الأحد، 26 ديسمبر، 2010

يام عيون خضرا




بيقولوا عنك يا بهيه
 أم عيون سوده

أنا شايفه عيونك
خضرا وممدوه
على مدد الشوف
خيرك 
سعده ومسعوده

دلتا ونيل مالهم مثيل
يام الهنا بالخير
إديكى مفروده

بحرك تاج الملوك
تاجك على جبينك
زايد جمالك حسن
نضالك آمال مش حزن

وان كان خسيسك عِليِ
مسيره يوم ينجلى
ويبات حزين محصور
خاين ذليل مقهور

وانت ياست الكل واقفه
ومستوره
شالك على كتفك
وإشاربك على القوره

أعزك الرحمن
وذكرك القرآن
أسمك مناره ونور
الدنيا بيه مبهورة

رافعه رايات العزه

يامصر منصوره










السبت، 11 ديسمبر، 2010

يوم زى الحلم ........ مصر منوره بأهلها + عاااااجل مطلوب تبرع+ معلش شوي ههههههه


 اعزونى يا جودعاااااااااااااااااان
جهاز الكمبيوتر بتاعى بفتحه الصبح فرقع
فى وشى وربنا ههههههههههه
يومين كده احاول اظبطه وربنا يسهل
==================================
محتاجين لوالدة مصابة بالسرطان
صفائح دم من رجل من 20- 40 سنة
لم يتبرع قبل هذا التبرع بعشرين يوم

فصيلة دم B

رقم الموبيل 0105462614



===========================================


صباح الفل والورد على الكل

الحمد لله امبارح عملنا تجمع بؤجه الخير الشتويه 
اليوم ولا كان اروع حقيقى تجربه مختلفه ليا من جهات كتير

كنت اول مره فى تاريخ البشريه اسافر لوحدى فى اى حته 
واول مره اروح القاهره او مصر زى مابنقول عليها فى اسكندريه

من 20 سنه تقريبا او اقل شويه ههههههههههه ايوان فى حاجه ولا ايه ؟؟؟؟؟؟؟؟؟؟؟!!!!!!!!!!!!
ما انا هاروح ليه مافيش سبب 
بس المره دى السبب كان موجود بقوه وهو عمل الخير ومقابله حبايبى واخواتى المدونين ومعرفه ناس جديده وحصل

الحمد لله

اليوم ابتدى بركوب قطار الساعه السابعه المتجه للقاهره
ومعايا  دودو عاشقه الرومانسيه والحب الجميل
ولولو بنوتتها
السكه والطريق ولا اروع كنا خلاص قربنا نموت  فى السكه من كتر الضحك ههههههههههه يخربيت كده

المفاجأه الكبرى هو الذوق والعثل اللى قابلتهم
من منى ابو السعود صاحبه مدونه تخاريف عقل وقلب
والله مش ممكن حته بنوته سكره وعثوله بنت بلد بس على الهادى 
جدعنه الدنيا والله وطعمتها صممه وجات اخدتنا من المحطه بالعربيه وصلتنا لغااااااااااايه الجمعيه
وجالنا هناك اخونا خالد همس الاحباب وابتدينا نتجمع
كنا اول ناس توصل وواضح انه مكتوب على جبنا اول ناس توصل فى تجمعات اسكندريه والقاهره ههههههههههه

بس الحقيقه بعد ماشوفت المواصلات والشوارع عزرتهم

وهناك فى الجمعيه ابتدت الناس تظهر خالد سابنا وراح يجيب كيار
وسونى 2000 البنوتات السكرات ماشاء الله عليهم
اتبسط اوى انى شوفتهم وعرفتهم

وطبعا قلب القطه خرمانه يارجاله ماذا تفعل لو كنت مكانى؟؟؟؟؟؟؟؟؟؟

نزلنا فى الشارع تحت الجمعيه على طول لقيت قهوى مكتوب عليها كوفى شوب قررت اقعد واشرب قهوتى 
والحب الجميل ومنى ابوالسعود ودودو فى حاله زهول 

لالالا يا قطه ماينفعش 
ماينفعش ليه يابنات تعالو تعالو
وبخطوه جريئه منى دخلت وسحب الكرسى وقعدت وطلبت واحد قهوه دوبل مظبوط

وبصيت فى وشى لقيت اتنين شباب قاعدين سألتهم لو سمحتو
مش عادى الستات بتقعد هنا ضحكو وقالولى مش عارفين وكانت الحيره فى عنيهم 
وبعد ماقعدت خلاص لقيت واحد منهم بيسالنى انتو تبع تجمع المدونين قولتله اه قالى واحنا كمان  قولتله لا والله مين بقى 

قالى انا فضفضه قولتله عمرو يسرى اترسمت على وشه ابتسمه  جميله طيبه 
وكانت الطامه الكبرى وهو بيعرفنى على العزيز على قلبى 
اخويا الصغير مستا  او المستفز صاحب مذاكرات مريض نفسى
ناديت على البنات وابتدينا نتلم ونقعد كنت مبسوطه اوى بمستفز
وعمرو مستفز عثول ووشه طيب وجميل وهادى جدا ولما بيتكلم على وشه ابتسامه وانا خلاص هاخطبه لبنتى وهاخده يعيش عندنا فى اسكندريه ومش هايقدر يفلفص مننا وعاى رائى المثل اخطب لبنتك وماتعبرش ابنك
  اما عمرو يبان فى كتباته مشهيص بس هو هادى جدا بردو فى الحقيقه

واتلمينا وجات كياره وسونى  وجت علينا تلات بناويت زى السكر
مروه منقبه ماتكلمتش خالص والعثوله ريهام مدونه على الفيس بوك
وياسمين مدونه بردو على الفيس
ومن الاسماعليه البنوته الجميله كاتى
اللى اتكلمنا انا وهى كتير عن القطط
عثوله ربنا يفرحنى بيها

وحبه جات داليا قوس قزح  وصديقتها الاسكندرنيه الاصل  القاهريه المعيشه ساجى   الاتنين الاول افتكرتهم اخوات
فى بينهم شبه كبير وحتى الطبع الاتنين زى السكر داليا من الشخصيات المريحه البسيطه اللى تتعامل معها وانت مرتاح جدا

كانت فرحانه اوى بينا وانا بسلم عليها وبحضونها حاست انها كانت مستنيانا ساجى  بقى فيها جدعه الاسكندرنيه وعمليه  اهل كاير ماشاء الله عليها  طعامه وحضور
ونورتنا ايناس نهر الحب من بورسعيد  طبعاااااااا كان بنا قبل كده تليفونات وكان نفسى اقابلها انسانه جميله وطيبه ونشيطه
ودمها خفيف ومعها اختها البنوته العثوله

 ونورتنا كمان رشا حفيده عرابى حبيبه قلبى  اللى كانت مختليفه 770 ودرجه عن لقاء اسكندريه اتكلمنا كتير وعرفتها اكتر بس بردو انطباعى الاول عنها هو هو انها قد كده شخصيه هاديه وطيبه

وجات ريم  ياخربى على الطعامه والرقه يا ناس بسكوته ياناااااااااس  نص كلامها ماتسمعهوش من كتر رقتها وهى طعمه وقمر  وقال ايه شريف الباشا كان بيقولى شبهها انا لو شبهها ماكنتش قعد فى البلد هههههههههههههه

مبسوطه انى عرفتك اووووى ياريم والله

وكان معانا ابو حميد اتعرفت عليه عند وصوله وكنا لسه فى القهوه
انسان جميل اوى وجدع جدا واتكلمنا كتييير 
مبسوطه اوى بمعرفتك يا ابو حميد والله واضاف ليا اخ جديد
اشكرك على تعبك معانا جدا


وجه شريف  الباشا وخطبته العثوله اميره ملهمته فى ابداعاته
ماشاء الله عليهم شريف من الناس اللى ليهم ماعزه خاصه عندى
واميره شاركته الماعازه دى خلاص  ربنا يحميهم ويفرحنا بيهم ونقابلهم عن قريب بعد الجواز ان شاء الله


وجالنا ضياء العزيز بيوتيفول مايند ومصطفى ريان الغالى اللقاء
من غيركم ماينفعش يا رجاله والله ينقص 
مبسوطه اوى انى شوفتكم بخير ويارب عقبال كل مره
وطلعنا تانى الجمعيه ساعه صلاه الجمعه راحو الشباب يصلو
وطبعا حتى اللى مابيصلش راح يصلى احسن الشكل كان هايبقى بايخ اوى ههههههههههه

وهنا حضرت قنبله اللقاء اكتر ما اسعدنى ابتسامه عريضه من الودن للودن فضلت على بؤى بظهور 

ست الستات  ستيته حسب الله الحمش
الحقيقه الشكل مش زى ماتوقعته نوهااااااااااااااائى
طعامه بلا حدود ماشاء الله  مش هاطول فى الوصف علشان اخاف عليكى من الحسد هههههههههه

انما عنيها زى ماتوقعتها ماشاء الله كلها كلام كلها حياويه ربنا يدمها عليها ذهن حاضر ان كنت بحبها قراط ومعجبه بيها قراط بعد ماقعدت معاها زادو 100 فدان 
طبعا اول ماشوفتها نطيط فى حضنها وفضلت ابوس واحضن وهى تقولى طيب اعرف مين هههههههههه
قولتلها احساسك انى مين قالتلى القطه هههههههههههههه

اتكلمنا فى حاجات تخاطيف الوقت ماكنش مساعد وهى كان وراها مليون حاجه ويكفى انها جات مخصوص  ربنا يكرمك ياست السات وربنا اعلم انا سعيده قد ايه

وجه استاذ هانى  مدونه نط فى الكوز شخصيه ودوده وسمحه الوجه جدا وخفيف الظل سعيده بمعرفته


وانضملنا شفقه واحسان كابلز جميل جدا زى كتابتهم
ماشاء الله عليهم ياريت والله ينورونا فى اسكندريه
شخصيتين  اجمل من بعض

وظهر كريم شاب فقرى  اللى اتكلمت المره دى معه كتر من يوم تجمع اسكندريه وعرفته اد ايه شاب جميل ربنا يصلحله الحال



وابتدينا نتحرك ووزعنا نفسنا على العربيات استعداد للذهاب 
للحسين


ان ان اااااااااااااااه تش


ركبنا عربيه ابو حميد واجاركم الله من زحمه القاهره
ياناااااااااااااس العربيات بتمشى سلحفه
ووصلنا الحسين بعد حوالى ساعه ونص وان ماكانش اكتر انا احساسى كانهم تلات ايام فى السكه


المهم وصلنا  وفى السكه ورونى قلعه محمد على  اول مره اشوفها لايف
وجبل المقطم اللى هايتقطم
وابو حميد ورانا الازهر بارك


ونزلنا الحسين وهناك انضملنا كيمو صوت من مصر اللى لو ماكانش جه كنت زعلت جدا وغاده محسن وصاحب مدونه كلام اخر جنان سعيده اوى بعرمفتهم والله شباب يفرح ربنا يحميهم 




روحنا بيت الحاجه الست المرحومه
زينب خاتون بيت اثرى على الطراز العربى
مساحه شاسعه وكمان الحارس هناك قال كان اكبر بس  قصو منه ومعملو ماعرفش ايه
بس اتأكدت والبدليل القاطع  مدى الاهمال وعدم الاهتمام بالاثار عندنا البيت عباره عن كومه تراب بقى هاين عليا اجيب مكنسه
وجردل وانفض البيت ههههههههه ونديله تسيقه فله


وفى بيت خاتون انضمتلنا روح قلبى ندى الياسمين واستاذ رضا والاولاد ياريت تشكريه اوى يا دردر والله
وماتصوريش ساعدتى اد ايه انى شوفتك ربنا يخليكم لبعض ويفرحك بحيب قلبى الطعمين
 اتصورنا وظبطنا حالنا وقولنا ناكل بقى يا جدعان
قررنا ناكل عند جاد  اهو حته تلمنا كنا تعبنا  وعايزين نريح


اتمشينا لغااااااااااااااااايه جاد وظبطلونا القعده 
انضمنا الغالى وليد الدوغرى اخويا العزيز اللى جه مخصوص علشان يسلم ويرحب  كنت هازعل اووووووووووووى يا دوغرى لو ماكنتششوفتك وان شاء الله عروستك هاتكون من عندنا من اسكندريه هههههههههههه وهافرح بيك
ربنا يسعدك يارب ويهديلك الحال


وانضملنا استاذ احمد سكر صاحب مدونه احمد سكر
بشكره على ذوقه وسعيده بمعرفته


واكلنا واتبسطنا وقولنا يلا بقى علشان نلحق القطار
صمم خالد همس الاحباب يوصلنا ربنا يكرمه لغايه القطار واطمن علينا وخلع فى امانه الله
ربنا يخليك يا خالد ويفرحك بشابى وهمس ويهديلك حالك يارب


طول اليوم كلنا مابطلناش ضحك وهزار وكلام ونقاش
يوم من اسعد مايكون


اتصل بينا  اخواتى وحابيبى

لالا علا  صيدلانيه طالعه نازله
كان نفسى يا حببتى تكونى معانا 
اهو صوتك صبرنا شويه


وحببتى منونه اللى ماعرفتش اسمع صوتها وكان نفسى اطمن عليها اكتر من كده بس الشبكه كانت اخر عكننه

وكانت معانا على طول الخط  حبيبه قلبى 

حنين القلب الغاليه ام عمر 
ونستينا طول السكه وكان  نفسنا تشاركنا بس كل نصيب
مانتحرمش منك ابدا يا حنين
واخويا الغالى رامى مدونه بابى
افتقدناك يا ابو الرام بس تتعوض ان شاء الله



الحاجه الوحيده اللى كنت بدور عليها وكل مالقاهش
قلبى يوجعنى فاتيما
افتقدها جداااااااااااااااااااااااااااا
خدت نص فرحه القاء ومتعته معها
فاتيما ياروح قلب القطه
وحشتينى صحيح كنت زعلانه اوىىىىىىىىىىىىى
وكنت عشمانه اوووووووووووووووى انك تيجى لاخر لحظه
وكل ما ابوص فى الوشوش حوليا احس ان فى حاجه نقصانى
افتكرك قلبى يوجعنى
مامتلكش ليكى غير الدعاء
ربنا يرح قلبك ويطمنه ويطمنا عليكى
ويعوضك خير عن كل حااااااااااااااااجه
وانا متاكده ان دا هايحصل ان شاء الله
بحبك يا تيما

كان نفسى خيخه حببتى تكون معانا بس معلش ان شاء الله تتعوض ونتقابل ياخيخه ان شاء الله


اليوم الحمد لله عدى بخير ويمكن اجمل ماتوقعت كمان
ابتدى بخير وعمل الخير وانتهى بسلامى على اجمل صحبه 
وحضوناتى  وبوساتى لاخواتى البنات


بشكركم يا اهل مصر المحروسه على احلى يوم
اكتب  من ضمن ايام حياتى
بشكركم اسم اسم وفرد فرد
ربنا يديم بنا المعروف يارب ونزيد ونزيد ويزيد معانا الخير وعمل الخير
ربنا يجازيكى خير يا داليا قوس قزح انت وخالد
ويارب يجعله فى ميزانكم
وشكر اخير لمنى ابو السعود على تعبها ومجيها لغااااااااااااايه المحطه
شكرا لاخواتى وحبايبى
الحب الجميل
وعاشقه الرومانسيه
على السكه الجميله رايح جاى اربع ساعات
حكااااااااااااااااااااايه هانقعد عليهم سنه نضحك
ماتحرمش منكم ابدا






سعيده اووووووووووووى بمعرفه الناس الجديده
وسعيده اوى انى شوفت  الناس اللى اعرفها


بحبكم كلكم
كانت معكم ريتشارد قلب القطه 
مسكو 
لالالالا 
القاهره

الثلاثاء، 7 ديسمبر، 2010

سنه هجريه سعيده + شكر





صباح الفل على الكل

ربنا يخليكم ليا كللللللللللللللللللكم
اشكركم اسم اسم  على سؤالكم عليا واهتمامكم وقلقكم
 


مهما قولتلكم مش هاتعرفو دا فرق معايا اد ايه
حاسيت بأخوتكم والله سواء ناس اعرفها من مده او ناس لسه عرفها من قريب ربنا يطمنى عليكم كلكم
يمكن االلى حصلى كانت حاجه بسيطه عند كتير منكم

بس عندى كانت حاجه مهمه جدااااااااااااااااااااااا
ووجعتنى جدااااااااااااااااااااااااا
وفرقت معايا جدااااااااااااااااااااااااا
قطتى هارتى ماتت وكلنا عندنا احساس اننا فقدنا فرد من اسرتنا
حتى جيرانا واصحبنا جالهم نفس الاحساس
فى النهايه الم الفراق بيوجع ربنا مايوجعكم ولا يوجعنا فى عزيز او غالى يارب


حبيت اطمنكم عليا واشكركم على اهتمامكم
ربنا يخليكم ليا

وطبعا مش هانسى اعيد عليكم بمناسبه راس السنه الهجريه
الجميله اتمنى من الله للجميع بدايه سنه هجريه سعيده على الامه الاسلام والامه العربيه اجمع ويارب يصلح لنا الاحوال
ويتقبل منا اجمع صالح الاعمال

ان شاء الله هاسفر القاهره لوليا عمر
يوم الجمعه 10 لبؤجه الخير
ماتنسوش يا جماعه التبرع والهدوم من فضلكم
وبعدها هارجع اتابع مدونتكم اللى وحشتنى وكتابتكم اللى افتقدتها اووووووووووى 
وابتدى صفحه جديده بأذن الله 
كل سنه وانتم لله اقرب وبالحياه اسعد

الأربعاء، 1 ديسمبر، 2010

اجازه

ازيكم كلكم وحشتونى ووحشتنى كتابتكم

ياريت تعذرونى عندى ظروف ونفسيا مش مظبطه
ادعولى ربنا يهون ويعديها على خير

اسفه لاختفائى اللى فات واللى جاى شويه
حتى يقضى الله امرا كان مفعولا ونفسيا اتظبط

شكرا جدا يا محمود البحث عن حب لسؤالك عليا فى البوست اللى فات ربنا يكرمك
وشكرا جزيلا ليكم كلكم

الاثنين، 22 نوفمبر، 2010

سقعانه يا ناااااااااااااس دفونى

http://www.1st-art-gallery.com/thumbnail/106006/1/Charity-Or-The-Indigent-Family$27,-1865.jpg
سقعانه يا ناس دفونى
بالحضن الدافى غيتونى

وهوكله على الرحمن
عملك عنده يا انسان

استرنى بالفستان
ارفع عنى الحرمان

ف قلوبكم الواسعه خدونى
استرو جسمى ودفو عيونى



http://lh4.ggpht.com/akamal3/SLHw11JzNFI/AAAAAAAAAQ4/YaJswMzIrdw/bo2ga%5B5%5D.jpg

يا صباح الورد عليكم 

جايه افكركم بميعاد بؤجه الخير الشتويه
السنه اللى فاتت عملتو شغل هايل وان شاء الله السنه دى ربنا يقدر الجميع 
البوست دا نصى من عند خالد همس الاحياب
بيقول فيه
بمشيئة الله تعالى تقرر تحديد ميعاد بؤجة الخير الشتوية
الميعاد : الجمعة الموافق 10 ديسمبر 2010 
المكان : جمعية صحبة خير بمسجد زهراء مصر القديمة 
الزمان : من العاشرة والنصف صباحا امام  مقر الجمعية الكائن 20 شارع احمد خيرى فوق كافتيريا السرايا بعد محطة مترو الزهراء بحوالى 100 متر تقريبا 
دى خريطة لمحطة مترو الزهراء و لونها بالازرق اما اللون الاحمر فهو لمكان المسجد وده اسهل للناس اللى هتستخدم المترو 


فى حالة اى استفسار او حد تاه عن المكان  ممكن يتصل على الرقم ده 

0101345140
وبعد الانتهاء من تسليم البؤج وصلاة الجمعة فى أقرب مسجد سنتوجه الى مكان قريب لتناول الغذاء وغالبا هيكون فى منطقة السيدة زينب او نادى المحامين .
وفكرة البؤجة تتلخص فى الاتى 
- بما انكم طالعين من العيد واكل الفتة واللحمة عمل عمايله معاكم فبساطة كده انت وبتبدل الملابس الصيفى بالملابس الشتوى تشوف ايه اللى انت مش محتاجه منها يكون ضاق عليك او خلاص زهقت منه او موضته خلاص فات اوانها او ربنا كرمك وعامل دايت وتجمع الحاجات دى مع اى حاجة تكون مش عايزها فى بيتك ملايات - فوط - احذية - ادوات منزلية - اى حاجة انت مستغنى عنها و نروح كلنا لعشوائيات اسطبل عنتروعزبة خيرالله ونديها للناس هناك فى جمعية صحبة خير وهم بيخدوها و بيعملوا بها معرض للاسر الفقيرة و تتباع لهم الحاجات باسعار رمزية و المبلغ اللى يتجمع من المعرض بتستغله الجمعية فى عمل خيرى تانى و ده علشان الناس اللى هتتباع لهم الحاجة تحس انها اشترتها بفلوسها وانها مش متسولة.
يا ريت واحنا بنقرا البوست نفتكر انه فى الوقت اللى عندنا فيه حاجات كتير قوى مش بنحتاجها  وبنقول لنفسنا خليها مركونة يمكن نحتاج لها تاكد ان ربنا سبحانه وتعالى هيعوضك خير منها فى الدنيا والاخرة .
وكمان تخيل برد الشتاء القارص وتخيل ولو لثوان انك مكان الشخص الفقير او إن ابنك اواخوك فى مثل هذا الموقف فماذا تفعل من اجلهم ؟؟؟!!!
والتبرع ممكن يكون بأى شىء عينى او مادى او حتى معنوى بوجودكم ومشاركتكم وتشجيعكم للاخرين .
ياريت كل مدون يقدر ينزل بوست عن الموضوع يبقى جزاه الله خيراعلشان نبلغ اكبر عدد ممكن .
والدال على الخير كفاعله 
جزاكم الله خيرا


الاثنين، 15 نوفمبر، 2010

اهلا اهلا بالعيد

يارب عيد سعيد على كل اخوانى واخواتى المدونين والمدونات

والناس اللى ملحقتش اعيد عليهم فى مدونتهم لضيق وقتى ياريت يعذرونى
اتمنى للكل عيد سعيد واجازه سعيده يارب
والف مبروك لحججنا ربنا يتقبل منهم
ويرجعو بالف سلامه

كل سنه والكل بخير

الأحد، 31 أكتوبر، 2010

هى و.......... المطر

بيت المدونين انت فبيتك ........... دووووووووس هنا 


صباح يوم جديد تستيقظ قلقه من نوم عميق أثر اجهاد تنظر فى الموبايل لتجد أن الساعه
تجاوزت فقط السادسه والنصف صباحا لفت أنتباهها صوت المطر خارج غرفتها الدافئه
تستقيم جالسه ومحدثه نفسها مافيش بد شكلها كده مافيش نوم
بعد التأنق فى المرأه تتجه لعمل كوب القهوه التركى ذا الوجه السميك
تاركه اياه على النار ليستمتع بالدفء فى هذا الجو البارد متجها لغسل وجهها فهى مازلت تحاول هزم ثقل الرأس اللعين ولا شىء أفضل من غسل الوجه بالماء البارد لعمل صدمه نفسيه تششششششششششششششش
تسرع عائده لانقاذ وجه القهوه من الفوران فهى لا تحب أكثر من صاحب الوجه السميك
وتمسك الكوب متجها لجهاز الكمبيوتر الخاص بها لبدء اليوم على الانتر نت كالعاده فاتصدم صدمه تعلو فوق صدمه غسيل وجهها  
ايه دا النور أتقطع؟؟؟؟؟؟؟؟؟؟؟؟!!!!!

شد أنتباهها صوت المطر مره أخرى محدثه نفسها بصوت عالى مافضلش غير  انى أنزل وأجرى تحت المطر هى دى بقى الصدمه الكبرى أمسكت بصديقها كوب القهوه وأتجهت للبلكونه
تقف بمحازه السور محدقه فى حبات المطر بقالى كتير ماشوفتش المطر 
تستنشق الهواء البارد فاتاخذها رائحته لزمان ومكان اخرين
تنظر بطرف عينها لتلمح قطره مطر تحمل صوره لها وهى طفله عائده من المدرسه
تجرى بستمتاع تحت المطر حتى أصبحت هى والمطر واحد
تذكرت كم كانت صافيه خاليه من الهموم



بينما تلمح قطره أخرى تحمل صوره أخرى لها وهى فى الصبا والمطر يبدء بالأنهمار
فاتترك صديقتها وتجرى بستمتاع تحت المطرحتى تصبح مره أخرى هى والمطر واحد
وتتذكر رؤيتها للعالم باللون الوردى وكم كان كل شىء رقيق


و هاهى قطره أخرى تحمل صوره أخرى لها فى الشباب
وهى ممسكه بيد من عشقت وتجرى معه تحت المطر وأصبحا هما والمطر واحد


وتعاودها تلك النظره......... كم كان جميل بريق أعينهم تحت المطر  !!!


وتمنت لو أنها أستطاعت  فعل هذا مره أخرى فى منتصف عمرها حتى تملك  صوره جديده لنفسها  والمطر
تتنبه  وتفيق وقد توقف المطر  وصارت لألئه  ماء طهر كل شىء
ولازال صديقها فى يدها يتمتع بدفء بسيط
 وقد أيقنت أن كلما مر الوقت و العمر فقدنا معه أشياء كانت الأهم و  الأجمل والأطهر والأ نقى
ليحل محلها أشياء ملموسه واكثر جمود


نهايه تانيه يلا ماهو خيال بخيال والبادى اظلم وكله ببلاش


وتمنت لو أستطاعت فعل هذا مره أخرى فى منتصف عمرها حتى تملك صوره  جديده 
لنفسها والمطر
فاتترك صديقها الذى بدء التخلى عن دفئه على السور مسرعه  على درج المنزل الى الشارع وهى تجرى مستمتعه بالمطرفهى اكثر الصور سعاده لانها استطاعت التطهر من الهموم وكسرالقيود  حتى أصبحت  هى والمطر واحد
ونجحت فى أن تملك صوره جديده تجمعها مع المطر
وقد أيقنت أن لاشىء يستطيع تغير كل ماهو  مهم وجميل وطاهر ونقى 
اسفه جدا لكتاب القصص القصيره بس مجرد محاوله




بيت المدونين........ انت فبيتك.........اختار معانا اسم 

 

 






الأحد، 24 أكتوبر، 2010

اليله عيد والعريس خلالالالالالالالالالالالالالالالاص اتجوز



زمن ووقت بسرعه مر وفات
عشت معاك قصه حب بطعم الشربات
مليانه أهات الشوق واهات من الكبوات
وبسرعه مر الوقت وفات


صحيت على سنين عدت 
ليها طعم ولون
حب وجنون
وعمرها ما صدت
زعلنا كتير اتصافينا كتير
وعمرنا مانسينا أحلى الآوقات


كملتنى وكملتك
ورضينا ببعض وفهمتك
صحيح ساعات بسقط بس انت بردو
ليك سقطات
وهافضل أحبك بيها
مهما مر الوقت وفات




كل سنه وانت بالف خير يا حج
الكلمات دى هديه لحبيب الروح
الحج ريتشارد أدامه الله زخرا
للاسره والوطن الحبيب

بمناسبه الذكرى 14 لجوازنا

ياعنى بالعربى 14 سنه خدمه فى ثانوى

وكل عام والامه العربيه والاسلاميه بالخير واليمن 
 والبركااااااااااااااااااااااااااااااااااااات هارت


وطبعا كالعاده بدوخ على هديه تعجبك
يارب الاغانى اللى اخترتهالك لفريقك المفضل تعجبك
كان نفسى اجبلك برازر لوى لوى بس تصورها صعب
فاقولت نحقن الدماء ههههههههه




 التيوب دا هديه فينوس ( فيو)

الجمعة، 15 أكتوبر، 2010

اجازة + تحديث

الف مبروك لدودو عاشقه الرومانسيه
ربنا يهنيكى ويهدى سرك وعقبال الليله الكبيره ياعمى
الف مبروك لهدير اختى الانن واخت الحب الجميل
ربنا يسعدك ويرزقك الزريه الصالحه

ويسعد الكل يارب
اسفه جدا حصل عطل مفاجىء فى البوست اللى فات
وماكنش فى وقت اعدله
بس الحمد لله نزل تانى بنجاح وهاتبع الرد عليكم فى البوستين
ماتحرمش منكم يارب ربنا يفرحنى بيكم
واللى متجوز يارب يفرح بأولاده


اعذرونى هاخد اجازه بكره مش هاشفكم ويمكن بعده كمان حسب تساهيل ربنا

اخويا هايتجوزاليوم ان شاء الله

عقبال كل اخوانى واخواتى البنات والولاد ربنا يفرحتى بالجميع

الأربعاء، 13 أكتوبر، 2010

حالة وهن




مازال همسك فى أذنى يجعل جسدى 
فى ارتعاد
مازلت أسمع صوتا أتى من
بعيد فيه هجر
وبعاد

لازالت لاأقوى على القرب
أو ألابتعاد

فأنا مخدره من فرط الهوا منشيا
أترنح والشوق لك فى 
أزدياد

وأنت تقف فى زهو تتلذذ بعذابى
دون رحمه أو  أمداد


حيراتى تغرقنى وتعلو بى حتى عنان
السماء ويذداد  بداخلى
الحداد

لحظات من العقل تنعشنى  وأخرى من القلب
 تعشق هذا الآلحاد

وليس بيدى الأستسلام لك أو حتى الأستشهاد

فأنا لا أقوى على الأبتعاد

نعم لازلت لا أقوى على الأبتعاد













الخميس، 7 أكتوبر، 2010

دندنه ...............................



بالرغم من عدم استماعى كثيرا للاغانى  غير قليل من المطربين انجذب لهم وهذا نادر جدا معى الحقيقه مثل فيروز أو منير
وطبعا على رأس القائمه الرائع دائما كاظم الساهر اجمل من شدا بالقصيده فى الطرب الحديث


حاله من النشوى أعيشها عند سماع هذا الصوت فاذهب معه لعالم أخر بعيدا عن مدينتنا التى شبعت من الموت فهو الصوت الوحيد القادر على تحريك أوتار مشاعرى واحياء قلبى من جديد دائما ما أجده أرقى من أنتقى الكلمات للتعبير عن مشاعر الحب بجنونها ورقتها وقوتها وقسوتها فاعندما يشدو مبدعا بصوته الساحر بكلمات نزار قبانى الساحره يتتضاعف سحره وسحر صوته معلن عن حاله من النشوى لايساوها شىء فهو كاظم الغير كاظم لمشاعر رائعه دافئه لصوت أعمق وأصفى مايكون صوت قادر على تجسيد كلماته بمنتهى السلاسه فهو السهل الممتنع
وتظل رائعته ( انا وليلى) اجمل اغانيه وابدع الحانه بالرغم انها ليست من ابداعات نزار قبانى



من الطبيعى ان اجد من لا يحبه ولكنه سيظل صوت القلب




لكل عشاق كاظم الساهر استمتعو



الأربعاء، 6 أكتوبر، 2010

رجل الحرب والكرامه ................. صاحب الانتصار








اكرمك الله واعزك مثل ما اكرمت يوم وطنا

منذ ذهبت والتاريخ لايصافح مصرا


رحم الله 
محمد أنور السادات

اكتوبر مجيد عظيم عليكم وليكم ان شاء الله

ذكرى الاسطوره التى لا تنتهى ابدااااااااااااااااااااااااااااااا

الأحد، 3 أكتوبر، 2010

اسكندريه تااااااااااااااانى وتالت ورابع ......... انتم اجمل صحبه ورد


أنا مبسسسسسسسسسسسسسسسسسوطه
سعاده فوق ماحد يتخيلها  انا روحت البيت وبفكر لسه فى كل الناس
حبيبنا اللى انا عرفاهم وحبيبنا اللى اتعرفت عليهم
 ناس اخر 198 حاجه خفه دم وبساطه سواء من الناس اللى زيى عدو السن القانونى أو من الشباب اللى زى الورد ربنا يفرحنا بيهم كلهم بنات وولاد ياااااااااارب
اليوم ابتدا بتليفون من دودو عاشقه الرومانسيه  وظبطنا حالنا 
وكانت هى سبقانى على هناك فى انظار التجمع الحقيقه دودو هى الجندى المجهول فى التجمع علشان تلاقى مكان حلو ويليق بضيوفنا سواء من اسكندريه او القاهره كان فاضل حبه وتمشى على الحبل وهى ماسكه شمسيه بس الحمد لله
روحت الصبح الساعه 10 ونص بصحبه الحج ريتشارد اعزه الله 
وحقيقى اتفاجأت بحضور كبير من الشباب والبنات سبقونى
فى وجوه جديده  بعد السلام والتحيه والبوس والاحضان للبنات طبعا ماحدش مخه يسرح فى فيلم هندى انا بقول اهو
اول صوت جميل سمعته وانا بسلم على الناس حبيبه قلبى
علا صيدلانيه طلعه نازله أو زى مابحب أقولها لالا
مبسوطه فوق ماتتخيلى انى كلمتك وسمعت صوتك
ونفسى مره نتقابل ونتكلم كتتتتتتتتتتتتتتير يالالا
ياعالم اللقا نصيب يمكن ان شاء الله عن قريب
 حبه وكلمنى مستا او المستفز صاحب مذاكرات مريض نفسى
مستا غالى عليا جدى وبعتبره ابنى لالالالا هاكبر نفسى هو صحيح انن بس بردو اخويا الصغير هههههه كده كويس 
انت جميل يا مستا وانت بتكتب وانت بتتكلم فى التليفون



وأبتديت أتعرف لقيت ناس اعرفها باسم مدونتها وحصلى الشرف
انى قابلتها زى صاحب مدونه سو 
ومدونه رقصنى ياجدع مهيج الجماهير شكرا على المساعده ياحبيب الجماهير
وبطوط حبوب
وشاب جميل صغير ولدته السيده الفاضله صاحبه مدونه 
خيبه جروب  وان شاء الله هو كمان يكون عنده مدونته قريب
محمد التركى اللى طلع جرنا فى اخر الفيلم
ومحمد جبريل الشاب الجميل

وهشام علاء مدونه كلام هشام
حمدى واحد وخلاص بس هو مش واحد وخلاص
والمميز دائما اللى كان نفسى جدىىىىىىىىىىىىى 
اشوفه هيثم السايس ابو الهيثم زى مابحب اقوله صاحب الفردوس الضائع
وطبعا اخونا الغالى رامى صاحب بابى واللى ماكانش جه  كان هايتضرب
واحمد الصباغ اللى كتباته اروع ماتكون
والبنات  حببتى حنين القلب والغالى عمورتى حبيبى
وحنان وبنوتتها رودى القمر ربنا يحميهم
وبطتى الغاليه زهراء بالحب اتجمعنا
والجميله الحب الجميل ولولو السكره بنوتتها
وحببتى اللى وحشتنى داليا ماى كورنر بس للاسف مشيت بدرى 
 وجه علينا بناويت اسكندريه ياعنى الطعامه وخفه الدم  انجى ابراهيم وحنان الشافعى ليكم عندى قاعده ووقفه يابت
ولاول مره بقابل
مرمر اللى نورتنا وبجد سعيده بمقبلتها اوى وحبتها اوى
استاذ اسامه شريكها فى المدونه حقيقى انسان بجد احب اشكره على مجهوده
واحمد سعيد صاحب عنبر العقلاء نورت ياحمد واتمنى تتكرر
سعيده او بمعرفتك
جوجو اس اف وجوزهااخونا الفاضل
اللى نورونا بذوقهم وخفه دمهم والجو الجميل اللى عملو
ورانيا العثثثثثثثثثثثثوله اللى اسعدتنى اوى ربنا يفرحنى بيها
شيمو القمر السكره
حبه كده وطل علينا القمر ووصلو اهل القاهره الكرام
فاتيما تيما روح قلبى ورح قلب ماما
بصحبه احلى ناس بينورونا ويييييييييييا رب ينورنا على طول
خالد الجدع همس الاحباب نورتنا يا ابو همس
مصطفى ريان الجميل دائما بروحه الجميله وشخصيته 
ومعاهم موجه االبنوته الجميله اللى زودت موج اسكندريه موجه
وضياء بيوتيفول مايند المميز ديما
 والجميله اللى سعيده انى عرفتها حفيده عرابى نورتينا واتشرفنا بيكى اوووووووووووووى
وطبعااااااااااااااااااااا كلنا كنا فى انتظار  كيمو صوت من مصر علشان نضربو
بس الحقيقه صعب علينا لانه طلع جدع ولانه بردو صوت من مصر ياعنى قربنا ومايخلصناش نضربو بردو
وبصحبته اخواته البنات اللى نورونا اوى وزدونا شرف هاله وايمان
وشاب فقرى  كريم اللى نورنا مع انه على طول فى اسكندريه
حاولت فعلا مانساش حد لانهم كلهم بقو غالين عندى وبحترمهم 
من اكبرهم سن لاصغرهم سن بس حتى لو نسيت اسم فاكل الوشوش محفوره فى دماغى





فى نص القعده كلمتنا لولا النص التانى من مدونه بالحب اتجمعنا
وسعيده اوى انى سمعت صوتها وبدعلها وهافضل ادعلها على طول ربنا الكريم يا لولو ان شاء الله خير كان نفسى تبقى معانا
 بس ان شاء الله المره الجايه
وكلمتنا الصوت الجميل الغاليه نورأهاتى اللى نورت التليفون والقعده ونورتنى انا شخصيه سعادتى انها كلمتنى يا خبر
ربنا يخليكى يانور
طبعا شربنا مشروبتنا وبينى وبنكم البت دودو نقت قعده جميله على البسين أو البصاد انتو وراحتكم وبقينا بنتكلم كلنا وبنتعرف ونهزر وضحك وتليفونات هيييييييييييييييصه فى القعده
وجالنا رساله على الموبايل من استاذ حازم شلبى  اجمل ماتكون حقيقى وسمعت صوت منونه واحد شاى  الجميله الغاليه
واختى الانن السكره سويت انجيل مرموره


طبعا كان فى سرقه هاتتم لعقد فريده فى قصر المجوهرات
بس الحقيقه ربنا ماكرمناش وماكنش لينا نصيب فى السرقه دى
يلا كلها ارزاق ربنا مارداش يزعل تيمو
اتمشينا على البحر الجو اروع مايكون
ضحك مابينتهيش واتصورنا كتير ولما لقينا الوقت سرقنا قررنا نطلع على بحرى ناكل ونعمل حفله ميلاد حنين القلب ام عمر
وفعلا كان
وهناك جتلنا القمر الجميل اللى يارب معانا ومنورنا على طول 
مدام نانو  القدر وانا وبنوتتها حببتى القمر الانن واشرف الجميل
والقططين الحلوين بتوعه بس للاسف ماطولتش مشيت على طول
لو ماكنتش شوفتها كنت زعلت جدا

وكلمتنا شكشوكتى الشوكه الناعمه اللى وعدتنى لما نعمل تجمع السويس هاتمللنا السويس رز وسمك وجمبيرى لما نشوف




وعملنا عيد ميلاد جميل وهياصنا وغنينا واكلنا
كان فى جزء مننا طلع على القلعه واحنا المجموعه الاكبر فضلنا فى الزعيم


مى رحيق الورد اللى من ساعه خطوبتها مش عارفين نتلم عليها 
بس الحمد لله انى شوفتها بالف خير ربنا يفرحنى بيها

وهنا كان وصل تيمو صاحب اسف على الازعاج اللى جه فى الاخر صحيح بس كفايه انه تعب نفسه وجه وشفناه واتعرفنا عليه انسان مهذب شبه بوستاته
وبشوش الوجه
وطبعا الاسكندرانى الجميل بدراوى صاحب طعم البيوت
بعدها روحنا المرسى ابو العباس وركبنا المراجحين وما ادراك ما المراجيح والحج ركب السلسه اغلبهم الحقيقه بس انا بدوخ
فاركبت مرجيحه اطفال كده على قدى بس دوخت بردو هههههههههههه


وللاسف الاسيف هنا الوقت خلص اليوم من حلاوته كان قصير اوى كان نفسنا يبقى طول اكتر من كده
بس الاثر اللى سابه مايتمحيش طعم جميييييييييييل كأنى  أكلت نعناع ههههههههههه


تحيه لكل حبايبى اللى نورونا من اى مكان
سواء سوهاج او الشرقيه او البحيره او اوسنا 
او من الام القاهره
وتحيه لاهلى من اسكندريه 
ياشباب بنات وولاد ربنا يفرحنى بيكم يارب واسمع عنكم كل خير


ستيته ست الستات افتقدتك بس هافضل مستنيا بردو
خيخه اللى مش خيخه اللقا نصيب وان شاء الله اقابلك
علا لالا لما تنزلى اسكندريه اوعدينى تقوليلى يمكن ظروفى توفق واشوفك ان شاء الله
نور اهاتى ابقى حاولى مره والله هاتتبسطى اوعدك
فاتيما انت القمر اللى بنتجمع كلللللللللللللللللللللنا حاولين نوره
ونستمتع  شكرا ليكى




انا حسيت وانا وسطكم انى وسط اجمل صحبه ورد
البحر سعيد ومبسوط زيى  وبيغنلكم
اسكندريه  تااااااااااااااااااااااااااانى واه مالعشق يااااااااااااااااااناى
ماتنسوناش باااااااااااااااااااااااااى


رساله استاذ حازم شلبى


بيقول فيه
مساء الخير عليكم جميعا قد لا يكون اغلبكم لا يعرفنى ولكنى أعرفكم جيدا ومتابع لما تكتبون والبركة فى فاتيما والحب الجميل وكنت اتمنى ان اكون معكم لكنى معكم بروحى وقلبى ادام الله عليكم الاخوة والمودة وجمعكم دائما على الخير .. تقبلوا الود والحب والاحترام
حازم شلبى



السبت، 25 سبتمبر، 2010

تش تش تش تشش تشش ....... دا صوت البحر + تحدييييييييييييييييييييييييييييييث مهم

صباحكو فل وصباح النور والهنا على الموجدين هنا

دعوه عااااااااااااامه ودعوه خااااااااااااااصه
ان شاء الله وبأمر الله تعالى هانتجمع أحنا

وأحنا دى المقصود بيها المدونين من اسكندريه  الماريا
واهل مصر المحروسه  قاهره المعز وقاهره البشر اعزها الله واعز اهلها الكرام

تقرر التجمع يوم 2 \10 اى الثانى من اكتوبر  الموافق السبت
ان شاء الله
الدعوه عامه لكل اخونا المدونين اللى ماجوش التجمع اللى فات
وفاتهم نص عمرهم ياريت مايفتكمش النص التانى 
والدعوه خاصه لكل اخوانى اللى كانو معانا التجمع اللى فات
مش عايزه ينقص منكم واحد انتم فهمين والا تتتتتتتتتتتتتتتتتت
 انا قولت اهو
ان شاء الله  التجمع هايكون من القاهره الى اسكندريه

تم تعديل مكان التجمع من نادى البشمهندسين
لنادى دار مصر 
النادى دا جنب نادى المهندسين لازم
اوعو تتوهو وترحو حته تانيه
دا جنب دا 
نادى دار مصر يا جمااااااااااااااعه
معلش التغير لظروف خارجه عن الاراده 
هو نادى النيابه الاداريه ياعنى هانتمسك بالسرقه هانتمسك بالسرقه وربنا يستر يا جدعان 



وهانتلم كللللللللللللللنا عند نادى دار مصر
ياعنى اى حد يجى قبل الساعه 10 الصبح يستنى اؤدامه 

والجو حلو والانتظار هايكون طراوه بس ان شاء الله
مش هانتأخر عن 10 هانكون كلنا هناك  يا مسهل يارب

وبعدين هانطلع على قصر المجوهرات علشان نسرقه
اصل فاتيما روح قلب ماما  ورح قلب القطه نفسها فى العقد بتاع المليكه فريده قولتلها عينى مطوتى فى جبى وكله لعيونك يهون
 وبعدين هانطلعو على بحرى اييييييييييييييييو مراكب بقى 
وهيصه وظمبليصه  ونتغدى ونتمرجح عند المرسى ابو العباس
ونروح الشيخ وفيق اللى عمرى مارحته نعرف ايه دا مأذون ولا ايه الشيخ وفيق دا ربنا يسهل
وهانقعد على الشط ونبلبط زى البط فى الانفوشى 
واوعو تقرو وماتجوشى
الناس اللى عايزه تيجى من القاهره
تقدر تنسق مع خالد الجدع  خالد همس الاحباب
ودى التليفونات بس ياريت تنسقو بدرى معه علشان لو العدد كويس  تظبطو اتوبيس احسن

لاهل الاسكندريه

0174203724
أو 
رقم خالد همس الاحباب  للاستفسار من اهل مصر المحروسه
  0101345140
 او
لاهل الاسكندريه
 0193139198
وبنوسبه بقى بقى لسكان مدينتى  مش مدينتى بتاعت طلعت مصطفى لاء مدينتى الاسكندريه
هانكون فى انتظار اهلنا وضيونا وحبيبنا الساعه 10 امام نادى دار مصر ان شاء الله ياريت متتأخروش زى المره اللى فاتت
واروح انا والحج اول ناس عايزين اول ناس كتير
من فضلكم 
يارب يكون يوم طيب وجميل ويجعلنا فيه الخير يارب
ويحينا  احنا وانتم ان شاء الله
هاتنوروووووووووووووووووووونا