فيك وكتر خيرك على ذوقك والله كنت متردده وكنت مكتفيه بمتاعبه الناس اللى بحبها وابقى عابر سبيل

بس حبايب كتير كلمونى فى انى اعمل المدونه
وبصراحه اساس سبب فتحها

الواجب ان شاء الله عن قريب
يمكن اقدر اشارك بتذكره للناس او بكلمه طيبه ربنا يستر ويجعلها لينا مش علينا

والحمد لله ان القصيده عجبتك دى حاجه تفرحنى
ويارب ديما فى تواصل ان شاء الله
كل الاحترام

موناليزا يقول...

جميلة اوى يا مارو
تسلم ايدك

richardCatheart يقول...

موناليزا

تسلمى انت يا جميل اشكرك والله
على الزياره الحلوه

نورتيى

طالبة مقهورة ..درجة أولى يقول...

مبروك المدونة الجديدة

بوست غير كل البوستات يعني اي حد اعرفه كان بيدخل يكتب بوست غلاسة هوا ليه عمل مدونة وامتى وازاي..ناس رغاية زيي بعيد عنك

انما بيتهيألي انتي مش محتاجة لأنك ف التدوين من مدة (من زمان تقريبا مش عارفة)

دايما الباباهات بيكون تأثيرهم اكبر ف البنوتات وانجذابهم ليهم والعكس طبعا

ربنا يسعدك ويهنيكي وبوست منتهى الرقة واحساسه عالي اوي

حنين القلب يقول...

اولا مبروك المدونه الجديده

ثانيا الله يرحم والدك ووالدى واموت المسلمين

حسيت كلامك عن والدك اوى لانه شبه كلامى عنه انا كمان

انا مستنياكى يوم اسكندريه والتفاصيل باذم الله هتلاقيها بكرة فى المدونات
مااااااااااشى يا قطقوطه

تقبلى مرورى

richardCatheart يقول...

طالبة مقهورة ..درجة أولى


هههههههه وانا كمان رغايه جدا بس لقيت اعرف الناس بيا دى تقيله وبصراحه
ماحبتش احط كلام تانى غير كلامى ليه
ربنا يخليكى والله انا اتبسط اوى انك جيتى عندى كنت بقرء اسمك وبيعجبنى اصله واقعى
الطلابه فعلا مقهورين ههههههه ربنا يعينك

وكتر خيرك على ذوقك ورقتك انت

ان شاء الله التواصل مستمر

richardCatheart يقول...

حنين القلب

الله يبارك فيكى يارب
واللهم تقبل دعائك ليهم ولموى المسلمين

ومبسوطه انك حاستى الكلام والله ربنا يعوضنا خير


وان شاء الله القا نصيب وربنا يجمعنا على خير هاكون موجوده ربنا يسهل الحال

وليا الشرف انى هاشوفكم واقابلكم
ربنا يجعله يوم طيب بأذن الله

ستيتة حسب الله الحمش يقول...

انا
انا تصل بيا الظروف اجي التعليق رقم ستين
الف مبروك يا ريتشاردي :) وواضح ان مارو هو الأسم التاني
فرحانة جدا انك جيتي وسطنا وخاصة بأول تدوينة
ايه يا منتي الروعة دي؟
الله يرحمه السيد أنور اللي جابك للدنيا

لي عندك رجاء
انا وانت اصدقاء
محدش فينا علم التاني اي حاجة
فخليني مجرد واحدة في الريدر علشان انا استحيت من الكلمتين اللي مع صورتي
استحيت جدا
اي نعم مؤكد فرحت وقلت يارب اجعله في موازين حسناتي بس برضه اتكسفت
ليه؟

يا مراحب ريتشاردي يا مراحب
اشتغل يابابا اشتغل
الله يرحمك يا استيفان روستي

بحبك

richardCatheart يقول...

ستيتة حسب الله الحمش
سمعنى احلى سلاااااااااااااام
وانزل بالضوء الشارد

مش مهم انت الرد الكام المهم انت عندى رقم كام
انا فتحت وانا عارفه انك فى اجازة وبصراحه استغلت الفرصه وقولت اعملهالك
فجأه ههههههههههههه لانى متأكده انك من اول الناس اللى هاتفرح بيا بس والله ماعرفه ايه سر الفرحه ديه ههههههههه

ربنا يستر من اللى جاى واكون قد المسؤليه

وارجوكى انا بلاش دا يكون اول طلب منك ليا
لانى فعلا اتعلمت منك واستمتعت بيكى جدا ولسه بستمتع
كتير كنت بقراء احس انى انا اللى بقول
او وحده صحبتى اسمها الكودى قرفه
فاحساسى بيك انك منا فعلا
حتى لو اختلافنا فى الاتجاهات احيانا
بس كنت ببقى سعيده بقدرك الجميله على توصيل المعلومه ووجه نظرك بحجه وثقه لانك مقتنعه
اول ماتبعتك ماكنتش اعرف انت مين ولا بتشتغلى ايه
انا بقرا وخلاص وبستمتع وخلاص

كل اللى بكتب عندهم خلال الفتره اللى فاتت دى فعلا ربنا اعلم بحبهم وبعتبرهم اخواتى فى عالم تانى وانا من النوع اللى لازم احب البنى ادم علشان اتعامل بستمرار غير كده المعمله بتبقى طيرى
لكن مقدرش انكر انك ليكى عندى وضع خاص جداااااااا
انت تتكسفى دا طبيعى لانك متواضعه جدا وكلنا عارفين دا بالرغم انك جباره
فى كتباتك

يارب يتقبل دعائك ليه ودعاء الجميع

والواجب هايزل ياست الستات
وهاتصحيحه ويار اخد نمره حلوه هههههههه

بس اعرف ازاى انزل تيوب ظاهر
وكله هايبقى فى الكيلتش

ومش محتاجه اقولك انه بيتك
ويارب ماتقطعى المجى ابداااااااااا
نورتى الدنيا

richardCatheart يقول...

ستيتة حسب الله الحمش

على فكره دانا لسه ليا اسم كمان غير مارو والاتنين اصلى هههههههههههه

ايون هو انا وريا ايه فضى يا ست الستات هههههههههههههههههههه


وانا والله بحبك مووووووووووت

Haytham Alsayes يقول...

مبرووووووووووووك
اخيرا فتحتي انا كل مادخل اشوف فيه حاجة الاقي مفيش لغاية مافتحت لقيت البوست الجامد دة

ربقنا يرحم والدك
ويدوم التواصل

تحياتي ياقلب القطة

Tarkieb يقول...

صباحية مباركة ياصاحبة البلوج هههههههههه

richardCatheart يقول...

Haytham Alsayes
ياهلا يا هلا برجل التاريخ العبقرى

ربنا يخليك ياهيثم يارب

وكتر خيرك على متبعتك ويارب يتقبل دعائك

وان شاء التواصل دائم

richardCatheart يقول...

Tarkieb

ههههههههههههه
يسعد صباحك ياخويا
امال فين النقطه لاجايب معاك مكنسه كهربه حمرا
ولاظرف كده تحطه فى الصنيه ههههههههه

تسلم ياتيكو ديما منور

همس الاحباب يقول...

يا نهار ابيض
كده خيانة الكل خانوك يا ريتشارد
يعنى اغيب يومين اجى الاقى نفسى التعليق 67 وده رقم مش بحبه اساس بيفكرنى بالوكسة طب كنت تقول ولا تبعت فاكس ولا حاجة يا خسارة على الجيران
ههههههه
الف مليون مبروك على المدونة
ونورتى عالم التدوين

همس الاحباب يقول...

كسرا لرقم النحس 67 ناخد تعليق كمان
وناخد هدنة ونشرب البيبس والجاتون ونحلى بشاى
ونقعد شوية يمكن الموضوع يوصل لغدا ولا حاجة ونختم بعقيقة للمولود الجديد

همس الاحباب يقول...

الواضح كده ما فيش حاجة ناخد بعضينا ونمشى احسن
ربنا يرحم والدك ويرحم امواتنا واموات المسلمين جميعا
الانسان سيرة وذكرى عطرة
تسلم الايادى بجد وايه المواهب المدفونة دى حاسس انى فى حضرة البحترى والجاحظ وداخل علينا ابن رشد
فى انتظار المزيد يا مارو هانم
الف مبروك مرة تانية
تحياتى

richardCatheart يقول...

همس الاحباب

خالد بيه الجدع عندنا يا مرحبا يا مرحبا

صاحب مفاتيح الخير هههههههههههه

بردو دا اسمه كلام انا مقولش دانت من الناس اللى بقدره جداااااااااااا

والله روحت وسبتلك لينك المدونه عندك
والتدوين منور بيك وباهله يابو خالد ههههههه

richardCatheart يقول...

همس الاحباب

والله كنت بفكر هل هاوصل للرقم دا
وياتر لو وصلتو هايكون مين صحبه
ههههههههههههههههه
جت فيك بقى حظك بس كويس انك كسرته
ودغدغده كمان

والله نورتنى ياخالد ومبسوطه اوى انك عندى
ومبسوطه اكتر ان اللقاء قرب وهاشفكم كلكم ان شاء الله

وياسيدى ان شاء الله هاعوضهالك
والجاتوه والحاجه الساقعه والغدا عندنا
على البحر ايوووووووووووو ياجدع
ههههههههههههه
يارب يديم المعروف ويفضل التواصل موجود
بالخير

well يقول...

هذا الشبل من ذاك الاسد

تحياتى لوالدك يا مارو

richardCatheart يقول...

well

ويل ياويل

حمد الله على السلامه اختفيت قولت اكيد الالكترونيات معصلجه معاك هههههه

ربنا يخليك ياويل والله
ومنور الدنيا ياصحب احلى الكشاكيل